04/17/17

ဆန္ဒခံယူပွဲ ရလဒ် ကို မကျေနပ်လို့ ဆန့်ကျင့်မှုတွေ ဖြစ်ပွား
တူရကီ နိုင်ငံ မှာ အခြေခံ ဥပဒေ ပြောင်းလဲရေး အတွက် လူထုဆန္ဒ ခံယူတဲ့ ရွေးကောက်ပွဲ ကျင်းပရာ မှာ ပြောင်းလဲရေး အတွက် ထောက်ခံ တဲ့ မဲ အရေအတွက် က အသာစီးနဲ့ အနိုင် ရကြောင်း သမ္မတ ရီဂျက်ပ် တိုင်ယစ်ပ် အာဒိုဝန် က ကြေညာရင်း ဒါဟာ တူရကီရဲ့ သမိုင်းဝင် ပြောင်းလဲမှု တရပ် လို့ အီစတန်ဘူလ် က သတင်းစာ ရှင်းလင်းပွဲ မှာ ပြောပါတယ်။

အခုလို အခြေခံ ဥပဒေ ပြောင်းလဲရေး အတွက် ပြည်သူတွေ က တခဲနက် ထောက်ခံ မဲပေးခြင်း ဟာ သာမန် ပြောင်းလဲမှု တရပ် မဟုတ်ပါဘူး။ အရင် က ဆိုရင် ဥပဒေတခု ပြောင်းလဲဖို့ အရေး ကို ပါလီမန် က ဆုံးဖြတ်တာပါ။ အခုတော့ ပြည်သူတွေ က ပါလီမန် က တဆင့် ပြောင်းလဲတာ ကို မလိုလားတဲ့ အကြောင်း ပထမဆုံး သက်သေပြလိုက်ပြီ ဖြစ်တဲ့ အတွက် သမိုင်းဝင် ပြောင်းလဲမှု ဖြစ်သွားပါပြီ လို့ လည်း ပြောကြားခဲ့ပါတယ်။

ရွေးကောက်ပွဲ ဘုတ် အဖွဲ့ က လည်း ထောက်ခံတဲ့ မဲ နိုင်တဲ့ အကြောင်း အတည်ပြု လိုက်ပါပြီ။

အခုလို အခြေခံ ဥပဒေ ပြောင်းလဲခွင့် ရသွားတဲ့ အကျိုးဆက် အရ သမ္မတ မှာ အထူး အာဏာတွေ ပိုမို အသုံးချခွင့် ရမှာပါ။ အစိုးရ အဖွဲ့ ခန့်ပိုင်ခွင့်၊ ထိပ်တန်း တရားသူကြီးတွေ ခန့်အပ်ခွင့်၊ ပါလီမန် ကို ဖျက်သိမ်းခွင့် စတာတွေ ပါဝင်ပါတယ်။ ဝန်ကြီးချုပ် ရာထူး ကိုလည်း ပယ်ဖျက် နိုင်မှာ ဖြစ်ပြီး သမ္မတ ရဲ့ လက်ထဲ မှာပဲ အာဏာ အပြည့်အဝ ရှိစေမှာပါ။

သမ္မတ ရဲ့ ငါးနှစ် သက်တမ်း ကိုလည်း နှစ်ကြိမ် တိုင် အုပ်ချုပ်ပိုင်ခွင့် ပေးမှာမို့ အာဏာရှင် စနစ်ဆီ ဦးတည်နေပြီ လို့ အတိုက်အခံ ပါတီ တွေ ဘက် က ပြောသလို အဓိက အတိုက်အခံပါတီ စီအိတ်ရ်ှပီ က ဒုဥက္ကဌ အဲဒါလ် အက်စွန်းဂါး က တော့ ထောက်ခံမဲတွေ ရအောင် မဲမသမာမှု တွေ ရှိပါတယ်။ ဒါကြောင့် မို့ အခုဆိုရင် နိုင်ငံတော် အစိုးရ က တဖက်၊ ပြည်သူလူထု က တဖက် ဖြစ်သွားပါပြီ၊ နိုင်ငံ အတွက် ဘေးအန္တရာယ် ကျရောက်စေမဲ့ အနေအထား ရှိတယ်လို့ ဆိုပါတယ်။

သမ္မတ အာဒိုဝန် ကတော့ အခြေခံ ဥပဒေ အပြောင်းအလဲ လိုအပ်နေခြင်းက တူရကီ ဟာ လုံခြုရေး ဆိုင်ရာ ချိန်းခြောက်ခံရမှု နဲ့ အားအင်ချိနဲ့တဲ့ ညွန့်ပေါင်း အစိုးရ ဖွဲ့ရမှု တွေ လည်း ရှောင်ကျဉ် နိုင်ပြီမို့ ဒီအုပ်ချပ်ရေး စနစ်သစ် ဟာ ပြင်သစ်နဲ့ အမေရိကန် လို အုပ်ချုပ်ရေး စနစ် လို့ လည်း ပြောပါတယ်။

BBC Burmese
http://www.bbc.com/burmese

(နိုင်ငံတော် အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်ကို မဟာသင်္ကြန်အတက်နေ့ညနေပိုင်းက နေပြည်တော် မြနန်းဘုံသာ လမ်းထိပ်မှာရှိတဲ့ တိုက်ချီတို ရေကစားမဏ္ဍပ်မှာ တွေ့ရစဉ်) Photo:Win Ko Ko Latt/RFA
မြန်မာ့နှစ်သစ်ကူးမှာ ပျော်ရွှင်ချမ်းမြေ့ပြီး ကောင်းကျိုးလိုရာဆန္ဒတွေ ပြည့်ဝပါစေကြောင်း နိုင်ငံတော် အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်က နှစ်သစ်ဆုတောင်းစကား ပြောကြားခဲ့ပါတယ်။

မဟာသင်္ကြန်အတက်နေ့ညနေပိုင်းက နေပြည်တော် မြနန်းဘုံသာ လမ်းထိပ်မှာရှိတဲ့ တိုက်ချီတို ရေကစား မဏ္ဍပ်ကို လာရောက်စဉ် နှစ်သစ်ကူးဆုတောင်းစကား ပြောကြားခဲ့တာဖြစ်ပါတယ်။
"နှလုံးစိတ်ဝမ်း အေးချမ်းပါစေ၊ ကောင်းကျိုးလိုရာဆန္ဒအဝဝနဲ့ ပြည့်စုံကြပါစေ ဆုတောင်းပါတယ်"

တပ်မတော်ကာကွယ်ရေးဦးစီးချုပ် ဗိုလ်ချုပ်မှူးကြီး မင်းအောင်လှိုင်ကလည်း ပြင်ဦးလွင်တပ်နယ်မှာရှိတဲ့ သင်တန်းကျောင်းတွေ၊ တပ်ရင်း၊ တပ်ဖွဲ့မိသားစုတွေရဲ့ ရေသဘင်မဏ္ဍပ်တွေကို သွားရောက်ကြည့်ရှုအားပေးခဲ့ပြီး သတင်းမီဒီယာတွေကို နှစ်သစ်ကူး စကားပြောကြားခဲ့ပါတယ်။

"နိုင်ငံသူ နိုင်ငံသားအားလုံး နှစ်သစ်မှာ စိတ်သစ်ခွန်အားနဲ့ကျော်လွှားနိုင်ဖို့အတွက် အခွင့်အရေးရဖို့လည်းလိုတယ်၊ အခွင့်အရေးရအောင်လည်း ဆောင်ရွက်ပေးဖို့ တာဝန်ရှိပါတယ်၊ အဲဒီတော့ ဒီလိုရတဲ့အခွင့်အရေးပေါ်မူတည်ပြီးတော့မှ နိုင်ငံသူ နိုင်ငံသားအားလုံးကနေ နောင်လာမယ့် ၁၃၇ဝ ခုနှစ်မှာလည်း ကျော်လွှားနိုင်ပါစေလို့ ဆုမွန်ကောင်းတောင်းပါတယ်၊ နောက်တစ်ခုကလည်း ငြိမ်းချမ်းရေးပေါ့၊ ငြိမ်းချမ်းရေး အရေးကြီးပါတယ်၊ တိုင်းပြည်ငြိမ်းချမ်းမှ တိုင်းပြည်တိုးတက်မှာဖြစ်ပါတယ်၊ ဒါကြောင့် အဲဒီခုနကပြောတဲ့ ခွန်အားတွေနဲ့အတူ ငြိမ်းချမ်းရေးကိုလည်း ရအောင်ကြိုးစားသွားကြဖို့ကိုလည်း ဆုမွန်ကောင်းတောင်းပါတယ်"

ဗိုလ်ချုပ်မှူးကြီး မင်းအောင်လှိုင်နဲ့ ဇနီးတို့က တပ်မတော်နည်းပညာတက္ကသိုလ် ရေသဘင်မဏ္ဍပ်မှာ နှစ်သစ်ကူး ဆုမွန် စကားပြောကြားခဲ့တာဖြစ်ကြောင်း သူ့ရဲ့ Facebook စာမျက်နှာမှာ ဖေါ်ပြထားပါတယ်။

RFA Burmese
https://www.facebook.com/rfaburmese/

 မြောက်ကိုရီးယားရဲ့ လုပ်ရပ်တွေက ခြိမ်းခြောက်မှု အဖြစ် တရုတ် နိုင်ငံ ကလည်း လက်ခံ
မြောက်ကိုရီးယား နိုင်ငံက နျူကလီးယား လက်နက် နဲ့ ခြိမ်းခြောက် မှုတွေ လုပ်နေ ကြောင်း ကမ္ဘာ့ နိုင်ငံ အတော်များများ က လက်ခံ ထားကြကြောင်း အမေရိကန် သမ္မတ ရဲ့ အမျိုးသား လုံခြုံရေး ဆိုင်ရာ အကြံပေးက ပြောပါတယ်။

အခုဆိုရင် မြောက်ကိုရီးယားရဲ့ လုပ်ရပ်တွေက ခြိမ်းခြောက်မှု အဖြစ် တရုတ် နိုင်ငံ ကလည်း လက်ခံ ခဲ့ကြောင်း အမျိုးသား လုံခြုံရေး အကြံပေး မက် မက်စတာ က ပြောပါတယ်။

ဒါ့ အပြင် ဧပြီလ ၁၆ရက်နေ့ က လုပ်ခဲ့တဲ့ မအောင်မမြင် ဖြစ်ခဲ့ရတဲ့ မြောက်ကို ရီးယား နိုင်ငံရဲ့ ဒုံးကျည် စမ်းသပ်မှု ဟာလည်း ဒေသတွင်းမှာ မတည် မငြိမ် ဖြစ်အောင် အကြိမ်ကြိမ် ရန်စ တဲ့ လုပ်ရပ် ဖြစ်ကြောင်း၊ ဒီလုပ်ရပ်တွေ ဆက်လက် ဖြစ်ပွားမှာ ကို လက်မခံ နိုင်ဘူးလို့ ပြောပါတယ်။

ပြီးတော့ မြောက်ကိုရီးယား ရဲ့ နျူကလီးယား နဲ့ ခြိမ်းခြောက်မှုတွေ ရပ်တန့် ရေး အတွက် တရုတ် နဲ့ အမေရိကန် ပူးပေါင်း ဆောင်ရွက် သွားမှာ ဖြစ်တယ်လို့လည်း မက် မက်စတာ က ပြောပါတယ်။

မြောက်ကိုရီးယား နိုင်ငံရဲ့ အဓိက မဟာမိတ် ဖြစ် တဲ့ တရုတ် နိုင်ငံ နဲ့ ပူးပေါင်း ဆောင်ရွက်မှုတွေ ရှိကြောင်း ပြီးခဲ့တဲ့ ရက်တွေတုန်း က အမေရိကန် သမ္မတ က ထုတ်ဖော် ပြောကြား ထားပါတယ်။

BBC Burmese
http://www.bbc.com/burmese


(၂၀၁၇ ခုနှစ်၊ ဧပြီလ ၁၇

နိုင်ငံသူ နိုင်ငံသားများ -

မြန်မာ့ရိုးရာနှစ်သစ်မင်္ဂလာ အခါသမယမှာ ပြည်ထောင်စု မြန်မာနိုင်ငံတစ်ဝန်းလုံးမှာ ရောက်ရှိနေကြတဲ့ နိုင်ငံသူ နိုင်ငံသားအားလုံး၊ အကြောင်းအမျိုးမျိုးကြောင့် ရပ်ဝေးမြေခြားတိုင်းတစ်ပါးမှာ ရောက်ရှိနေကြတဲ့ မြန်မာနိုင်ငံသူ နိုင်ငံသားအားလုံး နှစ်သစ်မှာ စိတ်၏ ချမ်းသာခြင်း၊ ကိုယ်၏ကျန်းမာခြင်းနဲ့ ပြည့်စုံကြပါစေလို့ ဆုမွန်ကောင်း တောင်းရင်း နှုတ်ခွန်းဆက်သလိုက်ပါတယ်။

နှစ်သစ်ရောက်တဲ့အခါတိုင်းမှာ ပြီးခဲ့တဲ့နှစ်ကို ပြန်ပြောင်းသတိရဆင်ခြင်သုံးသပ်ပြီး ရှေ့တစ်နှစ်တာ ဆက်လက် လျှောက်လှမ်းရမယ့် ခရီးအတွက် ဆောင်ရွက်ဖွယ်ရာများကို ကြံဆတွေးတောပြီး အားသစ်ခွန်သစ်တွေ မွေးကြရစမြဲပါ။

တစ်နှစ်တာကျော်လွန်ခဲ့ပြီးဖြစ်တဲ့ ကျွန်တော်တို့အစိုးရသစ်ရဲ့ လမ်းခရီးမှာ အောင်မြင်မှုတွေရှိခဲ့သလို ရှေ့မှာ စိန်ခေါ် မှုတွေလည်း ဆက်လက်ရင်ဆိုင်ကျော်လွှားရဦးမှာ ဖြစ်ပါတယ်။

နိုင်ငံတော်အစိုးရအနေနဲ့ အမျိုးသားရင်ကြားစေ့ရေး၊ ပြည်တွင်းငြိမ်းချမ်းရေး၊ ဒီမိုကရေစီဖက်ဒရယ်ပြည်ထောင်စု ဖြစ်ပေါ်ရေးကို ရှေးရှုတဲ့ ဖွဲ့စည်းပုံအခြေခံ ဥပဒေသစ်တစ်ရပ် ပေါ်ပေါက်ရေးတို့ကို အကောင်အထည်ဖော် ဆောင်ရွက်တဲ့ နေရာမှာ လုပ်ငန်းသဘောသဘာဝအရ အလွန်နူးညံ့သိမ်မွေ့တဲ့အတွက်ကြောင့် သတိကြီးစွာနဲ့ အစစအရာရာမှာ အထူးသတိထား ဆောင်ရွက်နေရပါတယ်။

ငြိမ်းချမ်းရေးအတွက် နိုင်ငံတော်က ကြိုးပမ်းနေတဲ့အချိန်မှာ ဒီနိုင်ငံရေး ဖြစ်စဉ်ကြီးအတွက် ပြည်သူတွေက စေတနာနဲ့ထည့်ဝင်လှူဒါန်းငွေ သန်းထောင် ပေါင်းများစွာကို လက်ခံရရှိခဲ့ပါတယ်။ ဒါဟာ ရှေ့ဆက်ရမယ့် ခရီးအတွက် အားရ ဖွယ်ရာ ဖြစ်ပါတယ်။ ပြည်သူတွေရဲ့အလှူဟာ ဘာကိုပြသလဲဆိုရင်၊ ပြည်သူတွေဟာ ငြိမ်းချမ်းရေးရဖို့ ဘယ်လောက်ဆာလောင် မွတ်သိပ်နေကြတယ်၊ ငြိမ်းချမ်းတဲ့ဘ၀ ကို ဘယ်လောက်လိုချင်နေကြတယ်၊ ငြိမ်းချမ်းရေး ဖြစ်စဉ်မှာ နိုင်ငံတော်ရဲ့ အတိုင် ပင်ခံပုဂ္ဂိုလ် ဦးဆောင်ပြီး လူထုလူတန်းစားအဖွဲ့အစည်းအသီးသီးနဲ့ ဆွေးနွေး ညှိနှိုင်းအဖြေရှာ နေကြတဲ့အပေါ်မှာ ဘယ်လောက်ယုံကြည်အားထားမှုရှိတယ် ဆိုတာကို ပြသနေတာဖြစ်ပါတယ်။ ဒါကြောင့်လည်း ဒီနှစ်အတွင်းမှာ ပြည်သူတွေ အတွက် ဝမ်းမြောက်ဖွယ်ရာ ရလဒ်ကောင်းများ ရရှိလိမ့်မယ်လို့ မျှော်လင့်မိပါ တယ်။

ပြည်သူအများရဲ့ လူနေမှုဘ၀ တိုးတက်မြင့်မားရေးကို ဆောင်ရွက်တဲ့နေရာ မှာလည်း အားပေးကူညီချင်တဲ့ နိုင်ငံအစိုးရများ၊ နိုင်ငံတကာ အဖွဲ့အစည်းများဟာ အထောက်အပံ့၊ ချေးငွေ၊ နည်းပညာအကူအညီစတာတွေကို သိသာထင်ရှားစွာ တိုးမြှင့်ပေးလာကြတာကို တွေ့ မြင်ရပါတယ်။ ဒါ့အပြင် နိုင်ငံတော်အစိုးရရဲ့ စီးပွား ရေးမူဝါဒ၊ ရင်းနှီးမြှုပ်နှံမှု ဥပဒေသစ်ကြောင့်လည်း ပြည်ပပုဂ္ဂလိက လုပ်ငန်းရှင်တွေရဲ့ ရင်းနှီးမြှုပ်နှံမှုတွေ တိုးတက်ဝင်ရောက်လာမယ်လို့ မျှော်လင့်ရပါတယ်။

ဒီနေရာမှာ ပြည်သူတွေကို အသိပေးပြောကြားလိုတာ တစ်ခုတော့ရှိပါတယ်။ အဲဒါက နိုင်ငံတော်အစိုးရအနေနဲ့ ပြည်ပနိုင်ငံအဖွဲ့အစည်းတွေရဲ့ အထောက်အပံ့ အကူအညီတွေရရှိတဲ့နေရာမှာ ထောက်ပံ့ရရှိငွေကို တိုင်းပြည်အတွက်၊ ပြည်သူတွေ အတွက် အကောင်းဆုံးဖြစ်အောင် ဘယ်လိုအသုံးချမယ်ဆိုတာ အလေးထားပြီး ရွေးချယ်ဆောင်ရွက်ရတာ ဖြစ်ပါတယ်။

နိုင်ငံတော်ရဲ့ ဘဏ္ဍာငွေ၊ ပြည်ပချေးငွေ စသည်တို့နဲ့ လုပ်ငန်းစီမံကိန်းတစ်ခုကို အကောင်အထည်ဖော်တော့မယ်ဆိုရင် အထူးပြောဖွယ်ရာမရှိတော့ပါ။ လုပ်ငန်း စီမံကိန်းတစ်ခု အကောင်အထည်ဖော်ဆောင်ရွက်မယ်ဆိုရင် ရှေးဦးစွာ အဲဒီ လုပ်ငန်းစီမံကိန်းအတွက် ဖြစ်မြောက်နိုင်စွမ်းလေ့လာမှုလုပ်ရပါတယ်၊ အဲဒါက အဓိကကျပါတယ်။

လုပ်ငန်းပမာဏနဲ့ လုပ်ငန်းသဘောသဘာဝ အရ၊ ဒီလိုဖြစ်မြောက်နိုင်စွမ်း လေ့လာမှုတစ်ခုဟာ လပိုင်းအတွင်း အဖြေရနိုင်သလို တချို့က နှစ်နဲ့ချီပြီး ကြာ တတ်ပါတယ်။ အဲဒီရရှိလာတဲ့ ဖြစ်မြောက်နိုင်စွမ်း လေ့လာသုံးသပ်မှုအပေါ် အခြေ ခံပြီး လုပ်ငန်းများကို စတင် အကောင်အထည်ဖော်ရပါတယ်။

ဒါကြောင့်မို့ နှစ်ပိုင်းအတွင်း အကောင်အထည်ဖော်နိုင်တဲ့ လုပ်ငန်းများရှိသလို နှစ်အတော်ကြာမှ အကောင်အထည်ဖော်နိုင်တဲ့ လုပ်ငန်းများလည်းရှိပါတယ်။ အဲဒီ အတွက်ကြောင့်လည်း လုပ်ငန်းစီမံကိန်းသစ်တွေရဲ့ ကောင်းကျိုးရလဒ်တွေကို နှစ်ပိုင်းအတွင်း တွေ့ မြင်ခံစားနိုင်ဖို့ဆိုတာ မလွယ်ကူပါဘူး။

ယူသင့်ယူထိုက်တဲ့ အချိန်ယူလေ့လာမှုကို မပြုလုပ်ခဲ့ရင် ကောင်းကျိုးထက် အပြစ်တွေက များတတ်ပါတယ်။ ပြည်သူ့ဘဏ္ဍာငွေ လေလွင့်ပြုန်းတီးမှုဖြစ်ပြီး နိုင်ငံတော်အပေါ် မှာလည်း ဝန်ထုပ်ဝန်ပိုးကြီး ကျရောက်စေပါတယ်။ သက်သေသာဓက တစ်ခုအနေနဲ့ ပြောရမယ်ဆိုရင် နိုင်ငံတော်က တာဝန်ယူလုပ်ကိုင်နေတဲ့ စီမံကိန်း များစွာအနက်က ပြည်သူ့ဘဏ္ဍာငွေ လေလွင့်ပြုန်းတီးမှု ဆက်လက်မဖြစ်စေရေး အတွက် လုပ်ငန်းစီမံကိန်းငါးခုကို လုံးဝပိတ်သိမ်းဖို့နဲ့ လုပ်ငန်းစီမံကိန်း ၂၈ ခုကို လတ်တလော ရပ်ဆိုင်းထားဖို့ မတ်လအတွင်း ဒုတိယအကြိမ် ပြည်ထောင်စုလွှတ်တော် စတုတ္ထ ပုံမှန်အစည်းအဝေးက အတည်ပြု အဆုံးအဖြတ်ပေးခဲ့ရတဲ့ဖြစ်ရပ်ပဲ ဖြစ်ပါတယ်။

ဒါကြောင့်မို့ ဒီနေရာမှာ လူနေမှုဘ၀အခက်အခဲများစွာကို ရင်ဆိုင်ရုန်းကန် ဖြတ်ကျော်နေတဲ့ကြားက နိုင်ငံတော်အစိုးရအပေါ် ယုံကြည် စိတ်ရှည်စွာနဲ့ နားလည်မှု ပေးနေတဲ့ ပြည်သူလူထုတစ်ရပ်လုံးကို ကျွန်တော့်အနေနဲ့ အထူးကျေးဇူးတင်ပါ ကြောင်းကို အလေးအနက်ပြောကြားလိုပါတယ်။ အခြေအနေအရပ်ရပ်ကို ခြုံငုံ သုံးသပ်မယ်ဆိုရင်၊ ကျွန်တော်တို့အစိုးရဟာ ပြည်သူတွေရဲ့ နားလည်လက်ခံမှုကို ရရှိပြီး၊ ပြည်သူတွေရဲ့ မျှော်လင့်ချက်ကို ဖြည့်ဆည်းပေးနိုင်ဖို့ ဆက်လက်ကြိုးပမ်း ဆောင်ရွက်နေတာကို တွေ့ရမှာဖြစ်ပါတယ်။

ဒီကနေ့ က္ဘာ့ရေးရာ အခြေအနေတွေကို လေ့လာကြည့်မယ်ဆိုရင်လည်း မူဝါဒရေးရာ အပြောင်းအလဲနဲ့ ဦးတည်ရာ အပြောင်းအလဲတွေကို ကြုံတွေ့ ဖြတ်သန်း နေရပါတယ်။ မြန်မာနိုင်ငံအနေနဲ့ ဒီမိုကရေစီ အသွင်ကူးပြောင်းရေးကို ကြိုးစား လျှောက်လှမ်းနေရပေမယ့် မျှော်လင့်အားထားစရာ အကောင်းဆုံးအနေအထား တစ်ခုကို ရောက်ရှိနေပြီ ဖြစ်ပါတယ်။ အမျိုးသားရင် ကြားစေ့ရေးနဲ့ ငြိမ်းချမ်းရေးအတွက် ဒီမိုကရေစီဖက်ဒရယ်ပြည်ထောင်စုသည်သာ တစ်ခုတည်းသော အဖြေဖြစ်တဲ့အတွက် ကျွန်တော်တို့အားလုံး စိတ်ဝမ်းမကွဲ ဆိုးတူကောင်းဖက် ဒီလမ်းကြောင်းကို လက်တွဲ လျှောက်လှမ်းနိုင်ကြမယ်ဆိုရင် အများပြည်သူတွေ မျှော်လင့်စောင့်စား နေတဲ့ ငြိမ်းချမ်းရေးဆိုတဲ့ခရီးဟာ မည်မျှပင် ခက်ခဲကြမ်းတမ်းပါစေ၊ မကြာမီမှာ ကျွန်တော်တို့ ပန်းတိုင်ကိုရောက်အောင် အောင်မြင်စွာ လျှောက်လှမ်းနိုင်မယ်လို့ ယုံကြည်ပါ တယ်။

တိုင်းရင်းသားမျိုးနွယ်စုပေါင်း တစ်ရာကျော် မှီတင်းနေထိုင်တဲ့ ကျွန်တော်တို့ရဲ့ ပြည်ထောင်စုကြီးမှာ မတူကွဲပြားမှုတွေကို ပေါင်းစည်းပြီး အင်အားတစ်ရပ်အဖြစ် ရောက်ရှိလာအောင် ကြိုးပမ်းသွားကြရမှာဖြစ်ပါတယ်။ ငြိမ်းချမ်းတဲ့ ဘာသာတရားရဲ့ အဆုံးအမ၊ ရိုးသားပြီး မြင့်မြတ်တဲ့ စာရိတ္တ၊ ယဉ်ကျေးပြီး သဟဇာတဖြစ်တဲ့ ဓလေ့ တွေနဲ့ ဖက်ဒရယ် အလေ့အကျင့်ကောင်းတွေ ပြုစုပျိုးထောင်သွားကြရမှာဖြစ်ပါ တယ်။ ဖက်ဒရယ်ဆိုတာ မတူကွဲပြားမှုတွေကို လိုက်လျောညီထွေ ပေါင်းစည်းပြီး ညီညွတ်မှုအင်အားကို တည်ဆောက်ခြင်းပဲဖြစ်ပါတယ်။

၂၀၁၇ ခုနှစ်ကို ငြိမ်းချမ်းရေးနှစ်အဖြစ် မျှော်မှန်းထားတဲ့အတိုင်း ပြည်သူများ အတွက် ဝမ်းမြောက်ဖွယ်ရာ ရလဒ်ကောင်းတွေ ဆောင်ကြဉ်းလာနိုင်မယ်လို့ မျှော်လင့်ထားပါတယ်။ ပြင်ဆင်ပြောင်းလဲထားတဲ့ စီးပွားရေးနယ်ပယ် အခင်းအကျင်း တွေအရလည်း စီးပွားရေးတိုးတက်မှုတွေ သိသိသာသာ ရရှိလာနိုင်မယ်လို့လည်း မျှော်လင့်ထားပါတယ်။

စိတ်ရှည်သည်းခံ စောင့်ဆိုင်းနေကြတဲ့ ကျွန်တော်တို့ရဲ့ ပြည်သူနဲ့အတူ နှစ်သစ် မှာ ဆတက်ထမ်းပိုး တိုးတက်ကောင်းမွန် လာအောင်လည်း ကြိုးစားသွားကြ မှာဖြစ်ပါတယ်။ ပြည်သူတွေကလည်း ကျွန်တော်တို့နဲ့အတူ လက်တွဲမဖြုတ်ဘဲ ဆက်လက်ပြီး ပူးပေါင်းပါဝင်ဆောင်ရွက်သွားကြပါလို့ အလေးအနက် ပန်ကြား လိုပါတယ်။

မင်္ဂလာရှိတဲ့ အခုလို နှစ်သစ်မှာ နိုင်ငံသူ နိုင်ငံသားအပေါင်း ကျန်းမာချမ်းသာ ကြပြီး ကောင်းသောလိုအင်ဆန္ဒများ ပြည့်ဝကြပါစေလို့ ဆုမွန်ကောင်း တောင်းလိုက် ပါတယ်။

Myanmar President Office
https://www.facebook.com/myanmarpresidentoffice.gov.mm/


မိုးလေဝသသတင်း အမှတ်စဉ်(၁၀)၊၂၀၁၇ မိုးလေဝသအခြေအနေ

(က) ယနေ့မြန်မာစံတော်ချိန် (၀၆:၃၀)နာရီအချိန် တိုင်းထွာချက်များအရ ဘင်္ဂလားပင်လယ် အော်အရှေ့အလယ်ပိုင်းတွင် ဖြစ်ပေါ်ခဲ့သော ဆိုင်ကလုန်းမုန်တိုင်း “မာရသာ” (Maarutha) သည် ရခိုင်ကမ်းရိုးတန်း ဒေသ၊ သံတွဲမြို့အနီးမှ ဖြတ်ကျော်ဝင်ရောက်ခဲ့ပြီး၊ ကုန်းတွင်း မုန်တိုင်းငယ် အဆင့်မှ လေဖိအားနည်းရပ်ဝန်းအဖြစ်သို့ အားပျော့သွားပြီ ဖြစ်ပါသည်။

(ခ) အဆိုပါ လေဖိအားနည်းရပ်ဝန်း၏ အရှိန်ကြောင့် ယနေ့နံနက်မှ နောက်(၂၄)နာရီအတွင်း နေပြည်တော်၊ မန္တလေးတိုင်းဒေသကြီး၊ စစ်ကိုင်းတိုင်းဒေသကြီးအောက်ပိုင်း၊ မကွေးတိုင်း ဒေသကြီး၊ ပဲခူး တိုင်းဒေသကြီး၊ ရန်ကုန်တိုင်းဒေသကြီး၊ ဧရာဝတီတိုင်းဒေသကြီး၊ တနင်္သာရီတိုင်းဒေသကြီး၊ ရှမ်းပြည်နယ်၊ ကယားပြည်နယ်၊ ကရင် ပြည်နယ်နှင့် မွန် ပြည်နယ်တို့တွင် နေရာစိပ်စိပ်မှ နေရာအနှံ့အပြား၊ စစ်ကိုင်းတိုင်းဒေသကြီးအထက်ပိုင်း၊ ကချင်ပြည်နယ်၊ ချင်းပြည်နယ်နှင့် ရခိုင်ပြည်နယ်တို့တွင် နေရာကျဲကျဲ မိုးထစ်ချုန်း ရွာပြီး၊ နေပြည်တော်၊ မန္တလေးတိုင်းဒေသကြီး၊ မကွေးတိုင်းဒေသကြီး၊ ရန်ကုန်တိုင်း ဒေသကြီး၊ ဧရာဝတီတိုင်းဒေသကြီးနှင့် တနင်္သာရီတိုင်းဒေသကြီးတို့တွင် ဒေသ အလိုက် နှင့် စစ်ကိုင်းတိုင်းဒေသကြီးအောက်ပိုင်း၊ ပဲခူးတိုင်းဒေသကြီး၊ ကရင်ပြည်နယ်နှင့် မွန်ပြည်နယ်တို့တွင် နေရာကွက်၍ မိုးကြီးနိုင်ပါသည်။

မိုးလေဝသနှင့်ဇလဗေဒညွှန်ကြားမှုဦးစီးဌာန



 ပုပ်ရဟန်းမင်းကြီးဟာ အရှေ့အလယ်ပိုင်း၊ အာဖရိကနဲ့ ကမ္ဘာတလွှားက ပဋိပက္ခဖြစ်တဲ့ နေရာတွေမှာ ငြိမ်းချမ်းရေး ရဖို့အတွက်ကိုလည်း ဆုတောင်းခဲ့
ကမ္ဘာ့ခေါင်းဆောင်တွေ အနေနဲ့ ပဋိပက္ခတွေ ပြန့်နှံ့နေတာကို ရပ်ဆိုင်းရာမှာ သတ္တိရှိရှိလုပ်ဖို့လိုပြီး လက်နက်ရောင်းဝယ်မှုတွေကိုလည်း ရပ်ကြဖို့လိုကြောင်း ပုပ်ရဟန်းမင်းကြီး ဖရန်စစ် က ပြောဆိုလိုက်ပါတယ်။

ပုပ်ရဟန်မင်းကြီးရဲ့ အီစတာ တနင်္ဂနွေနေ့မှာ ပြောဆိုနေကျဖြစ်တဲ့ 'ဗာတီကန်မြို့နဲ့တကွ ကမ္ဘာသူ ကမ္ဘာသားတွေကို ရည်စူးတဲ့ သြဝါဒ' လို့ အမည်ရတဲ့ မိန့်ခွန်းထဲမှာ ဆီးရီးယားက အရပ်သားတွေ ကြုံနေရတဲ့ ပြည်တွင်းစစ် ဒုက္ခဆိုးတွေကိုလည်း ထည့်သွင်း ပြောဆိုလိုက်ပြီး အထူးသဖြင့် စနေနေ့က ဖြစ်ပွားခဲ့တဲ့ ဆီးရီးယား အရပ်သား ကယ်ဆယ်ရေး ယာဉ်တန်း တိုက်ခိုက်ခံရမှုကိုလည်း ထွက်ပြေးနေရတဲ့ ဒုက္ခသည်တွေကို ရက်ရက်စက်စက် ကျူးလွန်မှုအဖြစ် ရည်ညွှန်းပြောဆိုခဲ့ပါတယ်။

ခရစ်ယာန်တို့ရဲ့ အီစတာ အထိမ်းအမှတ် ဆင်နွှဲဖို့အတွက် အီတလီနိုင်ငံ ရောမမြို့က စိန့်ပီတာ ရင်ပြင်ကို လူတွေ ထောင်ချီရောက်ရှိခဲ့ပြီး အဲဒီ ပရိတ်သတ်တွေကို ပုပ်ရဟန်းမင်းကြီးက အီစတာ သြဝါဒ မိန့်ခွန်းပြောခဲ့တာ ဖြစ်ပါတယ်။

ခရစ်ယာန်ဘာသာဝင်တွေက အီစတာ တနင်္ဂနွေအဖြစ် စုဝေးကြတဲ့ ပွဲဟာ ခရစ်တော် ယေရှုက ပြန်လည် ရှင်သန် ထမြောက်လာတဲ့နေ့ကို ဂုဏ်ပြုတဲ့ ပွဲ ဖြစ်ပါတယ်။
ပုပ်ရဟန်းမင်းကြီးဟာ အရှေ့အလယ်ပိုင်း၊ အာဖရိကနဲ့ ကမ္ဘာတလွှားက ပဋိပက္ခဖြစ်တဲ့ နေရာတွေမှာ ငြိမ်းချမ်းရေး ရဖို့အတွက်ကိုလည်း ဆုတောင်းခဲ့ပါတယ်။

ပုပ်ရဟန်းမင်းရဲ့ အစောပိုင်း ပြောဆိုမှုတွေမှာလည်း လက်ရှိ ရွှေ့ပြောင်းသွားလာနေရတဲ့ ဒုက္ခသည်တွေရဲ့ ပြဿနာတွေကို ပြောဆိုခဲ့ပြီး သူတို့ရဲ့ အခက်အခဲ ပြေလည်ရေးမှာ အစိုးရဌာနဆိုင်ရာ အဆင့်ဆင့်ရဲ့ အတည်ပြုမှု လိုအပ်တဲ့ ဗျူရိုကရက်ဆန်မှုတွေကြောင့်လည်း ဒုက္ခသည်တွေ အခက်အခဲဖြစ်နေရတယ်လို့ ပြောဆိုခဲ့ပါတယ်။

ခရစ်ယာန်ဘာသာဝင်တွေက အီစတာ တနင်္ဂနွေအဖြစ် စုဝေးကြတဲ့ ပွဲဟာ ခရစ်တော် ယေရှုက ပြန်လည် ရှင်သန် ထမြောက်လာတဲ့နေ့ကို ဂုဏ်ပြုတဲ့ ပွဲလည်း ဖြစ်ပါတယ်။

BBC Burmese
http://www.bbc.com/burmese



ကိုဝေယံဟိန်းကို သူနေထိုင်ရာ တိုက်ခန်း အတွင်းမှာ ထိုးသွင်း ဒဏ်ရာ တွေ နဲ့ သေဆုံး နေတာ ကို တွေ့ရှိရ
သံမဏိ နှင်းဆီ ဂျာနယ် အယ်ဒီတာ ကိုဝေယံဟိန်း ကို ဗိုလ်တထောင်ဈေးလမ်း က သူ့ရုံးခန်းမှာ ဧပြီလ ၁၆ ရက်နေ့ သင်္ကြန် အတက်နေ့ မနက်က ဝမ်းဗိုက်မှာ ဒဏ်ရာ တွေနဲ့ သေဆုံးနေတာ ကို တွေ့ရှိခဲ့ပါတယ်။

ပတ်ဝန်းကျင်မှာ အနံ့ တွေ ထွက် နေလို့ ဘေးအိမ်ကနေပြီး မိဘတွေ ကို အကြောင်းကြား တဲ့ အတွက် ဝင်ရောက် ရှာဖွေတဲ့ အခါမှာ သေဆုံး နေတာ ကို တွေ့ရှိခဲ့ရတာ ဖြစ်ကြောင်း ဖခင် ဖြစ်သူ ဦးစိန်အုပ် က ပြောပါတယ်။

ညာဘက် ဝမ်းဗိုက်မှာ ထိုးသွင်း ဒဏ်ရာ ၁၅ ချက်လောက် တွေ့ရှိရတယ်လို့ ဖခင် ဖြစ်သူ က ပြောပါတယ်။

လောလောဆယ်မှာ အလောင်းကို ရင်ခွဲ စစ်ဆေးဖို့ ဆေးရုံကြီး ကို ပို့ထားရပါတယ်။ ဆေးစာ ရမှ လိုအပ်တဲ့ စစ်ဆေးမှုတွေ ဆက်လက် ဆောင်ရွက်မယ်လို့ ရဲတပ်ဖွဲ့ က ပြောပါတယ်။

ကိုဝေယံဟိန်း က လူတိုင်းနဲ့ သင့်တင့်အောင် ပေါင်းသင်း တတ်သူ ဖြစ်ပြီး ရန်ငြိုးရန်စ ရှိတယ်လို့ မကြားဘူးကြောင်း ဖခင် ဖြစ်သူ ဦးစိန်အုပ် က ဘီဘီစီ ကို ပြောပါတယ်။

သံမဏီ နှင်းဆီ ဂျာနယ် ကို ထုတ်ဝေသူ အဖြစ်လုပ်ကိုင်ခဲ့တာ တစ်နှစ်ကျော်ခန့် ရှိပြီလို့ သိရပါတယ်။ ဂျာနယ်ပါ အရေးအသား တွေနဲ့ ပတ်သက်ပြီး ပြဿနာ တစုံတရာ ရှိတယ်လို့ မကြားဘူး ကြောင်းလည်း ဖခင် ဖြစ်သူက ပြောပါတယ်။

သေဆုံးတာ လေးငါးရက်ခန့် ကြာမြင့်နေပြီလို့ ခန့်မှန်း ရပြီး ပတ်ဝန်းကျင်က တဆင့် မိဘ တွေဆီကို အသိပေး အကြောင်းကြားမှ အလုပ်လုပ် နေထိုင် ရာ တိုက်ခန်း အတွင်းမှာ ထိုးသွင်း ဒဏ်ရာ တွေ နဲ့ သေဆုံး နေတာ ကို တွေ့ရှိရတာ ဖြစ်ပါတယ်။

ရုံးခန်း ထဲမှာ ကိုဝေယံဟိန်း ကိုင်ဆောင်နေကျ လက်ကိုင်ဖုန်း ကို ရှာဖွေ တွေ့ရှိရ ခြင်း မရှိဘူးလို့ ဦးစိန်အုပ် က ပြောပါတယ်။ ကိုဝေယံဟိန်း က သူရိယ နေဝန်း ဂျာနယ် နဲ့ စာနယ်ဇင်း အလုပ်တွေ စတင် ဆောင်ရွက်ခဲ့သူ ဖြစ်ပြီး သူရိယနေဝန်း ဂျာနယ် ထုတ်ဝေသူ ကိုမိုးဟိန်း ရဲ့ တူတော်စပ်သူပါ။

သင်္ကြန်ကာလ ဂျာနယ် အလုပ်ခန်း ပိတ်ထားတဲ့ အတွက် ကွန်ပျူတာ အသုံးပြုတာ၊ အီးမေးလ် ပို့တာတွေလည်း မတွေ့ရဘူးလို့ ဖခင် ဖြစ်သူက ပြောပါတယ်။ ဘာဖြစ်ခဲ့ တယ် ဆိုတဲ့ သဲလွန်စ ရနိုင်စရာ ကတော့ သူ့ရဲ့ ဖုန်းတစ်ခု ပဲ ရှိတယ်လို့ ဦးစိန်အုပ်က ပြောပါတယ်။

ဧပြီလ ၁၁ ရက်နေ့မှာ ကိုဝေယံဟိန်း နဲ့ မိသားစုဝင်တွေ နောက်ဆုံး အဆက် အသွယ် ရခဲ့ပြီး၊ ဧပြီလ ၁၆ ရက်နေ့မှာ သေဆုံး နေတာ ကို ရှာဖွေ တွေ့ ရှိခဲ့ရတာ ဖြစ်ပါတယ်။

လောလောဆယ်မှာ ဂျာနယ်တိုက် ဖွင့်လှစ် ထားတဲ့ တိုက်ခန်း ကို ရဲတပ်ဖွဲ့ က လုံခြုံရေး အစောင့်အရှောက် ပေးထားတယ်လို့ သိရပါတယ်။

အခု အမှုကို ပုဇွန်တောင် မြို့နယ် ရဲစခန်း က လူသတ်မှု ပုဒ်မ ၃၀၂ နဲ့ မြို့နယ် ရဲတပ်ဖွဲ့မှူး ကိုယ်တိုင် ဉီးဆောင်ပြီး စုံစမ်း စစ်ဆေး နေကြောင်း သိရှိရပါတယ်။

BBC Burmese
http://www.bbc.com/burmese


Waiting for Green Light !

ဆိုင်ကလုန်း မာရသာ နောက်ဆုံးအခြေအနေ

မုန်တိုင်းဟာ သံတွဲနားမှာ ဝေ့ဝဲနေပြီး သိတ်မရွေ့လျားသေးပါ။ လေတိုက်နှုန်းကတော့ ကျသွားပါပြီ။

သံတွဲမှာ တစ်နာရီ ၂၅ - ၃၀ မိုင်လောက်သာ ရှိပါတော့တယ်။

ကျောက်ဖြူဘက်မှာတော့ မိုင် ၂၀ နှုန်း လောက်ရှိကြောင်း သိရပါတယ်။

Tropical Storm ဖြစ်တဲ့အတွက် မုန်တိုင်းတွေက ညဘက်အေးရင်သိပ်ပြီး မရွေ့လျားဘူး လို့ သိရပါတယ်။

Wind circulation က ကျန်နေသေးတဲ့ အတွက် Green Light ပေးဖို့ Save ဖြစ်ဖို့ စိတ်မချရသေးပါ။ စောင့်ကြည့်နေတဲ့ အခြေအနေ ဖြစ်ပါတယ်။

လက်ရှိအချိန်အထိ ပျက်စီး ဆုံးရှုံးမှု ကြီးကြီးမားမား မကြားရသေးပါဘူး။

မကွေး၊ မင်းဘူးမှာတော့ လေစတိုက်နေပြီ ဆိုတာ သိရပါတယ်။

သံတွဲနား ဝဲနေတဲ့ wind အကုန်ဝင်သွားရင်တော့ Green Light ပေးလို့ရပြီ လို့ သိရပါတယ်။ သတိ ဆက်ရှိဖို့ လိုနေပါသေးတယ်။

တပ်မတော် ရေတပ်က အဖွဲ့တွေနဲ့ အဆက်အသွယ်ရတော့ မိုင်(၃၀) လောက်တိုက်နေသေးတယ်ပြောကြောင်း သိရပါတယ်။ လေတိုက်နှုန်းကတော့ နည်းနည်းကျသွားပြီ ဖြစ်ကြောင်း သိရှိရပါတယ်။

အားလုံး ဘေးရန် ကင်းကြပါစေ။

Ref - မိုးဇလ
State Counsellor Office Information Committee



သင်္ကြန်အတက်နေ့ ရန်ကုန် မြင်ကွင်း
မဟာသင်္ကြန်နောက်ဆုံးရက် ဒီကနေ့မှာတော့ မိုးရွာသွန်းတဲ့ကြားကပဲ ရန်ကုန်မြို့ နေရာတချို့မှာ လူတွေ ရေကစားကြသလို၊ မန္တလေးမြို့က လမ်းလျှောက်သင်္ကြန် မှာလည်း အတော်စည်းကားခဲ့ပါတယ်။ ဒါပေမယ့် ၂၀၁၇ ဒီနှစ် သင်္ကြန်မှာတော့ အနည်းဆုံးလူ ၁၄ ဦးသေဆုံးခဲ့ပြီး ရာနဲ့ချီ ထိခိုက်ဒဏ်ရာ ရခဲ့ပါတယ်။ ဒီအကြောင်းကိုတော့ ကိုဉာဏ်ဝင်းအောင်က ပြောပြမှာပါ။

သင်္ကြန်အတွင်း မုန်တိုင်းဝင်နိုင်တယ်လို့ သတိပေးထားတဲ့အတိုင်း သင်္ကြန်အတက်နေ့ ဒီနေ့မှာတော့ ရန်ကုန်မြို့မှာ မိုးအတော် ရွာသွန်းခဲ့ပြီး ရန်ကုန်မြို့တော်ခန်းမ မဏ္ဍပ်ဆိုရင် အစောကြီး ရပ်နားလိုက်ရတယ်လို့ ဒီနေ့ရန်ကုန်သင်္ကြန် အခြေအနေကို လှည့်ပတ်ကြည့်ရှု ခဲ့တဲ့ VOA သတင်းထောက် ကိုထက်အောင်ခန့်က ပြောပါတယ်။

“ရန်ကုန်မြို့ကတော့ မနက်ကတည်းကနေပြီးတော့ မိုးရွာတယ် ၊မိုးရွာတော့ လူတွေထွက်လည်ကြတယ် ၊ တချို့တွေကတော့ ထီးဆောင်ပြီး လည်ကြတာရှိတယ်။ ရန်ပွဲတွေဘာတွေတော့ မတွေ့ရဘူး ဆင်ခြေဖုံးရပ်ကွက်တွေမှာတော့ရေထွက်ပတ်တဲ့လူတွေနည်းသွားတယ်။ ရန်ကုန်မှာလည်း လေတွေတိုက်တဲ့အတွက် ဓါတ်တိုင်တွေလဲတာတွေရှိတယ် ၊ မီးလည်းပျက်တယ်။မဏ္ဍပ်ဆိုရင် ရန်ကုန်မြို့တော်ခန်းမမဏ္ဍပ်ကတော့ ဒီနေ့ကတော့ စောစောပိတ်သွားတယ်။”

ရန်ကုန်မြို့က သင်္ကြန်ကာတခုလုံးကို ခြုံကြည့်ရင် မနှစ်ကလောက် ရေကစားမဏ္ဍ မများပဲ ပိတ်ပင်ခဲ့တဲ့အပေါ် လူငယ်တွေကြား ဝေဖန်မှုတွေ ရှိပေမဲ့ မှုခင်းပိုင်းဆိုင်ရာ လျှော့နည်းခဲ့တဲ့ အပေါ်မှာတော့ အကောင်းမြင်တာတွေလည်း ရှိတယ်လို့ ကိုထက်အောင်ခန့်က သုံးသပ်ပါတယ်။

“ရန်ကုန်မှာက ပြီးခဲ့တဲ့ နှစ်ကလောက်တော့ မဏ္ဍပ်နည်းသွားတယ်လို့ပြောလို့ရပေမယ့်၊ စည်ကား တယ်လို့ပြောလို့ရပါတယ်။အဓိက စည်းကားတာက မြို့တော်ခန်းမရယ် ၊ ပြည်လမ်းရယ်၊ MEP အဖွဲ့ရှေ့မှာလည်း မဏ္ဍပ်တခုရှိမယ်၊ ပြီးတော့ one Entertainment အဲဒီနေရာတွေမှာ အဓိကစည်ကားတယ်ခင်ဗျ။ တခုကတော့ မဏ္ဍပ်တွေပိတ်လိုက်တဲ့အတွက် ပျော်ဖို့နေရာတွေနည်းသွားတဲ့အတွက် လူငယ်အများစုကတော့ ဝေဖန်မှုတွေရှိပါတယ်ခင်ဗျ ၊ ဒါပေမယ့် လူကြီးတွေကတော့ မဏ္ဍပ်တွေပိတ်လိုက်တဲ့အတွက် ရန်ပွဲတွေနည်းသွားတယ်။ ခိုက်ရန်ဖြစ်တာတွေမရှိတော့ဘူး လူသေဆုံးမှုတွေ နည်းသွားတယ်ဆိုပြီးတော့ အကောင်းဘက် မြင်တာတွေလည်း ရှိပါတယ်။”

မဟာသင်္ကြန်နောက်ဆုံးရက် မန္တလေးမြို့က အခြေအနေကိုတော့ အဲဒီမှာရောက်နေတဲ့ VOA ၀ိုင်းတော်သား ကိုအောင်အောင်က ခုလိုပြောပြ ပါတယ်။

“ဒီနေ့က သင်္ကြန် အတက်နေ့ နောက်မြန်မာပြည်မှာ မုန်တိုင်းကလည်း ၀င်မယ်ဖြစ်တဲ့အတွက် မန္တလေးမှာလည်းတော်တော်လေး မိုတွေ အုံ့နေတာပေ့ါနော် ၊ မိုးလည်းရွာတယ် ။ ဒါပေမယ့် မန္တလေးမှာလည်း သင်္ကြန်နောက်ဆုံးနေ့ဖြစ်တဲ့အခါကျတော့ စည်စည်ကားကားတော့ရှိတယ်။ ဒီလမ်းလျှောက်သင်္ကြန်ကျင်းပတဲ့ ၂၆ လမ်းတလျှောက်မှာလည်း အခုကတော့ တော်တော်လေး စည်စည်ကားကားတော့ရှိတယ်။ ဆိုတော့ ညဘက် နည်းနည်းမှောင်စပျိုးတဲ့အချိန်မှာမှ သင်္ကြန်ပိတ်ပွဲက စမှာဆိုတော့ သင်္ကြန်ပိတ်ပွဲကျင်းပမယ့်အခါ လာကြမယ့် သံချပ်ကားတွေ၊ မြို့မ ငန်းအဖွဲ့တို့ဘာတို့ကတော့ အခုလောလောဆယ်တော့ မြို့ထဲမှာ လှည့်ပြီးတော့ ဖျော်ဖြေနေကြတုန်းပဲ။”

ဒီနှစ် မန္တလေးမြို့မှာ လမ်းလျှောက်သင်္ကြန်ဆိုပြီး လုပ်လိုက်တာကြောင့် သင်္ကြန်နဲ့ ကင်းကွာနေသူတွေတောင် ပါဝင်ဆင်နွှဲတဲ့ အခြေအနေ ဖြစ်လာတယ်လို့ ကိုအောင်အောင်က သုံးသပ်ပါတယ်။

“ဒီနှစ် မန္တလေးသင်္ကြန်မှာကတော့ ထူးထူးခြားခြားလို့ပြောလို့ရတယ်။ ဘာဖြစ်လို့လဲဆိုတော့ အရင်နှစ်က သင်္ကြန်ဖွင့်ပွဲစပြီးဖွင့်ကတည်းက ညနေဘက်မှာဖွင့်တယ်။ နန်းတွင်းစစ်တပ်က သီးခြားဖွဲ့ပွဲလုပ်တယ်။ ပြီးတော့မှ မန္တလေးမြို့က မဏ္ဍပ် က ထပ်ပြီးတော့ ဖွင့်ပွဲလုပ်တယ်။ ဒီနှစ်ကတော့ စပြီးဖွင့်ပွဲလုပ်ကတည်းက မနက်ပိုင်းမှာ စလုပ်တယ်။ ဒီနှစ် သင်္ကြန်မှာကတော့ ထူးထူးခြားခြားလို့ပြောလို့ရတဲ လူတွေပဲ လမ်းလျှောက်ပြီးတော့ သင်္ကြန်ပွဲဆင်နွဲကြတာပေါ့ခင်ဗျ ၊ လမ်းတလျှောက်မှာလည်း စတုတီတာကျွေးတာတွေရှိတယ်။ တိုင်းရင်းသားအဖွဲ့တွေရဲ့ မဏ္ဍပ်တွေရှိတယ် ဆိုတော့ အခုလိုမျိုး လမ်းလျှောက်သင်္ကြန်ကျင်းပလိုက်တဲ့အတွက် သင်္ကြန်ပွဲနဲ့ ကင်းကင်းနေတဲ့လူတွေတောင်မှ လမ်းလျှောက်သင်္ကြန်ပွဲကို ပါဝင်ပြီး ဆင်နွဲတယ်လို့ပြောလို့ရတယ်။”

ဒီနှစ်မှာ သင်္ကြန်တွင်း မုန်တိုင်းကြောင့် အပူဒဏ်ကို သိပ်မခံစားကြရသလို တချို့ဒေသတွေမှာ မိုးရွာသွန်းပြီး လေပြင်း တိုက်ခတ်မှုဒဏ် ခံရ တာမို့ အဆောက်အဦးတွေ ပျက်စီးခဲ့ရပါတယ်။ ဒီနှစ် သင်္ကြန်ကာလအတွင်း မူးယစ်သောက်စားပြီး စည်းကမ်း မလိုက်နာတာတွေ၊ ယာဉ်တိုက် မှုနဲ့ ယာဉ်တိမ်းမှောက် မှုတွေကြောင့် သင်္ကြန်အကြို၊ အကျ၊ အကြတ် (၃)ရက်အတွင်း သေဆုံးသူ အနည်းဆုံး (၁၄)ဦးနဲ့ ဒဏ်ရာရသူ (၁၅၂)ဦးရှိပြီး ပြစ်မှုပေါင်း (၁၄၇)မှုဖြစ်ပွားခဲ့တယ်လို့ အစိုးရက ဒီနေ့ သတင်းထုတ်ပြန်ခဲ့ပါတယ်။

ကိုဉာဏ်ဝင်းအောင်  / ဗွီအိုအေ (မြန်မာပိုင်း)
http://burmese.voanews.com

Author Name

Contact Form

Name

Email *

Message *

Powered by Blogger.