04/20/17

သံမဏိနှင်းဆီဂျာနယ် (Facebook)
အပတ်စဉ်ထုတ် သံမဏိနှင်းဆီ ဂျာနယ်ရဲ့ ထုတ်ဝေသူလည်းဖြစ်၊ အယ်ဒီတာလည်းဖြစ်တဲ့ ကိုဝေယံဟိန်း အသတ်ခံရတာနဲ့ ပတ်သက်လို့ အမှုမှန်ပေါ်အောင် အမြန်ဆုံးစုံစမ်းစစ်ဆေး ဖေါ်ထုတ်ပေးဖို့ မြန်မာအာဏာပိုင်တွေကိုပြင်သစ်အခြေစိုက် RSF နယ်စည်းမခြား သတင်းထောက်များအဖွဲ့နဲ့ ဟောင်ကောင်အခြေစိုက် အာရှလူ့အခွင့်အရေးအဖွဲ့တွေက ဧပြီလ ၁၉ ရက်နေ့က တောင်းဆိုလိုက်ပါတယ်။

ဆက်သွယ်မေးမြန်းထားတဲ့ မအင်ကြင်းနိုင်က အပြည့်အစုံကို ပြောပြမှာပါ။

အခုလို သတင်းမီဒီယာသမားတဦးဖြစ်တဲ့ ကိုဝေယံဟိန်း အသတ်ခံရတဲ့အမှုနဲ့ ပတ်သက်ပြီး သူတို့ အနေနဲ့ တုန်လှုပ်မိကြောင်း RSF အာရှရေးရာတာဝန်ခံ Benjamin Ismail က ဗွီအိုအေကို ပြောပါတယ်။

“သတင်းသမားတဦး အသတ်ခံရတယ်ဆိုတဲ့ သတင်းကြားလိုက်ချိန်မှာ ကျနော်တို့ တုန်လှုပ်မိပါတယ်။ သူ့ကိုဘာကြောင့် သတ်သလဲဆိုတဲ့ အကြောင်းအရင်းကို ကျနော်တို့ မသိရသေးပါဘူး။ ရဲအာဏာပိုင်တွေ သတင်းဌာနတွေ ပြောပြချက်အရဆိုရင် သူ့ကို မသေမချင်း ဓါးနဲ့ ထိုးသတ်ခဲ့တယ်လို့ ဆိုပါတယ်။ ဘာကြောင့်အသတ်ခံရသလဲဆိုတဲ့ အခြေအနေဟာ တကယ့်ကို စိုးရိမ်စရာကောင်းပါတယ်။”

ဒါအပြင် သံမဏီနှင်းဆီ ဂျာနယ်ကနေ အငြိမ်းစားယူသွားတဲ့ စစ်ဗိုလ်ချုပ်ဟောင်းတွေအကြောင်းနဲ့ သူတို့နဲ့ စီးပွားရေးစပ်တူ လုပ်ကိုင်နေသူတွေအကြောင်း မကြာသေးခင်ကပဲ မျက်နှာဖုန်းသတင်းဆောင်းပါးတွေ ဆက်တိုက်ရေးသားဖေါ်ပြခဲ့တဲ့ ကိစ္စနဲ့ ကိုဝေယံဟိန်း အသတ်ခံရမှုဟာ ပတ်သက်နေတယ်လို့ RSF အနေနဲ့ ယူဆကြောင်း Benjamin Ismail ကပြောပါတယ်။

“သံမဏိနှင်းဆီ အပါအ၀င် ကိုဝေယံဟိန်း ပူးတွဲတာဝန်ယူခဲ့တဲ့ သူရိယနေ၀န်း အပတ်စဉ်ဂျာနယ်တွေဟာ စစ်ဗိုလ်ချုပ်ဟောင်းတွေ၊ စီးပွားရေးခရိုနီတွေ၊ အာဏာရှိတဲ့ လူပုဂ္ဂိုလ်တွေရဲ့ အကြောင်းတွေကို ဝေဖန် ရေးသားဖေါ်ပြနေတယ်ဆိုတာ ကျနော်တို့ သိပါတယ်။ ဒါအပြင် ဒီဂျာနယ်တွေရဲ့ ရေးသားဖေါ်ပြမှုတွေဟာ အန္တရာယ်များတယ်ဆိုတာ ကျနော်တို့ သိပါတယ်။ အခုရဲအာဏာပိုင်တွေက လူသတ်မှုကို စတင်စုံစမ်းနေပြီဆိုတာလည်း သိရပါတယ်။ ဒါပေမဲ့ အမှုမှန်ပေါ်တဲ့ အထိ စေ့စေ့စပ်စပ်နဲ့ ကိုင်တွယ်စုံစမ်းပေးဖို့ ကျနော်တို့ တောင်းဆိုချင်ပါတယ်။”

အလားတူ RSF အဖွဲ့ကြီးအနေနဲ့ လွန်ခဲ့တဲ့ လေးလက မုံရွာမြို့မှာ Elevel မီဒီယာ Group သတင်းထောက် ကိုစိုးမိုးထွန်း ရိုက်နှက်ဒဏ်ရာတွေနဲ့ သေဆုံးခဲ့တဲ့ အမှုနဲ့ ပတ်သက်ပြီး ၊ ပြစ်မှု ကျူးလွန်သူတွေကို စုံစမ်းဖေါ်ထုတ် အရေးယူပေးဖို့ မြန်မာ အာဏာပိုင်တွေကို တောင်းဆိုခဲ့ပါတယ်။

အခုလို တရားခံတွေကို အာဏာပိုင်တွေဘက်က ဖမ်းဆီးအရေးယူနိုင်ခြင်း မရှိသေးတာနဲ့ ပတ်သက်လို့ Benjamin Ismail ရဲ့ အမြင်ကတော့-

“သတင်းမီဒီယာသမားတွေအပေါ် အကြမ်းဖက် သတ်ဖြတ်မှုတွေမှာ အမှုမှန်ပေါ်အောင် ဖြေရှင်းမပေးနိုင်သလို အရေးယူနိုင်ခြင်းလဲမရှိတာဟာ သတင်းသမားတွေ အတွက် လုံခြုံရေး ကင်းမဲ့မှုဖြစ်စေတဲ့အပြင် ကိုယ့်ကိုကိုယ် ဆင်ဆာလုပ်ဖို့ ဖိအားပေးတဲ့ အခြေအနေမျိုးဖြစ်နေပါတယ်။”

မြန်မာနိုင်ငံမှာ လာဘ်စားမှုတွေဖြစ်နေတဲ့ အကြောင်းရေးသားနေတဲ့ ဂျာနယ် ထုတ်ဝေသူ အသတ်ခံရတဲ့ အမှုကို အဏာပိုင်တွေဘက်က အလေးအနက်ထား စုံစမ်းစစ်ဆေးပေးဖို့ ဟောင်ကောင်အခြေစိုက် အာရှလူ့အခွင့်အရေးအဖွဲ့က တိုက်တွန်းကြောင်း မြန်မာနိုင်ငံဆိုင်ရာတာဝန်ခံ ဦးမင်းလွင်ဦးက ပြောပါတယ်။

MJN မြန်မာ့သတင်းမီဒီယာကောင်စီ အဖွဲ့အပါအ၀င် အခြားသတင်းအဖွဲ့အစည်းတွေကတော့ ကိုဝေယံဟိန်းအသတ်ခံရမှုနဲ့ပတ်သက်ပြီး အာဏာပိုင်တွေရဲ့ ထုတ်ပြန်ချက်ကို စောင့်ကြည့်နေကြောင်း အဖွဲ့အစည်းတာဝန်ရှိသူတွေက ပြောပါတယ်။

ဧပြီလ (၁၆)ရက်နေ့က ကိုဝေယံဟိန်းကို ပုဇွန်တောင် (၂)ရပ်ကွက်က သံမဏိနှင်းဆီ ဂျာနယ်တိုက်မှာ ရင်ဘတ်ထိုးသွင်း ဒဏ်ရာ ၁၅ ချက်နဲ့ သေဆုံးနေကြောင်း ဧပြီလ (၁၆)ရက်နေ့က ရဲတပ်ဖွဲ့က တွေ့ရှိခဲ့တာဖြစ်ပါတယ်။

လက်ရှိအချိန်မှာတော့ သက်ဆိုင်ရာ နယ်မြေပိုင် ရဲစခန်းအပြင် တခြား ဌာနအသီးသီးကပါ စုံစမ်း စစ်ဆေးနေဆဲဖြစ်ပြီး အဲဒီ လုပ်ငန်းတွေ ပြီးဆုံးတဲ့အခါမှာ သတင်း ထုတ်ပြန်ပေးသွားမယ်လို့ ပုဇွန်တောင်ရဲစခန်း ဒုရဲမှူး ယဉ်ထွေးက ဗွီအိုအေကို ပြီးခဲ့တဲ့ ရက်ပိုင်းက ပြောခဲ့ပါတယ်။

အင်ကြင်းနိုင်  / ဗွီအိုအေ (မြန်မာပိုင်း)
http://burmese.voanews.com

The aircraft carrier USS Carl Vinson (CVN 70) transits the Indian Ocean, April 15, 2017.
မြောက်ကိုရီးယားရဲ့ နျူကလီးယားလက်နက်အစီအစဉ်ကို ဟန့်တားရေးအတွက် အမေရိကန်လေယာဉ်တင်သင်္ဘော USS Carl Vinson ဦးဆောင်တဲ့ ရေတပ်ဟာ ပစ္စိဖိတ်မြောက်ပိုင်းကို အမှန်တကယ် ဦးတည်သွားနေတယ်လို့ အမေရိကန်ပြည်ထောင်စုက သူ့ရဲ့မဟာမိတ်တွေကို ပြောကြားလိုက်ပါတယ်။ ဒါပေမဲ့ ဒီပြောကြားချက်ဟာ ဒီလေယာဉ်တင်သင်္ဘောနဲ့ တခြားစစ်သင်္ဘောတွေ အဲဒီဒေသကို သွားနှင့်ပြီးဖြစ်တယ်ဆိုတဲ့ အထင်လွဲမှားစေတဲ့ ကျေညာချက်တွေပေါ်ထွက်ခဲ့ပြီး ရက်အတန်ကြာမှ ပေါ်ထွက်လာတာဖြစ်ပါတယ်။

“အင်မတန် အင်အားကြီးမားတဲ့ရေတပ်ကြီးတခုကို စေလွှတ်ထားပါတယ်”လို့ ဒီရေတပ်အုပ်စု စင်္ကာပူ ကထွက်ခွါပြီး ၃ ရက်အကြာ ဧပြီလ ၁၁ ရက် နေ့ကတည်းက သမ္မတ Donald Trump ကကျေညာခဲ့ပါတယ်။ဒါပေမဲ့ ဒီရေတပ်သင်္ဘောစုဟာ မြောက်ဘက်ကို ဦးတည်မသွားပဲ သြစတြေးလျနဲ့ ပူးတွဲစစ်လေ့ကျင့်ရေးတရပ်ကို အကျဉ်းရုံးလုပ်ဆောင်နေခဲ့တာပါ။

သူတို့ရေတပ် ဘယ်ရောက်နေတယ်ဆိုတာနဲ့ပတ်သက်တဲ့ ကျေညာချက်ကွဲလွဲမှုတွေကို ရှင်းလင်းဖို့ ဗုဒ္ဓဟူးနေ့ကျမှ အမေရိကန်အရာရှိတွေ အားထုတ်ခဲ့ကြပါတယ်။

ဆော်ဒီအာရေဗျ နိုင်ငံကို သွားရောက်နေတဲ့ ကာကွယ်ရေးဝန်ကြီး Jim Mattis ကတော့ "ဒီလေယာဉ်တင်သင်္ဘောကြီးဟာ ပစ္စိဖိတ်သမုဒ္ဒရာ အနောက်ခြမ်းမှာ အထက်အောက်လှုပ်ရှားနေတာပါ၊ ကျုပ်တို့ပြောတဲ့အတိုင်းပဲ" လို့ဆိုပါတယ်။

ဒီလိုသတင်းပေးလွဲမှားမှု ဟာ မြောက်ကိုရီးယားအပေါ် အမေရိကန်တို့ စစ်ရေးအရ ကြိမ်းဝါးပြောဆိုမှုကို အယုံအကြည်ကင်းမဲ့စေတယ်လို့ သုံးသပ်သူတချို့ကရှုမြင်နေကြပါတယ်။

ဗွီအိုအေ (မြန်မာပိုင်း)
http://burmese.voanews.com


"ဘာစီလိုနာ ၀-၀ ဂျူဗင်တပ်စ်"
"မိုနာကို ၃-၁ ဒေါ့မန်"

ချန်ပီယံ ကွာတားဖိုင်နယ်ရဲ့ ဒုတိယအကျော့ပွဲတွေမှာ ဘာစီလိုနာက အိမ်ကွင်းမှာ ဂျူဗီကို ဂိုးမရှိသရေသာ ကစားနုိုင်ခဲ့လို့ ကွာတားဖုိုင်နယ်ကနေ ထွက်ခွာသွားရပြီဖြစ်ပါတယ်။ တစ်ဖက်ကပွဲမှာလည်း အဝေးကွင်းနုိုင်ထား တဲ့ မိုနာကိုက ခြေစွမ်းပြပြီး ဒေါ့မန်ကို အိမ်ကွင်းမှာပဲ ၃ဂိုး-၁ဂိုးနဲ့နုိုင်လို့ ဆီမီး ဖိုင်နယ်တက်ခဲ့ပါတယ်။
ဘာစီလိုနာ-ဂျူဗီပွဲမှာ ဘိုနူချီ၊ ခီလီနီ နောက်တန်းက အကောင်းဆုံး ကစားနုိုင်ခဲ့ပြီး ဘာစီလိုနာ ရှေ့တန်းတွေကို အခွင့်အရေးလုပ်ဝ မပေးခဲ့လို့ သရေကျခဲ့တာဖြစ်ပါတယ်။ နှစ်သင်းစလုံး အခွင့်အရေးတွေရကြသလို တန်ပြန်တုိုက်စစ်ကစားတဲ့ ဂျူဗီက ဒုတိယပိုင်းမှာ ဂိုးရနိုင်ဖို့ရှိပေမယ့် မလိုအပ်ဘဲ လောနေလို့ ဘာစီလိုနာ ဂိုးမပေးခဲ့ရတာပါ။ ဒီပွဲဟာ ဂျူဗင်တပ်စ်ရဲ့ ခံစစ်ကို မှတ်ကျောက်တင်တဲ့ပွဲဖြစ်သလို ဘာစီလိုနာရဲ့ တောင်ပံတွေကို ပိတ်ထားနုိုင်ခဲ့လို့ ဂျူဗင်တပ်စ်တို့ ဆီးမီးဖုိုင်နယ်ကို ထိုက်ထိုက်တန်တန် တက်ခဲ့တာဖြစ်ပါတယ်။ မိုနာကိုနဲ့ ဒေါ့မန်ပွဲမှာတော့ မိုနာကိုက ဘက်ဘေ၊ ဖယ်လ်ကာအို၊ ဂျာမိန်းစ်တို့ရဲ့ ဂိုးတွေသွင်းခဲ့ပြီး ဒေ့ါမန် အတွက် မာကိုရိုက်စ်က တစ်ဂိုးသွင်းလို့ ၃ဂိုး-၁ဂိုးနဲ့ ပြီးခဲ့ပါတယ်။
( ချန်ပီယံလိဂ် ဆီမီးဖိုင်နယ် ပွဲတွေ မဲနှိုက်ရေးဆွဲမှုကို သောကြာနေ့ ညနေပိုင်း မြန်မာစံတော်ချိန် ၄နာရီခွဲမှာ ပြုလုပ်မှာဖြစ်ပါတယ်။ )
BBC Burmese


ဒူဘိုင်း အခြေစိုက် အဲမရိတ်စ် လေကြောင်းလိုင်း

ဒူဘိုင်းမှာ အခြေစိုက်တဲ့ အဲမရိတ်စ် လေကြောင်းလိုင်းက အမေရိကကို ပျံတဲ့ လေယာဉ် ခရီးစဉ်တွေကို လျှော့ချ နေကြောင်း ကြေညာခဲ့ပါတယ်။

ဒါဟာ သမ္မတ ဒေါ်နယ် ထရမ့် တက်လာပြီး နောက်ပိုင်း လူဝင်မှု ကန့်သတ်ချက်တွေ ချမှတ်ခဲ့လို့ ဖြစ်ပါတယ်။

မွတ်ဆလင် နိုင်ငံ ၉ ခုက လာတဲ့ ခရီးသည်တွေကို ပြည်ဝင်ခွင့် ပိတ်ဖို့ ကြိုးစားတာ၊ နောက် လေယာဉ်ပေါ်မှာ လျှပ်စစ် အီလက်ထရောနစ် ပစ္စည်းတွေ သုံးတာကို ကန့်သတ်တာတွေကြောင့် အမေရိကကို သွားတဲ့ ခရီးသွား ဦးရေ လျှော့ကျလာတယ်လို့ ဆိုပါတယ်။

ဘော့စတွန်၊ အော်လန်ဒို၊ ဖို့လော်ဒါဒေးလ်၊ ဆီယက်တဲနဲ့ လော့ဆန်းဂျလိစ် မြို့တွေကို သွားတဲ့ ခရီးစဉ်တွေကို အဲမရိတ်စ် လေကြောင်းက လျှော့ချမှာ ဖြစ်ပါတယ်။
BBC Burmese

 UWSP ဌာနချုပ် ပန်ခမ်းမှာ ဖေဖော်ဝါရီလ ၂၂ နေ့ကကျင်းပခဲ့တဲ့ NCA အပစ်ရပ်လက်မှတ်မရေးထိုးထားတဲ့ တိုင်းရင်းသား လက်နက်ကိုင်အဖွဲ့တွေရဲ့ ထိပ်သီးအစည်းအဝေးကို တွေ့ရစဉ် UWSP ဌာနချုပ် ပန်ခမ်းမှာ ဖေဖော်ဝါရီလ ၂၂ နေ့ကကျင်းပခဲ့တဲ့ NCA အပစ်ရပ်လက်မှတ်မရေးထိုးထားတဲ့ တိုင်းရင်းသား လက်နက်ကိုင်အဖွဲ့တွေရဲ့ ထိပ်သီးအစည်းအဝေးကို တွေ့ရစဉ်
Photo: Nyi Rang (facebook)
အထူးဒေသ-၂ ပန်ခမ်းမြို့မှာ ငါးရက်ကြာကျင်းပခဲ့တဲ့ တိုင်းရင်းသားလက်နက်ကိုင်အဖွဲ့ ၇ ဖွဲ့က ခေါင်းဆောင်တွေ ရဲ့ စတုတ္ထအကြိမ် မျက်နှာစုံညီ အစည်းအဝေးကနေ အစိုးရနဲ့ တွေ့ဆုံဆွေးနွေးမယ့် "နိုင်ငံရေးဆွေးနွေးရေးကော် မတီ" ကို "ပြည်ထောင်စု နိုင်ငံရေး ဆွေးနွေးညှိနှိုင်းရေးကော်မတီ" အဖြစ် ပြောင်းလဲ သတ်မှတ်လိုက်ပါတယ်။

KIO/KIA ကချင်အဖွဲ့၊ AA ရခိုင်အဖွဲ့၊ MNDAA ကိုးကန့်အဖွဲ့၊ TNLA တအာန်းပလောင်အဖွဲ့၊ SSPP/SSA ၊ NDAA မိုင်းလားအဖွဲ့နဲ့ UWSA ဝအဖွဲ့တို့ တက်ရောက်ကြတဲ့ ဒီအစည်းအဝေးကနေ တိုင်းရင်းသားလက်နက်ကိုင်အဖွဲ့တွေရဲ့ အထွေထွေမူဝါဒနဲ့ ရပ်တည်ချက်ကို အတည်ပြုပြီး အစိုးရနဲ့ဆွေးနွေးညှိနှိုင်းမယ့် ဘုံစာတမ်းအဖြစ် အတည်ပြုလိုက် တယ်လို့ အစည်းအဝေးအပြီး ဧပြီလ ၁၉ ရက်- ဒီကနေ့ထုတ်ပြန်တဲ့ ကြေညာချက်မှာ ဖော်ပြထားပါတယ်။

"ပြည်ထောင်စု နိုင်ငံရေး ဆွေးနွေးညှိနှိုင်းရေးကော်မတီ" အဖွဲ့ဝင် အဖွဲ့အစည်းတွေအနေနဲ့ အစိုးရနဲ့ဆွေးနွေးတဲ့ အခါမှာ တဖွဲ့ချင်းမဆွေးနွေးပဲ ကော်မတီအနေနဲ့သာ ဆွေးနွေးသွားမယ်လို့လည်း ကြေညာချက်မှာ ဖော်ပြထား ပါတယ်။
RFA

ဒေါ်အောင်ဆန်းစုကြည်နဲ့အဖွဲ့ တရုတ်နိုင်ငံကိုသွားရန် ရန်ကုန်လေဆိပ်ကို ၂ဝ၁၅ ခုနှစ် ဇွန်လ ၁ဝ ရက်နေ့က ရောက်ရှိလာစဉ် ဒေါ်အောင်ဆန်းစုကြည်နဲ့အဖွဲ့ တရုတ်နိုင်ငံကိုသွားရန် ရန်ကုန်လေဆိပ်ကို ၂ဝ၁၅ ခုနှစ် ဇွန်လ ၁ဝ ရက်နေ့က ရောက်ရှိလာစဉ်
Photo: Kyaw Htoon Naing/RFA

နိုင်ငံတော်အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်ဟာ ဧပြီလကုန်ပိုင်းမှာ ဥရောပတိုက်က ဘယ်လ်ဂျီယမ်၊ ပြင်သစ်၊ အီတလီနဲ့ ဗြိတိန် စတဲ့ လေးနိုင်ငံကို ချစ်ကြည်ရေးခရီးစဉ် ထွက်ခွာမယ်လို့ နိုင်ငံတော်အတိုင်ပင်ခံရုံး ညွှန်ကြားရေးမှူးချုပ် ဦးဇော်ဌေးက သတင်းမီဒီယာတွေကို ပြောပါတယ်။

ဒေါ်အောင်ဆန်းစုကြည်ဟာ ဥရောပခရီးစဉ်က ပြန်လာပြီးနောက် တရုတ်နိုင်ငံမှာ မေလ ၁၄ ရက်နဲ့ ၁၅ ရက်နေ့ ကျင်းပမယ့် One Belt-One Road ခေတ်သစ်ပိုးလမ်းမကြီး မဟာဗျူဟာစီမံချက်နဲ့ ပတ်သက်တဲ့ နိုင်ငံတကာအဆင့် ထိပ်သီးညီလာခံကို တက်ရောက်မှာ ဖြစ်ပါတယ်။ ဘေကျင်းမြို့မှာ ကျင်းပမယ့် အဲဒီညီလာခံကို ရုရှား၊ အီတလီ၊ စပိန်၊ တူရကီ၊ ပါကစ္စတန်၊ အင်ဒိုနီးရှား၊ ဖိလစ်ပိုင်၊ ကမ္ဘောဒီးယား.. စတဲ့ နိုင်ငံပေါင်း ၂၈ နိုင်ငံက အစိုးရ ခေါင်းဆောင်တွေ နိုင်ငံတော်အကြီးအကဲတွေ တက်ရောက်ကြမှာ ဖြစ်ပါတယ်။ ဒါ့ပြင် နိုင်ငံပေါင်း ၁၁ဝ က ပညာရှင်တွေ၊ စီးပွားရေးလုပ်ငန်းရှင်တွေ၊ ဘဏ်လုပ်ငန်းနဲ့ သတင်းမီဒီယာလုပ်ငန်း ကျွမ်းကျင်သူတွေအပြင်၊ အစိုးရဝန်ကြီး ၁၉ဝ ကျော်၊ နိုင်ငံတကာအဖွဲ့အစည်း ၆ဝ ကျော်က ကိုယ်စားလှယ်တွေ တက်ရောက်ကြမှာ ဖြစ်ပါတယ်။

အခုလဆန်းပိုင်းက မြန်မာသမ္မတ ဦးထင်ကျော်ရဲ့ တရုတ်နိုင်ငံ ချစ်ကြည်ရေးခရီးစဉ်အတွင်း အချက် ၁ဝ ချက်ပါဝင်တဲ့ နှစ်နိုင်ငံ ပူးတွဲကြေညာချက် ထုတ်ပြန်ခဲ့ရာမှာ တရုတ်နိုင်ငံက အဆိုပြုထားတဲ့ ခေတ်သစ်ပိုးလမ်းမ အစီအစဉ်ကို မြန်မာနိုင်ငံက အားပေးထောက်ခံကြောင်း၊ နှစ်နိုင်ငံ စီးပွားရေး၊ ကုန်သွယ်ရေး၊ စိုက်ပျိုးရေး စတဲ့ကဏ္ဍတွေမှာ အကျိုးတူပူးပေါင်း ဆောင်ရွက်သွားကြမယ့်အကြောင်း ဖော်ပြထားပါတယ်။
RFA


အမေရိကန်သည် မြောက်ကိုရီးယား၏ တိုက်ခိုက်မှုအား အပြတ်အသတ်နှင့် ထိထိရောက်ရောက် တုံ့ပြန်သွားမည်ဖြစ်ကြောင်း ဒုတိယသမ္မတ မိုက်ပင့်စ်က ဂျပန်တွင် ဆိုက်ကပ်ထားသော အမေရိကန်လေယာဉ်တင် သင်္ဘောကြီးပေါ်၌ ဧပြီ ၁၉ ရက်တွင် ကတိပြု ပြောကြားခဲ့သည်။ ပြုံယမ်း၏ ဒုံးကျည်စီမံကိန်း အလျင်အမြန် တိုးချဲ့လာမှုနှင့် နောက်ထပ် နျူကလီးယားစမ်းသပ်မှု တစ်ခုပြုလုပ်ရန် အသင့်ရှိနေမှုအပေါ် စိုးရိမ်နေသော ဒေသတွင်း မဟာမိတ်များအား အာမခံချက်ပြန်ပေးနိုင်ရန် မိုက်ပင့်စ်က အာရှသို့ သွားရောက်ခဲ့ခြင်း ဖြစ်သည်။

မြောက်ကိုရီးယားက ဒုံးကျည်သစ်တစ်မျိုးဟု ယူဆရသော ဒုံးကျည်တစ်မျိုးအား ပစ်လွှတ်မှု မအောင်မမြင်ဖြစ်ခဲ့ပြီး နောက်တစ်နေ့တွင် ပင့်စ်က တောင်ကိုရီးယားသို့ သွားရောက်ခဲ့ပြီး အထီးကျန် မြောက်ကိုရီးယား အစိုးရ၏ ခြိမ်းခြောက်မှုသည် မြင့်တက်လာနေကြောင်း ပြောကြားခဲ့သည်။ အရှေ့မြောက် အာရှဒေသ၏ မိုးကုပ်စက်ဝိုင်းတွင် မုန်တိုင်း အရိပ်အယောင်များ အုံ့ဆိုင်းနေစဉ် ပင့်စ်က အမေရိကန်လေယာဉ်တင်သင်္ဘော USS Ronald Reagan ပေါ်၌ တပ်ဖွဲ့ဝင်များအား ယင်းကဲ့သို့ ပြောကြားခဲ့ခြင်း ဖြစ်သည်။ မြောက်ကိုရီးယားသည် အာရှ-ပစိဖိတ်ဒေသတွင် ငြိမ်းချမ်းရေးနှင့် တည်ငြိမ်ရေးအတွက် အန္တရာယ် အကြီးဆုံးနှင့် တိုက်ရိုက်ခြိမ်းခြောက်မှု ဖြစ်ကြောင်း ပင့်စ်က ပြောကြားခဲ့သည်။

သို့သော် မည်သည့် တိုက်ခိုက်မှုကိုမဆို ၎င်းတို့က ချေမှုန်းနိုင်ပြီး သမားရိုးကျ သို့မဟုတ် နျူကလီးယား လက်နက်များ အသုံးပြုသည့် မည်သည့်တိုက်ခိုက်မှုမဆို အမေရိကန်၏ ပြတ်ပြတ်သားသားနှင့် ထိထိရောက်ရောက် တုံ့ပြန်မှုနှင့် ရင်ဆိုင်ရမည်ဖြစ်ကြောင်း ၎င်းကပြောကြားခဲ့သည်။ မြောက်ကိုရီးယားအစိုးရ ထိပ်တန်းတာဝန်ရှိသူတစ်ဦးက အစိုးရသည် ၎င်း၏ဒုံးကျည် စီမံကိန်းများအား လျှော့ချရန် ရည်ရွယ်ချက်မရှိကြောင်း သတိပေးခဲ့ပြီး စမ်းသပ်မှုများကိုလည်း အပတ်စဉ် ပြုလုပ်မည်ဟု ကတိပြုခဲ့သည်။ ထို့ပြင် အမေရိကန်က အရေးယူရန် ကြိုးစားသည့် မည်သည့်လုပ်ရပ်မဆို ကြီးမားကျယ်ပြန့်သော စစ်ပွဲနှင့် ရင်ဆိုင်ရမည်ဖြစ်ကြောင်း ၎င်းက ခြိမ်းခြောက်ခဲ့သည်။

မြောက်ကိုရီးယား၏ ယင်းခြိမ်းခြောက်မှုများကြောင့် အမေရိကန်၏ ဒေသတွင်း မဟာမိတ်များဖြစ်သော ဂျပန်နှင့် တောင်ကိုရီးယားတို့အား ထိတ်လန့်စေခဲ့သည်။ တောင်ကိုရီးယား၏မြို့တော် ဆိုးလ်သည် ကိုရီးယားကျွန်းဆွယ်အား ပိုင်းခြားထားသော စစ်ဘက်သတ်မှတ်စည်းနှင့် ခဲတစ်ပစ်စာ အကွာအဝေး၌သာ ရှိနေပြီး မြောက်ကိုရီးယား၏ တာဝေးပစ်အမြောက်က အလွယ်တကူ ပစ်ခတ်နိုင်သည့် အနေအထား၌ ရှိနေသည်။ ဂျပန်နိုင်ငံ ယိုကိုဆူကာဆိပ်ကမ်းတွင် အခြေစိုက်သော Ronald Reagan သင်္ဘောသည် အမေရိကန် အမှတ်-၇ ရေတပ်တပ်မ၏ အစိတ်အပိုင်းဖြစ်ပြီး အနောက်ပစိဖိတ်တစ်ဝန်းတွင် ပုံမှန်တပ်စွဲလေ့ ရှိသည်။ ယင်းတပ်မတွင် ပါဝင်သော နောက်ထပ်လေယာဉ်တင်သင်္ဘော USS Carl Vinson အား မြောက်ကိုရီးယား အစိုးရကို အင်အားပြသသည့်လုပ်ရပ်အဖြစ် ဂျပန်ပင်လယ် (အရှေ့ပင်လယ်) သို့ စေလွှတ်ဖွယ်ရှိသည်ဟု မျှော်လင့်ရသည်။

Writer:
Ref: AFP
Eleven Media Group



 ကျောပိုးအိတ် တစ်ခုတည်းမှာတင် အိုင်ဖုန်း အလုံးရေ တစ်ရာကျော် တွေ့ခဲ့
အမေရိကန် ပြည်ထောင်စု၊ ကယ်လီဖိုးနီးယား ပြည်နယ်မှာ ကျင်းပတဲ့ ကိုချယ်လာ ဂီတပွဲမှာ အိုင်ဖုန်း ပျောက်သူတွေ သူတို့ရဲ့ ဖုန်းတွေနောက် ခြေရာကောက် လိုက်ကြတာမှာ ကျောပိုးအိတ် တစ်ခုတည်းမှာတင် အိုင်ဖုန်း အလုံးရေ တစ်ရာကျော် တွေ့ခဲ့ ကြရပါတယ်။

အိုင်ဖုန်းမှာ ပါတဲ့ "Find My iPhone" ဆိုတဲ့ အပလီကေးရှင်းကို သုံးပြီး ပြန်ရှာ ခဲ့ကြတာပါ။

အဲဒီ အိုင်ဖုန်း အပလီကေးရှင်းနဲ့ ချိတ်ထားတဲ့ ကွန်ပျူတာ တွေမှာ ဖုန်း ရှိနေတဲ့ အရပ်ကို တွေ့နိုင်ကြတာ ဖြစ်ပါတယ်။

ဂီတပွဲက လစ်ထွက်သွားတဲ့ ခိုးသူလို့ ယူဆရသူ နောက်လည်း ရဲက နောက်ယောင်ခံ လိုက်နိုင်ခဲ့ပြီး လက်ရ ဖမ်းဆီး နိုင်တယ်လို့ အင်ဒီအိုမြို့ ရဲတပ်ဖွဲ့က ပြောပါတယ်။

အခုဆိုရင် ဖုန်းအားလုံးကို ပိုင်ရှင်တွေ လက်ထဲ ပြန်ပေး နိုင်ခဲ့ပါပြီ။

ပွဲကြိုက်မောင် ပွဲကြိုက်ခင်တွေကို ရဲတပ်ကြပ်ကြီး ဒင်မာရှယ်က ဂဇ်မိုဒို ဆိုတဲ့ နည်းပညာ ဝက်ဘ်ဆိုက် ကနေတဆင့် အကြံပေးထားတာ ကတော့ ….

•တန်ဖိုးရှိတဲ့ ပစ္စည်းဆို ဘောင်းဘီ နောက်အိတ်ထဲ ထိုးထည့် ထားတာမျိုး မလုပ်ပဲ၊ ကိုယ့်မျက်စိရှေ့မှာ ထားပါ။

•နောက်ပြီး အဖိုးတန် ပစ္စည်းတွေ ဥပမာ- လက်ကိုင်ဖုန်း၊ နာရီ စတာတွေကို သိမ်းမယ်ဆို တနေရထဲ စုပြီး မသိမ်းပဲ၊ ခွဲပြီး သိမ်းပါ။

•နောက်၊ တကယ် ကိုင်တဲ့ ပိုက်ဆံအိတ် အပြင် သူခိုးနဲ့ ခါးပိုက်နှိုက်တွေကို လှည့်ဖြားဖို့ရာ တန်ဖိုးကြီးတာတွေ ထည့်မထားတဲ့ နောက် အိတ်တစ်ခုလည်း ဆောင်ထား သင့်တယ်လို့ ရဲဆာဂျင် ဒင်မာရှယ်က အကြံပြု ထားပါတယ်။

BBC Burmese
http://www.bbc.com/burmese/world-39641847


ဗြိတိသျှလူငယ်၂ဦးဖြစ်တဲ့ David Miller နှင့် Hannah Witheridge တို့ သတ်ဖြတ်ခံခဲ့ရတဲ့ လိပ်ကျွန်းလူသတ်မူနဲ့ ပတ်သက်လို့ သေဒဏ်ပေးခြင်း ခံထားရတဲ့ မြန်မာရွှေ့ပြောင်းလူငယ်၂ဦး ရဲ့ အမူ အတွက် ဗဟိုတရားရုံးကို အယူခံရက်ထပ်တိုးပြီး တောင်းခဲ့ရာမှာ မေလ၂၃ရက်နေ့ ထိ အယူခံတင်မယ့်ရက် ကိုတလတိုးပြီး ခွင့်ပြုခဲ့ပါတယ်။ထိုင်းအခြေစိုက် VOA သတင်းထောက် မအေးအေးမာက သတင်းပေးပို့ ထားပါတယ်။

ထိုင်းနိုင်ငံ ဗြိတိသျှလူငယ် ၂ဦး သတ်ဖြတ်ခံခဲ့ရမူနဲ့ ပတ်သက်လို့ သေဒဏ်ပေးခြင်း ခံထားရတဲ့ မြန်မာရွှေ့ပြောင်းလူငယ်၂ဦး ကို ထိုင်းတရားရုံးက ဒီဇင်ဘာလ ၂၄ ၇က်နေ့က သေဒဏ်ချမှတ်လိုက်ပြီးတဲ့နေ့မှာတော့ သူတို့အတွက်အယူခံကို ၁လချင်းအလိုက် ရက်တိုးပေးဖို့ တောင်းဆိုခဲ့ရာမှာ ၅ လမြောက်အဖြစ် ထိုင်းအယူခံတရားရုံးက ခွင့်ပြုပေးခဲ့တာပါ။ တရားခံအဖြစ် စွပ်စွဲခံရသူတွေကို စစ်ဆေးမေးမြန်းဖို့အတွက် အကျဉ်းထောင်ထဲမှာ မြန်မာနဲ့ထိုင်း တတ်ကျွမ်းတဲ့သူတွေကို ဘာသာပြန်ဖို့အတွက် ဘန်ခ၀မ် အကျဉ်းထောင်ကနေ ခွင့်မပြုတာကြောင့် တရားခံတွေရဲ့အကျိုးဆောင်ရှေ့နေတွေက စစ်ဆေးမေးမြန်းမှုတွေ ထပ်လုပ်နိုင်ဖို့အတွက် နောက်ထပ်ရက်တိုးရနိုင်ဖို့အတွက် စီစဉ်ခဲ့ပါတယ်။

မေလ၂၃ရက်နေ့ထိ အယူခံလျှောက်နိုင်ဖို့ ထပ်တိုးခွင့်ပြု ရတဲ့အခြေအနေနဲ့ ပတ်သက်လို့တရားခံတွေရဲ့အကျိုးဆောင်ရှေ့နေဦးအောင်မျိုးသန့်က အခုလိုပြောပါတယ်။

“၂၃ ရက် ၅ လ ၂၀၁၇ အထိ ၁ လ ထပ်ပြီးတော့တိုးရပါတယ်။ အခုက သူတို့က တင်တောင်းတာဆိုတော့ ၅ ကြိမ်မြောက်ပေါ့နော် ၊ ပြီးခဲ့တဲ့တပတ်လောက်ကတော့ ရှေ့နေများကောင်စီနဲ့ ဘာသာပြန်နဲ့ အယူခံနဲ့ ပတ်သက်တဲ့အကြောင်းအရာတွေကို တရားခံနဲ့ မေးချင်တယ်ဆိုပြီးတော့ ဘန်ခ၀မ်ထောင်ကို သွားကြပါတယ်။ အခုသွားတဲ့အချိန်မှာ ဘန်ခ၀မ် ထောင်က တာဝန်ရှိတဲ့လူကြီးကနေပြီးတော့ ထိုင်းရှေ့နေတွေကို ပေးဝင်ခွင့်ပေးပြီးတော့ မြန်မာဘာသာပြန်ကိုတော့ ပေးဝင်ခွင့်မပြုခဲ့ပါဘူး။ အဲဒီလိုမပြုလို့ ထိုင်းရှေ့နေများကောင်စီက ထပ်ပြီးတော့ စာတင်ခဲ့တာတွေလည်းရှိပါတယ်။ ဒါကြောင့်မို့ အဲလိုဟာတွေကျတော့ ကလေးတွေဆီမှာ မေးမယ့်ဟာက မြန်မာဘာသာကို ထိုင်းရှေ့နေများကောင်စီနဲ့ တိုက်ရိုက်မလုပ်နိုင်ပဲနဲ့ ဘာသာပြန်ကိုခွင့်မပြုတာကြောင့်မို့လို့ အဲဒီတုန်းက ဆောင်ရွက်ရမယ့်အချက်အလက်တွေအားလုံးဟာ ဆောင်ရွက်ခြင်းမရှိနိုင်ပဲနဲ့ ဒါကြောင့်မို့ အခုလို အယူခံအချိန်မှာ အချိန်မှီမတင်နိုင်ဘူးဆိုတာ ဖြစ်သွားတာပါ။”

အယူခံရုံးကတော့ ဒီလိုထပ်တိုးတောင်းဆိုမှုနဲ့ ပတ်သက်လို့ နောက်ဆုံး အကြိမ်အဖြစ် ခွင့်ပြုပေး ခဲ့တယ်လို့လဲ ဆက်ပြောပြပါတယ်။

“တရားရုံးကလည်းပြောလိုက်ပါတယ် ၊ ဒီဟာက နောက်ဆုံးအကြိမ်ခွင့်ပြုတာလို့ ပြောလိုက်ပါတယ်။ ဒါပေမယ့် အန်ကယ်တို့ဘက်က တင်ပြတဲ့အကြောင်းအရာကလည်း ခုနကပြောသလိုပါပဲ အခုဒီလိုထပ်ပြီးရပ်တိုးရတဲ့အကြောင်းအရင်းဟာ ဥပဒေအရ ဘာသာပြန်ခေါ်သွားခွင့်ရှိတဲ့ကိစ္စကို ထောင်ကနေပြီးတော့ ခေါ်ခွင့်မပြုပဲနဲ့ တားဆီးတဲ့အတွက်ကြောင့် လိုအပ်တဲ့အချက်တွေတောင်းဆိုလို့မရဘူး၊ ဆွေးနွေးခွင့်မရခဲ့ဘူး ၊ ဒါကြောင့်ဒီလိုထပ်ပြီးတော့ အယူခံတောင်းတယ်လို့ တင်ပြတာကို တရားရုံးကလက်ခံတာပါ။ အယူခံ တရားရုံးပေါ့။”

မြန်မာရွှေ့ပြောင်းလူငယ်၂ဦးအတွက် အယူခံတရားရုံး ကနေ သေဒဏ်ကို ဆက်လက်အတည်ပြုခဲ့ပြီး အယူခံကိုပယ်ချလိုက်ပြီးတဲ့နောက်မှာတော့ မြန်မာသံရုံးဘက်ကနေ ထိုင်းနိုင်ငံတရားရုံးချုပ်ထိ အယူခံတက်ဖို့ အတွက်ပြင်ဆင်နေခဲ့ကြတာပါ။ ထိုင်းနိုင်ငံက အလုပ်သမားရေးဆောင်ရွက်နေတဲ့ အဖွဲအစည်းတွေ ထိုင်းရှေ့နေများကောင်းစီနဲ့ အတူပူးပေါင်းလုပ်ဆောင်နိုင်ဖို့ အတွက် မြန်မာနိုင်ငံဘက်က ဥပဒေနဲ့ မူခင်းဆိုင်ရာ အကြံပြုနိုင်တဲ့သူတွေကို လည်းစေလွတ်ခဲ့ပါတယ်။ နေပြည်တော် ပြည်ထောင်စု ရှေ့နေချုပ်ရုံး- ( ညွှန်ကြားရေးမှူးချုပ်ဒေါ်ခင်ချိုအုန်း CID မှုခင်းဌာနက
-CID မှုခင်းဆိုင်ရာကျွမ်းကျင်သူ ရဲမှူးကြီး ဦးစိုးနိုင်ဦး တို့ဟာ မတ်လနောက်ဆုံးပတ်မှာ ထိုင်းနိုင်ငံကိုလာရောက်ပြီး ဒီအမှုနဲ့ပတ်သက်လို့ အသေးစိတ်လေ့လာမူတွေလုပ်ခဲ့ပြီး ထိုင်းရှေ့နေများကောင်စီနဲ့ လည်းတွေဆုံခဲ့တာပါ။ ဒီအတွက်မေလ ၂၃ရက်နေ့ အမှီတော့ ထိုင်းနိုင်ငံတရားရုံးချုပ်ကို အယူခံတင်ဖို့ ကြိုးစာသွားမှာဖြစ်တယ်လို့ လည်းေ၇ှနေဦးအောင်မျိုးသန့်က ပြောပါတယ်။

အခုအယူခံရဲ့ နောက်ထပ်တလ ထပ်တိုးရတဲ့အတွက် တရားခံတွေဖြစ်တဲ့ မြန်မာလူငယ် ၂ ဦးကို စစ်ဆေးမေးမြန်းနိုင်ဖို့ ဘန်ခ၀မ်အကျဉ်းထောင်ကို ထပ်မံသွားရောက်နိုင်ဖို့ ရှိနေပြီး အကျဉ်းထောင်က ခွင့်ပြုမပြုဆိုတာကိုတော့ အခြေအနေမသိရသေးဘူးလို့ဆိုပါတယ်။

“အဲဒီအခါမှာ ဘာသာပြန်ခေါ်ပြီးတော့သွားမယ်။ အရင် လိုပဲ တားမလား၊ မတားဘူးလားတော့ မသိဘူး။ သက်ဆိုင်ရာတွေကိုတော့ ရှေ့နေများကောင်စီကနေစာတင်ပေးတာ ၊ ဒီလိုတော့မဖြစ်သင့်ဘူး ဒါဟာ ထိုင်းလူမျိုးမဟုတ်ဘူး မြန်မာတရားခံတွေဖြစ်တဲ့အတွက် မြန်မာတရားခံတယောက်ကို စကားပြောတဲ့အခါမှာ ဘာသာပြန်လိုတယ် ဆိုပြီး သူတို့ကို တင်ထားပြီး စားရေးထားပါတယ်။”

မြန်မာနိုင်ငံက ဥပဒေပညာရှင်တွေနဲမူခင်းဆိုင်ရာကျွမ်းကျင်သူတွေဟာ မတ်လ ၂၆ ရက်နေကနေ မတ် ၂၉ ရက်ထိ ထိုင်းနိုင်ငံကို လာရောက်ခဲ့တဲ့ ၄ရက်တာခရီးစဉ်အတွင်းမှာ လိပ်ကျွန်းလူသတ်မူနဲပတ်သက်လို့ သေဒဏ်ပေးခံထားရတဲ့မြန်မာလူငယ် ၂ဦးကိုလည်းတွေဆုံခဲ့ပါတယ်။ မတ်လ ၂၈ ရက်နေ့မှာတော့ မြန်မာရွေပြောင်းလူငယ်၂ဦးရဲ့ အယူခံအတွက်ပြင်ဆင်မူတွေကို မြန်မာသံရုံးကိုယ်စားပြုေ၇ှနေဦးအောင်မျိုးသန့်နဲ့ အတူ ပူးပေါင်းပြင်ဆင်မူတွေလုပ်ခဲ့တာပါ။

မြန်မာရွှေ့ပြောင်းအလုပ်သမား ခန့်မှန်းချေ ၄,၀၀၀ လောက် အလုပ်လုပ်ကိုင်နေတဲ့ လိပ်ကျွန်းမှာ ၂၀၁၄ ခုနှစ် စက်တင်ဘာ ၁၅ ရက်နေ့က လူသတ်မှုဖြစ်ပွားခဲ့ပြီး ရက်ပိုင်းအတွင်းမှာပဲ ဖမ်းဆီးခံရတဲ့ မြန်မာလူငယ် ၂ ယောက်ကတော့ သတ်ဖြတ်မှုတွေကို ကျူးလွန်ကြောင်းအစောပိုင်းတုန်းက ၀န်ခံပြောဆိုခဲ့ပေမယ့် နောက်ပိုင်းမှာတော့ ရဲတွေရဲ့နှိပ်စက်မှု တွေကြောင့် ဖြောင့်ချက်ပေးခဲ့ရတာ ဖြစ်တဲ့အကြောင်း တရားရုံးမှာ ထွက်ဆိုခဲ့တာပါ။

၂၀၁၄ ခုနှစ် စက်တင်ဘာလကုန်ပိုင်းမှာ တော့ လူသတ်မူနဲ့ တရားစွဲဆိုခံခဲ့ရတဲ့ မြန်မာလူငယ် ၂ ဦးကိုတော့ တနှစ်ကျော်ကြာ ထိုင်းနိုင်ငံကော့စမွေ အကျဉ်းထောင်မှာ ဖမ်းဆီးထားပြီး ၂၀၁၅ခုနှစ်ကုန်မှာ ထိုင်းနိုင်ငံကောစမွေတရားရုံးကနေ အမူ ၇မူနဲ့အမြင့်ဆုံးပြစ်ဒဏ်အဖြစ်သေဒဏ်ပေးခဲ့ပြီးဘန်ခွမ်အကျဉ်းထောင်မှာ ထိန်းသိမ်းထားပါတယ်။ သူတို့လွှတ်မြောက်ရေးအတွက် မျှတစွာစီရင်နိုင်ဖို့အတွက် မြန်မာနိုင်ငံတ၀ှမ်း ဆန္ဒပြပွဲကြီးတွေ အကြီးအကျယ်ဖြစ်ပွားခဲ့ကာ ရခိုင်ပြည်နယ်အတွင်းက မြို့နယ် ၁၅ မြို့နယ်က လူထုအင်အား ၁ သိန်းခန့်ဟာလည်း ထိုင်းဘုရင်မင်းမြတ်နဲ့ ထိုင်းအစိုးရကို လက်မှတ်ရေးထိုးထားတဲ့ မေတ္တာလက်ခံစာ ၁ စောင်လည်း ပေးပို့ထားပါတယ်။

မအေးအေးမာ  / ဗွီအိုအေ (မြန်မာပိုင်း)
http://burmese.voanews.com


မတ် ၉ ရက်က အရှေ့တရုတ်ပင်လယ်ထဲ၌ ဂျပန်ဖျက် သင်္ဘောတစ်စင်းနှင့်အတူ တွေ့ရသော လေယာဉ်တင်သင်္ဘော USS Carl Vinson (Photo: AFP)

တင်းမာမှုများ မြင့်တက်နေစဉ် ကိုရီးယားကျွန်းဆွယ်သို့ စေလွှတ်လိုက်ပြီဟု အမေရိကန်ရေတပ်က ပြောခဲ့သော လေယာဉ်တင် သင်္ဘောကြီးသည် ယခုအချိန်အထိ မထွက်ခွာရသေးကြောင်း အမေရိကန်ကာကွယ်ရေး အရာရှိတစ်ဦးက ဧပြီ ၁၈ ရက်တွင် ပြောကြားခဲ့သည်။ မြောက်ကိုရီးယားကို ထိန်းချုပ်ဟန့်တားရန် ကြိုးပမ်းသည့်အနေဖြင့် လေယာဉ်တင်သင်္ဘောကြီး USS Carl Vinson ကို စေလွှတ်လိုက်ပြီဖြစ်သည်ဟု ဧပြီ ၈ ရက်တွင် အမေရိကန်ရေတပ်က ထုတ်ပြန်ခဲ့သည်။ ပင်တဂွန်အကြီးအကဲ ဂျိမ်းမာတစ်က ဧပြီ ၁၁ ရက်တွင် လေယာဉ်တင် သင်္ဘောကြီးသည် ကိုရီးယားကျွန်းဆွယ်သို့သွားသည့် လမ်းပေါ်သို့ ရောက်နေပြီဟု ပြောကြားခဲ့သည်။

“ကျွန်တော်တို့ အရမ်းကို အင်အားကြီးတဲ့ စစ်သင်္ဘောအုပ်စုကို စေလွှတ်လိုက်ပါပြီ” ဟု အမေရိကန်သမ္မတ ဒေါ်နယ်ထရန့်ကလည်း နောက်တစ်နေ့တွင် ထပ်မံပြောကြားခဲ့ပြန်သည်။ သို့သော် ယင်းသင်္ဘောအုပ်စုသည် ယခုအချိန်အထိ သြစတြေးလျ အနောက်မြောက်ပိုင်းမှ ကမ်းလွန်ပင်လယ်ပြင်တွင်သာ ရှိနေသေးသည်ဟု ကာကွယ်ရေးဝန်ကြီးဌာန အရာရှိတစ်ဦးက ဧပြီ ၁၈ တွင် ပြောကြားခဲ့သည်။ ရေတပ်၏ ဓာတ်ပုံထဲတွင်လည်း လေယာဉ်တင်သင်္ဘောသည် ပြီးခဲ့သည့် အပတ်ကုန်ရက်က ဂျာဗားကမ်းလွန်တွင်သာ ရှိနေသေးသည်ကို တွေ့ရသည်။

“စစ်သင်္ဘောအုပ်စုဟာ ၂၄ နာရီအတွင်း ဂျပန်ပင်လယ်ဘက်ကို စတင်ထွက်ခွာတော့မှာပါ” ဟု အမည်မဖော်လိုသော ထိုအရာရှိကဆိုသည်။ သို့သော်လည်း ဂျာဗားပင်လယ်နှင့် ဂျပန်ပင်လယ်သည် မိုင်ပေါင်းထောင်ချီဝေးသဖြင့် ယင်းသင်္ဘောအုပ်စုသည် အစောဆုံးအနေနှင့်ပင် နောက်သီတင်းပတ်မတိုင်မီအထိ ရောက်ဦးမည် မဟုတ်ဟု သိရသည်။

စင်စစ်တွင် မီဒီယာများ၌ စစ်သင်္ဘောအုပ်စုသည် မြောက်ကိုရီးယားသို့ သွားနေပြီဟု ဖော်ပြနေကြစဉ်က ယင်းသင်္ဘောများသည် ဆန့်ကျင်ဘက်အရပ်သို့ပင် ခေတ္တခုတ်မောင်းနေခဲ့သေးကြောင်း သိရသည်။

မြောက်ကိုရီးယားဘက်က စစ်ရေးချီတက်မှုများ၊ မအောင်မြင်သော ဒုံးကျည်စမ်းသပ်မှုများ ပြုလုပ်စဉ် အမေရိကန်ကလည်း ၎င်း၏ လေလုံးများကို အရှိန်မြှင့်ခဲ့သည်။ ဒုသမ္မတမိုက်ပင့်စ်သည် ဧပြီ ၁၇ ရက်ကပင် မြောက်ကိုရီးယားနှင့် ပတ်သက်၍ အမေရိကန်၏ မဟာဗျူဟာမြောက်သော စိတ်ရှည်မှုသည် ကုန်ဆုံးသွားပြီဟု ကြေညာခဲ့သည်။

ယခုကိစ္စကြောင့် အမေရိကန်သည် လေလုံးသာရှိပြီး ခြိမ်းခြောက်သည့်အတိုင်း အမှန်တကယ် လုပ်ဆောင်ခြင်းမရှိဟု ဆိုနေသော မြောက်ကိုရီးယား၏ ဇာတ်လမ်းများကိုသာ ပိုမိုမီးထိုးပေးသလို ဖြစ်နေမည်ဟု ဂျွန်ဟော့ကင်းတက္ကသိုလ်မှ အမေရိကန်-ကိုရီးယားဌာနရှိ 3 8 North အစီအစဉ်ကို ပူးတွဲတည်ထောင်သူ ဂျိုဝယ်ဝစ်က ဆိုသည်။

“တကယ်လို့ မြောက်ကိုရီးယားတွေကို ခြိမ်းခြောက်တော့မယ်ဆိုရင် ခြိမ်းခြောက်မှုဟာ ယုံကြည်စိတ်ချနိုင်စရာ ရှိ မရှိကို အရင်ဆုံး သေချာအောင် လုပ်သင့်ပါတယ်” ဟု ၀စ်က ပြောကြားခဲ့သည်။
Writer:
Ref: AFP
Eleven Media Group


မာရသာဆိုင်ကလုံးမုန်တိုင်းအရှိန်ကြောင့် မွန်ပြည်နယ် ကရင်ပြည်နယ်နဲ့ တနင်္သာရီတိုင်း ဒေသကြီးတွေ မှာ မိုးများ ရေကြီး မြေပြိုမှု စတဲ့သဘာဝဘေးအန္တရာယ်တွေဖြစ်နိုင်ခြေရှိတယ်ဆိုတဲ့ ဂျပန်အာကာသ စူးစမ်းလေ့လာရေးအေဂျင်စီ ရဲ့ သတိပေးချက်ကြောင့် လူမှုဝန်ထမ်း၊ ကယ်ဆယ်ရေး နဲ့ပြန်လည်နေရာချထားရေး ၀န်ကြီးကနေ သဘာဝဘေးအန္တရာယ် ကာကွယ်နိုင်ဖို့ သက်ဆိုင်ရာ ဒေသတွေရဲ့ အစိုးရအဖွဲ့တွေကို ညွှန်ကြားထားပါတယ်။ ဒေသခံအစိုးရ အဖွဲ့တွေအနေနဲ့လဲ သဘာဝ ဘေးအန္တရာယ် ကာကွယ် နိုင်ဖို့ကြိုတင်ပြင်ဆင်မှုတွေ လုပ်ဆောင်နေတယ်လို့ ပြည်နယ်တာဝန်ရှိသူတွေကပြောပါတယ်။ ဗွီအိုအေထိုင်းအခြေစိုက် သတင်းထောက်နိုင်ကွန်းအိန် ကနေသတင်းပေးပို့ထားပါတယ်။

ဂျပန်အာကာသ စူးစမ်းလေ့လာရေးအေဂျင်စီရဲ့ သတိပေးချက်အရ မွန်ပြည်နယ် ကရင်ပြည်နယ်နဲ့ တနင်္သာရီတိုင်း ဒေသကြီးတွေမှာ ဖြစ်ပေါ်လာနိုင်တဲ့ သဘာဝဘေးအန္တရာယ်ကို ကြိုတင်ကာကွယ် နိုင်ဖို့ သက်ဆိုင်ရာ တိုင်း ပြည်နယ်ဌာနဆိုင်ရာတွေ ကို သတိပေး အကြောင်းကြားထားတယ်လို့ လူမှုဝန်ထမ်း၊ ကယ်ဆယ်ရေးနဲ့ပြန်လည်နေရာချထားရေး ၀န်ကြီးဒေါက်တာဝင်းမြတ်အေးက ပြောပါတယ်။

“ကျနေ်ာတို့ကနေပြီးတော့ ဘာပဲဖြစ်ဖြစ် မုန်တိုင်းရဲ့ နောက်ဆက်တွဲအနေနဲ့ကတော့ ရေကြီးတာတို့ ၊ မြေပြိုတာတို့ဖြစ်နိုင်တယ် လို့ဆိုတဲ့အတွက်ကြောင့် ကျနေ်ာတို့က ပြည်သူတွေကို အသိပေးပြီးတော့ ဆောင်ရွက်ထားတာ ဖြစ်ပါတယ်ခင်ဗျ။ ထုတ်ပြန်ထားတာကတော့ မိုးရွာသွန်းမှု များနိုင်တယ်ပေါ့နော်။ မိုးရွာသွန်းမှုများနိုင်တဲ့အတွက်ကြောင့် ဒီတောင်ပိုင်းဒေသတွေမှာ အထူး သတိပြုဖို့လိုတယ်၊ ရေကြီးနိုင် ပါတယ်။ မြေပြိုတာတွေလည်းဖြစ်နိုင် ပါတယ်ပေါ့နော် ဒါမျိုးကို ပြောတာပါခင်ဗျ။ အဲဒီတော့ ဘာပဲဖြစ်ဖြစ် ပြည်သူတွေကတော့ အသိသတိနဲ့ နေရင်ကောင်းတယ်လို့ ကျနေ်ာတို့ကတော့ ထပ်ဆင့်သတိပေးတာ ကြိုတင်ပြင်ဆင်တာတွေလုပ်တာပါခင်ဗျ။”

ဘင်္ဂလားပင်လယ်အော်အတွင်း ဖြစ်ပေါ်ခဲ့တဲ့ အပူပိုင်းမုန်တိုင်း မာရသာဟာ ကုန်းတွင်းပိုင်းကိုဝင်ပြီး ပျက်ပြယ်သွားပေမယ့် မုန်တိုင်းအရှိန်ကြောင့် မြန်မာနိုင်ငံတောင်ပိုင်းဒေသတွေကိုဦးတည်လာနိုင်ပြီး ၁ နာရီကို မိုးရေချိန် ၁၀ မီလီမီတာ ၀.၃၉လက်မကနေ၃၀မီလီမီတာ (၁.၁၈)လက်မအတွင်းရွာသွန်းနိုင်ခြေရှိပြီး (၃)ရက်အတွင်း မိုးကြီးနိုင်တယ်လို့ ဂျပန်အာကာသစူးစမ်းလေ့လာရေး အေဂျင်စီကနေသတင်းပေးပို့လာတယ်လို့ဝန်ကြီးဒေါက်တာဝင်းမြတ်အေးကပြောပါတယ်။ မွန်၊ တနင်္သာရီနဲ့ ကရင်ပြည်နယ်တွေမှာ နောက် ၇၂ နာရီအတွင်း ရေကြီးတာ၊ မြေပြိုတာတွေရှိနိုင်ကြောင်းနဲ့ ကြိုတင်ကာကွယ်နိုင်ဖို့ လူမှုဝန်ထမ်း၊ ကယ်ဆယ်ရေးနဲ့ပြန်လည် နေရာချထားရေးဝန်ကြီးကနေ မနေ့ အကြောင်းကြားထားပါတယ်။

လူမှုဝန်ထမ်း၊ ကယ်ဆယ်ရေးနဲ့ ပြန်လည်နေရာချထားရေး ၀န်ကြီး ဒေါက်တာ ဝင်းမြတ်အေး ရဲ့ သတင်းပေးပို့ချက်အရ ကရင်ပြည်နယ်အစိုးရအဖွဲ့အနေနဲ့ ကရင်ပြည်နယ်အတွင်းမှာ သဘာဝဘေးအန္တရာယ်ကြိုတင် ပြင်ဆင်မှုတွေ လုပ် ဆောင်နေတယ်လို့ သာသနာရေးဝန်ကြီး ဦးမင်းတင်ဝင်းကပြောပါတယ်။

“ကျနော်တို့ဘက်က ဘားအံမှာ storm shelter နောက်တခုက လှိုင်းဘွဲ့ဘက်မှာဆိုရင် ဆင်ကူဆိုတဲ့ရွာရှိတယ်။ အဲဒီဘက်က မြေနည်းနည်းနိမ့်တာကို အဲဒီဘက်မှာ Storm shelter တခု အဲလိုကျနော်တို့ ဆောက်လုပ်ထားတာပေါ့လေ။ ကျန်တဲ့ကျေးရွာအုပ်ချုပ်ရေးမှူးတွေကို အရောက်သတိပေးထားပါ။ မိုးရေလက်မ ဘယ်လောက်ဘယ်လောက်များနိုင်ပါတယ်။ ကျနော်တို့ ဦးဝင်းမြတ်အေးညွန်ကြားတဲ့အတိုင်း မြို့နယ်အုပ်ချုပ်ရေးမှူး၊ ကျေးရွာအုပ်ချုပ်ရေးမှူး တွေကို Alert လုပ်ထားတယ် ၊ အားလုံးကို ကျနေ်ာတို့ နိုးဆော် ထားပြီးသားလည်းဖြစ် တယ်။ ကျနော်တို့စိုးရိမ်တာက လှိုင်းဘွဲ့မြို့အနီးအနားတ၀ိုက် ၊ ကော့ကရိတ် မြို့နယ် မြစ်ကမ်းနား အနီးအနားတ၀ိုက် အကုန်လုံးကို ကျနေ်ာ တို့ ရေမြုပ်နိုင်တဲ့နေရာတွေ မှန်သမျှ ကျနေ်ာတို့ပြောထားပြီး သားဖြစ်ပါတယ်။ မြေပြိုနိုင်တဲ့ သံတောင်မြို့နယ်တွေ လိုမျိုးကိုလည်း ကျနော်တို့ ပြောထားပြီးသားဖြစ်ပါတယ်။”

တနင်္သာရီတိုင်းဒေသကြီးဘက်မှာလဲ သဘာဝဘေးအန္တရာယ်ကြိုတင် ပြင်ဆင်မှုတွေ လုပ်ဆောင်နေတယ်လို့ တိုင်းလွှတ် တော်ဒုဥက္ကဌဦးကြည်စိုးကပြောပါတယ်။

“ကျနော်တို့ တနင်္သာရီတိုင်းဒေသကြီးသဘာဝ ဘေးအန္တရာယ်တွေ ကြိုတင်ကာကွယ်ရေးလုပ်ငန်းတွေအတွက် အဆင်သင့်ဖြစ်အောင်လို့တော့ ကျနော်တို့ သက်ဆိုင်ရာ ဌာနတွေကတော့ ကြိုတင်ပြင်ဆင်ထားပါတယ်ခင်ဗျ။”

မွန်ပြည်နယ်ဘက်မှာ သဘာဝဘေးအန္တရာယ်အတွက် ကြိုတင်ပြင်ဆင်ထား တဲ့အကြောင်းကိုတော့ မွန်ပြည်နယ်အစိုးရအဖွဲ့ရုံး ပြောရေးဆိုခွင့်ရှိသူ ဦးမြင့်သန်းဝင်းက အခုလိုပြောပါတယ်။

“မုန်တိုင်းနဲ့ ပတ်သက်လို့ကတော့ ကျနော်တို့ ပြည်သူလူထုကို အသိပေးရမယ့်ဟာတွေကို ခရိုင်ကို အကြောင်းကြားထားတယ်။ နောက်ပြီးဆောင်ရွက်ရမယ့် ကယ်ဆယ်ရေးတွေ၊ နောက်ပြီး ဒီသဘာဝဘေးအန္တရယ်ဖြစ်ခဲ့ရင် ကူညီကယ်ဆယ်စောင့်ရှောက်ဖို့အတွက် လူအင်အား ၊ ပစ္စည်းအင်အား အားလုံးအတွက်ကိုလည်း အဆင်သင့်ဆောင်ရွက်ထားတယ်။”

ဧပြီလ(၁၅)ရက်နေ့ကစပြီး မာရသာဆိုင်ကလုန်းမုန်တိုင်း တိုက်ခတ်မှုကြောင့် ရခိုင်ပြည်နယ် မာန်အောင်မြို့နယ်၊ တောင်ကုတ်၊ ကျောက်ဖြူနဲ့ သံတွဲမြို့နယ်တွေ၊ ဧရာဝတီတိုင်းဒေသကြီးမှာဆိုရင် မော်လမြိုင်ကျွန်း၊ ဟင်္သာတ၊ လပွတ္တာ၊ ဟိုင်းကြီးကျွန်း မကွေးတိုင်းဒေသကြီးမှာဆိုရင် မင်းဘူးနဲ့မြို့သစ်မြို့နယ်တွေမှာ အိမ်အမိုးလန်တာ၊ အိမ်ပျက်စီးတာ၊ နံရံပြိုကျ တာတွေ ဖြစ် ခဲ့တယ်လို့ အစိုးရကနေသတင်းထုတ်ပြန်ထားပါတယ်။

ဧပြီလ(၁၅)ရက်နေ့ကစပြီး တိုက်ခတ်ခဲ့တဲ့မုန်တိုင်းကြောင့် ရခိုင်ပြည်နယ်အတွင်းမှာ အိမ်ခြေ(၁၄၆)လုံးပျက်စီးခဲ့သလို ဧရာဝတီတိုင်းဒေသကြီးဘက်မှာ လူ(၄)ဦးအထိသေဆုံးခဲ့ပြီး အိမ်ခြေ(၆၀)နီးပါးပျက်စီးသွားခဲ့ပါတယ်။

မုန်တိုင်းကြောင့် ပျက်စီးဆုံးရှုံးမှုအခြေအနေတွေကို ရခိုင်ပြည်နယ်ဘက်ကလွှဲပြီး ကျန်တဲ့ဒေသတွေကို အတည်မပြု နိုင်သေးဘူးလို့ လူမှုဝန်ထမ်း၊ ကယ်ဆယ်ရေး နဲ့ပြန်လည်နေရာချထားရေးဝန်ကြီးဒေါက်တာဝင်းမြတ်အေးကပြောပါတယ်။

“ရခိုင်ဘက်ကိုတော့ ကျနေ်ာတို့တန်ဖိုးတွက်ပေးတယ်၊ ကျန်တဲ့နေရာတွေကိုတော့ တန်ဖိုးမတွက်ပေးဘူး ရခိုင်ဘက်ကိုတော့တန်ဖိုးတွက်ပေးတာကတော့ သိန်း ၃၈၀ ကျော်လောက်ရှိပါတယ်ခင်ဗျ။ ဆုံးရှုံးမှုကတော့ နည်းတယ် လို့ပြောရမှာပေါ့နော်။”

ဒီကနေ့ မိုးလေ၀ါသနဲ့ဇလဗေဒဌာနရဲ့ခန့်မှန်းချက်ကတော့ တနင်္သာရီတိုင်းဒေသကြီး၊ ကချင်ပြည်နယ်၊ ရှမ်းပြည်နယ်၊ ချင်းပြည်နယ်၊ ကရင်ပြည်နယ်နှင့် မွန်ပြည်နယ်တို့မှာ နေရာကွက်ကျား မိုးထစ်ချုန်းရွာနိုင်ပြီး ရွာရန်ရာနှုန်း(၆၀)ရှိ နေပါတယ်။ မြန်မာ့ပင်လယ်ပြင်။ လှိုင်းအသင့်အတင့်ရှိနေပါတယ်။

ကြာသပတေးနေ့ နံနက်ထိခန့်မှန်းချက်ကတော့ စစ်ကိုင်းတိုင်းဒေသကြီး၊ မန္တလေးတိုင်းဒေသကြီး၊ တနင်္သာရီတိုင်းဒေသကြီး၊ ကချင်ပြည်နယ်၊ ရှမ်း ပြည်နယ်၊ ချင်းပြည်နယ်နှင့် မွန်ပြည်နယ်တို့မှာ နေရာကွက်ကျား မိုးထစ်ချုန်းရွာနိုင်ပြီး ရွာရန်ရာနှုန်း (၈၀)ဖြစ်ပါတယ်။

နိုင်ကွန်းအိန်
VOA Burmese News

တောင်တရုတ်ပင်လယ်ထဲက ကျွန်းတခု

တောင်တရုတ်ပင်လယ် ရေအောက်မှာ ရေနဲ့နဲ့ ဓာတ်ငွေ့ ရှာဖွေရေးအတွက် နိုင်ငံခြားက ကန်ထရိုက်လုပ်ငန်းတွေရဲ့ အကူအညီရဖို့ တရုတ်နိုင်ငံက ကြိုးပမ်းနေပေမဲ့လည်း၊ နယ်မြေပိုင်နက် အငြင်းပွားမှုတွေကြောင့် ရှာဖွေတွေ့ရှိမှုတွေကနေ အကျိုးအမြတ် များများစားစား ကျန်မှာမဟုတ်တာကြောင့် အခက်အခဲတွေ ကြုံရမယ့် အလားအလာတွေလည်း ရှိနေပါတယ်။

တရုတ်နိုင်ငံ တောင်ပိုင်း ကမ်းရိုးတန်းဒေသက လုပ်ကွက်ပေါင်း ၂၂ ခုမှာ ဇီဝလောင်စာ ရှာဖွေရေးမှာ နိုင်ငံခြား ကုမ္ပဏီတွေ ဖက်စပ်လုပ်ကိုင်ဖို့၊ ပြီးခဲ့တဲ့ သီတင်းပတ်ထဲမှာပဲ နိုင်ငံပိုင် တရုတ်အမျိုးသား ကမ်းလွန်ရေနံ ကော်ပိုရေးရှင်းက တင်ဒါခေါ်ယူခဲ့တာပါ။

စတုရန်းကီလိုမီတာ ၄၇,၂၇၀ ရှိတဲ့ လုပ်ကွက်တွေရှိရာ ရေပြင်ကိုတော့ ထိုင်ဝမ်နဲ့ ဗီယက်နမ်တို့ကလည်း ပိုင်ဆိုင်ကြောင်း ပြောဆိုထားကြပါတယ်။ အထူးသဖြင့် ဗီယက်နမ်နိုင်ငံက ၁၉၇၀ ပြည့်လွန်နှစ်တွေကစလို့ ပိုင်ဆိုင်ကြောင်း လူသိရှင်ကြား ပြောဆိုလာခဲ့တာပါ။

စက်တင်ဘာလ နောက်ဆုံးထား တင်ဒါတင်သွင်းရမယ့် နိုင်ငံခြား ကုမ္ပဏီတွေ အနေနဲ့ကတော့ တရုတ်နိုင်ငံနဲ့ ဖက်စပ်လုပ်ကိုင်ရာက၊ ရေနယ်နမိတ် ပိုင်ဆိုင်မှုအတွက် တရုတ်နိုင်ငံနဲ့ အငြင်းပွားနေတဲ့ နိုင်ငံတွေမှာ ဂုဏ်သိက္ခာထိခိုက်မယ့် အရေးအပြင်၊ ရှာဖွေတွေ့ရှိမှုတွေဟာလည်း အငြင်းပွားစရာ ပိုင်ဆိုင်မှုတွေ ဖြစ်လာနိုင်တဲ့အတွက် စိုးရိမ်မှုတွေ ရှိနိုင်တယ်လို့ အကဲခတ်တွေက ခန့်မှန်းနေကြပါတယ်။
ပိုင်ဆိုင်မှုအတွက် အငြင်းပွားနေတဲ့ တောင်တရုတ် ပင်လယ်ပြင် ရေအောက် မှာ ရေနံစည်ပေပါ ၁၁ ဘီလီယံလောက် နဲ့ သဘာဝဓာတ်ငွေ့ ကုဗပေ ၁၉၀ ထီလီယံလောက်အထိ ရှိနေနိုင်တယ်လို့လည်း အမေရိကန် စွမ်းအင်ဆိုင်ရာ သတင်းအချက်အလက် အေဂျင်စီက ခန့်မှန်းထားပါတယ်။
VOA Burmese News


နျူကလီးယားလက်နက် ထုတ်လုပ်ဖို့ ကြိုးပမ်းမှုတွေကို ထိန်းချုပ်ဖို့ တောင်းဆိုနေတာတွေ ကို မြောက်ကိုရီးယားက အံတုနေတဲ့အပေါ် သည်းမခံနိုင်တော့ကြောင်း ပြောဆိုနေတဲ့ အမေရိကန်သမ္မတ Donald Trump အစိုးရက ခပ်ကြမ်းကြမ်း တုန့်ပြန်မယ့် သဘောထားတွေကို မကြာသေးခင်ကစလို့ ပြောဆိုလာနေကြပါတယ်။

"အမေရိကန်ရဲ့ ပြတ်သားမှုနဲ့ အသင့်အနေအထားကို စိန်ခေါ်ချင်တဲ့သူတွေ သိထားရမှာကတော့၊ ဘယ်လို တိုက်ခိုက်မှုမျိုးကိုမဆို အနိုင်ယူ ချေမှုန်းသွားမှာ ဖြစ်သလို၊ သမားရိုးကျပဲဖြစ်ဖြစ်၊ နျူကလီးယားလက်နက်နဲ့ပဲဖြစ်ဖြစ် အသုံးပြုတိုက်ခိုက်မှုတွေကို အမေရိကန်က အင်အား အလုံးအရင်းနဲ့ ထိထိရောက်ရောက် တုံ့ပြန်သွားမှာဖြစ်ကြောင်း" ဂျပန်နိုင်ငံမှာ ရောက်ရှိနေတဲ့ အမေရိကန် ဒုသမ္မတ Mike Pence က အမေရိကန် လေယာဉ်တင်သင်္ဘောပေါ်မှာ ဒီကနေ့ ပြောကြားခဲ့တဲ့ မိန့်ခွန်းထဲမှာ သတိပေးလိုက်တာ ဖြစ်ပါတယ်။

ကိုရီးယား ကျွန်းဆွယ်မှာ နျူကလီးယားလက်နက် ကင်းစင်ရေး ရည်မှန်းချက်တွေကို အကောင်အထည်ဖော်နိုင်အောင် အမေရိကန် အနေနဲ့ ဆက်လက် ကြိုးပမ်းသွားမယ့်အကြောင်း မနေ့တုန်းက တိုကျိုမြို့တော်မှာ ပြောကြားခဲ့ပြီးနောက် ဒုသမ္မတက ထပ်မံပြောကြားခဲ့တာပါ။

ဒီမတိုင်ခင် တောင်ကိုရီးယား နိုင်ငံကို ရောက်ရှိစဉ်မှာလည်း မဟာဗျုဟာကျကျ စိတ်ရှည်သည်းခံခဲ့တဲ့ကာလ ကုန်ဆုံးသွားပြီဖြစ်ကြောင်း၊ သမ္မတဟောင်း Barack Obama ရဲ့ မူဝါဒဟောင်းကို ရည်ညွှန်းပြီး ပြောဆိုခဲ့ပါတယ်။ မြောက်ကိုရီးယားနဲ့ ပတ်သက်လို့ နည်းလမ်းပေါင်းစုံကို စဉ်းစားနေတဲ့ အကြောင်း အမေရိကန် သမ္မတရဲ့ အမျိုးသားလုံခြုံရေး အကြံပေး ဒုတိယဗိုလ်ချုပ်ကြီး H.R. McMaster ကလည်း ABC ရုပ်မြင်သံကြားနဲ့ မေးမြန်းခန်းမှာ ပြောဆိုထားတာပါ။

ဒါပေမဲ့လည်း မြောက်ကိုရီးယားကို စစ်ရေးအရ အရေးယူဖို့ လိုမှာ မဟုတ်ဘူးလို့ မျှော်လင့်ကြောင်းလည်း ဒု-ဗိုလ်ချုပ်ကြီး McMaster က ပြောဆိုခဲ့ပါတယ်။ သမ္မတ Trump ရဲ့ မကြာသေးခင်က Twitter အင်တာနက် လူမှုကွန်ယက်က မှတ်ချက်တွေမှာတော့ မြောက်ကိုရီးယား အစိုးရဟာ ရမ်းကားပြီး ပြဿနာရှာနေတဲ့ အစိုးရတရပ်အဖြစ် ရည်ညွှန်းပြောဆိုထားပါတယ်။

ဗွီအိုအေ (မြန်မာပိုင်း)
http://burmese.voanews.com



မောင်တောက မီးလောင်ခံထားရတဲ့ဈေးတခု၊ ၂၇ အောက်တိုဘာ၊ ၂၀၁၆။
မြန်မာနိုင်ငံ လူ့အခွင့်အရေးအခြေအနေ၊ အထူးသဖြင့် ရခိုင်ပြည်နယ်ဘက်က အခြေအနေနဲ့ပတ်သက်လို့ ဆက်ပြီး စောင့်ကြည့်သွားမယ်လို့ ကုလ သမဂ္ဂလုံခြုံရေးကောင်စီက ပြောခဲ့တဲ့ပေါ် မြန်မာအစိုးရအနေနဲ့တော့ လူ့အခွင့်အရေးကောင်စီမှာ ပြောထားတဲ့ သဘောထားအတိုင်း ရပ်တည်သွားမယ် လို့ တုံ့ပြန်လိုက်ပါတယ်။ ထင်ရှားတဲ့ မြန်မာလူ့အခွင့်အရေး လှုပ်ရှားသူတဦးကတော့ နိုင်ငံတကာရဲ့ တောင်းဆိုချက်ကို ပူးပေါင်းဆောင်ရွက်ခြင်းအား ဖြင့် တုံ့ပြန်သင့်ကြောင်း ပြောဆိုပါတယ်။ ဒီသတင်းကိုတော့ ဗွီအိုအေမြန်မာပိုင်းရဲ့သတင်းထောက် ကိုမိုးဇော်က တင်ပြထားပါတယ်။

ကုလသမဂ္ဂလုံခြုံရေးကောင်စီက ရခိုင်ပြည်နယ်မြောက်ပိုင်းဒေသက အခြေအနေနဲ့ ပတ်သက်ပြီးမြန်မာနိုင်ငံရဲ့ လူ့အခွင့်အရေးအခြေအနေကို စောင့်ကြည့်နေကြောင်း နဲ့ လူ့အခွင့်အရေးအခြေအနေကို စုံစမ်းစစ်ဆေးဖို့ နိုင်ငံတကာအချက်အလက် ရှာဖွေရေးအဖွဲ့ ဖွဲ့စည်းခဲ့တ အပေါ် ထောက်ခံကြောင်း အင်္ဂါနေ့က ကျင်းပတဲ့ ကုလသမဂ္ဂလုံခြုံရေးကောင်စီအထူးအစည်းဝေးမှာ ကောင်စီရဲ့ အလှည့်ကျဥက္ကဌ Nikki Haley က ပြောဆိုခဲ့တာဖြစ်ပါတယ်။

ဒီပြောဆိုချက်အပေါ်မှာတော့ မြန်မာ သမ္မတရုံးဝန်ကြီးဌာနရဲ့ ပြောရေးဆိုခွင့်ရှိသူ ဦးဇော်ဌေးက အခုလို တုံပြန်ပြောဆိုပါတယ်။

“အဲဒါနဲ့ ပတ်သက်ပြီး ကျနော်တို့ နိုင်ငံခြားရေးဝန်ကြီးဌာနက ပြောထားတယ်ခင်ဗျနော်၊ အဲဒီ လူ့အခွင့်အရေးကောင်စီမှာပြောထားတာရှိတယ် ၊ ကျနော်တို့ကတော့ သီးခြား ပြောမနေတော့ဘူးနော်။”

ရခိုင်ပြည်နယ်က လူ့အဖွဲ့အစည်းနှစ်ခုအကြား သဟဇာတဖြစ်စေဖို့ အခြေအနေဟာ အရပ်သား အစိုးရသစ်ရင်ဆိုင်နေရတဲ့ ကြီးမားတဲ့ စိန်ခေါ်ချက်တရပ်ဖြစ်ကြောင်းနဲ့ နိုင်ငံတကာအနေနဲ့ ရခိုင်အရေးကိစ္စမှာ ပြစ်တင်ရှုတ်ချတာမျိုးထက် အပြုသဘောဆောင်ချဉ်းကပ်တာဟာ မြန်မာအစိုးရကို အမှန်တကယ်ကူညီရာရောက်မှာဖြစ်ကြောင်းကို မြန်မာ ဒု နိုင်ငံခြားရေးဝန်ကြီး ဦးကျော်တင်ကကုလသမဂ္ဂ လူ့အခွင့်အရေးကောင်စီမှာ ပြောဆိုထားတာပါ။

လူ့အခွင့်အရေးအခြေအနေကို စုံစမ်းစစ်ဆေးဖို့ နိုင်ငံတကာအချက်အလက် ရှာဖွေရေးအဖွဲ့စေလွှတ်ရေးနဲ့ပတ်သက်လို့လည်း လက်မခံနိုင်ကြောင်း နဲ့ ဒုသမ္မတ ဦးမြင့်ဆွေ ဦးဆောင်တဲ့ စုံစမ်းစစ်ဆေးရေးကော်မရှင် က ဆောင်ရွက်နေကြောင်း မြန်မာနိုင်ငံခြားရေးဝန်ကြီး ဌာနက သတင်းထုတ်ပြန်ထား ပါတယ်။နိုင်ငံတော်အတိုင်ပင်ခံ ပုဂ္ဂိုလ်ဒေါ်အောင်ဆန်းစုကြည် ကလည်း ရခိုင်ပြည်နယ်အရေးကိစ္စကို လေ့လာသုံးသပ်ဖို့အတွက် မစ္စတာကိုဖီအာနန်ဦးဆောင်တဲ့ကော်မရှင်ကို ဖွဲ့စည်းထားကြောင်း BBC သတင်းဌာနနဲ့ တွေ့ဆုံမေးမြန်းရာမှာ ပြောဆိုထားပါတယ်။

မြန်မာ့လူ့အခွင့်အရေးလှုပ်ရှားသူတဦးဖြစ်တဲ့ Equality Myanmar ရဲ့ ဒါရိုက်တာ ဦးအောင်မျိုးမင်းက မြန်မာနိုင်ငံရဲ့ လူ့အခွင့်အရေးအခြေအနေဟာ နိုင်ငံတကာက အထူးအာရုံစိုက်နေပြီး တောင်းဆိုချက်တွေဟာ ပိုမိုပြင်းထန်လာနေကြောင်း သုံးသပ်ပြောဆိုပါတယ်။ ဒီလိုတောင်းဆိုချက်တွေအပေါ် အသင့်တော်ဆုံး တုံပြန်သင့်တဲ့အခြေအနေကိုလည်း အခုလို ပြောဆိုပါတယ်။

“ဒီလိုမျိုးကိစ္စတွေဖြစ်လာလို့ရှိရင် အကောင်းဆုံးပြန်လည်တုံ့ပြန်နိုင်တဲ့ ကိစ္စကတော့ မရှိဘူးဆိုရင် မရှိဘူး၊ ရှိတယ်ဆိုရင် ရှိတယ် ၊ ဆိုတာကို သက်သေပြနိုင်သော ပုံစံမျိုးနဲ့ ပူးပေါင်းဆောင်ရွက်တာက အကောင်းဆုံးဖြစ်တယ်။ ပူးပေါင်းဆောင်ရွက်မှုမရှိပဲနဲ့ ကျနေ်ာတို့ လုပ်ဆောင်မယ်ဆိုရင် နိုင်ငံတကာက ပိုမိုပြီးတော့ ဒီထက်ပိုပြီးတော့ တောင်းဆိုမှုတွေ ထပ်ဖြစ်လာမယ်ဆိုတာကို ကျနေ်ာတို့ပြောထားပါတယ်။ ဖြစ်လားမဖြစ်လားဆိုတာက ၂ ဖက်အသံတွေကြားနေရတာပေါ့နော်။ ဘာကြောင့်ဖြစ်တယ်ဆိုတာရယ်၊ မဖြစ်ဘူးဆိုတဲ့ ငြင်းဆန်မှုရယ်ရှိနေတယ်။ ဒါပေမယ့် ဒီလို ပူးပေါင်းဆောင်ရွက်မှု မရှိမခြင်းကာလတလျှောက်လုံးကတော့ ဒီကိစ္စတွေကိုနိုင်ငံတကာက ဆက်လက်ပြီးတော့ အရေးယူဆောင်ရွက်မှုတွေ ထုတ်ဖော်ပြောကြားမှုတွေ ကတော့ မလွဲမသွေ ရင်ဆိုင်နေရဦးမှာပါပဲ။”

ဒုသမ္မတ ဦးမြင့်ဆွေဦးဆောင်တဲ့ စုံစမ်းစစ်ဆေးရေးကော်မရှင်နဲ့ ကိုဖီအာနန် ဦးဆောင်တဲ့ အကြံပေးကော်မရှင်နဲ့ ပတ်သက်ပြီးတော့လည်း ဦးအောင်မျိုးမင်းက အခုလို ထောက်ပြပါတယ်။

“နိုင်ငံတကာကတော့ ဒီကိစ္စ ၂ ခုစလုံးကို မလုံလောက်ဘူးလို့တွက်ဆပါတယ်။ ပထမဦးဆုံး ၁ ခု ကိုယ့်ရဲ့ပြည်တွင်းမှာ ဖွဲ့ထားတဲ့ စုံစမ်းစစ်ဆေးရေးကော်မရှင်ကိစ္စ၊ ပြည်တွင်းအနေအထား နိုင်ငံတော်အဆင့် လုပ်ဆောင်တဲ့နေရတွေမျိုးမှာဆိုရင် တိုင်ကြားမှုတွေကို အရေးယူဆောင်ရွက်မှုမရှိဘူး ၊ နောက်တခါ ထိရောက်သော စုံစမ်းစစ်ဆေးမှုတွေ မလုပ်ဘူးဆိုတဲ့ ထောက်ပြမှုတွေရှိတယ်။နောက်တခါ Mr. ကိုဖီအာနန် ဦးဆောင်တဲ့ကိစ္စကတော့ လူ့အခွင့်အရေး ချိုးဖောက်မှုတွေကို စုံစမ်းစစ်ဆေးတဲ့သဘောထက်စာရင် ရခိုင်ပြည်နယ်မှာ ဖြစ်နေတဲ့ ပဋိပက္ခတွေကို အမြန်ဆုံး ဘယ်လိုချုပ်ငြိမ်းမလဲဆိုတဲ့ ပုံစံမျိုးကို ပိုပြီးတော့ ဦးတည်တာဖြစ်နေပါတယ်၊ သဘောသဘာဝ မတူဘူး။ လူ့အခွင့်အရေး ချိုးဖောက်မှုတွေကို တိတိကျကျ စုံစမ်းစစ်ဆေးဖို့အတွက် ကေ်ာမရှင်တရပ်ထပ်ခေါ်ဖို့ ကျနော်တွေးမိပါတယ်။”

ကလေးစစ်သားပပျောက်ရေး ကိစ္စ၊ နာဂစ်မုန်တိုင်းအလွန်ကာလမှာ အာဆီယံ၊ ကုလသမဂ္ဂတို့နဲ့အတူ ကာကွယ်ကူညီဆောင်ရွက်တဲ့ကိစ္စတွေဟာ နိုင်ငံတကာနဲ့ ပူးပေါင်းဆောင်ရွက်ခဲ့တဲ့ သာဓကတွေ ဖြစ်တယ်ဆိုတာကိုတော့ ကုလသမဂ္ဂလုံခြုံရေးကောင်စီက အသိအမှတ်ပြုပါတယ်။

ရခိုင်ပြည်နယ်မှာ ပြီးခဲ့တဲ့နှစ် အောက်တိုဘာလက ဖြစ်ပွားခဲ့တဲ့ အကြမ်းဖက်မှုတွေနောက်ပိုင်းမှာ ဘင်္ဂလားဒေ့ရ်ှနိုင်ငံဖက်ကို ထွက်ပြေးခိုလှုံသွားတဲ့ ဒုက္ခ သည် ၇သောင်းလောက် ရှိတယ်လို့ ကုလသမဂ္ဂကပြောထားပါတယ်။

ရခိုင်ပြည်အရေးနဲ့ပတ်သက်ပြီး ပြီးခဲ့တဲ့လပိုင်းတွေအတွင်း ကုလသမဂ္ဂမှာ ပြောဆို ဆွေးနွေး ဆုံးဖြတ်ခဲ့ပြီးတဲ့နောက် အခုနောက်ဆုံး လုံခြုံရေးကောင်စီ မှာပါ ဆွေးနွေးကြပြီးတော့ သဘောထားထွက်လာတာဖြစ်ပါတယ်။

ကိုမိုးဇော်  / ဗွီအိုအေ (မြန်မာပိုင်း)
http://burmese.voanews.com



ကမ္ဘာ့ အရှေ့ခြမ်းနဲ့ အနောက်ခြမ်းကို ဆက်သွယ်မယ့် ခေတ်သစ် ပိုးလမ်းမကြီး
တရုတ် နိုင်ငံရဲ့ One Belt, One Road လို့ ခေါ်တဲ့ မဟာဗျူဟာမြောက် စီးပွားရေး စီမံကိန်း အတွက် ရှေ့လမယ့် မေလထဲကျရင် ဘေဂျင်းမှာ ထိပ်သီး ဆွေးနွေးပွဲ ကျင်းပပြီး အစဦး သုံးသပ်ချက်တွေကို ပြုလုပ်မှာ ဖြစ်ပါတယ်။

ဒီ BRI ထိပ်သီး ဆွေးနွေးပွဲကို မြန်မာ၊ ဖိလစ်ပိုင်၊ ရုရှား၊ တူရကီနဲ့ ပါကစ္စတန် အပါအဝင် နိုင်ငံပေါင်း ၂၈ နိုင်ငံက ခေါင်းဆောင်တွေ တက်ရောက်လာဖို့ မျှော်လင့်ရတယ် ဆိုပြီး တရုတ် နိုင်ငံခြားရေး ဝန်ကြီး ဝမ်ယိက ပြောပါတယ်။

One Belt, One Road စီမံကိန်းဟာ ကမ္ဘာ့ အရှေ့ခြမ်းနဲ့ အနောက်ခြမ်းကို ဆက်သွယ်မယ့် ခေတ်သစ် ပိုးလမ်းမကြီးလို့ ခေါ်ရမယ့် ကုန်သွယ်ရေး လမ်းကြောင်းကြီး ဖော်ဆောင်ကြဖို့ ရည်မှန်း ထားတာ ဖြစ်ပါတယ်။

ပိုးလမ်းမလို ကုန်းတွင်းပိုင်း ကုန်သွယ်ရေး လမ်းကြောင်း သာမကပဲ၊ အခု ခေတ်သစ် ကုန်သွယ် လမ်းမကြီးကတော့ ကုန်းလမ်း၊ ရေလမ်း နှစ်မျိုးလုံးကို တဆက်တစပ်တည်း ရှိလာ စေဖို့ ရည်ရွယ် ထားပါတယ်။

အရှေ့တောင် အာရှ နိုင်ငံတွေနဲ့ တောင်အာရှ နိုင်ငံတွေကြား တည်ရှိ နေတဲ့ မြန်မာ နိုင်ငံဟာ အရှေ့-အနောက် ဆက်သွယ်ရေး ကုန်းလမ်းမှာ အရေးပါနေသလို၊ ရခိုင် မဒေးကျွန်း ရေနက် ဆိက်ကမ်း ကနေ ယူနန်ပြည်နယ် ကူမင်း အထိ ဆက်သွယ်ထားတဲ့ ရေနံပိုက်လိုင်းကြောင့် မလက္ကာ ရေလက်ကြားကို တရုတ် ရေနံတင် သင်္ဘောတွေ တကွေ့တပတ် သွားလာ နေရတာကို လျှော့ချ နိုင်တဲ့ အကျိုးကျေးဇူးမျိုး တရုတ် အနေနဲ့ ရရှိ ထားပါတယ်။

BBC Burmese
http://www.bbc.com/burmese



 စကော့တလ် ရဲတပ်ဖွဲ့က ဆက်လက် စောင့်ကြည့် နေ
ရန်ကုန်မြို့ လူသတ်မှုနဲ့ အလို ရှိနေသူကို ဖမ်းဆီးဖို့ သူတို့မှာ အခွင့် အာဏာ ရှိမနေဘူး ဆိုပြီး စကော့တလန် ရဲတပ်ဖွဲ့က ပြောတယ်လို့ အေဂျင်စီ သတင်းတချို့က ရေးသား နေပါတယ်။

ဟဲရစ် ဘီနော့တီ ၂၆ နှစ်ကို စကော့တလန် နိုင်ငံ၊ ဂလပ်စ်ကို မြို့ပြင်က ခရိတ်တန် ဆိုတဲ့ အရပ်မှာ မြင်တွေ့ ထားရတာ ဖြစ်ပါတယ်။

ရန်ကုန်မြို့မှာ ပြီးခဲ့တဲ့ နိုဝင်ဘာလက ဂယ်ရီ ဖာဂူဆန်လို့ ခေါ်တဲ့ ဗြိတိသျှ နိုင်ငံသား ကျောင်းဆရာ တစ်ယောက် အသတ် ခံခဲ့ရမှုမှာ ဟဲရစ် ဘီနော့တီကို မြန်မာ အာဏာပိုင်တွေက အလိုရှိ ပါတယ်။

ဒါ့အပြင် နိုင်ငံတကာ ရဲတပ်ဖွဲ့ အင်တာပို ကလည်း ဟဲရစ် ဘီနော့တီ အပေါ် ဖမ်းဝရမ်းနဲ့ ညီမျှတဲ့ အနီရောင် ညွှန်ကြားချက် ပြီးခဲ့တဲ့ ရက်ပိုင်းကပဲ ထုတ်ပြန် ထားပါတယ်။

ဒီလို အင်တာပိုရဲ့ ညွှန်ကြားချက် ရှိနေပေမယ့် စကော့တလန် ရဲတပ်ဖွဲ့ရဲ့ ထုတ်ပြန် ချက်ထဲမှာတော့ ဂယ်ရီ ဖာဂူဆန် သေဆုံးမှု အပေါ် မြန်မာ အာဏာပိုင်တွေက ဦးဆောင် စစ်ဆေး နေတာဖြစ်ပြီး၊ အခု လက်ရှိ အခြေအနေအရ စကော့တလန် ရဲတပ်ဖွဲ့ အနေနဲ့ မစ္စတာ ဘီနော့တီကို ဖမ်းဆီးဖို့ ဘယ်လို အခွင့် အာဏာမျိုးမှ ရှိမနေဘူးလို့ ဆိုထားပါတယ်။

ဒါပေမယ့်လည်း ဟဲရစ် ဘီနော့တီနဲ့ ပတ်သက်ပြီး စဉ်ဆက်မပြတ် ဆက်လက် စောင့်ကြည့် နေမှာ ဖြစ်တယ်လို့ စကော့တလ် ရဲတပ်ဖွဲ့က ဆိုပါတယ်။

ဟဲရစ် ဘီနော့တီဟာ သေဆုံးသူ ဂယ်ရီ ဖာဂူဆန်နဲ့ ကျောင်းတစ်ကျောင်း တည်းမှာ အတူ အလုပ် လုပ်ကိုင် ခဲ့သူ ဖြစ်ပြီး၊ အလောင်း မတွေ့ရခင် နှစ်ည အလိုက အပြင်ကို အရက်သောက် အတူ ထွက်ခဲ့ကြောင်း သိရှိ ထားရပါတယ်။

BBC Burmese
http://www.bbc.com/burmese



င၀န်မြစ်အတွင်း မော်တော်တိုက်မှုကြောင့် သေဆုံးသူတွေကို ဧပြီလ ၈ ရက်နေ့က ကယ်ဆယ်ရေးအဖွဲ့တွေတော့ ဆက်လက်ရှာဖွေနေစဉ်။ Photo: Myanmar Fire Services Department/ Facebook
ဧရာဝတီတိုင်းဒေသကြီး၊ ပုသိမ်မြို့အနီး င၀န်မြစ်အတွင်း လူ၃၀ဦးသေဆုံးခဲ့တဲ့ ရေယာဉ်တိုက်မှုနဲ့ ပတ်သက်ပြီး စစ်ဆေးတွေ့ရှိထားတဲ့ အစီရင်ခံစာကို တိုင်းဒေသကြီးအစိုးရအဖွဲ့ထံ စုံစမ်းစစ်ဆေးရေး အဖွဲ့က တင်ပြထားပါတယ်။

စုံစမ်းစစ်ဆေးရေးအဖွဲ့အနေနဲ့ တွေ့ရှိချက်တွေအပြင် ပြင်ဆင်ရမယ့်အချက်တွေကိုပါ အစီရင်ခံစာမှာ ထည့်သွင်းဖော်ပြထားတယ်လို့ စုံစမ်းစစ်ဆေးရေးအဖွဲ့ဝင် ပုသိမ်မဲဆန္ဒနယ် အမှတ်(၂)တိုင်းဒေသကြီး လွှတ်တော်ကိုယ်စားလှယ် ဦးအောင်သူထွေးကပြောပါတယ်။

" အစိုးရအဖွဲ့က ထုတ်ပြန်ထားတဲ့အတိုင်းပဲ ၁၂ ရက် ၄ လမှာ နောက်ဆုံးထားတင်ပေးရမယ်ဆိုလို့ အဲ့နေ့မှာ အပြီးတင်ပေးလိုက်ပြီ၊ အစီရင်ခံစာ ထဲမှာတော့ လက်ရှိဖြစ်စဉ်တွေကို စစ်ဆေးတွေ့ရှိချက် တွေနဲ့ သုံးသပ်ချက်တွေပါတာပေါ့၊ ဖြစ်တဲ့ဖြစ်စဉ် ပကတိအခြေ အနေတွေ့ရှိချက်တွေ ၊ကွဲလွဲချက်တွေ ၊ ထွက်ဆိုတဲ့နေရာ ကွဲလွဲချက်တွေ ၊နောက် ဘာတွေပြင်ဆင်ရမယ်ဆိုတာကအစ အကုန်လုံးကို တွေ့ရှိချက်တွေ သုံးသပ် အကြံပြုချက်တွေအကုန်လုံးတင်ထားတယ်"

တွေ့ရှိချက်တွေထဲဟာ ရဲတပ်ဖွဲ့က တာဝန်ယူနေတဲ့အတွက် လတ်တလောမှာ ထုတ်ဖေါ်ပြော ဆိုနိုင်မှာ မဟုတ်သေးဘူးလို့ ပြောပါတယ်။

စုံစမ်းစစ်ဆေးရေးအဖွဲ့က နှစ်ဖက်ရေယာဉ်မောင်းတွေ ၊ စက်လှေနစ်မြှပ်မှုကနေ အသက်ရှင် လွတ်မြောက်သူတွေ၊ မျက်မြင်သက်သေတွေ၊ တာဝန်ရှိသူ စုစုပေါင်း ၁၄ ယောက်ကို စုံစမ်းမေးမြန်းခဲ့ပါတယ်။

စုံစမ်းစစ်ဆေးရေးအဖွဲ့အနေနဲ့ စစ်ဆေးတွေ့ရှိချက်တွေကို သတင်းမီဒီယာတွေကိုလည်း သတင်းစာရှင်းလင်းပွဲပြုလုပ် ထုတ်ပြန်ပေးသွားဖို့ ရှိတယ်လို့ ဦးအောင်သူထွေးကပြောပါတယ်။

ပြီးခဲ့တဲ့ ဧပြီလ ၇ ရက်၊ ည ၇နာရီမှာ ပုသိမ်မြို့၊ ဥမ္မာဒန္တီဘောတံတားအနီး င၀န်မြစ်အတွင်း ခရီးသည်တွေတင်ဆောင်လာတဲ့ ငွေကြယ်ပွင့်စက်လှေနဲ့ နဒီရွှေစင်ကျောက်တင်သင်္ဘောတို့ တိုက်မိခဲ့တာဖြစ်ပြီး စက်လှေရေယာဉ်မောင်းတစ်ဦး အပါအ၀င် လူ ၃၀ ဦး သေဆုံးခဲ့ပါတယ်။

ရေယာဉ်တိုက်မှုနဲ့ ပတ်သက်ပြီး နဒီရွှေစင်ကျောက်တင်သင်္ဘောမောင်းသူနဲ့ ငွေကြယ်ပွင့် စက်လှေမောင်းသူတို့ကို ပုသိမ်နယ်မြေရဲစခန်းမှာ ရာဇသတ်ကြီး ဥပဒေပုဒ်မ ၃၀၄(က)၊ ၃၃၇၊ ၃၃၈၊ ၂၈၀ တို့နဲ့ အမှုဖွင့်ဖမ်းဆီးထိန်းသိမ်းထားပါတယ်။

RFA Burmese
http://www.rfa.org/burmese



ရေကြီးရေလျှံမှုတွေကြောင့် လယ်ကွင်းတွေ ပျက်စီး (J.Owens/VOA)
ရာသီဥတုဖောက်ပြန်မှုတွေရဲ့ ရလဒ်ဖြစ်တဲ့ ဆိုင်ကလုန်းမုန်တိုင်းကြီးတွေနဲ့ ပင်လယ်ဒီရေလှိုင်းကြီးတွေရဲ့ ဒဏ်ကြောင့် ဘင်္ဂလားဒေ့ရှ့် နိုင်ငံက ကျွန်းတခု ပျောက်ကွယ်သွားနိုင်တဲ့အရေး ကြုံနေရပါတယ်။

ဘင်္ဂလားဒေ့ရှ် ကမ်းရိုးတန်းမှာရှိတဲ့ Kutubdia ကျွန်းမှာ ပိုမို ဆိုးရွားလာနေတဲ့ ရာသီဥတု အခြေအနေကြောင့် လူမှုအသိုင်းအ၀ိုင်းတွေ ပျက်ဆီးလာနေသလို၊ ပိုမို ကောင်းမွန်တဲ့ ဘ၀တွေမှာ နေထိုင်ခွင့်ရဖို့အတွက် ဒေသခံတွေ အများအပြား တခြား ဘေးကင်းရာ နေရာတွေမှာ ပြောင်းရွှေ့နေထိုင်နေကြရတာပါ။

ဒါဟာ ကမ္ဘာတ၀ှမ်း ရာသီဥတု ဖောက်ပြန် ပြောင်းလဲမှု တွေကြောင့် မြေနိမ့်ဒေသတွေမှာ တည်ရှိတဲ့ တိုင်းပြည်တွေက လူ သန်းပေါင်းများစွာရဲ့ အသက်အန္တရာယ် ခြိမ်းခြောက် ခံလာရတဲ့ အခြေအနေ ဖြစ်သလို၊ ဒီအခြေအနေကို Kutubdia ကျွန်းက အရင်ဆုံး သတိပေးလိုက်တာပဲ ဖြစ်ပါတယ်။

တချိန်က လယ်ကွင်းတွေ စိမ်းစိမ်းစိုစို ရှိခဲ့တဲ့ နေရာတွေမှာ အခုတော့ ရေကြီးရေလျှံမှုတွေကြောင့် ဒီ လယ်ကွင်းတွေ ပျက်စီးပြီး ဆားကွင်းတွေ ဖြစ်သွား ခဲ့သလို၊ ဒီဆားကွင်းတွေဟာလည်း မကြာခဏဆိုသလို ရေကြီးမှုကြောင့် ပျက်စီးရလေ့ ရှိပါတယ်။ တချိန်က ကျေးရွာတွေ နေရာမှာ အခုတော့ တဲအိမ်ငယ် တချို့သာ ရှိတော့တာပါ။ သဘာဝဘေးအန္တရာယ်တွေ ကျရောက်တဲ့အခါ ကြိုတင်ရှောင်ရှားနိုင်ဖို့ ဘင်္ဂလားဒေ့ရ်ှအစိုးရက ဆောင်ရွက်နေတာတွေ ရှိပေမဲ့လို့ ထိရောက်မှုအပိုင်းမှာတော့ အားနည်းနေဆဲဖြစ်ပါတယ်။

ဗွီအိုအေ (မြန်မာပိုင်း)
http://burmese.voanews.com

ဧရာဝတီတိုင်းဒေသကြီး၊ သာပေါင်းမြို့နယ်အတွင်း ဧပြီလလယ်ခန့်မှ စတင်ကာ စပါးအရောင်းအဝယ်များ ရပ်တန့်နေခြင်းကြောင့် စပါးဈေးနှုန်းများ ဆက်တိုက်ကျဆင်းကာ စပါးစိုက်တောင်သူများ အခက်အခဲ ဖြစ်ပေါ်နေကြောင်း ဒေသခံ စပါးစိုက်တောင်သူများထံမှ သိရှိရသည်။

ယင်းဒေသတွင် လက်ရှိ အချိန်၌ စပါးအကြမ်း တင်း (၁၀၀) လျှင် ကျပ် (၃၅၀၀၀၀)ခန့်သာ ဈေးပေါက် နေကြောင်း သိရသည်။
 “သင်္ကြန်မတိုင်မီထဲက စပါးအရောင်းအ၀ယ်တွေက အေးသွားတာ ဈေးလဲအရမ်း ကျတယ်။ အခုရက်ပိုင်း မိုးက ရွာတော့ မရောင်းရသေးတဲ့ စပါးတွေကို မိုးစိုမှာ စိုးလို့ ထုတ်ရောင်းချင်ပေမယ့် အရောင်းအ၀ယ်က မဖြစ်တော့ တောင်သူတွေအတွက် အခက်အခဲတွေဖြစ်လှပါတယ်။”ဟု သာပေါင်းမြို့နယ်၊ ဆတ်သွားကျေးရွာမှ စပါးစိုက်တောင်သူ ဦးပြည့်လင်းက ပြောသည်။

စပါးအရောင်းအ၀ယ်မရှိခြင်းကြောင့် စပါးဈေးနှုန်းများကျဆင်းကာ စားဝတ်နေရေးအတွက် စပါးကို အဓိကထား စိုက်ပျိုးရောင်းချနေရသည့် တောင်သူများအတွက် ငွေကြေးအခက်အခဲ များစွာကြုံတွေ့နေရကြောင်း သိရသည်။
“စက်တွေမှာ စပါးတွေဆန်တွေက ပုံထပ်နေတာ ကျွန်တော်တို့ ကုန်သည်တွေလဲအရမ်း အခက်အခဲတွေ ရှိနေပါတယ်။ အရှုံးပေါ်တာမျိုးလဲရှိတယ်။ ငွေမလည်တာမျိုးလဲရှိနေပါတယ်။”ဟု ဒေသတွင်း စပါးကုန်သည် ဦးကိုဦးက ပြောသည်။ သာပေါင်းမြို့နယ်တွင် ဒေသခံများသည် စပါးစိုက်ပျိုးရေးနှင့် ငါးဖမ်းလုပ်ငန်းကို အဓိကစီးပွားဖြစ် လုပ်ကိုင်ကြပြီး မုရင်းစပါးစိုက်ဧက(၁) သိန်းကျော်အထိရှိကြောင်း သိရသည်။

ရတနာပုံ သတင်းစာ
https://www.facebook.com/yadanabonnewspaper/



မိုးလေဝသနဲ့ဇလဗေဒ ပညာရှင် ဒေါက်တာထွန်းလွင် ကို ဧပြီလ ၂၂ ရက်နေ့က တွေ့ရစဉ်။ Photo: Kyaw Lwin Oo/RFA
ကချင်ပြည်နယ်နဲ့ စစ်ကိုင်းတိုင်း အထက်ပိုင်းက ဒေသတစ်ချို့တို့မှာ နောက် ၃၆ နာရီအတွင်း မိုးများပြီး ရုတ်တ ရက်ရေကြီးတာတွေ၊ မြေပြိုကျတာတွေ ဖြစ်နိုင်တယ်လို့ မိုးလေဝသပညာရှင် ဒေါက်တာ ဦးထွန်းလွင်က သတိပေး လိုက်ပါတယ်။

ဒီကနေ့မနက်ပိုင်း တိုင်းတာချက်အရ ဘင်္ဂလားဒေ့ရ်ှနိုင်ငံဖက်ကနေ ဝင်ရောက်လာတဲ့ လေဖိအားနည်း ချိုင့်ဝှမ်း (မိုးတိမ်တိုက်တစ်ခု) ဟာ မြန်မာနိုင်ငံမြောက်ပိုင်းဒေသ အရှေ့ဖက်ဆီကို ဖြတ်သန်းသွားနေ တာမို့ မိုးကြီးနိုင် တယ်လို့ ဒေါက်တာဦးထွန်းလွင်က ပြောပါတယ်။

‘’မိုးလေဝသလိုပြောရင်တော့ လေဖိအားနည်းချိုင့်ဝှမ်းပေါ့ ဘင်္ဂလားဒေ့ရ်ှဖက်ကဝင်လာတာ လွန်ခဲ့ တဲ့ နှစ်ရက်လောက်ကတည်းက တွေ့နေရတယ်၊ မြန်မာပြည်အစပ်ရောက်နေပြီပေါ့နော်၊ ဒီကောင်က အရှေ့ပဲ ရွှေ့မယ်ဆိုတော့ စစ်ကိုင်းတိုင်းအထက်ပိုင်းနဲ့ ကချင်တို့ကို သူဖြတ်တော့မယ်ဗျ၊ မိုးရွာမယ့် တိမ်ဆိုတော့ မိုးတိမ်တောင်တွေလည်း ပါနေတော့ မိုးကြီးနိုင်တယ်ပေါ့’’

အဲဒီမိုးတိမ်တိုက်ဟာ မိုးရွာသွန်းနိုင်တဲ့အတွက် ဒီကနေ့မနက်ပိုင်းကစပြီး နောက် (၁၂) နာရီကနေ (၃၆) နာရီအတွင်း စစ်ကိုင်းတိုင်းအထက်ပိုင်း နဲ့ ကချင်ပြည်နယ်အနှံ့ မိုးရွာကာ နေရာကွက်ပြီး မိုး ကြီးနိုင်ပါတယ်။

ဒါ့အပြင် လေပြင်းတိုက်တာ၊ မိုးကြိုးပစ်တာ၊ မိုးသီးကြွေတာတွေလည်း ဖြစ်နိုင်လို့ ဒေသခံတွေ သတိ ရှိရှိနေထိုင်ကြဖို့လည်း နှိုးဆော်လိုက်ပါတယ်။

RFA Burmese
http://www.rfa.org/burmese


မန္တလေးမြို့ (၂၆ x ၇၈)လမ်းက လမ်းလျှောက်သင်္ကြန်မုခ်ဦးကို နိုင်ငံခြားသားတွေတင်ဆောင်လာတဲ့ ကားတစ်စီးက တိုက်မိပြီး ပြိုကျခဲ့တယ်လို့ သိရပါတယ်။ ကားရဲ့ဘေးဘက်နဲ့ မုခ်ဦးကိုချိတ်ပြီး တိုက်မိခဲ့တာဖြစ်တယ်လို့ မန္တလေးမြို့တော်စည်ပင်သာယာရေးကော်မတီမှ လမ်းတံတားဌာနမှူး ဦးမျိုးအောင်က ပြောပါတယ်။


အဲဒီလိုပြိုကျမှုကြောင့် လမ်းကို (၃)နာရီလောက်ခေတ္တပိတ်ပြီး ရှင်းလင်းခဲ့ရတယ်လို့ ဆိုပါတယ်။ ဒီဖြစ်စဉ်မှာ တစ်ဦးတစ်ယောက်မှထိခိုက်ခြင်းမရှိပေမယ့် ကားကတော့ အရှေ့ပိုင်းပျက်စီးသွားတယ်လို့ သိရပါတယ်။

ဓာတ်ပုံ - Nainglin aung
5 Plus News
https://www.facebook.com/5plusnews/



အီရန်နိုင်ငံ သမ္မတ Hassan Rouhani (ဝဲ) နှင့် ရုရှားနိုင်ငံ သမ္မတ ဗလာဒီမာ ပူတင် (ယာ) တို့အား တွေ့ရစဉ် (ဆင်ဟွာ)
   တီဟီရန်၊ ဧပြီ ၁၉ ရက် (ဆင်ဟွာ)

    အီရန်နိုင်ငံ နျူကလီယား စွမ်းအင် စက်ရုံ နှစ်ခုကို အီရန်နိုင်ငံမှ ကျွမ်းကျင်သူများနှင့် ပူးပေါင်းကာ စတင် တည်ဆောက်မည် ဖြစ်ကြောင်း အီရန်နိုင်ငံ စွမ်းအင် ဝန်ကြီးက ဧပြီလ ၁၈ ရက်တွင် ကြေညာလိုက်သည်။

“အီရန်က Atomic Energy Organization (AEOI) နဲ့ ရုရှားတို့က လက်မှတ်ထိုးထားတဲ့ စာချုပ်အရ ၁,၀၀၀ မဂ္ဂါဝပ် ထုတ်လုပ်နိုင်တဲ့ နျူကလီးယား ဓာတ်ပေါင်းဖို နှစ်ခု တည်ဆောက်မှာပါ၊ ဆောက်လုပ်ရေး လုပ်ငန်းတွေက စခါနီးနေပါပြီ” ဟု အီရန် စွမ်းအင်ဝန်ကြီး ဟာမစ် ချစ်ချိန်က ပြောသည်။

ထို့ပြင် ရုရှားနှင့် စွမ်းအင်ဝန်ကြီးဋ္ဌာနတို့ ပူးပေါင်းပြီး ပါရှားပင်လယ်ကွေ့အနီး ဟော်မော့ဇ်ဂန်ပြည်နယ်တွင်  ၁၄၀၀ မဂ္ဂါဝပ် ထုတ်လုပ်နိုင်မည့် အခြား စွမ်းအင်စက်ရုံ တစ်ရုံလည်း တည်ဆောက်နေဆဲ ဖြစ်ကြောင်း၊ ယင်း စက်ရုံမှာ တည်ဆောက်ရေး လုပ်ငန်း စတင်နေပြီ ဖြစ်ကြောင်း ချစ်ချိန်က ပြောသည်။

အီရန်နိုင်ငံအတွင်း စွမ်းအင်စက်ရုံများ တည်ဆောက်ရေး ကူညီရန်နှင့် သဘောတူ စာချုပ်များ အပြီးသတ် ချုပ်ဆိုနိုင်ရေး အလေးထားကြောင်း ရုရှားနိုင်ငံ စွမ်းအင်ဝန်ကြီး အလက်ဇန်းဒါး နိုဗက်က ပြောကြားခဲ့သည်။

အီရန်နိုင်ငံက စွမ်းအင်စက်ရုံများ အမြောက်အမြား တည်ဆောက်ရန် စီစဉ်ထားသလို ထိုသို့ စွမ်းအင် စက်ရုံများ တည်ဆောက်ရေး သဘောတူစာချုပ်များတွင် အရေးပါသည့် ဝေစုများ ရုရှားက လက်ခံရရှိထားကြောင်း သိရသည်။

(Xinhua)
http://www.xinhuamyanmar.com



ဆွန်းဒါး ရေလက်ကြားကို ဖြတ်ပြီး အိန္ဒိယ သမုဒ္ဒရာထဲကို ဝင်ရောက်
အမေရိကန် လေယာဉ်တင် သင်္ဘောကြီး အပါအဝင် စစ်သင်္ဘော အုပ်စုဟာ မြောက်ကိုရီးယား ရှိရာဆီ ခုတ်မောင်း နေတာ မဟုတ်ရုံမက၊ ဆန့်ကျင်ဘက် အရပ်ကို ဦးတည် သွားနေတာ ဖြစ်တယ် ဆိုတဲ့အချက် ပေါ်ထွက် လာပါတယ်။

ကားလ်ဗင်ဆင် လေယာဉ်တင် သင်္ဘောကြီး ဦးဆောင်တဲ့ တိုက်ခိုက်ရေး စစ်သင်္ဘော အုပ်စုဟာ မြောက်ကိုရီးယားရဲ့ နျူကလီယာ မျှော်မှန်းချက်နဲ့ ပတ်သက်ပြီး တင်းမာမှုတွေ မြင့်တက်နေတဲ့ ကိုရီးယားကျွန်းဆွယ်ဆီ သွားနေကြတယ် ဆိုပြီး အမေရိကန် ရေတပ်က ဧပြီ ၈ ရက် နေ့ တုန်းက ပြောဆို ခဲ့ပါတယ်။

သမ္မတ ထရမ့်ကလည်း သူ စစ်သင်္ဘော အုပ်စု စေလွှတ် ထားတယ် ဆိုပြီး ပြီးခဲ့တဲ့ သီတင်းပတ် တုန်းက ပြောဆို ထားပါတယ်။

ဒါပေမယ့် အခုအခါမှာတော့ အဲဒီ စစ်သင်္ဘောတွေ ဟာ အင်ဒိုနီးရှားရဲ့ ဂျဗားနဲ့ ဆူမတြား ကျွန်းစုတွေကြားက ဆွန်းဒါး ရေလက်ကြားကို ဖြတ်ပြီး အိန္ဒိယ သမုဒ္ဒရာထဲကို ဝင်ရောက် သွားတာကို တွေ့လာ ရပါတယ်။

အဲဒီ စစ်သင်္ဘော အုပ်စုဟာ ဧပြီ ၈ ရက်နေ့က စင်္ကာပူ ကနေ ထွက်ခွာ ခဲ့တာ ဖြစ်ပြီး၊ ဩစတြေးလျတိုက် အနောက်မြောက် ကမ်းလွန်ပြင်မှာ ကြိုတင် စီစဉ်ထားတဲ့ အတိုင်း ဩစတြေးလျ နိုင်ငံနဲ့ ပူးတွဲ စစ်ရေး လေ့ကျင့်မှု ပြုလုပ် ခဲ့ပေမယ့် ပါ့သ်မြို့ ဆပ်ကမ်းကို သွားမယ့် အစီအစီအစဉ်ကို ဖျက်လိုက်တယ် ဆိုပြီး ပစိဖိတ် ဒေသ ဆိုင်ရာ အမေရိကန် ရေတပ် ဌာနချုပ်က ထုတ်ပြန် ထားပါတယ်။

ကြေညာ ထားတဲ့ အတိုင်း ကိုရီးယား ကျွန်းဆွယ်ဆီကို မသွားတာဟာ မြောက်ကိုရီးယား အပေါ် ခြိမ်းခြောက်ရုံ သက်သက် ပြုလုပ်ခဲ့ပြီး တမင် ရည်ရွယ်ချက်နဲ့ စစ်သင်္ဘော အုပ်စုကို ခြေရာဖျောက်တာလား၊ အစီအစဉ်ပဲ ပြောင်းလိုက်တာလား၊ ဒါမှမဟုတ် သင်္ဘောအုပ်စုနဲ့ ဌာနချုပ် အကြား နားလည်မှု လွဲမှား နေတာလား ဆိုတာ ရှင်းရှင်းလင်းလင်း မသိရ သေးဘူးလို့ ကိုရီးယား ဆိုင်ရာ ဘီဘီစီ သတင်းထောက် စတီဗင် အီဗန်စ်က ဆိုပါတယ်။

BBC Burmese
http://www.bbc.com/burmese



နိုင်ငံတကာရဲတပ်ဖွဲ့က အလိုရှိနေတဲ့ ဗြိတိန်နိုင်ငံသား Harris Binotti
မြန်မာနိုင်ငံ၊ ရန်ကုန်မြို့မှာ Scotland နယ်သား ကျောင်းဆရာတဦး သတ်ဖြတ်ခံရမှုနဲ့ပတ်သက်လို့ အလိုရှိနေတဲ့ ဗြိတိန်နိုင်ငံသား Harris Binotti ကို Scotland နယ်၊ Glasgow မြို့က တိုက်ခန်းတခုမှာ တွေ့ရှိခဲ့တယ်လို့ ဆိုပါတယ်။ အသက် ၂၆ နှစ်အရွယ် Harris Binotti ဟာ အဲဒီ တိုက်ခန်းမှာ Belgian နိုင်ငံသူ သူ့ရဲ့ ရည်စားဖြစ်သူနဲ့အတူ နေထိုင်နေတာလို့ Scotland အခြေစိုက် The Herald နဲ့ ဗြိတိန် အခြေစိုက် Daily Mail သတင်းစာတွေမှာ ဖော်ပြထားပါတယ်။

အသက် ၄၇ နှစ်အရွယ်၊ Scot နယ်သား Gary Ferguson ကို ရန်ကုန်မြို့မှာ နိုဝင်ဘလာတုန်းက သေဆုံးခဲ့မှုအတွက် အလိုရှိသူအဖြစ် နိုင်ငံတကာ ရဲတပ်ဖွဲ့က အနီရောင်အဆင့် သတိပေးချက် ထုတ်ပြန်ထားတာ ဖြစ်ပါတယ်။

သူတို့ ၂ ဦးဟာ ရန်ကုန်မြို့မှာရှိတဲ့ Horizon အင်္ဂလိပ်စာ သင်တန်းကျောင်းမှာ စာသင်ခဲ့သူတွေ ဖြစ်တယ်လို့ ဆိုပါတယ်။

၂၀၁၆ ခုနှစ်၊ နိုဝင်ဘာ ၆ ရက်နေ့က ရန်ကုန်မြို့လယ် ၃၉ လမ်း အလယ်ဘလောက် ပထမထပ် တိုက်ခန်း တစ်ခန်းမှာ Gary Ferguson ရဲ့ အလောင်းကို ဇနီးဖြစ်သူ ထိုင်းနိုင်ငံသူက Harris Binotti ရဲ့ တိုက်ခန်းအတွင်းမှာ တွေ့ခဲ့ရတာဖြစ်ကြောင်း ကျောက်တံတားမြို့နယ် ရဲစခန်းမှူး ဦးတိုးမြို့က ၂၀၁၆ ခုနှစ်၊ နိုဝင်ဘာလ ၇ ရက်နေ့တုန်းက ဗွီအိုအေကို ပြောကြားခဲ့ပါတယ်။ အသတ်မခံရခင် Harris Binotti နဲ့ Gary Ferguson တို့ ၂ ဦးဟာ အရက်အတူ သောက်နေခဲ့တာကို တွေ့ရှိခဲ့ရတယ်လို့ ဆိုပါတယ်။

အဲဒီ လူသတ်မှုဖြစ်ပြီးပြီးချင်း ဆိုသလိုပဲ Harris Binotti ဟာ ရန်ကုန်မြို့ကနေ လေကြောင်းလိုင်းတခုနဲ့ ထိုင်းနိုင်ငံကို ထွက်ခွာသွားတယ် ဆိုတာကို စစ်ဆေး တွေ့ရှိရတယ်လို့ မြန်မာအစိုးရ တာဝန်ရှိသူတွေက ပြောကြားခဲ့ပါတယ်။

ရန်ကုန်မြို့မှာ အင်္ဂလိပ်စာ ကျောင်းဆရာ အလုပ်ကို မလုပ်ခင် Harris Binotti ဟာ အားလပ်ရက် ခရီးသွားလုပ်ငန်း၊ စကီးစီးတဲ့နေရာတွေ အားလပ်ရက် အပန်းဖြေသွားတဲ့လုပ်ငန်းနဲ့ ဟိုတယ် လက်ထောက်မန်နေဂျာ စတဲ့ အလုပ်တွေကို လုပ်ကိုင်ခဲ့သူဖြစ်ကြောင်း The Herald သတင်းစာမှာ ဖော်ပြထားပါတယ်။

မြန်မာအစိုးရရဲ့ တောင်းဆိုချက်အရ နိုင်ငံတကာက အလိုရှိသူ - အနီရောင်အဆင့် သတိပေးချက်ကို ထုတ်ပြန်ခဲ့ခြင်းဖြစ်ကြောင်း နိုင်ငံတကာ ရဲတပ်ဖွဲ့ ပြောခွင့်ရ ပြောတာကို ကိုးကားပြီး The Herald သတင်းစာမှာ ဖော်ပြထားပါတယ်။

အနီရောင်အဆင့် သတိပေးချက်ဟာ မှုခင်းဖြစ်သွားခဲ့တဲ့ အဖွဲ့ဝင်နိုင်ငံ အစိုးရက ထုတ်ပြန်ထားတဲ့ ဖမ်းဝရမ်း ထုတ်ခံထားပြီး အဲဒီ ၀ရမ်း ထုတ်ခံထားရတဲ့သူကို ဖမ်းဆီးပေးဖို့ တောင်းဆိုချက်အရ ပြစ်မှုကျူးလွန်ခဲ့တဲ့ တိုင်းပြည်ကို ပို့ပေးရတဲ့ ထုတ်ပြန်ချက်မျိုး ဖြစ်ပါတယ်။

ဗွီအိုအေ (မြန်မာပိုင်း)
http://burmese.voanews.com



အမေရိကန် နိုင်ငံ ကယ်လီဖိုးနီးယား ပြည်နယ် တွင် သေနတ် ပစ်ခတ်မှု ဖြစ်ပွား ခဲ့သည့် နေရာ အားမြင်တွေ့ရစဉ်(ဆင်ဟွာ)
    လော့စ်အိန်ဂျလိစ် ၊ ဧပြီ ၁၉ ရက် (ဆင်ဟွာ)

    အမေရိကန် နိုင်ငံ ကယ်လီဖိုးနီးယား ပြည်နယ် Fresno မြို့တွင် ဧပြီလ ၁၈ ရက်နေ့က သေနတ် ပစ်ခတ်မှု တစ်ရပ် ဖြစ်ပွားခဲ့ပြီး ၃ ဦးသေဆုံးခဲ့ကာ သေနတ် ပစ်ခတ်သူ ကို အခင်းဖြစ်ပွားရာ နေရာတွင် ဖမ်းဆီး နိုင်ခဲ့ကြောင်း သိရှိရသည်။

Fresno မြို့ ရဲတပ်ဖွဲ့ ဌာနမှူး Jerry Dyer က သတင်းစာရှင်းလင်းပွဲတွင် သေနတ် ပစ်ခတ်သူ မှာ အမေရိကန် တွင် နေထိုင်သော အသက် ၃၉ နှစ်အရွယ်ရှိ အာဖရိက လူမျိုး Kori Ali Muhammad ဖြစ်ကြောင်း ၊ ၄င်းသည် Fresno မြို့လယ်ရှိ လမ်းပေါ်တွင် မတူညီသော နေရာ ၄ နေရာ၌ သေနတ်ပစ်ခတ်ခဲ့ခြင်းဖြစ်ကြောင်း ၊ အချိန် တစ်မိနစ် အတွင်း လူ ၄ လေးဦးအား ကျည်ဆံ ၁၆ တောင့် ပစ်ခတ်ခဲ့ပြီး ၃ ဦးသေဆုံးခဲ့ကာ တစ်ဦးကို မထိမှန် ခဲ့ကြောင်း ပြောကြား ခဲ့သည်။

Muhammad သည် ပြီးခဲ့သည့် ကာလအနည်းငယ်က ယင်းမြို့ တည်းခိုခန်း တစ်ခုရှေ့တွင် လုံခြုံရေး ဝန်ထမ်း တစ်ဦး ကို ပစ်သတ် ခဲ့သည့် အမှုတွင်လည်း သံသယ ရှိသူ တစ်ဦး ဖြစ်ကြောင်း သိရှိရသည်။

ရဲတပ်ဖွဲ့ ၏ စုံစမ်းစစ်ဆေးမှု များအရ Muhammad သည် လူမှုကွန်ယက်တွင် လူဖြူ ကို မနှစ်သက်သူ တစ်ဦး ဖြစ်ပြီး အစိုးရ ဆန့်ကျင်သူ တစ်ဦး လည်း ဖြစ်ကြောင်း ၊ ယခု ဖြစ်ပွား ခဲ့သည့် ပစ်ခတ်မှု တွင်လည်း သေဆုံး ခဲ့သူ ၃ ဦးလုံးမှာ လူဖြူများ ဖြစ်ကြကြောင်း ပြောကြား ခဲ့သည်။ ဒေသတွင်း မီဒီယာ များ၏ ဖော်ပြချက်အရ Muhammad သည် လူမှုကွန်ယက်တွင် အလွန်တက်ကြွသူ တစ်ဦး ဖြစ်ပြီး အမေရိကန် သမ္မတ ဒေါ်နယ်ထရမ့် ကို ဦးတည်သည့် လူမျိုးရေး ဝါဒများပါဝင်သည့် ခြိမ်းခြောက်မှုမျိုးကို အကြိမ်ကြိမ် ရေးသားခဲ့ကြောင်း ကို သိရှိရသည်။

ရဲတပ်ဖွဲ့အနေဖြင့် လက်ရှိချိန်တွင် အမှုအခင်း နှင့်ပတ်သက်၍ စုံစမ်းစစ်ဆေးမှု များဆောင်ရွက်နေပြီး အကြမ်းဖက် ဝါဒ တိုက်ခိုက်မှု တစ်ခု ဟုတ်မဟုတ်ကို မဆုံးဖြတ် နိုင်သေးကြောင်း ပြောကြား ခဲ့သည်။

(Xinhua)
http://www.xinhuamyanmar.com