04/18/17

ဒေါက်တာ Sanduk Ruit နဲ့ ဒေါက်တာ Geoff Tabin တို့နှစ်ဦး နီပေါလ်နိုင်ငံမှာ မျက်စိအတွင်းတိမ်လူနာတဦးကြည့်ရှုနေစဉ် (ဓါတ်ပုံ- the Himalayan Cataract Project )
မြန်မာနိုင်ငံမှာ မျက်စိအတွင်းတိမ်ရောဂါကြောင့် မျက်စိကွယ်နေသူပေါင်း ၅၀၀ ကျော်ကို ၂၀၁၆ခုနှစ်က အောင်မြင်စွာခွဲစိတ်ကုသပေးနိုင်ခဲ့တဲ့ အမေရိကန် မျက်စိအထူးကုဆရာဝန်ကြီး Geoffrey Tabin က အာရှ နိုင်ငံတွေထဲ မျက်စိအတွင်းတိမ်ရောဂါ အဖြစ်အများဆုံးနိုင်ငံထဲမှာ မြန်မာနိုင်ငံပါဝင်နေကြောင်း ဗွီအိုအေကို ပြောပါတယ်။

သူဟာ နီပေါ မျက်စိအထူးကုဆရာဝန်ကြီး Sanduk Ruit နဲ့တွဲဖက်ပြီး the Himalayan Cataract Project လို့ခေါ်တဲ့ ဟိမ၀န္တာ မျက်စိအတွင်းတိမ် အထူးကုစီမံကိန်း ကို တည်ထောင်ပြီး မြန်မာ၊ မြောက်ကိုရီးယား၊ အီသီယိုပီးယားစတဲ့ နိုင်ငံပေါင်း ၂၄ နိုင်ငံကျော်က မျက်စိကွယ်နေသူပေါင်း ၁၅၀, ၀၀၀ ကျော်ကို ပြန်ပြီးမြင်လာအောင် ခွဲစိတ်ကုသပေးနိုင်ခဲ့ပါတယ်။

မအင်ကြင်းနိုင်က အပြည့်အစုံကို ဆက်လက်တင်ပြမှာပါ။

အမေရိကန်ပြည်ထောင်စု CBS ရုပ်သံသတင်းဌာနက အပတ်စဉ်ထုတ်လွှင့်နေတဲ့ မိနစ် (၆၀) အစီအစဉ်ကနေ မြန်မာနိုင်ငံမှာ မျက်စိအတွင်းတိမ်ကြောင့် မျက်စိကွယ်နေသူတွေကို သွားရောက်ပြီး အခမဲ့ ခွဲစိတ်ကုသပေးတဲ့ မျက်စိအထူးကုဆရာဝန်ကြီး ၂ ဦးအကြောင်းကို တနင်္ဂနွေနေ့က ထုတ်လွှင့်ပြသခဲ့ပါတယ်။

နီပေါ မျက်စိအထူးကုဆရာဝန်ကြီး Sanduk Ruit နဲ့အတူ အမေရိကန် မျက်စိအထူးကုဆရာဝန်ကြီး Geoffrey Tabin တို့နှစ်ဦးဟာ မျက်စိအတွင်းတိမ် အဖြစ်များဆုံး ရှမ်းပြည် တောင်ကြီးမြို့မှာ လေးရက်အတွင်း အတွင်းတိမ်ဖြစ်နေသူ လူနာပေါင်း (၅၆၀) ကျော်ကို မျက်စိပြန်မြင်လာအောင် ခွဲစိတ်ကုသပေးနိုင်ကြောင်း ရိုက်ကူးတင်ပြထားပါတယ်။ သူတို့နှစ်ဦးဟာ မြန်မာနိုင်ငံ အမျိုးသားမျက်စိအထူးကုဌာနကတဆင့် မြန်မာနိုင်ငံက ဆရာဝန်တွေကို သင်တန်းပေးရင်း မျက်စိကွယ်နေသူတွေကို ခွဲစိတ်ကုသပေးခဲ့ပုံကို ဒေါက်တာ Geoffrey Tabin က အခုလို ဗွီအိုအေကို ပြောပြပါတယ်။

“မြန်မာနိုင်ငံဟာ အာရှမှာ တိမ်ကြောင့် မျက်စိကွယ်နှုန်း အများဆုံး နိုင်ငံတွေထဲမှာ တခု အပါအ၀င် ဖြစ်ပါတယ်။ မြန်မာနိုင်ငံမှာ ဆရာဝန်တွေက သိပ်တော်ကြပေမယ့် သူတို့က ပြည်ပမှာ ဒီပညာကို လေ့လာခွင့်ရကြတာပါ။ ဒါကြောင့် ကျနော်တို့က မြန်မာနိုင်ငံက မျက်စိ အထူးကု ဒေါက်တာ အေးချမ်းကို နီပေါကိုခေါ်ပြီး မျက်စိ ခွဲစိပ်မှုကို သင်တန်းပေးပါတယ်။ သူ့ရဲ့ သင်တန်းအပြီးမှာ သူက မြန်မာနိုင်ငံကို ပြန်ပြီး လူနာတွေကို စစ်ဆေးပါတယ်။ ကျနော်တို့ ရန်ကုန်မှာ မျက်စိ အထူးကု သင်တန်းဖွင့်ပြီး မျက်စိတိမ် ခွဲစိပ်မှုလဲ လေ့ကျင့်ပေးပါတယ်။ ဒီသတင်တန်းသားတွေနဲ့အတူ ကျနော်တို့ ရှမ်းပြည်နယ်၊ တောင်ကြီးမြို့ကိုသွားပြီး တိမ်ကြောင့် မျက်စိ လုံးဝကွယ်ခဲ့တဲ့ လူပေါင်း ၅၀၀ ကျော်ကို ခွဲစိပ် ကုသပေးခဲ့ပါတယ်။ ကျနော်နဲ့ ဒေါက်တာ Ruit အပါအ၀င် မြန်မာဆရာဝန်တွေ၊ သူနာပြုတွေအဖွဲ့က လူပေါင်း ၅၆၀ ကို တပတ်အတွင်း ခွဲစိပ် ကုသပေးခဲ့ပြီး မျက်စိ အလင်းပြန်ရစေခဲ့ပါတယ်။”

ဒေါက်တာ Tabin နဲ့ ဒေါက်တာ Ruit တို့နှစ်ဦး တည်ထောင်ထားတဲ့ ဟိမ၀န္တာ မျက်စိအတွင်းတိမ် အထူးကုစီမံကိန်းကနေ “အမှောင်ကနေ အလင်းဆောင်” ဆိုတဲ့ ရည်မှန်းချက်နဲ့ မြန်မာနိုင်ငံမှာ အတွင်းတိမ်ကြောင့် မျက်စိကွယ်နေသူတဦးချင်းစီကို မိနစ်အနည်းငယ်အတွင်း အခမဲ့ခွဲစိတ်ကုသပေးခဲ့ကြတာဖြစ်ပါတယ်။

သူတို့နှစ်ဦးဟာ မြန်မာနိုင်ငံလို ဖွံဖြိုးဆဲနိုင်ငံတွေကို သွားရောက်ပြီး အခမဲ့ မျက်စိခွဲစိတ်ကုသပေးသလို၊ နေရပ်ရင်းနိုင်ငံတွေက ဆရာဝန်တွေကိုလည်း ထပ်ဆင့်သင်တန်းပေးပြီး လေ့ကျင့်ပေးခဲ့တဲ့အတွက် အဲဒီဆရာဝန်တွေကတဆင့် အတွင်းတိမ်လူနာပေါင်း လေးသန်းကျော်ကို ခွဲစိတ်ကုသပေးနိုင်ခဲ့ကြပါတယ်။

ဒေါက်တာ Tabin ဟာ အမေရိကန်ပြည်ထောင်စု Utah တက္ကသိုလ်မှာ မျက်စိအထူးကုဆရာဝန်အဖြစ် သင်ကြားပို့ချနေသလို၊ ကမ္ဘာကျော်တက္ကသိုလ်တွေဖြစ်တဲ့ ဟားဗတ်၊ ရေးလ်၊ အောက်စဖို့ တို့ကနေ ထူးချွန်စွာအောင်မြင်ခဲသူတဦးဖြစ်ပါတယ်။ ဒါအပြင် ကမ္ဘာ့အမြင့်ဆုံးတောင်အများ အပြားကိုလည်း တက်နိုင်ခဲ့သူတဦးလည်းဖြစ်ပါတယ်။ သူ့အနေနဲ့ အခုလို မျက်စိရောဂါနဲ့ပတ်သက်ပြီး ပရဟိတလုပ်ငန်းမှာ ပါဝင်လာတဲ့အကြောင်းအရင်းကို ဗွီအိုအေကို အခုလိုပြောပါတယ်။

“ကျနော် အခုလို မျက်စိခွဲစိပ် ကုသပေးဖို့ စေတနာ့ဝန်ထမ်းစိတ် ပေါ်လာတာကတော့ ကျနော့် မိဘတွေ၊ အဖိုး အဖွားတွေကြောင့်လဲ ဖြစ်နိုင်ပါတယ်။ ကျနော့်အနေနဲ့ ဒီဆေးပညာသင်ကြားတာက အပြောင်းအလဲကို ဖော်ဆောင်လိုတဲ့အတွက်ပါပဲ။ နီပေါမှာ ဒေါက်တာ Ruit လုပ်ကိုင်နေတာ မြင်ရတော့ ကျနော်ရဲ့ ရည်မှန်းချက် အကောင်အထည် ဖော်ဖို့ လမ်းပွင့်သွားခဲ့ပါတယ်။ သိပ်ကို အကူအညီလိုအပ်တဲ့ လူအတော်များများရဲ့ ဘ၀ကို ပြောင်းလဲစေနိုင်ခဲ့ပါတယ်။”

အလားတူ မျက်စိအတွင်းတိမ် အထူးကုစီမံကိန်းကို ဒေါက်တာ Tabin နဲ့အတူ တွဲဖက်တည်ထောင်ခဲ့တဲ့ နီပေါ မျက်စိအထူးကုဆရာဝန်ကြီး ဒေါက်တာ Sanduk Ruit ကတော့ ဆင်းရဲတဲ့ နီပေါမိဘနှစ်ဦးကနေ အထူးကုဆရာဝန်ကြီး ဖြစ်လာအောင်ကြိုးစားခဲ့ရတဲ့ အကြောင်းအရင်းမှာ ညီမဖြစ်သူဟာ အဆုပ်ရောဂါနဲ့ သူ့ရှေ့မှာတင် သေဆုံးခဲ့တဲ့အတွက် ဆရာဝန်ရမယ်ဆိုတဲ့ ဆုံးဖြတ်ချက်ကို အခိုင်အမာ ချခဲ့ကြောင်း CBS နဲ့ တွေ့ဆုံခန်းမှာ ပြောပြခဲ့ပါတယ်။

ဟိမ၀န္တာ မျက်စိအတွင်းတိမ် အထူးကုစီမံကိန်းကို နီပေါနိုင်ငံ Tilganga မြို့မှာ အခြေစိုက်ပြီး အဲဒီမှာ အတွင်းတိမ်ကြောင့် မျက်စိကွယ်နေသူတွေအတွက် အစားထိုးကုသတဲ့ မျက်လွှာအတု ထုတ်လုပ်နိုင်အောင် ပြုလုပ်ထားပါတယ်။ ဒေါက်တာ Ruit ရဲ့ အခုလို တီထွင်တဲ့ နည်းပညာကြောင့် မျက်စိခွဲစိတ်ကုသမှု စုစုပေါင်း ဒေါ်လာ ၂၀ ပဲကုန်ကျပါတယ်။

Monks sit among a group of people waiting to remove their bandages following cataract surgery. Himalayan Cataract Project
အခုလို မျက်စိအထူးကုဆရာဝန်ကြီးတွေရဲ့ အခမဲ့ခွဲစိတ်ကုသပေးတဲ့အစီအစဉ်ဟာ မြန်မာနိုင်ငံအတွက် အလွန်အကျိူးရှိပြီး ထိရောက်မှုရှိကြောင့် အမေရိကန်အခြေစိုက် မြန်မာဆရာဝန် ဒေါက်တာတင့်ဆွေက ပြောပါတယ်။

“အခုလို မျက်စိ အတွင်းတိမ်ကို ခွဲစိတ်ကုသပေးတာဟာ အင်မတန်မှကောင်းပြီးတော့ မြန်မာနိုင်ငံမှာ တော်တော့်ကိုလိုအပ်နေတယ်လို့ ကျနေ်ာယူဆတယ်ခင်ဗျ။ မျက်စိ မှာ တိမ် ၃ မျိုးရှိတယ်ခင်ဗျ ၊ ကျနေ်ာတို့ အပြင်တိမ်ရယ် ၊ အတွင်းတိမ်ရယ် ရေတိမ်ရယ် လို့ခေါ်ပါတယ် အခုသိရသလောက်ကတော့ cataract လို့ခေါ်တာကတော့ အတွင်းတိမ် ၊ တခါ မျက်စိရောဂါသည်မှာ မျက်စိကွယ်ရခြင်းအကြောင်းမှာလည်း အများဆုံးဖြစ်တဲ့ရောဂါတခုပါပဲ ။ မြန်မာနိုင်ငံမှာလည်း တော်တော် များများရှိတယ် နိုင်ငံတကာမှာလည်း ရှိတယ်ပေါ့နော်။ မြန်မာနိုင်ငံမှာကတော့ အသက်အရွယ်အရ တချို့က အရွယ်ရလာရင်ပိုပြီးတော့ ဖြစ်ကြတဲ့ အတွင်းတိမ်ဖြစ်ပါတယ်။ အဲဒါကို ကျနေ်ာတို့ ခွဲစိတ်ကုသပြီးတော့ မှန်ဘီလူးအသစ်အတုပေါ့နော် အစားထိုးရင်တော့ လူကောင်းလိုပဲ ပြန်ဖြစ်နိုင်ပါတယ် ဒါကတော့ အင်မတန်မှ လိုအပ်ပါတယ်။”

မြန်မာ အပါအ၀င် ဖွံဖြိုးဆဲနိုင်ငံတွေမှာ မျက်စိမမြင်တဲ့သူတယောက်သက်တမ်းဟာ လူ့သက်တမ်းရဲ့ သုံးပုံတပုံ လောက်ပဲနေရပြီး မျက်စိမမြင်တဲ့ကလေးဆိုရင် သူရဲ့သက်တမ်းဟာ ငါးနှစ်ပဲရှိတယ်လို့ ဒေါက်တာ Geoffrey Tabin ဂျက်ဖရေ တာဘင် ကပြောပါတယ်။ သူ့အနေနဲ့ မြန်မာနိုင်ငံမှာ ခွဲစိတ်ကုသခဲ့တဲ့ အတွေ့အကြုံကို ဗွီအိုအေကို အခုလိုပြောပြပါတယ်။

“မျက်စိမမြင်ရတဲ့လူတွေအတွက် ၀န်ဆောင်မှုလုပ်ငန်းတွေ မရှိတဲ့ မြန်မာလို နိုင်ငံမျိုးမှာ မျက်စိ မမြင်ရင် ဘ၀မှာ ရည်တည်လို့ သိပ်ခက်ခဲ့ပါတယ်။ နှစ်ပေါင်းများစွာ မျက်စိကွယ်ခဲ့ပြီး ပြန်မြင်ကြတော့ သူတို့တတွေ သိပ်ကို ပျော်ရွှင်ကြပါတယ်။ စိတ်ချမ်းသာစရာ သိပ်ကောင်းပါတယ်။ ကျနော်တို့ ပရဟိတ လုပ်ငန်းကို ကမ္ဘာ့ တခြားနေရာတွေကိုလည်း တိုးချဲ့ဖို့ ကြိုးစားနေပါတယ်။”

ဟိမ၀န္တာ မျက်စိအတွင်းတိမ် အထူးကုစီမံကိန်းကို နိုင်ငံတကာအလှုရှင်တွေ ပါဝင်လှုဒါန်းကြပြီး အခုဆိုရင် MacArhur Foundation က လှူဒါန်းမယ့် အမေရိကန်ဒေါ်လာ သန်း ၁၀၀အတွက် လျောက်ထားသူအဖွဲ့ပေါင်း ၁၉၀၀ ထဲက စကာတင် ၈ဖွဲ့ထဲမှာ ပါဝင်နေပါတယ်။

အင်ကြင်းနိုင်  / ဗွီအိုအေ (မြန်မာပိုင်း)
http://burmese.voanews.com


တူရကီနိုင်ငံမှာ တနင်္ဂနွေနေ့က ကျင်းပခဲ့တဲ့ လူထုဆန္ဒခံယူပွဲရဲ့ လွတ်လပ်မျှတမှုအပေါ် နိုင်ငံတကာ စောင့်ကြည့် လေ့လာသူတွေက မေးခွန်းထုတ်လိုက်ကြပါတယ်။ လက်ရှိလွှတ်တော်အုပ်ချုပ်မှုစနစ်ကနေ အုပ်ချုပ်မှုအာဏာအားလုံးကို သမ္မတကထိန်းချုပ်မယ့် စနစ်ပြောင်းရေး ဆန္ဒခံယူပွဲမှာ စနစ်သစ်ကိုပြောင်းလဲဖို့ ထောက်ခံသူတွေဖက်က ကပ်ပြီးအနိုင်ရသွားခဲ့ပြီးနောက် မဲပြန်လည်ရေတွက်ဖို့ ကန့်ကွက်သူတွေက တောင်းဆိုနေကြပါတယ်။

ကန့်ကွက်သူတွေဘက်က မဲဆွယ် စည်းရုံးမှုတွေ လုပ်ဆောင်တဲ့နေရာမှာ လွတ်လပ်စွာ ပြောဆိုခွင့် မရှိတာအပြင်၊ ခြိမ်းချောက်ခံရတာ၊ သတင်းမီဒီယာတွေမှာ ဖော်ပြခွင့်မရတာ စတဲ့ အခက်အခဲတွေနဲ့ ရင်ဆိုင်ခဲ့ရတယ်လို့ ဥရောပတိုက် လုံခြုံရေးနဲ့ ပူးပေါင်း ဆောင်ရွက်ရေး OSCE အဖွဲ့စောင့်ကြည့် လေ့လာသူတွေက အန်ကာရာမြို့မှာ ကျင်းပတဲ့ သတင်းစာရှင်းလင်းပွဲမှာ ပြောကြားခဲ့ကြပါတယ်။

ဒါ့အပြင် သမ္မတ Recep Tayyip Erdogan ဟာအစိုးရအရင်းအမြစ်တွေကို ဆန္ဒခံယူပွဲအနိုင်ရရေးအတွက် အလွဲသုံးစားလုပ်ခဲ့တယ်လို့လည်း OSCE က စွပ်စွဲခဲ့ပါတယ်။ ရွေးကောက်ပွဲ တရားဝင်အမှတ်တံဆိပ်မပါတဲ့ မဲပြားတွေနဲ့ မဲထည့်ခွင့်ပြုခဲ့တဲ့ အငြင်းပွားစရာဆုံးဖြတ်ချက်ကိုလည်း ဝေဖန်ခဲ့ပါတယ်။ လူထုဆန္ဒခံယူပွဲဟာ နိုင်ငံတကာ စံချိန် စံညွန်းတွေနဲ့ ကိုက်ညီခြင်း မရှိဘူးလို့ OSCE အဖွဲ့ရဲ့ တွေ့ရှိခဲ့ချက်အပေါ် စိတ်မကောင်းဖြစ်ရကြောင်း တူရကီနိုင်ငံခြားရေး ၀န်ကြီးဌာနက ကြေညာချက် ထုတ်ပြန်ပါတယ်။ ဒါပေမဲ့ တွေ့ရှိချက်တွေအပေါ် တူရကီအစိုးရက လက်မခံနိုင်ဘူးလို့ဆိုပြီး OSCE ဟာ နိုင်ငံရေးအရ ဘက်လိုက်တယ်လို့လည်း ပြန်ပြီးစွပ်စွဲခဲ့ပါတယ်။

ဆန္ဒခံယူပွဲမှာ စနစ်သစ်ကိုပြောင်းဖို့လိုလားတဲ့ဖက်က ၅၁% ကျော်မဲရပြီး ကန့်ကွက်တဲ့ဖက်ကမဲ ၄၉% ရရှိခဲ့ပါတယ်။ တူရကီပြည်သူတွေရဲ့ဆုံးဖြတ်ချက်ကို လေးစားပေမဲ့ သမ္မတအာဒိုဝမ်အနေနဲ့ အပြောင်းအလဲတွေကို အကောင်ထည်ဖော်ရေးကို ဆိုင်းထားမယ်လို့ မျှော်လင့်ကြောင်း ဥရောပခေါင်းဆောင်တွေက ပြောကြားခဲ့ကြပါတယ်။

ဗွီအိုအေ (မြန်မာပိုင်း)
http://burmese.voanews.com

 

အမေရိကန် က တိုက်ခိုက်မှုတွေ လုပ်ဖို့ စစ်ရေး ပြင်ဆင်မှုတွေ လုပ်ပြီ ဆိုတာနဲ့ လက်ဉီးမှု ရအောင် နျူကလီးယား လက်နက်နဲ့ တိုက်ခိုက် သွားမယ်လို့ မြောက်ကိုရီးယား အစိုးရ ထိပ်တန်း ခေါင်းဆောင် တစ်ဉီး က ပြောပါတယ်။ 

နိင်ငံတကာ သတင်း ကတော့ မြောက်ကိုးရီးယား အစိုးရ ရဲ့ ဒုတိယ နိုင်ငံခြားရေး ဝန်ကြီး ဟန်ဆင်းဂ် ယားလ် နဲ့ ဘီဘီစီ သတင်းထောက် ဂျွန်ဆာဒ်ဝေါ့သ် တို့ တွေ့ဆုံ မေးမြန်းခွင့် ရတဲ့ အခါမှာ မြောက်ကိုးရီးယား အစိုးရ ရဲ့ သဘောထား ကို ပြတ်ပြတ်သားသားပဲ သတိပေး စကား ပြောသွားတာပါ။ 

အမေရိကန် နဲ့ မြောက်ကိုးရီးယား အကြား ဖြစ်ပွားနေတဲ့ တင်းမာမှု ကို အမေရိကန် ဘက် က စစ်ရေးအရ မဆင်မခြင် အသုံးပြုမယ် ဆိုရင်တော့ ကျနော်တို့ဘက် ကလည်း ချက်ချင်း မီးကုန် ယမ်းကုန် တုံ့ပြန်ဖို့ အသင့်ပါပဲ။ 

ကျနော်တို့ လက်ဝယ်ရှိတဲ့ နျူကလီးယား လက်နက်တွေ ဟာ ဒီချိန်းခြောက်မှု တွေ ကို အကာအကွယ်ပေးမှာပါ။ ကျနော်တို့ ဘက်ကလည်း ဒုံးကျည် စမ်းသပ် ပစ်လွှတ်မှုတွေ  ကို သီတင်းပတ်တိုင်း၊ လတိုင်းနှစ်တိုင်း မှန်မှန် လုပ်သွားမှာပဲ လို့ ပြောခဲ့တာ ဖြစ်ပါတယ်။ #ဘီဘီစီမြန်မာပိုင်း

အပြည့်အစုံသို့------

http://bbc.in/2nWEgtB


ရခိုင်ရိုးရာ နံ့သာသွေးပွဲကို တက်ရောက်လာကြတဲ့ ရခိုင် လှပျိုဖြူများ

မြန်မာနိုင်ငံမှာ သကြန်အဆုံးသတ်သွားပြီ ဖြစ်ပေမယ့် မြန်မာနိုင်ငံ အနောက် ဘက် အစွန်ဆုံး မောင်တောနဲ့ ဘင်္ဂလာဒေ့ရ်ှနိုင်ငံ က ရခိုင်အများစုနေထိုင်တဲ့ ဒေသ တွေမှာ တော့ နှစ်ဆန်းတစ်ရက် နေ့မှာ သင်္ကြန်ရေကစားပွဲကို စတင်ခဲ့တယ်လို့ သိရ ပါတယ်။

ရခိုင်ပြည်နယ် မောင်တောဒေသ နဲ့ ဘင်္ဂလား ဒေ့ရ်ှနိုင်ငံထဲက ရခိုင်လူမျိုးတွေ နေထိုင်တဲ့ ဒေသ တွေမှာ နှစ်ဆန်း တစ်ရက်နေ့ကျမှ သင်္ကြန် ရေပက်ကစားတာကို စတင်ခဲ့ကြတာ ဖြစ်ပါတယ်။

မောင်တော ဒေသမှာ နှစ်ဆန်းတစ်ရက်နေ့ကျမှ ရေကစား လာတာ နှစ်ပေါင်း ၆၀ ကျော် အစဉ်အလာ ရှိပြီ ဖြစ်ကြောင်း မောင်တောမြို့မှ ရှေ့နေတစ်ဦးဖြစ်တဲ့ ဦးအောင်ကျော်ညွှန့်က ရှင်းပြပါတယ်။

သင်္ကြန်အကျနေ့မှာ ဘုရားသပ္ပါယ်ပြီး အကြတ်၊ အတက်နေ့မှာ လူကြီးမိဖတွေက ဘုန်းကြီး ကျောင်းသွားကာ ဥပုတ်သီလ ဆောက်တည်ကြပါတယ်။ နှစ်ဆန်း တစ်ရက် နေ့မှာ သက်ကြီးရွယ်အိုတွေကို ပူဇော်ကြကာ နေ့လယ်ပိုင်းမှာတော့ ဆောက်လုပ် ထားတဲ့ ရေကစားမဏ္ဍပ်တွေမှာ အမျိုးသားတွေနဲ့ အမျိုးသမီးတွေက တစ်ဖက်နဲ့ တစ်ဖက် လောင်းလှေတွေမှာရေဖြည့်ပြီး ကစားကြတာ ဖြစ်ပါတယ်။

ယခင်နှစ်တွေကတော့ မောင်တော ဌာနဆိုင်ရာတွေက ဧပြီ ၁၃ ရက်နေ့မှာ ၁၆ ရက်နေ့ထိ မဏ္ဍပ်တွေဆောက်လုပ်ပြီး ရေကစားကြပေမယ့် ဒီနှစ်မှာတော့ နှစ်ဆန်း တစ်ရက်နေ့မှ စတင်ပြီး မောင်တောဒေသခံတွေ ကျင်းပတဲ့ အတိုင်း စည်ကား အောင် ကျင်းပခဲ့တယ်လို့ ဒီနှစ်သင်္ကြန်ရဲ့ ထူးခြားပုံကို ဒေသခံ ဦးဝေစောဝေက ပြောပါတယ်။

ရခိုင်လို ဖလောင်းချိတ်လို့ ခေါ်တဲ့ ဘင်္ဂလာဒေ့ရ်ှက ကော့ဘဇားမြို့မှာလည်း နှစ်ဆန်း တစ်ရက်နေ့မှာ သင်္ကြန်ကျပြီး ရေကစားကြောင်း ရခိုင်ဗုဒ္ဓဘာသာဖွံ့ဖြိုးရေး အသင်းက ဦးညီပုက ပြောပါတယ်။

တကျောင်း တစ်ဂါထာ တစ်ရွာ တစ်ပုဒ်ဆန်း ဆိုသလို ရခိုင်ရိုးရာ သင်္ကြန်ပွဲတော်ကို မောင်တောနဲ့ ဘင်္ဂလားဒေ့ရှ် ရခိုင်ရွာတွေမှာ ဧပြီ ၁၇ ရက်နေ့ကနေ ၁၉ ရက်နေ့ထိ သုံးရက်တိုင်ကျင်းပ သွားကြမှာ ဖြစ်ပါတယ်။

#ဘီဘီစီမြန်မာပိုင်း


မြောက်ကိုးရီးယားခေါင်းဆောင် Kim Jong Un ရဲ့ တိုးမြင့်လာတဲ့ နျူကလီးယားခြိမ်းခြောက်မှုတွေကိုကိုင်တွယ်ဖို့ အမေရိကန်သမ္မတ Donald Trumpအနေနဲ့ လိုအပ်ရင် စစ်ရေးအင်အား အသုံးပြုလိမ့်မယ်လို့ ဒုသမ္မတ Mike Pence က ဒီကနေ့ တနင်္လာနေ့မှာ ပြင်းပြင်းထန်ထန် သတိပေးလိုက်ပါတယ်။

ဆီးရီးယားနဲ့ အာဖဂန်နစ္စတန်နိုင်ငံအပေါ် ပြီးခဲ့တဲ့သီတင်း ၂ ပတ်အတွင်းမှာပဲ အမေရိကန်သမ္မတသစ်ရဲ့ အင်အားနဲ့ ဖြေရှင်းပုံကို ကမ္ဘာက မျက်မြင်တွေ့ခဲ့ပြီးပါပြီ။ မြောက်ကိုးရီးယားအနေနဲ့ နျူကလီးယားစမ်းသပ်မှုတွေ မလုပ်ရင် ပိုကောင်းပါလိမ့်မယ်လို့ ဒုသမ္မတ Pence က တောင်ကိုးရီးယား ယာယီသမ္မတ Hwang Kyo- ahn နဲ့ ပူးတွဲလုပ်တဲ့ သတင်းစာရှင်းလင်းပွဲအတွင်း ပြောသွားတာပါ။

ကိုရီးယား ကျွန်းဆွယ်မှာ တင်းမာမှုတွေ ဖြစ်ပေါ်နေတဲ့အချိန်မှာပဲ ဒုသမ္မတ Pence ဟာ အမေရိကန်အစိုးရ အနေနဲ့ အာရှ-ပစိဖိတ်ဒေသအတွင်းက မဟာမိတ်တွေနဲ့ လုပ်ဖော်ကိုင်ဖက် နိုင်ငံတွေအပေါ် အထူး တန်ဖိုးထားပြီး ချဉ်းကပ်လုပ်ဆောင်သွားမယ်ဆိုတာကို ပြသဖို့ လာရောက်တာဖြစ်ပြီး အာရှလေးနိုင်ငံခရီးစဉ်အစမှာပဲ တောင်ကိုးရီးယားနိုင်ငံကိုရောက်ရှိနေတာပါ။ ဒါ့အပြင် ဒီခရီးစဉ်ဟာ မြောက်ကိုးရီးယားရဲ့ တိုးမြှင့်လာတဲ့ နျူကလီးယားနဲ့ ပဲ့ထိန်းတပ်ဒုံးကျဉ် အစီအစဉ်တွေအပေါ် နိုင်ငံတကာက ၀ိုင်းပြီးဖိအားတွေပေးဖို့အတွက်လည်း ဖြစ်ပါတယ်။ မဟာမိတ်တွေအပေါ် အမေရိကန်ပြည်ထောင်စုရဲ့ ထောက်ခံအားပေးမှုဟာ မယိမ်းယိုင်သလို ဒေသတွင်း လုံခြုံရေးနဲ့ ပတ်သက်တဲ့ဆုံးဖြတ်ချက်အားလုံးမှာ အမေရိကန်ရဲ့ မဟာမိတ်နိုင်ငံတွေနဲ့ ပူးပေါင်းဆောင်ရွက်သွားမှာဖြစ်တယ်လို့လည်း ဒုသမ္မတ Pence ကပြောပါတယ်။

ဗွီအိုအေ (မြန်မာပိုင်း)
http://burmese.voanews.com



 မြောက်ကိုရီးယားအပေါ် သည်းခံ စိတ်ရှည်ရမယ့် အချိန် ကုန်သွားပြီ
အမေရိကန်ရဲ့ လေကြောင်းရန် ကာကွယ်ရေး စံနစ် တောင်ကိုရီးယား နိုင်ငံတလွှား အမြန်ဆုံး နေရာ ချထားဖို့ ၂ နိုင်ငံ သဘောတူလိုက် ကြပါတယ်။

သာ့ဒ် THAAD လို့ အတိုကောက် ခေါ်တဲ့ အဲဒီ ဒုံးခွင်းဒုံး စံနစ်ဟာ မြောက်ကိုရီးယားရဲ့ ဒုံးကျည်တွေ ဝင်လာရင် ပစ်ချဖို့ ရည်ရွယ်တာ ဖြစ်ပါတယ်။

တောင်ကိုရီးယားကို ရောက်လာတဲ့ အမေရိကန် ဒုသမ္မတ မိုက်ခ်ပင့်စ်နဲ့ ဆွေးနွေးခဲ့ အပြီး တောင်ကိုရီးယား ယာယီ သမ္မတ ဝှမ် ဂျိုး-အန်က လေကြောင်းရန် ကာကွယ်ရေး စံနစ်ကို မူလ အစီအစဉ်ထက် ပိုစောပြီး နေရာချမယ်လို့ ကြေညာလာတာ ဖြစ်ပါတယ်။

မြောက်ကိုရီးယားအပေါ် သည်းခံ စိတ်ရှည်ရမယ့် အချိန် ကုန်သွားပြီလို့ အမေရိကန် ဒုသမ္မတက ပြောပါတယ်။

ဒီ ဒုံးခွင်းဒုံး စံနစ်ဟာ တရုတ်နိုင်ငံကိုပါ ခြိမ်းခြောက်မှု ပေးနိုင်တယ် ဆိုပြီး တရုတ် အစိုးရကတော့ ကန့်ကွက် နေပါတယ်။

မြောက်ကိုရီးယား ကတော့ ပြီးခဲ့တဲ့ တနင်္ဂနွေ နေ့က တာဝေးပစ် ဒုံးကျည် စမ်းသပ်ရုံမက၊ စစ်ရေး အင်အားပြ အခမ်းအနားလည်း အကြီးအကျယ် ပြုလုပ် ခဲ့ပါတယ်။

မြောက်ကိုရီးယားရဲ့ နျူကလီယာ စမ်းသပ်တဲ့ နေရာတွေမှာ ရှိနေတဲ့ လှုပ်ရှားမှုတွေ အရ မကြာခင်မှာပဲ နျူကလီယာ လက်နက် စမ်းသပ်တာ ခြောက်ကြိမ်မြောက် ပြုလုပ် လာနိုင်တယ်လို့ လေ့လာသူတွေက ပြောနေပါတယ်။

BBC Burmese
http://www.bbc.com/burmese


အမေရိကန်ဒုတိယသမ္မတ မိုက်ပင့်စ်က မြောက်ကိုရီးယား၏ ဒုံးကျည်နှင့် လက်နက်အစီအစဉ်ကို ဖြတ်တောက်ရန် ရွေးချယ်စရာ နည်းလမ်းအားလုံး စားပွဲပေါ်၌ အသင့်ရှိသည်ဟု ကြေညာလျက် ဒေါ်နယ်ထရန့်၏ ဆုံးဖြတ်ချက်ကို စမ်းသပ်မနေသင့်ကြောင်း မြောက်ကိုရီးယားအား ဧပြီ ၁၇ ရက်တွင် သတိပေးလိုက်သည်။

မြောက်ကိုရီးယားသည် နိုင်ငံတကာ ဖိအားပေးမှုများကို အာခံလျက် ၎င်းအနေဖြင့် ဆဌမမြောက် နျူကလီးလက်နက် စမ်းသပ်မှုပြုလုပ်ရန် ပြင်ဆင်နေသည်ဟူသည့် စိုးရိမ်မှုများ ကြီးထွားနေချိန်၌ ဧပြီ ၁၆ ရက်တွင် နောက်ထပ်ဒုံးကျည်စမ်းသပ်မှုတစ်ရပ်ကို ပြုလုပ်ခဲ့သည်။

“မြောက်ကိုရီးယားကို နျူကလီးယား အစီအစဉ် ဖျက်သိမ်းစေရေးဆိုတဲ့ ဒီရည်မှန်းချက်ကို ငြိမ်းချမ်းတဲ့နည်းလမ်းတွေနဲ့ အောင်မြင်စွာရရှိဖို့ ကျွန်တော်တို့ မျှော်လင့်ပါတယ်။ ဒါပေမဲ့ ရွေးချယ်စရာနည်းလမ်း အားလုံးကတော့ စားပွဲပေါ်မှာ အသင့်ရှိပါတယ်” ဟု မြောက်ကိုရီးယားနှင့် နယ်စပ်ကိစ္စ တင်းမာနေသည့် တောင်ကိုရီးယားသို့ သွားရောက်ခဲ့ပြီးနောက် ဆိုးလ်မြို့တွင် ပြုလုပ်သော သတင်းစာရှင်းလင်းပွဲတစ်ရပ်တွင် ပင့်စ်က ပြောကြားခဲ့သည်။

“လွန်ခဲ့တဲ့ သီတင်းနှစ်ပတ်ကလေးအတွင်းမှာ ဆီးရီးယားနဲ့ အာဖဂန်နစ္စတန်မှာ အရေးယူဆောင်ရွက်မှုတွေ ပြုလုပ်ခဲ့တဲ့ ကျွန်တော်တို့ သမ္မတအသစ်ရဲ့ ဆုံးဖြတ်ချက်နဲ့ အင်အားတွေကို ကမ္ဘာက သက်သေအဖြစ် သိရှိပြီးဖြစ်ပါတယ်” ဟုလည်း ပင့်စ်က ပြောကြားခဲ့သည်။

“မြောက်ကိုရီးယားအနေနဲ့ ထရန့်ရဲ့ ဆုံးဖြတ်ချက် ဒါမှမဟုတ် ဒေသတွင်းမှာရှိတဲ့ အမေရိကန်ရဲ့ လက်နက်ကိုင်တပ်ဖွဲ့ဝင် အင်အားကို စမ်းကြည့်တာမျိုး မလုပ်သင့်ပါဘူး” ဟုလည်း ပင့်စ်က တောင်ကိုရီးယား ယာယီသမ္မတ ၀ှမ်ကျိုးအင်နှင့် ပူးတွဲပြုလုပ်သော သတင်းစာရှင်းလင်းပွဲ၌ ပြောကြားခဲ့သည်။

မြောက်ကိုရီးယား၏ အကြိမ်ကြိမ် ဒုံးကျည်စမ်းသပ်မှုများကြောင့် ထရန့်အစိုးရအဖွဲ့၏ ယခင်ကထက် ပို၍ရန်လိုသော သတိပေးမှုများ ထွက်ပေါ်လာသည့် မကြာသေးမီ သီတင်းပတ်များအတွင်း မြောက်ကိုရီးယားနှင့် အမေရိကန်တို့အကြား တင်းမာမှုများသည် မြင့်တက်၍လာခဲ့ခြင်း ဖြစ်သည်။

အမေရိကန်၏ အတွေ့အကြုံမရှိသေးသော မျက်နှာသစ် သမ္မတက အမေရိကန် ပြည်ထောင်စုအနောက်ပိုင်းကို နျူကလီးယား ထိပ်ဖူးတပ်ကာ ပစ်နိုင်သည့် တိုက်ချင်းပစ် ဒုံးကျည်အမျိုးအစား ဖွံ့ဖြိုးလာရန် မြောက်ကိုရီးယားအား ခွင့်ပြုလိမ့်မည်မဟုတ်ကြောင်း ထောက်ပြပြောကြားထားသည်။

ပင့်စ်က ဆယ်စုနှစ် နှစ်ခုကျော်ကြာခဲ့ပြီးနောက် မြောက်ကိုရီးယားနှင့်ဆက်ဆံရာတွင် ထားရှိသော အမေရိကန်၏ မဟာဗျူဟာမြောက် စိတ်ရှည်သည့်ခေတ်သည် ကုန်ဆုံးသွားပြီဖြစ်ကြောင်း ကြေညာခဲ့သည်။


Writer:
Ref: AFP
Eleven Media Group


နှစ်ဆန်း ၁ရက်နေ့ မော်လမြိုင်သင်္ကြန်
နှစ်ဆန်း ၁ ရက်နေ့ဆိုရင် မြန်မာတနိုင်ငံလုံးမှာ သင်္ကြန် ရေပက်ကစားတာတွေ အဆုံး သတ်သွားပြီဆိုပေမယ့် မွန်ပြည်နယ် မော်လမြိုင်မြို့တဝိုက်မှာတော့ “ရိုးဂိုး” သင်္ကြန်ဆိုပြီး သင်္ကြန်နောက်ဆုံးရက်အဖြစ် ရေပက်ကစား ကြပါတယ်။ အရင်နှစ်တွေက ဆိုင်ကယ် သံတွေနဲ့ ဆူညံပြီး လူအသေအပျောက် ရှိခဲ့တဲ့ မော်လမြိုင်သင်္ကြန်ဟာ ဒီနှစ်မှာ စည်းကမ်း တင်းကြပ်လိုက်တာကြောင့် မှုခင်းလျော့ကျပြီး ပျော်ရွှင်စရာသင်္ကြန် ဖြစ်ခဲ့တယ်လို့ မွန်ပြည်နယ် ဝန်ကြီးချုပ် ကလည်း ပြောပါတယ်။ ဒီအကြောင်းကိုတော့ ကိုဉာဏ်ဝင်းအောင်က ပြောပြပါမယ်။

နှစ်စဉ် သင်္ကြန်ကာလတိုင်းမှာ မော်လမြိုင်သင်္ကြန်ကတော့ နှစ်ဆန်း ၁ ရက်နေ့မှာပါ တရက်ပိုပြီး ရေကစားလေ့ရှိတာပါ။ မော်လမြိုင်နဲ့ သိပ်မဝေးတဲ့ ဖါးအောက်ကျေးရွာနားက နှစ်ဆန်း ၁ ရက်နေ့တိုင်းကျင်းပနေကျ ရိုးဂိုး ဘုရားပွဲကို အစွဲပြုပြီး၊ “ရိုးဂိုး” သင်္ကြန်ရယ်လို့ ဆင်နွှဲကြတာဖြစ်ပါတယ်။ သင်္ကြန်မှာ ရေကစားရတာကို အရှိန်မသတ်နိုင်သေးတဲ့ အခြားဒေသက လူတွေပါ ဒီနေ့မှာ “ရိုးဂိုး”သင်္ကြန်ပွဲကို လာရောက်ဆင်နွှဲလေ့ ရှိတာကြောင့် ဒီနှစ် မော်လမြိုင်သင်္ကြန် အတော်စည်ကားတယ်လို့ မွန်ပြည်နယ် ဝန်ကြီးချုပ် ဒေါက်တာအေးဇံက VOAကို ပြောပါတယ်။

“ထုံးစံအတိုင်းတော့ နှစ်ဆန်း ၁ရက်နေ့က ကျနော်တို့ဆီမှာ ရေပက်နေတာက နှစ်ပေါင်း များစွာကြာပြီလေ။ အဓိကတော့ ရိုးဂိုး ဘုရားပွဲနေ့ပေါ့။ မော်လမြိုင်မြို့နယ် ရိုးဂိုး ဘုရား ပွဲနေ့မှာ ဒါအစည်းကားဆုံးပဲ။ အဲဒီနေရာကို တခရိုင်လုံးက လူတွေရော အခြားမြို့လူတွေပါ လာကြပါတယ်။ လာတဲ့ လူတွေက သိပ်များတဲ့အတွက် ပြည်နယ်အနေနဲ့က စည်းကမ်း ထိန်သိမ်းရေးနဲ့ တရားဥပဒေ စိုးမိုးရေးအတွက် ကျနော်တို့ ဆောင်ရွက်နေပါတယ်။ အခုချိန်ထိ ခိုက်ရန်ဖြစ်ပွားခြင်း ဘာမှ မရှိပါဘူး။ ထူးခြားတာက အကုန်လုံး စည်းကမ်း ရှိကြပါတယ်။”
မော်လမြိုင်သင်္ကြန်
မော်လမြိုင်သင်္ကြန်

သင်္ကြန်ကာလအတွင်း မုန်တိုင်းသတိပေးချက်နဲ့အတူ ရန်ကုန်အပါအဝင် အခြား မြို့ကြီးတွေမှာ မိုးကြီးတာ လေပြင်တိုက်တာရှိပေမယ့်၊ မော်လမြိုင်မြို့ မှာတော့ နှစ်ဆန်း ၁ရက်နေ့ မနက်ပိုင်းမှာသာ မိုးရွာသွန်းခဲ့ပြီး၊ ညနေပိုင်း နေသာတာကြောင့် ရေ ကစားသူတွေနဲ့ စည်ကားခဲ့တယ်လို့ ဒေါက်တာအေးဇံက ပြောပါတယ်။

“မော်လမြိုင်မှာ ဆိုလို့ရှိရင် မဏ္ဍပ်ပေါင်း ၁၇ ခု၊ မဏ္ဍပ်အကြီးပေါ့။ ရပ်ကွက်အလိုက် ဖျော်ဖြေတာတွေ ရှိပါတယ်။ နောက်ပြီး ဗဟိုမဏ္ဍပ်မှာကျတော့ ရန်ကုန်က အဆိုတော်တွေ လာပြီးဖျော်ဖြေ တာတွေလည်း ရှိပါတယ်။ မြို့နယ်အလိုက် ဆိုတာတွေလည်း ရှိပါတယ်။ ဒီနှစ်မှာ ကျိုက္မရောက ဒုံးရိမ်းအဖွဲ့ ဆိုရင် အင်မတန်မှ ကောင်းပါတယ်။ ပထမဆု ရသွားတာပေါ့နော်။ မဏ္ဍပ်မှာဆိုရင် အကောင်းဆုံး မဏ္ဍပ်တွေကို ကျနော်တို့ဆုချပါတယ်။ သံချပ်အဖွဲ့တွေလည်း ရှိပါတယ်။ အဓိကအားဖြင့်တော့ သူတို့ရင်ထဲမှာ ရှိတဲ့ဟာကို တည့်တည့်ပဲ ပြောတဲ့ဟာတွေ ပျက်လုံးပေါ့။ သံချပ်တွေကို ဖြတ်တောက်ခြင်း ဆင်ဆာလုပ်ခြင်း ဘာတခုမှ မရှိပါဘူး။”

မွန်ပြည်နယ်အစိုးရက စည်းကမ်းချက်တွေ ထုတ်ပြန်ခဲ့တာကြောင့် ဒီနှစ် မော်လမြိုင် သင်္ကြန်ဟာ မှုခင်းနည်းပါးပြီး ဈေးရောင်းကောင်းတဲ့ သင်္ကြန်၊ ပျော်စရာ သင်္ကြန်ဖြစ်ခဲ့ တယ်လို့ မော်လမြိုင်မြို့ခံ မနီနီဇင်က ပြောပါတယ်။

“မော်လမြိုင်သင်္ကြန် မိုးရွာတယ်။ မနက်က မိုးရွာပြီး ဒီညနေပိုင်း နေပူသွားတော့ စည်နေရောပဲ။ အရင်ရက်ထက်လည်း စည်တယ်၊ အေးအေးချမ်းချမ်းပဲ သေတာတို့ ဆိုင်ကယ်မှောက်တာတို့ ဘာတို့ ဘာသံမှ မကြားရဘူး။ ဆိုင်ကယ် အိတ်ဇောပိုက်တွေလည်း မဖြုတ်ကြတော့ဘူး။ ဟိုဥစ္စာ အိတ်ဇော ပိုက်တွေ မဖြုတ်ရဘူး၊ ယဉ်ယဉ်ကျေးကျေး ရေပက်ရမယ် စည်းကမ်းတွေ အကုန်ထုတ်ထားတယ်။ အဲလို ထုတ်လိုက်တော့ ပြည်သူတွေက ပျော်ပျော် ပါးပါးကစားကြ တာပေါ့။ မော်လမြိုင်သင်္ကြန်က ဒီနေ့ ရိုးဂိုးနေ့လေ။ ဒီနေ့ နောက်ဘိတ်ဆုံးပဲဆိုတော့ ရိုးဂိုးဘက်က ပိုစည်တယ်။ မော်လမြိုင်မြို့ပေါ်မှာလဲ ကမ်းနားလမ်း စည်တယ်။ သင်္ကြန်မှာ လူတွေ ပိုပြီးတော့ ဈေးရောင်းကောင်းကြတယ်။”

ပြည်နယ်အစိုးရရဲ့ စည်းကမ်းတွေအတိုင်း လိုက်ပါဆင်နွှဲခဲ့ကြတဲ့ မွန်ပြည်နယ်သူ ပြည်နယ် သားတွေကိုလဲ မွန်ဝန်ကြီးချုပ် ဒေါက်တာအေးဇံက နှစ်သစ် ဆုတောင်းမေတ္တာ ပို့သ ပါတယ်။

“ဒီနှစ် သင်္ကြန်မှာတော့ ကျနော်တို့ မွန်ပြည်နယ်မှာ စည်းကမ်းရှိရှိနဲ့ပေါ့နော် ပျော်ပွဲ ရွှင်ပွဲတွေနဲ့ ဆောင်ရွက်ပေးတဲ့ အတွက်ကြောင့် သင်္ကြန်မှာ ပျော်ရွှင်တဲ့ လူတွေလည်း စည်းကမ်းလိုက်နာကြတဲ့ အတွက် အထူးပဲ ကျေးဇူးတင်ရှိကြောင်းနဲ့ နောင်နှစ်တွေမှာ ဒါထက်ပိုပြီးတော့ ကျနော်တို့ မွန်ပြည်နယ်သူ/သား တွေက လူမှုရေး စီးပွားရေး ပညာရေး နဲ့ အလုပ်အကိုင် အခွင့်အလမ်းတွေ ဒီထက်ပိုပြီးတော့ ကောင်းမွန်ချောမွေ့ ပြီးတော့ နှစ်သစ်မှာ အမျိုးဘာသာ သာသနာနဲ့ပတ်သက်ပြီး ပိုမိုတိုးတက်အောင် ဆောင်ရွက်နိုင်ပါစေလို့ ပြည်နယ်သူ/သားတွေကို ဆုမွန်ကောင်းတောင်းပါတယ်။”

၂၀၁၇ ခုနှစ် သင်္ကြန်ကာလအတွင်း တစ်နိုင်ငံလုံး အတိုင်းအတာအရ သေဆုံးသူ(၂၈၅) ဦး၊ ဒဏ်ရာရသူ (၁၀၇၃)ဦး ရှိခဲ့ပြီး မှုခင်းပေါင်း (၁၂၀၀) ဖြစ်ပွား ခဲ့တယ်လို့ ပြန်ကြားရေး ဝန်ကြီးဌာနက သတင်းထုတ်ပြန်ပါတယ်။
VOA Burmese News


ဒီနှစ်မဟာသင်္ကြန်ပွဲတော်မှာ ရန်ကုန်တိုင်းအတွင်း ဒုစရိုက်မှုအရေအတွက်ဟာ အရင်နှစ်ကထက် ပိုလျော့နည်းသွားတယ်လို့ ရန်ကုန်တိုင်းဒေသကြီး ရဲတပ်ဖွဲ့မှူးရုံးက အကြီးတန်းတာဝန်ရှိသူတစ်ဦးက VOA ကိုပြောပါတယ်။ အဲဒီလို ဒုစရိုက်မှု လျော့ကျသွား တာဟာ သင်္ကြန်မတိုင်ခင်ကတည်းကိုက ရဲတပ်ဖွဲ့အနေနဲ့ စီမံချက်တခုချပြီး လုပ်ဆောင်ခဲ့တာကြောင့်ဖြစ်တယ်လို့လည်း ပြောပါတယ်။ အပြည့်အစုံကိုတော့ ကိုကောင်းစံဟိန်းက ပြောပြပေးသွားမှာပါ။

ရန်ကုန်တိုင်းအတွင်း ဒီနှစ်သင်္ကြန်ပွဲတော်လေးရက်မှာ မနှစ်ကထက်စာရင် ဒုစရိုက်မှူတွေ ခိုက်ရန်ဖြစ်ပွားမှူတွေ လျော့နည်းသွားတယ်လို့ ရန်ကုန်တိုင်းဒေသကြီး ရဲတပ်ဖွဲ့မှူးရုံးက ရဲမှူးလှဝေက အခုလိုပြောပါတယ်။

“ဒီနှစ်ကတော့ ယာဉ်တိုက်မှုကတော့ ခုနပြောသလို ၂ မှုဖြစ်ပွားခဲ့ပါတယ် ၊ သေဆုံးသူက ၃ ဦးသေဆုံးတဲ့အတွက် အရင်နှစ်ထက်စာရင်တော့ နည်းပြီးတော့ သင်္ကြန်အတွင်း ခိုက်ရန်ဖြစ်တာတွေလည်း နည်းသွားတယ်လို့ ကျနေ်ာတို့ စာရင်းဇယားအရ သိရှိရပါတယ်။”

အဲဒီလို သင်္ကြန်ကာလအတွင်း ဒုစရိုက်မှူတွေ လျော့နည်းလာတာဟာ ရဲတပ်ဖွဲ့က သင်္ကြန်မတိုင်ခင် စလုပ်ခဲ့တဲ့ စီမံချက်တခုကြောင့်ဖြစ်တယ်လို့လဲ သူကဆက်ပြောပါတယ်။

“ဒီနှစ်မှာ မနှစ်ကထက် ထူးခြားတာကတော့ သင်္ကြန်မတိုင်ခင်မှာ ပြစ်မှုကျူးလွန်ရန် အလားအလာရှိတဲ့လူတွေ ၊ ပြစ်မှုကျူးလွန်နိုင်တဲ့လူတွေကို ကျနေ်ာတို့ မတ်လ ၁ ရက်နေ့ကစပြီးတော့ ၇ ရက်စီမံချက်ဆိုပြီးတော့ ကျနော်တို့ မူခင်းဖြစ်ပွားမှု ကြိုတင်ကာကွယ်မှုအနေနဲ့ ကျနေ်ာတို့ ဖမ်းဆီးထိန်းသိမ်းထားနိုင်တဲ့အတွက်ကြောင့် ဒီနှစ်မှာတော့ စီမံချက်ကြောင့် ကျနေ်ာတို့ မူခင်းတွေလျော့နည်းကျဆင်းသွားတာကို သိရှိရပါတယ်။”

ပြီးခဲ့တဲ့ ၂၀၁၆သင်္ကြန်မှာရော ဒီနှစ်သင်္ကြန်မှာပါ ခိုက်ရန်ဖြစ်ပွားလို့ လူသေဆုံးတာမျိုးတွေ မတွေ့ရဖူးလို့ ရဲမှူးလှဝေကပြောပါတယ်။

ပြီးခဲ့တဲ့သင်္ကြန်လေးရက်အတွင်း နာရေးကူညီမှူအသင်းအနေနဲ့ မြို့ထဲလူစီကားနေရာမျိုးတွေမှာ အရေးပေါ်အကူအညီတွေ ရရှိရန် ၂၄နာရီလုံး စောင့်ရှောက်မှူပေးထားတာ ဖြစ်ပါတယ်။

အဲဒီလို သင်္ကြန်ကာလအတွင်း အရေးပေါ်ကယ်ဆယ်ရေးတွေ အကုအညီတွေ ပေးနေတဲ့ နာရေးကူညီမှူအသင်းအနေနဲ့လည်း သာမာန်ထိခိုက်မှူတွေ ယာဉ်တိုက်မှူတွေကိုသာ ကုညီစောင့်ရှောက်ရတာမျိုးတွေ ရှိတယ်လို့ နာရေးကူညီမှူအသင်း ပြန်ကြားရေးတာဝန်ခံ ကို G3က ပြောပါတယ်။

“သူနာပြုအရေးပေါ်ဌာနပေါ့အကို၊ ဒီနှစ်မှာဆိုရင် ကျနော်တို့ သင်္ကြန် Point ၄ ခု အသင့်စောင့်နေတယ်၊ နောက်ပြီးတော့ ရုံးမှာလည်း စောင့်နေပါတယ်။ Point ၄ ခုကတော့ ဆူးလေဘုရားမှာ ၁ Point ၊ အင်းယားကန်ဘောင်မှာ ၁ Point ၊ မျှော်စင်ကျွန်းမှာ ၁ Point ၊ မြကျွန်းသာမှာ ၁ Point ပေါ့ အားလုံး ၄ ပိုင့် အဲဒီကြားထဲမှာမှ ခိုက်ရန်ဖြစ်တာကတော့ သိပ်မတွေ့ရပါဘူး။ car accident တွေတော့ ရှိမယ် ၊ ပြီးတော့ ချော်လဲပြီးတော့ လက်ကွဲသွားတာတို့ တော့ရှိပါတယ်။ ဒုစရိုက်မှုတွေကတော့ သိပ်မရှိပါဘူး ဒီနှစ်မှာတော့ မတွေ့ပါဘူးခင်ဗျ။”

ဒီကနေ့ထုတ်တဲ့ မြန်မာ့အလင်း သတင်းစာမှာတော့ သင်္ကြန်အကြို၊အကျ၊အကြတ်သုံးရက်အတွင်း ပြစ်မှူပေါင်း ၁၄၇မှူဖြစ်ပွားခဲ့ပြီး သေဆုံးသူဦးရေ ၁၄ဦးနဲ့ ဒဏ်ရာရရှိသူ ၁၅၂ဦးရှိခဲ့ကြောင်း ဖော်ပြထားပါတယ်

ပြန်ကြားရေးဝန်ကြီးဌာနရဲ့ ဒီကနေ့ ထုတ်ပြန်ချက်မှာတော့ ၂၀၁၇ ခုနှစ် သင်္ကြန်ကာလအတွင်း တစ်နိုင်ငံလုံး အတိုင်းအတာအနေဖြင့် သင်္ကြန်နှင့်ပတ်သက်သော ပြစ်မှုပေါင်း (၁၂၀၀) ဖြစ်ပွားခဲ့ပြီး သေဆုံးသူ (၂၈၅)ဦးနှင့် ဒဏ်ရာရရှိသူ (၁၀၇၃)ဦးရှိတယ်လို့ သတင်းထုတ်ပြန်ထားပါတယ်။

ကိုကောင်းစံဟိန်း
VOA Burmese News


မုန်တိုင်းအလွန် ကယ်ဆယ်ရေးပြုလုပ်စဉ် (MOI)

ဘင်္ဂလားပင်လယ်အော်က ဝင်ရောက်လာတဲ့ဆိုင်ကလုန်းမုန်တိုင်း “မာရသာ” (Maarutha) ဟာ မြန်မာနိုင်ငံကုန်းတွင်းပိုင်းကို ဝင်ရောက်လာပြီးတဲ့နောက် အားပျော့သွားပြီဖြစ်တဲ့အတွက် အစိမ်းရောင်အဆင့်ကို သတ်မှတ်လိုက်ပြီဖြစ်ပါတယ်။ မုန်တိုင်းတိုက်ခတ်သွားတဲ့ ရခိုင်ပြည်နယ်နဲ့ ဧရာဝတီတိုင်းတွင်းက မြို့နယ်တွေအတွက် မာရသာမုန်တိုင်းအလွန် ကူညီကယ်ဆယ်ရေးနဲ့ပြန်လည် ထူထောင်ရေးလုပ်ငန်းတွေ စတင်နေပြီလို့ လူမှုဝန်ထမ်းကယ်ဆယ်ရေးနဲ့ပြန်လည်နေရာချထားရေးဝန်ကြီးက ပြောပါတယ်။ ရခိုင်ပြည်နယ်တွင်း မုန်တိုင်းသင့်ပြည်သူတွေအတွက်လည်း ရခိုင်လူမှုအဖွဲ့တွေက သွားရောက်ကူညီကြဖို့ပြင်ဆင်နေကြပါတယ်။ အသေးစိတ် မဆုမွန် ပြောပြပါမယ်။

ဧပြီလ ၁၇ရက်နေ့မြန်မာစံတော်ချိန်မနက် ၁၀နာရီခွဲက မိုးလေဝသနှင့်ဇလဗေဒညွှန်ကြားမှုဦးစီးဌာနရဲ့ တိုင်းထွာချက်တွေအရ ဘင်္ဂလားပင်လယ်အော်ကဖြစ်တည်လာခဲ့တဲ့ဆိုင်ကလုန်းမုန်တိုင်း “မာရသာ” ဟာ မြန်မာနိုင်ငံကုန်းတွင်းပိုင်းကို ဝင်ရောက်တိုက်ခတ်ပြီး လေဖိအားနည်းရပ်ဝန်း အားပျော့သွားပြီးဖြစ်တဲ့အတွက်အစိမ်းရောင်အဆင့်လို့ သတ်မှတ်လိုက်ပြီး မုန်တိုင်းနဲ့ပတ်သက်လို့ နောက်ဆုံးထုတ်ပြန်ပေးတဲ့သတင်းဖြစ်တယ်ဆိုတာကို မိုးဇလက ထုတ်ပြန်ထားပါတယ်။

မနေ့ညနေပိုင်းကစလို့ ဒီကနေ့အထိ ဆိုင်ကလုန်းမုန်တိုင်းတိုက်ခတ်သွားချိန်အတွင်း အဓိကထိခိုက်မှုဖြစ်ခဲ့တဲ့ ရခိုင်ပြည်နယ် ဧရာဝတီတိုင်း မကွေးတိုင်းအပြင် မိုးလေပြင်းထန်ခဲ့တဲ့ တခြားတိုင်းဒေသကြီးပြည်နယ်တွေအတွက် မုန်တိုင်းအလွန်ကူညီကယ်ဆယ်ရေးနဲ့ ပျက်စီးသွားတဲ့လူနေအိမ်တွေ ပြန်လည်ထူထောင်ရေးလုပ်ငန်းတွေကို အချိန်နဲ့တပြေးညီ ဆောင်ရွက်နေကြပြီဖြစ်တယ်လို့ လူမှုဝန်ထမ်းကယ်ဆယ်ရေးနဲ့ပြန်လည်နေရာချထားရေးဝန်ကြီးဒေါက်တာဝင်းမြတ်အေးကပြောပါတယ်။

“အချိန်နဲ့အမျှပေါ့နော် မိုးလေ၀သမှာရှိတဲ့ သတင်းနဲ့ ကျနေ်ာတို့ Emergency Operation Center (EOC) မှာလည်း ဒီလိုမုန်တိုင်းနဲ့ ပတ်သက်တဲ့ သတင်းအချက်အလက်တွေကို ဆက်တိုက်ပို့ခဲ့တယ်။ မုန်တိုင်းက ဘယ်လိုအားလျှော့သွားပြီ၊ ၀င်ရောက်နေပြီ၊ ဘယ်နေရာမှာ လေတိုက်နှုန်း ဘယ်လောက်ရှိတယ်အဲဒီတော့ ကျနေ်ာတို့ ဘာတွေအပျက်အစီးရှိတယ်၊ ဒါမျိုးတွေကို ကျနေ်ာတို့ အခုမနက်အထိလည်း သတင်းဖြန့်ချီတာတွေလုပ်တယ်။ ပြည်သူတွေနဲ့ ပတ်သက်လို့ကတော့ ဖြစ်သွားတဲ့ပြည်သူတွေကို ကယ်ဆယ်ဖို့အတွက် ကျနော်တို့က နဂိုကတည်းက အဆင်သင့်ဖြစ်နေပြီ ဆိုတော့ အဓိကတော့ ရခိုင်ဘက်မှာ အဖြစ်များတာပါ။ ကျန်တာကတော့ ဧရာဝတီတိုင်းမှာ အနည်းငယ်ဖြစ်တယ်ပေါ့နော် ၊ နောက်ပြီးတော့ မကွေးတိုင်းမှာ အနည်းငယ်ဖြစ်တယ် ကံပြားကိုသွားတဲ့လမ်းမှာ ယာယီလမ်းတွဲသံတားလေးပေါ့ အဲဒါကို ဆောက်လုပ်ရေးဝန်ကြီးဌာနက ပြင်ဆင်နေပြီ။ ဧရာဝတီမှဖြစ်တာနဲ့ ပတ်သက်လို့လည်း ကျနော်တို့ဆောင်ရွက်နေပါပြီ။ နောက်ပြီးတော့ ထောက်ပံ့တာတွေလည်း ကျနေ်ာတို့ စနေပါပြီပေါ့နော်။”

ရခိုင်ပြည်နယ်တွင်းမှာတော့ ကျောက်ဖြူမြို့နယ် မာန်အောင်မြို့နယ် ရမ်းဗြဲမြို့နယ်နဲ့ သံတွဲမြို့နယ်နဲ့ တောင်ကုတ်မြို့နယ်တွေမှာ ထိခိုက်မှုများခဲ့တယ်လို့ လူကယ်ပြန်ဝန်ကြီးကပြောပါတယ်။ ရခိုင်ပြည်နယ်တွင်း မုန်တိုင်းတိုက်ခတ်ခံလိုက်ရတဲ့မုန်တိုင်းဒဏ်သင့် ဒေသခံပြည်သူတွေအတွက် အရေးပေါ်လိုအပ်ချက်တွေကို အမြန်ဆုံးကူညီနိုင်ရေးအတွက်ကိုလည်း ရခိုင်လူမှုအဖွဲ့အစည်းတွေဘက်က ပြင်ဆင်ဆောင်ရွက်နေကြတယ်လို့ ရခိုင်ပြည်နယ် မြောက်ဦးမြို့က လူမှုအဖွဲ့အစည်းက ဦးဝင်းလှိုင်ကပြောပြါတယ်။

“ ကျနေ်ာတို့ဒေသတွေမှာက ရေနဲ့အတွေ့အကြုံရှိတယ်ဆိုတာကတော့ မှန်တယ် ဒါပေမယ့် ဆင်းရဲတဲ့လူတွေက အဓိကခံရတယ်။ သူတို့တွေကို အကူအညီပေးရအောင် ကျနော်တို့ လူမှုအဖွဲ့အစည်းတွေနဲ့ ဆက်သွယ်ပြီးတော့ ပေးမယ် ၊အခုအထိတော့ မသိရသေးဘူး။ ဒါပေမယ့် သူတို့တွေမှာ စားရေးသောက်ရေးကတော့ အဓိကဖြစ်လာလိမ့်မယ်၊ ပြီးရင် နေရေးထိုင်ရေး အဓိက ကူညီစောင့်ရှောက်တာကတော့ အကောင်းဆုံးဖြစ်လိမ့်မယ်။ ပထမဦးဆုံးကျနေ်ာတို့ စားရေးသောက်ရေးကို အခြေခံပြီးတော့သွားတယ်။ ပြီးတော့ လိုအပ်တာတွေကိုကျနေ်ာတို့ ကူညီပေးမှာပါ။”

ဆိုင်ကလုန်းမာရသာ ဖြတ်သန်းနိုင်ခြေရှိတဲ့ကာလအတွင်း ကမ်းနီးကမ်းဝေး ငါးဖမ်း ရေယာဉ်တွေနဲ့ ခရီးသည်တင်လှေတွေ ငါးဖမ်းလှေတွေဟာ မုန်တိုင်းရှောင်ပြီး လှိုင်းလေခိုလှုံဖို့သတ်မှတ်ထားတဲ့ လှိုင်းလှေခိုလှုံဆိပ်တွေရှိတဲ့နေရာတွေကို သတိပေးချက်တွေကို လိုက်နာပြီး လာရောက်ဆိုက်ကပ်ထားကြတယ်လို့သိရပါတယ်။ ဒီတကြိမ်မုန်တိုင်းတိုက်ခတ်ချိန်မှာတော့ ပြည်သူအများက မုန်တိုင်းသတိပေးကြေညာချက်တွေကို အထူးသတိထားစောင့်ကြည့်ကြပြီး သတိပေးနိုးဆော်ချက်တွေ ထုတ်ပြန်ချက်တွေအပေါ် လိုက်နာမှုအားကောင်းခဲ့တဲ့အတွက် သစ်ပင်ကျိုးကျတာနဲ့ ဓာတ်လိုက်လို့သေဆုံးသူ အနည်းဆုံး(၄)ဦးရှိခဲ့ပေမယ့် မုန်တိုင်းကြောင့် အသေအပျောက် နည်းခဲ့တယ်လို့ လူမှုဝန်ထမ်း ကယ်ဆယ်ရေးနဲ့ပြန်လည်နေရာချထားရေးဝန်ကြီးကပြောပါတယ်။

“ သတင်းရတာနဲ့ ကျနေ်ာတို့စနေပြီ။ တချို့လူသေဆုံးမှုရှိခဲ့တာ ဧရာဝတီတိုင်းမှာ ဓါတ်လိုက်ပြီးတော့ ၂ ယောက်သေတယ် နောက် သစ်ပင်ပိပြီးတော့ ၂ ယောက်သေတယ်။ ဒါမျိုးတွေရှိတယ် ဒါတွေအတွက်ကိုလည်း ထောက်ပံ့ဖို့အတွက် ကျနေ်ာတို့ဆောင်ရွက်နေတယ်။ အိမ်တွေကိုလည်း ၁ လုံးချင်းကို ဘယ်လောက်ဆိုတာ ကျနေ်ာတို့ တန်ဖိုးသတ်မှတ်ထားတာရှိတော့ ထောက်ပံ့မူတွေကို အခုလုပ်နေပြီပေါ့နော်။ ဒီစာရင်းတွေက ဒီညနေလောက်ဆိုရင်အကုန်ထွက်လာမယ်။ ပျက်စီးဆုံးရှုံးမှုစာရင်းကတော့ ထွက်နေပြီ ၊ ရခိုင်ကတော့ အများဆုံးပေါ့နော် ၅ မြို့နယ်မှာဖြစ်တယ်။ သိန်း ၃၈၉ သိန်းလောက် ပျက်စီးတယ်။ အဲဒါနဲ့ ပတ်သက်လို့ကလည်း သက်ဆိုင်ရာတိုင်းဒေသကြီးရော ရခိုင်ပြည်နယ်အစိုးရအဖွဲ့နဲ့ ကျနေ်ာတို့ ပူးပေါင်းပြီးတော့ ထောက်ပံ့တာတွေစလုပ်နေပါပြီလို့ ပြောချင်ပါတယ်။”

ဒါ့အပြင် မုန်တိုင်းဒဏ်ကြောင့် ဂေါ်ရင်ဂျီကျွန်းအပြန်လမ်း လမ်းပိတ်တာ မြေကျွံတာ၊ ကားလမ်းတွေရေကျော်တာ တံတားပျက်စီးမှုတွေရှိခဲ့တာတွေနဲ့ပတ်သက်လို့လည်း အမြန်ဆုံးလမ်းပမ်းဆက်သွယ်ရေးကောင်းအောင် ပို့ဆောင်ဆက်သွယ်ရေးနဲ့ နယ်မြေခံတာဝန်ရှိသူတွေဘက်က အရေးတကြီးလုပ်ဆောင်ပေးနေကြတယ်လို့လည်း လူကယ်ပြန်ကပြောပါတယ်။

မုန်တိုင်းအန္တရာယ်ကာကွယ်နိုင်ရေးအတွက် မြန်မာနိုင်ငံ ကြက်ခြေနီအသင်းကလည်း ဆိုင်ကလုန်းမုန်တိုင်း မာရသာသတိပေး ချက်များကို ရခိုင်ပြည်နယ် စစ်တွေ၊ သံတွဲ၊ ကျောက်ဖြူ၊ မြေပုံ၊ မင်းပြား၊ ကျောက်တော်၊ တောင်ကုတ်၊ မာန်အောင် မြို့တွေနဲ့အတူ ဧရာဝတီတိုင်း ဒေသကြီးအတွင်း လပွတ္တာ၊ရေကြည်၊ ငပုတော၊ ဘိုကလေး၊ ဟင်္သာတ၊ ဒေးဒရဲမြို့တွေအတွက် မုန်တိုင်းအန္တရာယ်ကျရောက်လာရင် အရေးပေါ် အကူအညီများပေးအပ် နိုင်ဖို့ အချိန်နှင့်တစ်ပြေးညီစောင့် ကြည့်တာတွေ လိုက်လံသတိပေးတာတွေ လက်ကမ်း စာစောင်များ ဖြန့်ဝေတာတွေကိုဆောင်ရွက်ခဲ့တယ်လို့သတင်းထုတ်ပြန်ထားပါတယ်။ ဒါ့အပြင် စစ်ကိုင်း၊ မန္တလေးနဲ့ ရန်ကုန်တိုင်းဒေသကြီးတွေမှာလည်း စစ်တပ်၊ ရဲတပ်ဖွဲ့ဝင်တွေနဲ့လုံခြုံရေးတွေ လူမှုအဖွဲ့တွေနဲ့ ကယ်ဆယ်ရေးအဖွဲ့ဝင်တွေဘက်က မုန်တိုင်းအလွန် ပျက်ဆီးဆုံးရှုံးမှုတွေနဲ့ လမ်းပိတ်ဆို့တာတွေ သစ်ပင်ပြိုလဲတာ သစ်ကိုင်းကျိုးကျတာတွေကို အမြန်ဆုံးရှင်းလင်းဆောင်ရွက်ပေးနေကြတာကိုတွေ့ရပါတယ်။

မဆုမွန်
VOA Burmese News


နေပြည်တော် ဧပြီ ၁၇

သင်္ကြန်ကာလအတွင်း အဖက်ဖက်မှလုံခြုံရေးများ ဆောင်ရွက်နေသော်လည်း ပြစ်မှုများ ဖြစ်ပွားလျက်ရှိကြောင်း သိရသည်။ သင်္ကြန်နောက်ဆုံးနေ့ဖြစ်သော အတက်နေ့တွင် ပြစ်မှုပေါင်း (၆၁)မှု ဖြစ်ပွားခဲ့သည်။ ဖြစ်ပွားခဲ့သော ပြစ်မှုများမှာ လူသတ်မှု (၁)မှုမှ သေဆုံးသူ တစ်ဦး၊ ယာဉ်တိုက်မှု (၅)မှုမှ ဒဏ်ရာရရှိသူ (၁၃)ဦး၊ နာကျင်စေမှု (၂၀)မှ ဒဏ်ရာရရှိသူ (၂၉)ဦး၊ အခြားအမှု (၇)မှု၊ လက်နက်မှု (၂)မှု၊ ယစ်မျိုးဖမ်းဆီးမှု (၂)မှု၊ ခိုးမှု / ခါးပိုက်နှိုက် မသင်္ကာမှု (၂၃)မှု၊ သေမှုသေခင်း (၁)မှုမှ သေဆုံးသူ (၁)ဦးရှိခဲ့ရာ စုစုပေါင်း (၆၁)မှု ဖြစ်ပွားခဲ့ပြီး သေဆုံးသူ (၂)ဦး ဒဏ်ရာရရှိသူ (၄၂)ဦး ရှိခဲ့သည်။

သို့ပါ၍ ၂၀၁၇ ခုနှစ် မဟာသင်္ကြန်ကာလအတွင်း စုစုပေါင်းပြစ်မှု (၁၂၀၀) ဖြစ်ပွား ခဲ့ပြီး သေဆုံးသူ (၂၈၅)ဦး၊ ဒဏ်ရာရရှိသူ (၁၀၇၃)ဦး ရှိခဲ့သည်။


ယမန်နှစ် ၂၀၁၆ ခုနှစ် မဟာသင်္ကြန်ကာလတွင် ပြစ်မှုပေါင်း (၉၆၇)မှု၊ သေဆုံးသူ (၂၇၂)ဦး၊ ဒဏ်ရာရရှိသူ (၁၀၈၆)ဦးရှိခဲ့၍ ယခုနှစ်တွင် ၂၀၁၆ ခုနှစ် မဟာသင်္ကြန် ကာလထက် အမှုပေါင်း (၂၃၃) မှုပိုမိုဖြစ်ပွားခဲ့ပြီး ယမန်နှစ်ကထက် သေဆုံးသူ(၁၃)ဦး ပိုများခဲ့ကြောင်း သိရသည်။

၂၀၁၇ ခုနှစ် မဟာသင်္ကြန်ကာလအတွင်း ပြည်ထောင်စုနယ်မြေနှင့် တိုင်းဒေသ ကြီးနှင့် ပြည်နယ်များအလိုက် မဟာသင်္ကြန်နှင့် ပတ်သက်၍ ဖြစ်ပွားခဲ့သောပြစ်မှုများမှာ နေပြည်တော် ပြည်ထောင်စုနယ်မြေ၌ (၃၉)မှု၊ သေဆုံးသူ (၁၀)ဦး၊ ဒဏ်ရာရရှိသူ (၂၈)ဦး၊ ကချင်ပြည်နယ်၌ (၃၄)မှု၊ သေဆုံးသူ (၉)ဦး၊ ဒဏ်ရာရရှိသူ (၁၅)ဦး၊ ကယား ပြည်နယ်၌ (၇)မှု၊ သေဆုံးသူ (၁)ဦး၊ ဒဏ်ရာရရှိသူ (၆)ဦး၊ ကရင်ပြည်နယ်၌ (၁၅)မှု၊ သေဆုံးသူ (၅)ဦး၊ ဒဏ်ရာရရှိသူ (၃၁)ဦး၊ ချင်းပြည်နယ်၌ (၃)မှု၊ သေဆုံးသူ (၁)ဦး၊ ဒဏ်ရာရရှိသူ (၁)ဦး၊ စစ်ကိုင်းတိုင်းဒေသကြီး၌ (၁၆၇)မှု၊ သေဆုံးသူ (၂၆)ဦး၊ ဒဏ်ရာရရှိသူ (၁၉၄)ဦး၊ တနင်္သာရီတိုင်းဒေသကြီး၌ (၄၂)မှု၊ သေဆုံးသူ (၁၁)ဦး၊ ဒဏ်ရာရရှိသူ (၃၅)ဦး၊ ပဲခူးတိုင်းဒေသကြီး၌ (၁၅၄)မှု၊ သေဆုံးသူ (၃၇)ဦး၊ ဒဏ်ရာရရှိသူ (၁၈၃)ဦး၊ မကွေးတိုင်းဒေသကြီး၌ (၅၆)မှု၊ သေဆုံးသူ (၁၁)ဦး၊ ဒဏ်ရာရရှိသူ (၄၅)ဦး၊ မန္တလေးတိုင်းဒေသကြီး၌ (၁၆၀)မှု၊ သေဆုံးသူ (၃၆)ဦး၊ ဒဏ်ရာရရှိသူ (၁၃၆)ဦး၊ မွန်ပြည်နယ်၌ မှု(၅၀)၊ သေဆုံးသူ ဦး(၂၀)၊ ဒဏ်ရာရရှိသူ (၆၆)ဦး၊ ရခိုင်ပြည်နယ်၌ (၄၇)မှု၊ သေဆုံးသူ (၁၇)ဦး၊ ဒဏ်ရာရရှိသူ (၆၆)ဦး၊ ရန်ကုန် တိုင်းဒေသကြီး၌ (၂၂၃)မှု၊ သေဆုံးသူ (၄၄)ဦး၊ ဒဏ်ရာရရှိသူ (၁၁၁)ဦး၊ ရှမ်းပြည်နယ်၌ (၅၉)မှု၊ သေဆုံးသူ (၂၉)ဦး၊ ဒဏ်ရာရရှိသူ (၅၂)ဦး၊ ဧရာဝတီတိုင်းဒေသကြီး၌ (၁၄၄)မှု၊ သေဆုံးသူ (၂၈)ဦး၊ ဒဏ်ရာရရှိသူ (၁၀၄)ဦး ရှိကြောင်း သိရသည်။

ထို့အတူ မဟာသင်္ကြန်နှင့်မပတ်သက်သော သင်္ကြန်ကာလ(၄)ရက်အတွင်း ပြစ်မှု ပေါင်း (၉၉၂)မှုဖြစ်ပွားခဲ့ပြီး သေဆုံးသူ (၂၆၉)ဦးနှင့် ဒဏ်ရာရရှိခဲ့သူ (၈၇၉)ဦးရှိ ကြောင်း သိရသည်။

သို့ပါ၍ ၂၀၁၇ ခုနှစ် မဟာသင်္ကြန်ကာလ(၄)ရက်အတွင်း သင်္ကြန်နှင့်ပတ်သက်၍ ဖြစ်ပွားသော ပြစ်မှု (၁၂၀၀)၊ သေဆုံးသူ (၂၈၅)ဦး၊ ဒဏ်ရာရရှိခဲ့သူ (၁၀၇၃)ဦးရှိခဲ့၍ မဟာသင်္ကြန်ကာလအတွင်း စုစုပေါင်း ပြစ်မှု (၂၁၉၂)မှု၊ သေဆုံးသူ (၅၅၄)ဦး၊ ဒဏ်ရာ ရရှိခဲ့သူ (၁၈၅၂)ဦး ရှိခဲ့ကြောင်း သိရသည်။

MOI Webportal Myanmar
https://www.facebook.com/MOIWebportalMyanmar



မတူ ကွဲပြားမှုတွေကို ပေါင်းပြီး အင်အားအဖြစ် ရောက်လာအောင် ကြိုးပမ်းမယ်
ဖွဲ့စည်းပုံ အခြေခံ ဥပဒေသစ် တစ်ရပ် ပေါ်ပေါက်လာဖို့ ဆိုတာ အင်မတန် သိမ်မွေ့လွန်းတဲ့ အတွက် အထူး သတိထား ဆောင်ရွက် နေတယ် ဆိုပြီး သမ္မတ ဦးထင်ကျော်က ပြောပါတယ်။

တိုင်းပြည်ကို ပြောတဲ့ သမ္မတရဲ့ နှစ်သစ်ကူး နှုတ်ခွန်းဆက် စကားထဲ အဲဒီလို ထည့်သွင်းစ ပြောခဲ့တာပါ။

ဖွဲ့စည်းပုံ ဥပဒေသစ် ဆိုတာ အမျိုးသား ရင်ကြားစေ့ရေး၊ ပြည်တွင်း ငြိမ်းချမ်းရေးနဲ့ ဒီမိုကရေစီ ဖက်ဒရယ် ပြည်ထောင်စု ပေါ်ထွန်းရေး ကိစ္စတွေကို ရှေးရှုတာ ဖြစ်တယ်လို့လည်း သမ္မတ မိန့်ခွန်းထဲ တွေ့ရပါတယ်။

ပြည်တွင်း ငြိမ်းချမ်းရေးကို အစိုးရက အကောင်အထည် ဖော်တဲ့အခါ အထောက်အကူ ဖြစ်စေဖို့ အများပြည်သူက ထည့်ဝင် လှူဒါန်းတဲ့ ငွေတွေ ကျပ်သန်း ထောင်ပေါင်း များစွာ ရရှိခဲ့တာကို ကြည့်ရင် လူတွေဟာ ငြိမ်းချမ်းတဲ့ ဘဝကို ဘယ်လောက် လိုချင် နေကြတာလဲ ဆိုတာကို ပြသ နေတယ်လို့လည်း သမ္မတ ဦးထင်ကျော်က ဆိုပါတယ်။

ပြည်တွင်း ငြိမ်းချမ်းရေးကို အကောင်အထည် ဖော်နေကြတဲ့ အဓိက အင်အားစုကြီး နှစ်ခု ဖြစ်တဲ့ လက်ရှိ အစိုးရ နဲ့ တပ်မတော် အကြား အခုထက် ပိုပြီး နီးကပ်တဲ့ ဆက်ဆံရေး တည်ဆောက် ထားရှိဖို့ လိုအပ် နေတယ် ဆိုပြီး မြန်မာ့ ငြိမ်းချမ်းရေး ဖြစ်စဉ် အပေါ် လေ့လာ စောင့်ကြည့်နေတဲ့ ပြည်ထောင်စု အင်စတီကျူ့ အဖွဲ့က ဦးခွန်းဆိုင်းက သုံးသပ်ပါတယ်။

တနိုင်ငံလုံး အပစ်ရပ် သဘောတူ စာချုပ် NCA နဲ့ ပတ်သက်တဲ့ အဓိပ္ပာယ် ကောက်ယူမှုတွေဟာ အစိုးရ၊ တပ်မတော်နဲ့ လူမျိုးစု လက်နက်ကိုင်တွေကြား အကွဲကွဲအပြားပြား ဖြစ်မနေပဲ တစ်ခုတည်း ထွက်ပေါ်လာဖို့ အရေးကြီးတယ် လို့လည်း ဦးခွန်းဆိုင်းက ဆိုပါတယ်။

သမ္မတ ဦးထင်ကျောရဲ့ မိန့်ခွန်းထဲမှာတော့ NCA အကြောင်း မီးမောင်းထိုး ပြောထားတာ မတွေ့ရပေမယ့် တိုင်းရင်းသား မျိုးနွယ်စုပေါင်း တစ်ရာကျော် မှီတင်း နေထိုင်တဲ့ ပြည်ထောင်စုကြီးမှာ မတူ ကွဲပြားမှုတွေကို ပေါင်းစည်းပြီး အင်အားတစ်ရပ် အဖြစ် ရောက်ရှိ လာအောင် ကြိုးပမ်း သွားကြရမယ်လို့ ဆိုထားပါတယ်။

BBC Burmese
http://www.bbc.com/burmese



My father is crazy on the road But I am always near with my father .(Anchalar)
၁၆-၄-၂၀၁၇

ဒီနှစ်သင်္ကြန် ထိုင်း အွန်လိုင်းမှာလူကြည့်များပြီး နာမည်ကြီးနေတဲ့ ဆယ်ဖီ ဓါတ်ပုံဖြစ်ပါတယ်။
အဆန်းထွင်ပြီး အရူးနဲ့  တွဲရိုက်လို့  ဆိုရှယ်မီဒီယာမှာ နာမည်ကြီးနေတာမဟုတ်ပါ၊ ဒီပုံဟာ သမီးနဲ့ အဖေရဲ့  မှတ်တမ်းပုံပါ။


အမေက ခလေးငယ်ငယ်နဲ့  သားအဖနှစ်ယောက်ကို ထားသွားတော့ အဖေက အရက်သမားဖြစ်ပြီး လမ်းမပေါ်ရောက်သွားတယ်။ ဒါနဲ့  သမီးက မိဘမဲ့ ဂေဟာမှာ ကြီးလာရတဲ့ အန်ချလာအသက်(၂၁) နှစ် ပါ၊ ဒီနှစ်သင်္ကြန်မှာ စိတ်မနှံ့ တဲ့ သူမအဖေကို လိုက်ရှာပြီး မိဘစိတ်ချမ်းသာအတူနေပေးနေ တာလေ။

တချို့  သားသမီးတွေ အဖေခုလိုဖြစ် နေရင် လမ်းမတွေ့ တောင် ရှောင်ထွက် သွားကြသူတွေရှိတယ်၊ မိဘကို သိတတ်တဲ့ သမီးတယောက်မို့  ဆိုရှယ်မီဒီယာတွေက ဂုဏ်ပြုတဲ့အနေနဲ့  ဖေါ်ပြပေးနေကြပါတယ်။။

Social Action for Children and Women - SAW



တရားရုံးသို့ရောက်ရှိလာသည့် တောင်ကိုရီးယားသမ္မတဟောင်း ပတ်ဂွမ်ဟေးအားတွေ့ရစဉ် (ဆင်ဟွာ)
    ဆိုးလ်၊ ဧပြီ ၁၇ ရက် (ဆင်ဟွာ)

    တောင်ကိုရီးယားနိုင်ငံ သမ္မတဟောင်း ပတ်ဂွမ်ဟေး အား အကျင့်ပျက်ခြစားမှု စွဲချက်များစွာဖြင့် အစိုးရရှေ့နေများက ဧပြီ ၁၇ ရက်တွင် တရားစွဲဆိုခဲ့ပြီး တစ်ဖက်တွင်လည်း Lotte ကုမ္ပဏီအုပ်စု ဥက္ကဋ္ဌ Shin Dongbin ကို လာဘ်ပေးလာဘ်ယူမှုဖြင့် စွဲချက်တင်ခဲ့ကြောင်း သိရသည်။

ပတ်အား အကျင့်ပျက်ခြစားမှုဖြင့် တရားစွဲဆိုရန် ဆောင်ရွက်နေသည့် အစိုးရရှေ့နေများက သမ္မတဟောင်း ပတ်အား လာဘ်ယူမှု၊ အာဏာအလွဲသုံးစားလုပ်မှု၊ ခြိမ်းခြောက်အကျပ်ကိုင်မှု နှင့် လုံခြုံရေးဆိုင်ရာသတင်းအချက်အလက်များ ပေါက်ကြားစေမှုတို့အပါအဝင် စွဲချက်ပေါင်း ၁၄ချက်ဖြင့် တရားစွဲဆိုထားကြောင်း ပြောကြားခဲ့သည်။

ဖွဲ့စည်းပုံ အခြေခံဥပဒေဆိုင်ရာခုံရုံးက ပတ်အား မတ်လ ၁၀ ရက်နေ့တွင် ရာထူးမှ ထုတ်ပယ်ခဲ့ပြီး သုံးပတ်အကြာတွင် ထိန်းသိမ်းခဲ့ကြောင်း သိရသည်။

Lotte ကုမ္ပဏီ ဥက္ကဋ္ဌ ကိုလည်း စီးပွားရေးလုပ်ကွက်များရရှိစေရန် အမေရိကန်ဒေါ်လာ သန်းပေါင်းများစွာ လာဘ်ပေးခဲ့သည်ဟူသော စွဲချက်ဖြင့် တရားစွဲဆိုထားကြောင်း သိရသည်။

(Xinhua)
http://www.xinhuamyanmar.com



ဗုတ်နိုးသမားတွေရဲ့ ဆန္ဒပြပွဲ
တူရကီ နိုင်ငံမှာ တနင်္ဂနွေနေ့က ပြုလုပ်ခဲ့တဲ့ လူထု ဆန္ဒ ခံယူပွဲ ကနေ သမ္မတ ရာဂျစ် တိုင်ရိ(ပ) အာဒိုအန် အပေါ် အာဏာတွေ ပိုမို အပ်နှင်းဖို့ ဘက်က အနိုင်ရ သွားတဲ့ ရလဒ်ကို ပယ်ဖျက် ပေးဖို့ အဓိက အတိုက်အခံ ပါတီ ဖြစ်တဲ့ CHP က ရွေးကောက်ပွဲ ကော်မရှင်ကို တောင်းဆို နေပါတယ်။

ဆန္ဒခံယူပွဲ အတွင်း မဲ မသမာမှုတွေ ရှိခဲ့တယ် ဆိုတဲ့ သတင်းတွေ ရရှိ နေတဲ့ အတွက် ဥပဒေကြောင်း အရ ပြေလည်စေဖို့ ဆိုရင် ရလာဒ်ကို ပယ်ဖျက်တာက လွဲပြီး တခြားနည်း မရှိဘူးလို့ CHP ပါတီရဲ့ ဒုတိယ ဥက္ကဌ ဗျောလဲန့် တာ့ဇ်ဂျန်းက ဆိုပါတယ်။

သမ္မတကို လုပ်ပိုင်ခွင့်တွေ ပိုပြီး မပေးဖို့ အစ္စတန်ဘူလ် အပါအဝင် မြို့ကြီး ၃ မြို့မှာ အဖြေထွက် ခဲ့ပေမယ့် စုစုပေါင်း ရလဒ်တွေ အရ ၅၁% က သမ္မတဘက်ကို အလေးသာခဲ့တယ် ဆိုပြီး ရွေးကောက်ပွဲ ကော်မရှင်က ကြေညာ ထားပါတယ်။

သမ္မတ အာဒိုအန် အနေနဲ့ နိုင်ငံရေး အတိုက်အခံတွေနဲ့ ကြားမှာပါ ပိုပြီး ကျယ်ပြန့်တဲ့ သဘောတူမှုတွေ ရယူဖို့ ဥရောပ သမဂ္ဂက တိုက်တွန်း နေပါတယ်။

ဩစတြီးယား နိုင်ငံခြားရေး ဝန်ကြီး ဇေဘတ်စ်ယန် ခေါ့ဇ်ကဆိုရင် ဥရောပ သမဂ္ဂထဲ တူရကီ ပါဝင်ရေး အိပ်မက် အဆုံးသတ် သင့်ပြီလို့ ပြောဆို ခဲ့ပါတယ်။

သူတို့ တိုင်းပြည်ကို ပိုမို ခိုင်မာ တောင့်တင်းလိုတဲ့ တူရကီ ပြည်သူတွေရဲ့ သဘောထားကို အခု ဆန္ဒ ခံယူပွဲ ရလဒ်က ထင်ဟပ် နေတယ် ဆိုပြီး ပါကစ္စတန် ကတော့ ပြောပါတယ်။

BBC Burmese
http://www.bbc.com/burmese



(မြန်မာနိုင်ငံ ကျောက်ဖြူကနေ တရုတ်ပြည် ယူနန်ပြည်နယ်ကို သွယ်တန်းထားတဲ့ ရေနံစိမ်းပိုက်လိုင်း တနေရာကို တွေ့ရစဉ်) Photo: Min Thein Aung/RFA
မြန်မာနိုင်ငံ ကျောက်ဖြူကနေ တရုတ်ပြည် ယူနန်ပြည်နယ်ကို သွယ်တန်းထားတဲ့ ရေနံစိမ်းပိုက်လိုင်းမှာ လူမျိုးစု လက်နက်ကိုင်အဖွဲ့တွေရဲ့ ဘေးရန်နဲ့ သဘာဝပတ်ဝန်းကျင် ထိခိုက်နိုင်တဲ့ ဘေးရန်တွေ ပေါ်ပေါက်လာနိုင်တယ်လို့ South China Morning Post သတင်းစာက ဖေါ်ပြပါတယ်။

ပိုက်လိုင်းဖြတ်သန်းရာ မြန်မာပြည်မြောက်ပိုင်းမှာ လူမျိုးစုလက်နက်ကိုင်အဖွဲ့တွေနဲ့ အစိုးရစစ်တပ်ကြား တိုက်ပွဲတွေ မကြာခဏဖြစ်ပွားနေပြီး၊ မြန်မာနိုင်ငံသားတွေ နယ်စပ်ကိုဖြတ်ပြီး တရုတ်ပြည်ဘက် ထွက်ပြေးခိုလှုံနေကြရပါတယ်။

တိုက်ပွဲတွေပြင်းထန်တဲ့အခါ ပိုက်လိုင်းကနေ ရေနံပို့လွှတ်တာ ရပ်ဆိုင်းထားရနိုင်ရုံ သာမက၊ လုံးဝရပ်လိုက်ရတဲ့အထိ ဖြစ်သွားနိုင်တယ်လို့ ဟောင်ကောင် ဘက်ပတစ် တက္ကသိုလ်၊ နိုင်ငံတကာ လေ့လာရေးဌာနက သုတေသီတစ်ဦးက ပြောပါတယ်။

အခုတလော မြန်မာဘက်က လူမျိုးစုလက်နက်ကိုင်အဖွဲ့တွေအပေါ် တရုတ်အစိုးရရဲ့ ဆက်ဆံရေး အေးစက်လာတာကြောင့်၊ အဲဒီအဖွဲ့တွေက ပိုက်လိုင်းကို တိုက်ရိုက်တိုက်ခိ်ိုက်မှာမဟုတ်ဘဲ၊ အစိုးရနဲ့ တိုက်ပွဲဖြစ်ပွားတဲ့ နည်းလမ်းကို သုံးစွဲပြီး၊ ပိုက်လိုင်းအလုပ်ထိခိုက်အောင် လုပ်လာနိုင်တယ်လို့လည်း ပြောပါတယ်။

MNDAA ကိုးကန့်အဖွဲ့ဆိုရင် တရုတ်ပြည်က စိုက်ပျိုးရေးဘဏ်တစ်ခုမှာ ငွေစာရင်းဖွင့်ထားတာပါ။ ပြီးခဲ့တဲ့လကတော့ MNDAA ရဲ့ ငွေစာရင်းကို အဲဒီဘဏ်က လက်မခံတော့ပါဘူး။

လန်ဒန်တက္ကသိုလ်က အရှေ့တောင်အာရှဆိုင်ရာ ကျွမ်းကျင်သူတစ်ဦးကလည်း တရုတ်ရေနံပိုက်လိုင်း အလုပ်လုပ်နိုင်စွမ်းဟာ မြန်မာအစိုးရနဲ့ တိုင်းရင်းသားလက်နက်ကိုင်အဖွဲ့တွေကြား ငြိမ်းချမ်းရေးဆွေးနွေးပွဲ တိုးတက်မှုအခြေအနေအပေါ် မူတည်နေတယ်လို့ ပြောဆိုပါတယ်။

နောက်ထပ်ပြဿနာတစ်ခုကတော့ တရုတ်အစိုးရအနေနဲ့ ပိုက်လိုင်းကနေ ရေနံတွေ စိမ့်ထွက်တာမျိုးလို သဘာဝပတ်ဝန်းကျင်ထိခိုက်မယ့် အဖြစ်မျိုးတွေကို ထိန်းသ်ိမ်းကာကွယ်ဖို့ လိုအပ်ကြောင်း၊ အဲသလိုဖြစ်လာရင် ဒေသခံတွေရဲ့ အမျက်ဒေါသနဲ့ ရင်ဆိုင်ရမှာဖြစ်ကြောင်းလည်း သတိပေးလိုက်ပါတယ်။

RFA Burmese
https://www.facebook.com/rfaburmese/



( မိုးလေဝသနဲ့ ဇလဗေဒညွှန်ကြားမှု ဦးစီးဌာနက ဧပြီလ ၁၇ ရက်နေ့ ထုတ်ပြန်ချက်ကိုတွေ့ရစဉ် ) Photo: မိုးလေဝသနှင့်ဇလဗေဒညွှန်ကြားမှုဦးစီးဌာန/ Facebook
မနေ့ညက ဖြစ်ပေါ်ခဲ့တဲ့ မာရသာဆိုင်ကလုန်းမုန်တိုင်းဟာ အားပျော့ပျက်ပြယ်သွားပေမယ့် မုန်တိုင်းက ကျန်ရှိနေတဲ့ တိမ်တွေကြောင့် တစ်နိုင်ငံလုံးမှာ မိုးရွာဦးမယ်လို့ မိုးလေသ၀နဲ့ဇလဗေဒညွှန်ကြားမှု ဦးစီးဌာနက သတင်းထုတ်ပြန်ပါတယ်။

ကရင်ပြည်နယ်၊ တနင်္သာရီတိုင်းနဲ့ မွန်ပြည်နယ်တို့မှာ မိုးများနိုင်တယ်လို့ မိုးလေ၀သနဲ့ဇလဗေဒ ညွှန်ကြားမှု ဦးစီးဌာန ဒုတိယညွှန်ကြားရေးမှူးချုပ် ဦးကျော်မိုးဦး က ပြောပါတယ်။

"လောလောဆယ်တော့ မုန်တိုင်းဒီအပေါ်ပိုင်းကတော့ ပြီးသွားပြီ။ မိုးတိမ်တောင်နည်းနည်းရှိတော့ ပင်လယ်ပြင်ကိုတော့ လှိုင်းကြီးနိုင်တယ်လို့ ထုတ်ထားတာရှိတယ်ပေါ့။ ဒီမွန်၊ ကရင်နဲ့ တနင်္သာရီကိုတော့ မိုးနဲ့လေနဲ့ နည်းနည်းပေးမှာပေါ့နော်။ ကျန်တဲ့ဥစ္စာတွေကတော့ စောစောကပြောတဲ့ မုန်တိုင်းက ကျန်တဲ့အကြွင်းအကျန် တိမ်တိုက်တွေကြောင့် တနိုင်ငံလုံးတော့ ပျံ့ပျံ့နှံ့နှံ့ မိုးရနေဦးမယ်။ "

မနေ့ညက ရခိုင်ကမ်းရိုးတန်းဒေသ ၊ သံတွဲမြို့နားကို ဖြတ်ကျော်တိုက်ခတ်ခဲ့တဲ့ မာရသာမုန်တိုင်းဟာ ကုန်းတွင်းမုန်တိုင်းအဆင့်ကနေ လေဖိအားနည်းရပ်ဝန်းအဖြစ် အားပျော့သွားပြီဖြစ်တဲ့အတွက် အစိမ်းရောင်အဆင့် သတ်မှတ်လိုက်တယ်လို့ မိုးလေ၀သနဲ့ ဇလဗေဒညွှန်ကြားမှု ဦးစီးဌာနက ဒီကနေ့မနက်မှာ ထုတ်ပြန်တာဖြစ်ပါတယ်။

အဲ့ဒီမုန်တိုင်းအရှိန်ကြောင့် နေပြည်တော်၊ မန္တလေး၊ မကွေး ၊ ရန်ကုန်၊ ပဲခူးနဲ့ ရခိုင်ပြည်နယ်တွေမှာ မိုးကြီးခဲ့ပါတယ်။

RFA Burmese
https://www.facebook.com/rfaburmese/


( ဧရာဝတီတိုင်းဒေသကြီး၊ ငပုတောမြို့နယ်၊ ငရုတ်ကောင်းမြို့က ဂေါ်ရင်ဂျီကျွန်းသွားတဲ့လမ်းပေါ်တွင် ကားများပိတ်မိနေသည်ကို ဧပြီလ ၁၆ ရက်နေ့က တွေ့ရစဉ် )Photo: Paing Soe Oo/ Facebook
ဧရာဝတီတိုင်းဒေသကြီး၊ ငပုတောမြို့နယ်၊ ငရုတ်ကောင်းမြို့က ဂေါ်ရင်ဂျီကျွန်းသွားတဲ့လမ်းဟာ မနေ့က မိုးကြီးတာကြောင့် ပျက်စီးသွားတဲ့အတွက် ခရီးသွား ကားအစီး ၄၀ ကျော် ပြန်လာလို့မရဘဲ ပိတ်မိခဲ့တဲ့အတွက် တိုင်းအစိုးရအဖွဲ့နဲ့ လူမှုဝန်ထမ်း ကယ်ဆယ်ရေးနဲ့ ပြန်လည်နေရာချထားရေး ၀န်ကြီးဌာနတို့ ကူညီပေးနေပါတယ်။

ကားတွေသွားလာလို့ရအောင် လမ်းဦးစီးဌာန၊ စည်ပင်နဲ့ မြို့နယ်အထွေထွေအုပ်ချုပ်ရေးတို့က ကူညီဆောင်ရွက်ပေးမှုတွေကြောင့် ဒီနေ့မနက်ပိုင်းမှာ ကားအစီး ၂၀ လောက်သွားလို့ရပြီဖြစ်တယ်လို့ ဧရာဝတီတိုင်းဒေသကြီး၊ စည်ပင်သာယာရေးဝန်ကြီး ဦးကျော်မြင့် က ပြောပါတယ်။

" ဒီမနက်တော့ လမ်းဦးစီးကရော၊ စည်ပင်ရော၊ ထွေအုပ်ရောပေါ့၊ အဖွဲ့ပေါင်းစုံဝိုင်းဝန်းကူညီပြီးတော့ သူတို့ ကားတွေသွားလို့ရအောင် တွန်းပေးလိုက်တဲ့အနေအထားမှာ ကား ၂၀ လောက်တော့ သွားလို့ရသွားပြီတဲ့၊ ကျန်နေတာက ၂၀ လောက်ကျန်နေတယ်၊ ကျန်နေတဲ့ကားတွေလည်း ဆက်ပြီးတော့သွားနေတယ်၊ လမ်းကလည်း မိုးမရွာဘူးဆိုရင် တဖြည်းဖြည်းခြောက်သွားတဲ့ အနေအထားဖြစ်သွားမှာပါ။ "

ဂေါ်ရင်ဂျီကျွန်းသွားတဲ့လမ်းဟာ မြေသားလမ်းတွေဖြစ်ပြီး ဆိုင်ကလုန်းမုန်တိုင်း မာရသာကြောင့် ဧရာဝတီတိုင်းမှာ မနေ့က မိုးတွေဆက်တိုက်ရွာသွန်းခဲ့တဲ့အတွက် နေရာ ၃ နေရာလောက်မှာ ကားတွေက နွံနစ်သလိုဖြစ်ကာ ဆက်သွားလို့မရတော့တာ ဖြစ်ပါတယ်။

ခရီးသွားပြည်သူတွေဟာ တစ်ညတာပိတ်မိခဲ့ပြီး ငရုတ်ကောင်းမြို့ပေါ်နဲ့ နီးစပ်ရာရွာတွေမှာ တည်းခို ခဲ့ကြရပါတယ်။

ဧရာဝတီတိုင်း ကယ်ဆယ်ရေးနဲ့ ပြန်လည်နေရာချထားရေးဦးစီးဌာနဟာ မြို့နယ်အထွေထွေ အုပ်ချုပ်ရေးအဖွဲ့နဲ့ ချိတ်ဆက်ပြီး ပိတ်မိခဲ့တဲ့ ခရီးသွားတွေအတွက် မနေ့ညက ရေနဲ့ အစားအစာတွေ ကိုလည်း ထောက်ပံ့ပေးခဲ့တယ်လို့ သိရပါတယ်။

ဆိုင်ကလုန်းမုန်တိုင်း မာရသာကြောင့် ရခိုင်ပြည်နယ်၊ ဧရာဝတီတိုင်းဒေသကြီးနဲ့ မကွေးတိုင်းဒေသကြီး တို့မှာ မိုးသည်းထန်စွာရွာသွန်းတာတွေ၊ လေပြင်းတိုက်တာတွေ ဖြစ်ပေါ်ခဲ့ပါတယ်။

RFA Burmese
https://www.facebook.com/rfaburmese/



ဘရာဇီးနိုင်ငံရှိ အသားသက်ရုံ တစ်ရုံအား တွေ့ရစဉ် (ဓာတ်ပုံ- အင်တာနက်)
    ရီယိုဒီဂျနေးရိုး၊ ဧပြီ ၁၇ ရက် (ဆင်ဟွာ)

    ဘရာဇီးနိုင်ငံတွင် သက်တမ်းလွန်အသားများ သို့မဟုတ် သန့်စင်မှုမရှိဘဲ ရောနှောအသားများ ရောင်းချခြင်းတွင် ပါဝင်ခဲ့ကြသော လူ ၆၃ ဦးအား လာဘ်စားမှု စီမံချက် တစ်ရပ်အရ တရားစွဲဆိုနိုင်ခဲ့ကြောင်း ဧပြီလ ၁၆ ရက်တွင် ပြည်ထောင်စု ရဲတပ်ဖွဲ့က ပြောသည်။

လက်ရှိတွင် အနည်းဆုံး နိုင်ငံပေါင်း ၂၅ နိုင်ငံသို့ ဘရာဇီးနိုင်ငံမှ အသား တင်ပို့မှုများအား ယာယီ ဆိုင်းငံ့ထားကြောင်း သိရသည်။

တရားစွဲခံထားရသူများတွင် ဆေးဘက်ဆိုင်ရာ မှတ်တမ်းများနှင့် လက်မှတ်များ လိမ်လည် ထုတ်ပေးခြင်း၊ စားသောက်ကုန် လိမ်လည် ထုတ်လုပ်ခြင်း၊ ပူးပေါင်းကြံစည်မှုနှင့် လာဘ်စားခြင်း စသည်တို့ ပါဝင်သည်။

မတ်လအတွင်းက အသား ထုတ်ပိုးသည့် စက်ရုံများတွင် တရားမဝင် လုပ်ဆောင်နေခြင်းများအား စစ်ဆင်ရေး တစ်ရပ်အဖြစ် အမည်တပ်ကာ ရဲတပ်ဖွဲ့က ကျယ်ပြန့်သော စုံစမ်းစစ်ဆေးမှုများ လုပ်ဆောင်ခဲ့သည်။

အဆိုပါ စစ်ဆင်ရေးတွင် သက်တမ်းလွန် အသားများအား ရက်စွဲပြောင်းကာ ဈေးကွက်တင်ခြင်း၊ ရေထိုးသည့် အသားများ ရောင်းချခြင်းနှင့် ကျန်းမာရေးနှင့် မညီညွတ်သော ထုတ်လုပ်မှုများအား အဖွဲ့များခွဲကာ လိုက်လံ စုံစမ်းစစ်ဆေး အရေးယူခဲ့ကြသည်။

ထို စစ်ဆေးမှုများတွင် နိုင်ငံတကာသို့ တင်ပို့သော ကမ္ဘာ့ အကြီးဆုံး အသား ထုတ်လုပ်သူနှင့် တင်ပို့သည့် ကုမ္ပဏီကြီး နှစ်ခုဖြစ်သော BRF  နှင့် JBS တို့ အပါအဝင် အသား ထုပ်ပိုးစက်ရုံ ၂၁ ခုပါဝင်ခဲ့ကြောင်း သိရသည်။

ဘရာဇီးနိုင်ငံသည် ကမ္ဘာ့ အကြီးဆုံး အမဲသားနှင့် ကြက်၊ ဘဲများ တင်ပို့သည့် နိုင်ငံဖြစ်သလို ဝက်သားတင်ပို့မှုတွင်လည်း စတုတ္ထမြောက် အကြီးဆုံး ဖြစ်သည်။

ယခုလို သတင်းများကြောင့် ဘရားဇီးနိုင်ငံသည် တစ်နှစ်တာ ဝင်ငွေ အမေရိကန် ဒေါ်လာ ၁.၅ ဘီလီယံ ဆုံးရှုံးဖွယ်ရှိကြောင်း ခန့်မှန်းရသည်။

(Xinhua)
http://www.xinhuamyanmar.com



မဟာသင်္ကြန်အကျနေ့ မြင်ကွင်းအားတွေ့ရစဉ် (ဆင်ဟွာ)
    ရန်ကုန်၊ ဧပြီ ၁၇ ရက် (ဆင်ဟွာ)

    နေပြည်တော်နှင့် တိုင်းဒေသကြီး/ပြည်နယ်များတွင် ၂၀၁၇ ခုနှစ်၊ မဟာသင်္ကြန်ကာလတွင် သေဆုံးသူ ၁၄ ဦး၊ ဒဏ်ရာရရှိသူ ၁၅၂ ဦး ရှိခဲ့ကြောင်း မြန်မာနိုင်ငံရဲတပ်ဖွဲ့မှ သတင်းထုတ်ပြန်သည်။

အခြားအမှုများ အနေဖြင့် ၁၄၇ မှုရှိခဲ့ကြောင်း သိရသည်။ သင်္ကြန်အကြိုနေ့တွင် တစ်နိုင်ငံလုံးအတိုင်းအတာဖြင့် သေဆုံးသူ ၃ဦး၊ ဒဏ်ရာရသူ ၁၆ဦး နှင့် အမှုပေါင်း ၂၀ ရှိခဲ့သည်။ သင်္ကြန်အကျနေ့တွင် သေဆုံးသူ ၅ ဦး၊ ဒဏ်ရာရသူ ၆၂ ဦး နှင့် အခြားအမှုပေါင်း ၅၅ မှုရှိခဲ့သည်။ သင်္ကြန် အကြတ်နေ့တွင် သေဆုံးသူ၆ဦး၊ ဒဏ်ရာရသူ ၇၄ဦး နှင့် အခြားအမှုပေါင်း ၇၂ မှု ရှိခဲ့ကြောင်း မြန်မာနိုင်ငံရဲတပ်ဖွဲ့၏ သတင်းထုတ်ပြန်ချက် ထဲတွင်ပါရှိသည်။

သင်္ကြန်အတက်နေ့ဖြစ်သည့် ဧပြီလ ၁၆ ရက်နေ့တွင် မာရသာ ဆိုင်ကလုန်းမုန်တိုင်း တိုက်ခတ်ခဲ့ သည့် အတွက် ရေပက်ကစားသူ နည်းပါးခဲ့ကာ အတက်နေ့တွင် သေဆုံးသူ၊ ဒဏ်ရာ ရသူနှင့် အခြားမှုခင်းများစာရင်းအား မြန်မာနိုင်ငံရဲတပ်ဖွဲ့၏ ထုတ်ပြန်ချက်ထဲတွင် မပါရှိပေ။

၂၀၁၆ ခုနှစ် မဟာသင်္ကြန်တွင် ၃၆ ဦး သေဆုံးခဲ့ပြီး ၃၁၆ ဦး ထိခိုက်ဒဏ်ရာ ရရှိခဲ့ကြောင်း သိရသည်။

(Xinhua)
http://www.xinhuamyanmar.com