04/21/17

ကုလသမဂ္ဂဆိုင်ရာ အမေရိကန်သံအမတ်ကြီး Nikki Haley
အန္တရာယ်ကြီးမားလာနေတဲ့ အီရန်နိုင်ငံနဲ့ သူ့ရဲ့အဓိကကိုယ်ပွား Hezbollah လက်နက်ကိုင်အဖွဲ့ကို အမေရိကန်က အရေးယူကိုင်တွယ်မယ်လို့ ကုလသမဂ္ဂဆိုင်ရာ အမေရိကန်သံအမတ်ကြီး Nikki Haley ကပြောကြားခဲ့ပါတယ်။

Israel နဲ့ Palestine အရေးကို အဓိကအာရုံစိုက်ဆွေးနွေးတဲ့ လုံခြုံရေးကောင်စီရဲ့ လစဉ် အရှေ့အလယ်ပိုင်းဆိုင်ရာ စည်းဝေးပွဲမှာ လုံခြုံရေးကောင်စီအနေနဲ့ အရှေ့အလယ်ပိုင်းဒေသက တခြား ခြိမ်းခြောက်ရန်တွေကိုလည်း အာရုံစိုက်သင့်တယ်လို့ ပြောကြားခဲ့တာပါ။

အကြမ်းဖက်လုပ်ရပ်တွေ၊ စစ်ရေးဆောင်ရွက်မှုလုပ်ပြီး ဒေသတွင်းမှာ မတည်ငြိမ်အောင် အီရန်နဲ့ Hezbollah အဖွဲ့တို့ ပူးပေါင်းကြံစည်လုပ်နေကြတယ်လို့ သံအမတ်ကြီး Haley ကဆိုပါတယ်။ ဒါကြောင့် အဓိကတရားခံကို စရှင်းဖို့လိုတယ်လို့ လုံခြုံရေးကောင်စီ စည်းဝေးပွဲမှာ ပြောကြားခဲ့တာပါ။

ဆီးရီးယားမှာဖြစ်နေတဲ့ ပြည်တွင်းစစ်ပွဲ၊ အီရတ်နဲ့ ရီမန်နိုင်ငံက လက်နက်ကိုင်ပဋိပက္ခတွေမှာ အီရန်နဲ့ Hezbollah အဖွဲ့ပါဝင် ပတ်သက်နေတယ်လို့ သူကဆိုပြီး ဒီအန္တရာယ်တွေကို လုံခြုံရေးကောင်စီက မကိုင်တွယ်ရင် အမေရိကန်က ကိုင်တွယ်မယ်လို့ သံအမတ်ကြီးက Nikki Haley ကပြောပါတယ်။ အီရန်နဲ့ အင်အားကြီး ၆ နိုင်ငံကြားရရှိခဲ့တဲ့ သဘောတူညီမှုတွေအတိုင်း အီရန်ကလိုက်နာပေမယ့် Nuclear လက်နက်ထုတ်လုပ်နိုင်စွမ်းနဲ့ ထုတ်လုပ်ဖို့ စိတ်ပိုင်းဖြတ်မှုကိုတော့ ဒီသဘောတူချက်က မတားဆီးနိုင်ဘူးလို့ အမေရိကန်နိုင်ငံခြားရေးဝန်ကြီး Rex Tillerson ကဗုဒ္ဓဟူးနေ့ကပဲ ဝေဖန်ခဲ့ပါတယ်။

အီရန်အပေါ် အရေးယူဒဏ်ခတ်မှုတွေကို ရပ်ဆိုင်းပြီး အပေးအယူလုပ်ခဲ့တဲ့ သဘောတူညီချက်ဟာ အမေရိကန်အမျိုးသားလုံခြုံရေးအတွက် အဓိကအကျိုးရှိရဲ့လားဆိုတာကို ရက် ၉၀ အတွင်း ပြန်သုံးသပ်နေတယ်လို့ Trump အစိုးရက အခုသီတင်းပတ်ထဲမှာပဲ ကြေညာထားပါတယ်။

ဗွီအိုအေ (မြန်မာပိုင်း)
http://burmese.voanews.com


ဖွံ့ဖြိုးဆဲ နိုင်ငံတွေရဲ့ အလုပ်အကိုင် သုံးပုံ ၂ ပုံလောက်ဟာ စက်တွေကို အသုံးပြုလာကြရာ ကနေ ပျောက်ကွယ်သွားနိုင်ပြီး ဒီအခြေနေဟာ ပဋိပက္ခတွေကိုရော ဒုက္ခသည် ဝင်ရောက်မှုကိုပါ တိုးလာစေနိုင်တယ်လို့ ကမ္ဘာ့ ဘဏ်ဥက္ကဌ Jim Kim က သတိပေးလိုက်ပါတယ်။

ဝါရှင်တန် ဒီစီမှာ ကြာသပတေးနေ့ ကျင်းပတဲ့ ကမ္ဘာ့ဘဏ်နဲ့ IMF နိုင်ငံတကာ ငွေကြေးရန်ပုံငွေ အဖွဲ့ကြီးရဲ့ အစည်းဝေးကို ကမ္ဘာ့နိုင်ငံသီးသီးက စီးပွါးရေးနဲ့ နိုင်ငံရေး ခေါင်းဆောင်တွေ တက်ရောက်လာချိန်မှာ ဒေါက်တာ ကင်က အခုလို ပြောကြားလိုက်တာ ဖြစ်ပါတယ်။

ဒါပေမယ့် စက်ပစ္စည်း သုံးစွဲမှုကြောင့် အလုပ်အကိုင်လျော့ပါးတဲ့ နှုန်း ဘယ်လောက်မြန်မြန် ကျဆင်းတယ်ဆိုတာကိုတော့ သေသေချာချာ မသိရဘူးလို့လည်း ပြောပါတယ်။ အဆင်းရဲဆုံး နိုင်ငံတွေမှာ နေထိုင်သူတွေ အင်တာနက်ကို လက်လှမ်း မှီလာပြီး သူတို့ရဲ့ လူနေမှု ဘဝပိုပြီး အဆင်ပြေ ချောမော လာချိန်မှာပဲ အခုလို အလုပ်အကိုင်အခွင့်အလန်းအတွက် ခြိမ်းခြောက်မှုတွေ တွေ့လာရတာမို့ ရလဒ်ကတော့ မျှော်လင့်ချက်တွေ တိုးလာတာ ဖြစ်ကြောင်းလည်း ပြောပါတယ်။ စီးပွါးရေးကြီးထွားမှုနဲ့ အခွင့်အလန်းတွေ မရှိရင် သူတို့ရဲ့ မျှော်လင့်ရည်မှန်းချက်တွေ မပြည့်ဝနိုင်တော့ပဲ စိတ်ပျက်မှုတွေ၊ မတည်ငြိမ်မှုတွေ ဒါမှမဟုတ် တခြားနိုင်ငံသွားပြီး အလုပ်အကိုင်ရှာဖွေတဲ့ ဒုက္ခသည် တွေတိုးလာ နိုင်တယ်လို့လည်းပြောပါတယ်။

ကမ္ဘာကြီးအနေနဲ့ ပဋိပက္ခတွေ၊ ရာသီဥတု ဖေါက်ပြန်မှု ဒဏ်တွေ၊ အငတ်ဘေးကြုံရတာတွေနဲ့ ဒုတိယ ကမ္ဘာစစ်ပြီးချိန်ကစလို့ အဆိုးဝါးဆုံး ဒုက္ခသည် ပြဿနာနဲ့ ရင်ဆိုင်နေရတာတွေလို ပြဿနာ မျိုးစုံနဲ့ ရင်ဆိုင်နေရတာမို့ ဒီကိစ္စကို အရေးတကြီး ကိုင်တွယ်ဖို့ လိုအပ်တယ်လို့ ကမ္ဘာ့ဘဏ် ဥက္ကဌက ပြောပါတယ်။

ဒီပြဿနာအတွက် အဖြေကတော့ လက်ရှိမှာ အတိုးနည်းနည်း ဒါမှမဟုတ် အတိုးမဲ့ ဖြစ်နေတဲ့ ပုဂ္ဂလိက အရင်းအနှီးတွေအတွက် ဒေါ်လာ trillions နဲ့ ချီပြီး ချထားပေးဖို့ ဖြစ်တယ်လို့ မစ္စတာ Kim ကပြောပါတယ်။ စီးပွါးဖြစ် ငွေချေးသူတွေ အရှုံးနည်းပြီး စီးပွါးလုပ်နိုင်ချေ ရှိမယ့် ပုံစံတွေနဲ့ ရင်းနှီး မြှုပ်နှံမှု လုပ်နိုင်အောင် ကူညီဖို့ ကမ္ဘာ့ဘဏ် ကျွမ်းကျင်သူတွေက နည်းလမ်းတွေ ရှာနေတယ်လို့လည်း ပြောပါတယ်။

အမေရိကန် ပြည်ထောင်စုမှာ ၁၉၉၉ ခုနှစ်ကစပြီး ကွန်ပြူတာတွေ အလိုအလျှောက် စက်တွေနဲ့ လုပ်ကိုင်ရတဲ့ လုပ်ငန်းတွေ တိုးလာတာကနေ စက်မှု လုပ်ငန်းတွေမှာ လုပ်ကိုင်နေသူ သန်းပေါင်းများစွာ အလုပ်လက်မဲ့ ဖြစ်တဲ့ နှုန်း တိုးလာတာကို စိုးရိမ်နေရတာပါ။

ဗွီအိုအေ (မြန်မာပိုင်း)
http://burmese.voanews.com

သတင်းစာဆရာကြီးဟံသာဝတီဦးဝင်းတင်
ဒီကနေ့ဧပြီလ ၂၁ရက်နေ့ဟာ NLD အမျိုးသားဒီမိုကရေစီအဖွဲ့ချုပ် ထူထောင်သူ နယကကြီးလည်းဖြစ် ဝါရင့်နိုင်ငံရေးသမားကြီးအဖြစ် နှစ်ရှည်အကျဉ်းကျခံခဲ့ရတဲ့ နိုင်ငံရေးအကျဉ်းသားကြီးလည်းဖြစ်တဲ့ သတင်းစာဆရာကြီးဟံသာဝတီဦးဝင်းတင် ကွယ်လွန်ခဲ့တာ သုံးနှစ်တင်းတင်းပြည့်ခဲ့ပြီဖြစ်ပါတယ်။ နိုင်ငံရေးအကျဉ်းသားတွေအားလုံးချွင်းချက်မရှိအားလုံးပြန်လွှတ်ပေးဖို့ မကွယ်လွန်မှီအချိန်အထိ ထောင်အကျီအပြာရောင်ကို ကိုယ်တိုင် ဝတ်ဆင်ပြီး တစိုက်မတ်မတ် တောင်းဆိုတိုက်ပွဲဝင်သွားခဲ့သူ ဆရာကြီးဦးဝင်းတင်ကို လေးစားဂုဏ်ပြုသောအားဖြင့် သူကွယ်လွန်တဲ့နေ့ ဒီကနေ့မှာ အပြာရောင်အကျီတွေ ဝတ်ဆင်ကြပြီး ထောင်ထဲမှာ ကျန်ရှိနေသေးတဲ့ နိုင်ငံရေးအကျဉ်းသားအားလုံး လွတ်မြောက်ရေးလှုပ်ရှားကြဖို့လည်း နိုင်ငံရေးအကျဉ်းသားလွတ်မြောက်ရေးလှုပ်ရှားသူတွေက နိုးဆော်ထားကြပါတယ်။ အသေးစိတ် မဆုမွန်က တင်ပြထားတာနားဆင်ပါ။

"ဦးဝင်းတင်"

“နှစ်ပေါင်းများစွာ နိုင်ငံရေး အကျဉ်းသားတွေ (သို့မဟုတ်) ထောင်တွင်းတွေထဲမှာ လူတွေကို ညှဉ်းပန်းတယ်၊ နှိပ်စက်တယ်၊ လူ့အခွင့်အရေး တွေကို ချိုးဖောက်တယ်၊ ဖျက်ဆီးတယ်ဆိုတာက ကြာပြီဗျ။ အဲဒီဟာတွေကို ကျနော်က မှတ်တမ်းတင်ချင်တယ်။ ဒါတွေဟာ လူမဆန်တာတောင် မဟုတ်ဘူး၊ တိရစ္ဆာန်တောင် မဆန်ဘူး။ ဘာဖြစ်လို့လဲဆိုတော့ တိရစ္ဆာန်ကမှ တိရစ္ဆာန်အချင်းချင်း ညှာသေးတယ်။ တိရစ္ဆာန်အချင်းချင်း သတ်စားစရာလိုလို့ သတ်စားတဲ့ သူရဲ့  သဘာဝလိုအပ်ချက်သာ လုပ်တယ်။ ညှင်းပန်းချင်လို့ (သို့မဟုတ်) စစ်ကြောချင်လို့ မလုပ်ဘူး။ ဒီမှာကတော့ ထောင်တွေမှာဖြစ်နေတာက စစ်ကြောရေး စစ်ထောက်လှမ်းရေးတို့ လုပ်သွားတဲ့ ပုံသဏ္ဍာန်ပေါ့။ ကျနော်တို့မှာ လူ့အခွင့်အရေး မပြောနဲ့ ထောင်တွေထဲမှာ ခွေးအခွင့်အရေး၊ နွားအခွင့်အရေးတောင် မရအောင် ဖြစ်နေတယ်။ အဲဒါတွေကို ကျနော်က ပြောပြချင်တာပါ။”

ဒါကတော့ ဆရာကြီးဦးဝင်းတင် သူ အကျဉ်းသားဘဝနဲ့ ထောင်နှစ်ရှည်ကျခံခဲ့ရစဉ်က ခါးသီးကြမ်းတမ်းလှတဲ့ ထောင်တွင်းအတွေ့အကြုံတွေနဲ့ပတ်သက်လို့ရေးထားတဲ့ ဘာလဲဟဲ့လူ့ငရဲဆိုတဲ့ စာအုပ်အကြောင်း ဗွီအိုအေမြန်မာပိုင်းက ဦးကျော်ဇံသာက ဆက်သွယ်မေးမြန်းစဉ်က ပြောဆိုထားခဲ့တာကို နားဆင်ခဲ့ရတာပါ။

ဆရာကြီးဦးဝင်းတင်ဟာ သူ့အသက်မဆုံးခင်အချိန်အထိ သူထောင်တွင်းမှာ ဝတ်ဆင်ခဲ့တဲ့ အကျဉ်းထောင်ဝတ်စုံ အပြာရောင်ကို ဝတ်ဆင်ပြီး မတရားဖမ်းဆီးထောင်ချခံထားရတဲ့ နိုင်ငံရေးအကျဉ်းသားတွေ အားလုံးပြန်လည်လွတ်မြောက်ရေး တစိုက်မတ်မတ် တောင်းဆိုတိုက်ပွဲဝင်ခဲ့တာဖြစ်ပါတယ်။
ဦးဝင်းတင်ကွယ်လွန်တဲ့ သုံးနှစ်ပြည့်နှစ်ပတ်လည်နေ့အခမ်းအနားဖိတ်စာ
ဦးဝင်းတင်ကွယ်လွန်တဲ့ သုံးနှစ်ပြည့်နှစ်ပတ်လည်နေ့အခမ်းအနားဖိတ်စာ

သူကွယ်လွန်တဲ့ သုံးနှစ်ပြည့်နှစ်ပတ်လည်နေ့အခမ်းအနားမှာ ဦးဝင်းတင် ဖြစ်စေချင်တဲ့အတိုင်း နိုင်ငံရေးအကျဉ်းသားတွေ ချွင်းချက်မရှိပြန်လည်လွတ်မြောက်ရေး အပြာရောင်အကျီဝတ်ဆင်ကြပြီးတော့ တောင်းဆိုကြဖို့ အပြာရောင်အကျီ လှုပ်ရှားမှုကို နိုင်ငံရေးအကျဉ်းသားဟောင်းတွေနဲ့ ဒီမိုကရေစီအင်အားစုတွေက ဝိုင်းဝန်းလှုပ်ရှား တောင်းဆိုကြမှာဖြစ်တယ်လို့ နိုင်ငံရေးအကျဉ်းသားဟောင်းများအဖွဲ့ ဗဟိုအလုပ်အမှုဆောင်ဦးထွန်းကြည်ကပြောပါတယ်။

“ထူးထူးခြားခြားကတော့ ဘဘကိုလေးစား ဂုဏ်ပြုသောအားဖြင့် အပြာရောင်ဝတ်လှုပ်ရှားမှုပေါ့လေ ၊ ဘဘက နောက်ဆုံးထွက်သက်အထိကို ဘဘက ထောင် ၀တ်စုံ အပြာရောင် ၀တ်ပြီးတော့ ကွယ်လွန်သွားတာလေ။ နောက်တခုက ဘဘကသူ့သက်တမ်းတလျှောက်လုံးမှာ ကိုယ်ကျိုးစွန့်အနစ်နာခံပြီးတော့ နိုင်ငံတော် နဲ့ နိုင်ငံသားတွေရဲ့အကျိုးစီးပွားကို ဦးထိပ်ထားတာကို လေးစားဂုဏ်ပြုသောအားဖြင့်၎င်း၊ နိုင်ငံရေးအကျဉ်းသားတွေ ချွင်းချက်မရှိပြန်လည်လွတ်မြောက်ရေးအတွက်သော်လည်းကောင်း၊ နောင်တခုကတော့ ကျနေ်ာတို့တိုင်းပြည် မြန်မာနိုင်ငံအကျဉ်းထောင်များမှာ နိုင်ငံရေးအကျဉ်းသားတွေ ကျန်ရှိနေသေးတယ်ဆိုတဲ့ သတင်းစကားတွေ ပြည်တွင်းရော ၊ ဒေသတွင်း၊ နောက် နိုင်ငံတကာကို ပေးချင်တဲ့အပေါ်မှာ အဲဒီရည်ရွယ်ချက်တွေနဲ့ အပြာရောင်ဝတ်လှုပ်ရှားမှုတခုကိုလည်း အခန်းအနားတက်ရောက်လာတဲ့ လူတွေရော အကြောင်းကြောင်းကြောင့် အခမ်းအနား မတက်ရောက်နိုင်သော်လည်း ဘဘကို လေးစားဂုဏ်ပြုသောအားဖြင့် အပြာရောင်အင်္ကျီဝတ်ဆင်ပြီးတော့ ဒီလှုပ်ရှားမှုတခုကို ကျနေ်ာတို့အားလုံး စုစုစည်းစည်းနဲ့ ဖော်ထုတ်ပြသဖို့ အစီအစဉ်တွေလုပ်ထားတာရှိပါတယ်။”

ဝါရင့်နိုင်ငံရေးသမားကြီးလည်းဖြစ် သတင်းစာဆရာကြီးလည်းဖြစ်တဲ့ ဆရာကြီးဦးဝင်းတင်လို လူမျိုးကို လေးစားအတုယူစေလိုပြီး နောက်လူငယ်မျိုးဆက်တွေဘက်က တိုင်းပြည်အနာဂတ်အတွက် ရှေ့ဆက်တာဝန်ယူစိတ်တွေနဲ့နိုင်ငံကောင်းကျိုးတွေကို လုပ်ဆောင်စေလိုတဲ့အတွက် အခုလို အောက်မေ့ဖွယ်အခမ်းအနားကို ဒီမိုကရေစီအင်အားစုတွေဘက်က အလေးအနက်ထားကျင်းပနေကြတာဖြစ်တယ်လို့လည်း ဦးဝင်းတင်နှစ်ပတ်လည်နေ အခမ်းအနားဖြစ်မြောက်ရေး ကော်မတီအဖွဲ့ဝင်လည်းဖြစ်တဲ့ ဦးထွန်းကြည်ကပြောပါတယ်။

“ဒီခေတ်မှာ ကျနော်တို့ တိုင်းပြည်အတွက် တန်ဖိုးမဖြတ်နိုင်တဲ့ တကယ့်ကို သံမဏိလူသားပါ။ ဘာကြောင့်လဲဆိုတော့ ဘဘက နောက်ဆုံးထွက်သက်အထိ သူ့ကိုယ်ကျိုးတခုမှ မဆောင်ရွက်ခဲ့တဲ့အပြင် သူအမြဲတမ်းလိုလိုပြောပြောနေတာသည် ပြည်သူလူထုအကျိုးစီးပွားကိုပဲ ဦးထိပ်ပန်ဆင်တယ်။”

NLD ဦးဆောင်တဲ့ အရပ်သားအစိုးရလက်ထက်ရောက်လာပေမဲ့လို့ နိုင်ငံတဝှမ်းက အကျဉ်းထောင်တွေထဲမှာ နိုင်ငံရေးအကျဉ်းသားတွေ ကျန်ရှိနေသေးတာ တက်ကြွလှုပ်ရှားသူဒီမိုကရေစီအင်အားစုတွေ ဖမ်းဆီးထိန်းသိမ်းခံနေရသေးတာဟာ နိုင်ငံရေးအကျဉ်းသားဆိုတဲ့ ဝေါဟာရကို တရားဝင်အဓိပါယ်မဖွင့်ဆိုနိုင်သေးတာ တရားမျှတမှုမရှိတဲ့ ဥပဒေတွေကို မဖျက်သိမ်းနိုင်သေးတာကြောင့်ဖြစ်တယ်လို့ထောက်ပြပါတယ်။

“နိုင်ငံရေးအကျဉ်းသားက ထောင်ကျနေတဲ့ နိုင်ငံရေးအကျဉ်းသားက အခုအချိန်မှာ ၉၃ ယောက်ရှိတယ်။ တရားရုံးအတွင်းမှာ အမှုရင်ဆိုင်နေရာတာက ၈၅ ယောက်ရှိတယ်။ အပြင်ကနေ အာမခံနဲ့ ရင်ဆိုင်နေရတာ ၁၂၁ ယောက်ရှိနေတဲ့အပြင်ကို လက်ပံတောင်းအရေးနဲ့ ပတ်သက်လို့ ရွာသူရွာသား ၅၀ ကိုလည်း ပုဒ်မ ၄ ခုလောက်နဲ့ သူတို့အမှုဖွင့်ထားတဲ့အပြင် အဲဒီကိစ္စကို လှည်းတန်းမှာ ကန့်ကွက်ဆန္ဒပြတဲ့ ကျောင်းသားလူငယ် ၄ ယောက်ကိုလည်း အမှုဖွင့်ထားတယ် ဒါကိုကြည့်ချင်းအားဖြင့် အမျိုးသားပြန်လည်သင့်မြတ်ရေးနဲ့ ပြည်တွင်းငြိမ်းချမ်းရေးကို မေးခွန်းထုတ်ရလိမ့်မယ်။ အခုလိုနိုင်ငံရေး အကျဉ်းသားပေါင်းမြောက်များစွာ အကျဉ်းထောင်ထဲမှာ ရှိနေတာကိုက အမျိုးသားပြန်လည်သင့်မြတ်ရေးနဲ့ ပြည်တွင်းငြိမ်းချမ်းရေးကို အလွန်တရာမှ ထိခိုက်တဲ့ အပြင် တိုင်းပြည်ဂုဏ်သိက္ခရော ထိခိုက်တယ်လို့ ကျနေ်ာတို့ကတော့ အဲလိုပဲ သုံးသပ်ပါတယ်။”

ဒီကနေ့ ဧပြီလ ၂၁ရက်နေ့မှာတော့ ဦးဝင်းတင်ကွယ်လွန်ခြင်း သုံးနှစ်ပြည့်အခမ်းအနားကို ရန်ကုန်မြို့ တော်ဝင်နှင်းဆီခမ်းမမှာကျင်းပမှာဖြစ်ပြီး အမျိုးသားဒီမိုကရေစီအဖွဲ့ချုပ်နာယကကြီးဦးတင်ဦးတက်ရောက်မှာလည်းဖြစ်ပါတယ်။ ဦးဝင်းတင်ရဲ့ တောင်းဆိုချက်ဖြစ်တဲ့ အကျဉ်းသားလွတ်မြောက်ရေး အပြာရောင်ဝတ်စုံတဲ့ နိုင်ငံရေးအကျဉ်းသားများလွတ်မြောက်ရေးလှုပ်ရှားမှုကိုတော့ နိုင်ငံရေး အကျဉ်းသားဟောင်းများအဖွဲ့၊ နိုင်ငံရေးအကျဉ်းသားများကူညီစောင့်ရှောက်ရေးအသင်းမြန်မာနိုင်ငံ AAPPB နဲ့ နိုင်ငံရေး အကျဉ်းသားဟောင်းတွေ နိုင်ငံရေးတက်ကြွလှုပ်ရှားသူတွေ ဒီမိုကရေစီအင်အားစုတွေဘက်က အပြာရောင်ဝတ်စုံတွေဝတ်ဆင်ပြီး ပြည်သူအားလုံးပါဝင်ဖို့ နိုးဆော် တောင်းဆိုကြမှာလည်းဖြစ်ပါတယ်။

မဆုမွန်
VOA Burmese News


ပြင်သစ်နိုင်ငံ ပါရီမြို့လယ်က Champs-Elysees လမ်းမကြီးမှာ သေနတ်သမားတွေရဲ့ ပစ်ခတ်မှုကြောင့် ရဲအရာရှိတယောက် သေဆုံးပြီး ၂ ယောက် ဒဏ်ရာရသွားပါတယ်။ ပစ်ခတ်သူ ၁ ယောက်သေဆုံးတယ်လို့ ပြင်သစ်ရဲတပ်ဖွဲ့ကပြောပေမဲ့ ဖြစ်နိုင်ခြေရှိတဲ့နောက်ထပ် ပစ်ခတ်သူ ၁ ယောက်နဲ့ ပတ်သက်တဲ့အကြောင်း မသိရသေးပါဘူး။ ကြာသပတေးနေ့ ညပိုင်းမှာဖြစ်ပွားတဲ့ တိုက်ခိုက်မှုနဲ့ပတ်သက်လို့ အချက်အလက် အပြည့်အစုံ လောလောဆယ် မရသေးပါဘူး။

မြေအောက်ဘူတာနားမှာ ကားတစီးထိုးရပ်ပြီး ကားထဲက ထွက်လာသူတယောက်က စက်သေနတ်တလက်နဲ့ စတင်ပစ်ခတ်ခဲ့တယ်လို့ မျက်မြင်တယောက်က ရဲကိုပြောခဲ့ပါတယ်။ Champs-Elysees လမ်းမကြီးနားကို လူတွေမလာကြဖို့ ရဲကသတိပေးထားပါတယ်။ ပါရီမြို့တော်က အထင်ကရနေရာတခုဖြစ်တဲ့ Champs-Elysees လမ်းမကြီးဟာ ကမ္ဘာလှည့်ခရီးသည်တွေအလာအများဆုံးနေရာတခုဖြစ်သလို ဈေးဝယ်သူတွေ၊ စားသောက်ဆိုင်တွေနဲ့ စည်ကားလှတဲ့နေရာဖြစ်ပါတယ်။

တိုက်ခိုက်မှုနဲ့ပတ်သက်လို့ အကြမ်းဖက်မှုတန်ပြန်ရေးတာဝန်ရှိသူတွေက စတင်စုံစမ်းနေပါပြီ။ ဓါးပြတိုက်ဖို့ ကြိုးစားရင်း မအောင်မြင်လို့ ပစ်ခတ်တာဖြစ်နိုင်တယ်လို့ တချို့ရဲ့တွေကတော့ ပြောပါတယ်။ ပြင်သစ်နိုင်ငံမှာ တနင်္ဂနွေနေ့ကျရင် အထွေထွေရွေးကောက်ပွဲကျင်းပဖို့ရှိနေချိန်မှာ ပစ်ခတ်မှုဖြစ်ပွားတာလည်းဖြစ်ပါတယ်။ ပြီးခဲ့တဲ့ ၂ နှစ်အတွင်း အကြမ်းဖက် အစ္စလာမ်ဝါဒီတွေရဲ့ တိုက်ခိုက်မှုကြောင့် ပြင်သစ်မှာ သေဆုံးသူ ၂၀၀ ကျော်ရှိနေပါပြီ။

ပြင်သစ်ပြည်သူတွေအတွက် အမေရိကန်သမ္မတ Donald Trump က ဝါရှင်တန်မြို့တော်ကနေ ဝမ်းနည်းစကားပါးခဲ့ပါတယ်။ တိုက်ခိုက်မှုဟာ ဆိုးဝါးတဲ့ဖြစ်ရပ်ဖြစ်တယ်လို့ ဆိုပြီး ဒီလိုအကြမ်းဖက်မှုတွေ ဘယ်တော့မှ အဆုံးမသတ်ဘူးဆိုတဲ့ သက်သေတခုဖြစ်တယ်လို့ သမ္မတ Trump ကပြောကြားခဲ့ပါတယ်။

 ဗွီအိုအေ (မြန်မာပိုင်း)
http://burmese.voanews.com



 ရှောင်ဇေလီဇေး လမ်းမကြီးကို ပိတ်ချ ထား
ပြင်သစ်နိုင်ငံ မြို့တော် ပဲရစ်မြို့လယ်ခေါင် ရှောင်ဇေလီဇေး လမ်းမကြီး ပေါ်မှာ သေနတ်ပစ်မှု ဖြစ်ပေါ် ခဲ့ပြီး ရဲတစ်ဦး သေဆုံး သွားကာ နောက်တစ်ဦးလည်း ဒဏ်ရာ ရသွားပါတယ်။

ရဲတွေကို ပစ်ခတ်ခဲ့တဲ့ သေနတ်သမားလည်း ရဲတပ်ဖွဲ့ လက်ချက်နဲ့ သေဆုံး သွားတယ်လို့ တချို့ သတင်းတွေက ပြောနေ ပါတယ်။

သေနတ်သမားနဲ့ ပတ်သက်တဲ့ အချက်အလက် တစုံတရာ မသိရ သေးပါဘူး။

ရှောင်ဇေလီဇေး လမ်းမကြီးကိုတော့ လူ အဝင်အထွက် မလုပ်နိုင်ဖို့ ပြင်သစ်ရဲတွေ ပိတ်ချ ထားပါတယ်။

လာမယ့် တနင်္ဂနွေနေ့ ဆိုရင် ပြင်သစ် သမ္မတ ရွေးကောက်ပွဲ ပထအ အဆင့် ကျင်းပဖို့ ရှိနေချိန်မှာ အခုလို ပစ်ခတ်မှု ပေါ်ပေါက်လာတာ ဖြစ်ပါတယ်။

အစ္စလာမ်မစ် နိုင်ငံ အဖွဲ့ IS သူတို့ လုပ်ဆောင်တာလို့ ကြေညာထားတဲ့ ၂ဝ၁၅ နိုဝင်ဘာလ ပဲရစ်မြို့ တိုက်ခိုက်မှုတွေ နောက်ပိုင်း အစ္စလာမ် အစွန်းရောက် ဂျီဟာ့ဒ်ဝါဒီတို့ရဲ့ အန္တရာယ် အပေါ် သမ္မတ ရွေးကောက်ပွဲ ကာလ အထူး သတိထား နေရပါတယ်။

BBC Burmese
http://www.bbc.com/burmese


ပြည်သူလူထုအကျိုးအတွက် စိုးရိမ်စိတ်ဖျောက်ပြီး ရဲရဲတင်းတင်းလုပ်ဆောင်ကြရန် အစိုးရအဖွဲ့ဝင်များကို နိုင်ငံတော်၏အတိုင်ပင်ခံပုဂ္ဂိုလ်၊ ဒေါ်အောင်ဆန်းစုကြည်က တိုက်တွန်းထားသည်ဟု အမျိုးသားဒီမိုကရေစီအဖွဲ့ချုပ်(NLD)၏ ဗဟိုအလုပ်အမှုဆောင်အဖွဲ့၊ အတွင်းရေးမှူးအဖွဲ့ဝင် ဦးဝင်းထိန်က ပြောဆိုလိုက်သည်။

“လက်တွေ့အလုပ်လုပ်တဲ့အခါမှာ တိုင်းဒေသကြီးအစိုးရအဖွဲ့တွေကော၊ ပြည်ထောင်စုအဖွဲ့တွေကောက ရဲရဲမလုပ်ရဲကြဘူး။ စိုးရိမ်ပြီးအမှားပါမှာ ကြောက်နေတာ။ အဂတိတရား နည်းပါးတာတော့ မှန်တယ်။ ဒါပေမယ့် သူလုပ်တဲ့ဟာ အထင်လွဲမှာလား။ အဂတိတရားဖြစ်မှာလားလို့ စိုးရိမ်မှုလည်း ရှိတယ်။ တခြားစိုးရိမ်မှုလည်း ရှိတယ်။ အဲ့စိုးရိမ်မှုတွေ ဖျောက်ပြီးတော့မှ ရဲရဲလုပ်ကြဖို့အတွက် ဒေါ်အောင်ဆန်းစုကြည်လည်း တိုက်တွန်းထားတယ်” ဟု ဦးဝင်းထိန်က ဧပြီလ ၂၀ရက်တွင် မီဒီယာများကို ပြောသည်။

အစိုးရအဖွဲ့ဝင်များ၏ စေတနာအမှားအား ခွင့်လွတ်နိုင်သည်ဟုလည်း ဦးဝင်းထိန်က ဆိုသည်။

“မှားတာကကိစ္စမရှိဘူး။ စေတနာနဲ့မှားတာက ကျွန်တော်တို့က ခွင့်လွတ်လို့ရတယ်။ ပြည်သူလူထုအကျိုးအတွက်ဆိုရင် ရဲရဲလုပ်ကြ” ဟု ၎င်းက ပြောသည်။

ပြည်ထောင်စုဝန်ကြီးဌာန ၂၁ခုဖြင့် လည်ပတ်နေသည့် NLD ဦးဆောင်သော အစိုးရအနေဖြင့် ဒုတိယဝန်ကြီးမရှိသည့် ဝန်ကြီးဌာနများတွင် ဒုတိယဝန်ကြီးများကို ပြန်လည်ခန့်အပ်သွားမည် ဖြစ်သည်။

အခြားတဖက်တွင်လည်း တိုးတက်မှုမရှိသည့် ဝန်ကြီးများကို ပြောင်းလဲခန့်အပ်မည်ဟု မတ်လ ၃၀ရက်က နိုင်ငံတော်အစိုးရတာဝန်ယူမှု သက်တမ်းတစ်နှစ်ပြည့်မိန့်ခွန်းတွင် ဒေါ်အောင်ဆန်းစုကြည်က ပြောဆိုထားသည်။

“ကျွန်မတို့ ရွေးထားတဲ့ ဝန်ကြီးများဟာ အားလုံး အတော်ဆုံးလား၊ အကောင်းဆုံးလား ဆိုတာဟာ ဒါတော့လည်း အချိန်ကပဲ ပြသွားမှာပါ။ တစ်ချို့က တိုးတက်မှု ပိုနှေးတယ်၊ တစ်ချို့က တိုးတက်မှု ပိုမြန်တယ်။ ဒါပေမယ့် တစ်ချို့တွေကလည်း ရောက်နေတဲ့နေရာနဲ့ သင့်တော်ချင်မှ သင့်တော်မယ်။ ဒါတွေကတော့ ကျွန်မတို့ ကြည့်ပြီးတော့ ပြောင်းသင့်ပြောင်းထိုက်တာကို ပြောင်းရမှာပဲ” ဟု ဒေါ်အောင်ဆန်းစုကြည်က တစ်နှစ်ပြည့်မိန့်ခွန်းတွင် ထည့်သွင်းပြောဆိုသည်။

NLD ဦးဆောင်သည့် အစိုးရသက်တမ်းတစ်နှစ်ကျော်အတွင်း စိုက်ပျိုးရေး၊ မွေးမြူရေးနှင့်ဆည်မြောင်းဝန်ကြီးဌာန ဒုတိယဝန်ကြီး ဒေါက်တာထွန်းဝင်း၏ နေရာတွင် ဦးလှကျော်အား အစိုးထိုးခန့်အပ်ခြင်းနှင့် မွန်ပြည်နယ်ဝန်ကြီးချုပ် ဦးမင်းမင်းဦး၏ နေရာတွင် ဒေါက်တာအေးဇံအား အစားထိုးခန့်အပ်မှုများ ပြုလုပ်ခဲ့သည်။

===========

Mizzima - News in Burmese

http://www.mizzimaburmese.com/article/26077

ပန်ခန်း အစည်းအဝေး ဆုံးဖြတ်ချက်ဟာ ရှင်းရှင်း လင်းလင်း မရှိ

မြန်မာ နိုင်ငံမှာ ငြိမ်းချမ်းရေး ရရှိနိုင်ဖို့ အတွက် တိုင်းရင်းသား လက်နက်ကိုင် အဖွဲ့ ၇ ဖွဲ့က အစိုးရရဲ့ NCA လမ်းကြောင်း အတိုင်း မဟုတ်ဘဲ တခြား လမ်းကြောင်း အတိုင်း သွားမယ့် ကိစ္စ အပေါ် အစိုးရ အနေနဲ့ ကတော့ NCA ကို လက်မှတ်ထိုးပြီး ၂၁ ရာစု ပင်လုံ လမ်းကြောင်း အတိုင်း သွားရမှာ ဖြစ်တယ်လို့ သမ္မတရုံး ပြောခွင့်ရ ဦးဇော်ဌေးက အခိုင် အမာ ပြောကြား လိုက်ပါတယ်။

UWSA ဝ လက်နက်ကိုင် တိုင်းရင်းသား အဖွဲ့ ဌာနချုပ် ပန်းခန်းမှာ ကျင်းပ ပြီးစီး သွားတဲ့ တိုင်းရင်းသား လက်နက်ကိုင် အဖွဲ့ ၇ ဖွဲ့ရဲ့ အထူး အစည်း အဝေး ကနေ အစိုးရရဲ့ တနိုင်ငံလုံး ပစ်ခတ် တိုက်ခိုက်မှု ရပ်စဲရေး သဘောတူ စာချုပ် NCA ကို လက်မခံ တော့ပဲ ငြိမ်းချမ်းရေး အတွက် တခြားလမ်း ကြောင်းတခု ဆောင်ရွက် မယ် ဆိုပြီး ဆုံးဖြတ်ခဲ့ကြ ပါတယ်။

ပန်းခန်းက ဆုံးဖြတ်တဲ့ အတိုင်း သွားမယ် ဆိုတဲ့ အဖွဲ့ တွေထဲမှာ အရင် UNFC ရဲ့ NCA လမ်းကြောင်း အတိုင်း သွားမယ့် ဆိုတဲ့ အဖွဲ့ လည်း ပါနေတဲ့ အတွက် ပန်ခန်း အစည်းအဝေး ဆုံးဖြတ် ချက်ဟာ ရှင်းရှင်း လင်းလင်း မရှိဘူးလို့ ဦးဇော်ဌေးက ထောက်ပြပါတယ်။

သင်္ကြန် အပြီး မြောက်ပိုင်း ၃ ဖွဲ့နဲ့ တွေ့မယ် ဆိုတဲ့ ကိစ္စ ကတော့ ငြိမ်းချမ်းရေး ကော်မရှင်ရဲ့ ဆက်စပ် ဆောင်ရွက်မယ့် အပိုင်း ဖြစ်တယ် လို့ ဦးဇော်ဌေးက ပြောပါတယ်။

NCA မှာ လက်မှတ် ထိုးထားတဲ့ မြန်မာ နိုင်ငံလုံး ဆိုင်ရာ ကျောင်းသားများ ဒီမိုကရက်တစ် တပ်ဦး ABSDF သဘောထား ကတော့ ငြိမ်းချမ်းရေး ရှေ့ ဆက် သွားနိုင်ဖို့ အတွက် တပ်မတော် ကနေ တိုင်းရင်းသား လက်နက် ကိုင် နယ်မြေ တွေထဲ ဝင်တိုက် နေတာ တွေကို ရပ်ဖို့ လိုတယ် လို့ ABSDF ဗဟိုဦးဆောင် ကော်မတီဝင် ကိုဆလိုင်းယော်အောင်က ပြောပါတယ်။
BBC Burmese


သမ္မတ Trump
နိုဝင်ဘာလထဲ အာရှဒေသမှာ ကျင်းပမယ့် ထိပ်သီးညီလာခံ ၃ ခုကို အမေရိကန်သမ္မတ Donald Trump တက်ရောက်မှာဖြစ်ကြောင်း ဒုတိယသမ္မတ Mike Pence က အင်ဒိုနီးရှားနိုင်ငံ ဂျကာတာမြို့မှာ ဒီကနေ့ပဲ ကြေညာလိုက်ပါတယ်။

ဖိလစ်ပိုင်နိုင်ငံမှာ ကျင်းပမယ့် အရှေ့အာရှ ထိပ်သီးညီလာခံ၊ အမေရိကန်နဲ့ အရှေ့တောင်အာရှ နိုင်ငံများအသင်း (Asean) ညီလာခံတို့အပြင်၊ ဗီယက်နမ်နိုင်ငံမှာ ကျင်းပမယ့် အာရှ-ပစိဖိတ် စီးပွားရေး ပူးပေါင်းဆောင်ရွက်မှုအဖွဲ့ (APEC) ညီလာခံတွေကို တက်ရောက်မှာဖြစ်ကြောင်း၊ အာရှ ၃ နိုင်ငံ ၁၀ ရက်ကြာ ခရီးစဉ် နောက်ဆုံးဖြတ်တဲ့ အင်ဒိုနီးရှားမှာ ဒုသမ္မတ Pence က ကြေညာခဲ့တာပါ။
ဒုသမ္မတ Pence
တောင်တရုတ်ပင်လယ်ပြင်မှာ ငြိမ်းချမ်းရေးနဲ့ တည်ငြိမ်မှုတွေ တိုးမြှင့်ဖို့၊ ကုန်သွယ်မှုတွေ အဟန့်အတားမရှိပဲ စီးဆင်းနိုင်ဖို့ သမ္မတ Trump အစိုးရက အာဆီယံအသင်းနဲ့ ပူးပေါင်း ဆောင်ရွက်သွားမှာ ဖြစ်တယ်လို့လည်း အာဆီယံအတွင်းရေးမှူးချုပ်နဲ့ တွေ့ဆုံပြီးနောက်မှာပဲ ဒုသမ္မတ Pence က ပြောဆိုခဲ့ပါတယ်။

အရှေ့တောင်အာရှ နိုင်ငံတွေကတော့ တောင်တရုတ်ပင်လယ်ပြင်မှာ ပိုင်ဆိုင်မှုအတွက် အငြင်းပွားနေတာတွေအတွက် ရေရှည် သဘောတူညီချက် ရရှိရေး ကြိုးပမ်းနေကြတာ ဖြစ်ပါတယ်။ အမေရိကန် အစိုးရရဲ့ အာရှဆိုင်ရာ မူဝါဒသစ်မှာ ကိုရီးယားကျွန်းဆွယ်က တင်းမာမှုတွေကို အာရုံစိုက်နေချိန်မှာပဲ၊ ဒေသတွင်း နိုင်ငံတွေအနေနဲ့ တရုတ်နိုင်ငံက သြဇာချဲ့ထွင်ဖို့ ကြိုးပမ်းလာနေတဲ့ စိန်ခေါ်မှုတွေနဲ့ ရင်ဆိုင်နေကြရတာပါ။ ဒီကနေ့ အင်ဒိုနီးရှားနိုင်ငံခရီးစဉ်အတွင်း သမ္မတ Joko Widodo အပါအ၀င် အင်ဒိုနီးရှား အစိုးရတာဝန်ရှိသူတွေနဲ့ တွေ့ဆုံခဲ့တဲ့ အမေရိကန် ဒုသမ္မတ Pence က အင်ဒိုနီးရှားနိုင်ငံရဲ့ အလယ်အလတ်ကျတဲ့ အစဉ်အလာ အစ္စလာမ်ဘာသာ ကိုးကွယ် ယုံကြည်မှုကိုလည်း ချီးကျုးစကားပြောကြား သွားပါတယ်။

ကမ္ဘာပေါ်မှာ ဒုတိယနဲ့ တတိယအကြီးဆုံး ဒီမိုကရေစီ နိုင်ငံတွေဖြစ်ကြတဲ့ အမေရိကန်နဲ့ အင်ဒိုနီးရှားနိုင်ငံတို့ဟာ လွတ်လပ်ခွင့်၊ တရားဥပဒေ စိုးမိုးရေး၊ လူ့အခွင့်အရေးနဲ့ ဘာသာရေးယုံကြည်မှု ကွဲပြားခြားနားမှုတွေကို တန်ဘိုးထားကြသလို၊ အင်ဒိုနီးရှားနဲ့ မိတ်ဆွေဖြစ်ရတာကိုရော၊ ဒီလိုစံတန်ဘိုးတွေကို ကာကွယ်မြှင့်တင်ရတဲ့ အတွက်ပါ ဂုဏ်ယူကြောင်း ဒုသမ္မတ Pence က ပြောဆိုခဲ့တာပါ။ အမေရိကန် သမ္မတ Donald Trump အနေနဲ့ အင်ဒိုနီးရှားနဲ့ စီးပွားရေး အဆက်အဆံတွေ တိုးမြှင့်ဖို့ ရည်ရွယ်ထားကြောင်းလည်း အလေးထား ပြောကြားသွားပါတယ်။

ဒီကနေ့ ခရီးစဉ်မှာပဲ အရှေ့တောင် အာရှမှာ အကြီးဆုံးဖြစ်တဲ့ ဂျကာတာ မြို့တော်က Istiqlal ဗလီကို သွားရောက်ခဲ့သလို၊ မူဆလင်၊ ခရစ်ယာန်၊ ဗုဒ္ဓဘာသာနဲ့ ဟိန္ဒူအပါအ၀င် ဘာသာရေး ခေါင်းဆောင်တွေနဲ့လည်း တွေ့ဆုံခဲ့ပါတယ်။ ကမ္ဘာပေါ်မှာ မူဆလင်ဦးရေ အများဆုံးဖြစ်တဲ့ အင်ဒိုနီးရှားနိုင်ငံဟာ ဒုသမ္မတ Pence ရဲ့ အာရှခရီးစဉ်မှာ နောက်ဆုံးဖြစ်ပြီး၊ ခရီးစဉ်အစမှာတော့ တောင်ကိုရီးယားနဲ့ ဂျပန်နိုင်ငံတွေကို ၀င်ရောက်ခဲ့တာပါ။ ဒုသမ္မတ Pence ဟာ အင်ဒိုနီးရှား ခရီးစဉ်အပြီးမှာတော့ သြစတြေးလျကို ခရီးဆက်မှာ ဖြစ်ပါတယ်။

ဗွီအိုအေ (မြန်မာပိုင်း)
http://burmese.voanews.com


ထိုင်း-မြန်မာ တရားဝင်ဂိတ်
သင်္ကြန်ကာလအတွင်း ထိုင်းနုိုင်ငံကနေ နေရပ်ပြန်သွားကြတဲ့ မြန်မာရွှေ့ပြောင်းအလုပ်သမားတွေ အခုသင်္ကြန်အပြီး ထိုင်းနိုင်ငံထဲ ပြန်အ၀င်မှာအခက်တွေ့နေကြပါတယ်။ တရားဝင် အလုပ်လုပ်ခွင့် ဗီဇာ ပတ်စပို့လက်မှတ်တွေကိုင်ဆောင်ထားပေမဲ့လဲ ပြန်ဝင်ဖို့ အခက်တွေ့နေတာပါ။ အခုလို ထိုင်းနိုင်ငံထဲပြန်ဝင်ဖို့ အခက်တွေ့နေတာဟာ အလုပ်သမားတွေနေရပ်အပြန်ခရီးမှာ တရားမ၀င်လမ်းကြောင်းကနေ ထွက်ခွာသွားကြတာကြောင့်ဖြစ်တယ်လုို့ ထိုင်း မြန်မာနယ်စပ် အလုပ်သမားအရေး လှုပ်ရှားသူတွေကပြောပါတယ်။ အပြည့်အစုံကိုတော့ ထိုင်းအခြေစိုက်ဗွီအိုအေသတင်းထောက်နိုင်ကွန်းအိန်ကပြောပြပေးမှာပါ။

သင်္ကြန်အလွန်ကာလမှာ မြန်မာရွှေ့ပြောင်းအလုပ်သမားတွေအနေနဲ့ ထိုင်းနိုင်ငံအတွင်းဝင်ရောက်ရေးမှာ အခက်တွေ့ နေကြတာ ဖြစ်ပြီး ထိုင်းမြန်မာနယ်စပ်ဘုရားသုံးဆူမြို့နယ်လမ်းကြောင်းမှာ ထိုင်းနိုင်ငံအတွင်းဝင်ရောက်ဖို့ အခက်တွေ့နေတဲ့အခြေအနေ ကိုတော့ ရာဘာခြံအလုပ်သမားတဦးဖြစ်သူမထွေးထွေးကအခုလိုပြောပါတယ်။

“အခက်အခဲအဆင့်တွေကတော့ ဒီလိုမျိုးပေါ့ ကိုယ့်မှာတော့ ပြည့်စုံတယ် သူက ပေးမ၀င်ဘူး၊ သူတို့ပြောထားတဲ့ အခွင့်အရေးပေးထားတဲ့ ဒီတန်ခူးလအတောအတွင်းမှာ ရက် ၂၀ ပြောထားတာတွေလည်း သွားလို့မရဘူး။ ကိုယ်လိုင်းကားမေးတယ်၊ မေးတော့ သူတို့မပေးတက်ဘူး ၊ ပြီးတော့ ဂိုက်တွေကိုလည်း ခေါ်ချတယ်။ အကိုတယောက်ဆိုရင် တက်သွားပြီးတော့မှ ခေါ်ချလိုက်တယ်၊ ကျမတို့လည်း ဘက်တွေဘာတွေရှိတယ် ၊ Passport တွေရှိတဲ့လူတွေလည်း တက်လို့မရဘူး။ ဘက်တွေဘာတွေအထောက်အထားနဲ့ဆိုလည်း မပေးတက်ဘူး။”

ဘုရားသုံးဆူလမ်းကြောင်းဟာ တရားဝင်နယ်စပ်ဂိတ်ဖွင့်လှစ်တာမျိုးမရှိသေးပေမဲ့ အရင်က တရားဝင်အလုပ်လုပ်ခွင့် လက်မှတ် ပါမစ်ရှိတဲ့သူတွေ ၀င်ထွက်သွားလာတာလွယ်ကူခဲ့ပြီး အခုရက်ပိုင်းတွေမှာ ၀င်ထွက်ဖို့ခက်ခဲနေတယ်လို့ ခရီးသည်ပို့ဆောင်ရေးအေဂျင်စီတခုက မန်နေဂျာ မနန်းနွယ်ဦးကအခုလိုပြောပါတယ်။

“ဘက်လည်းမရဘူး။ ဒီသင်္ကြန်ကျကတည်းက အဲဒီလိုမျိုးဖြစ်နေတာ၊ ပြန်လည်းခက်တယ်၊ သွားလည်း ခက်တယ်။”

ဘုရားသုံးဆူမြို့နယ်အတွင်းမှာ ထိုင်းနိုင်ငံထဲဝင်ရောက်မဲ့ အလုပ်သမား(၁၀၀)ကျော်သောင်တင် နေပါတယ်။

ဘန်ကောက်မြို့မှာအလုပ်လုပ်တဲ့အလုပ်သမားကိုဝင်းဇော်ကတော့ မြ၀တီ မဲဆောက်လမ်းခရီးမှာ ၀င်ရောက်ရာမှာ အခက်တွေ့နေတဲ့အခြေအနေကို အခုလိုပြောပါတယ်။

“Passport တခုတည်းနဲ့ သွားရတာ ဘယ်လိုပဲဖြစ်ဖြစ် Passport မှာတင်ပါပြီးသားပဲ၊ သူက ဖြတ်သန်းသွားလာခွင့်ဆိုတာက သူက ဥပဒေပါပြီးသားပဲ။ ထိုင်းက အာဏာပိုင်တွေက လမ်းမှာ ရစ်တယ်ခင်ဗျ။ Work Permit စာအုပ်ဆိုတဲ့ကိစ္စလေ၊ တချို့ Work Permit မရှိတဲ့ အလုပ်သမားတွေကိုဘန်ကောက်ကို မပေးပြန်ဘူး ၊ ပြန်ရင်ဆွဲချ ၊ နယ်စပ်ကို ပြန်ပို့တာတွေတော့ရှိတယ်။ အခက်အခဲတွေကတော့ အဲဒါတွေရှိတယ်။”

ထိုင်းအစိုးရအနေနဲ့ ထိုင်းနိုင်ငံမှာအလုပ်လုပ်နေတဲ့မြန်မာရွှေ့ပြောင်းအလုပ်သမားတွေအတွက် သင်္ကြန်မတိုင်ခင်ကနေ ဧပြီလကုန်တဲ့အထိအရက်(၂၀)ခန့် နေရပ်ပြန်ခွင့်ပြုကြောင်းတရားဝင်ထုတ်ပြန်ထားပါတယ်။

အခုလိုသင်္ကြန်အလွန် ထိုင်းနိုင်ငံထဲဝင်ရောက်ရေးမှာ အခက်တွေ့နေရတဲ့အကြောင်းရင်း ကိုတော့မြန်မာအလုပ်သမား အရေး ကူညီလှုပ်ရှားသူ ဦးမိုးကြိုးကအခုလိုပြောပါတယ်။

“၀င်လို့မရဘူးဆိုတာ ကျနော်တို့ ထိုင်း-မြန်မာချစ်ကြည်ရေးတံတား မဲဆောက်၊ မြ၀တီ တံတားကနေ တရားဝင်သွားမယ်၊ Legal Migration နဲ့သွားမယ်ဆိုရင် လိုအပ်တဲ့ စာရွက်စာတမ်းတွေကို စစ်ဆေးပြီးတော့မှ လွှတ်ပေးလိုက်တာဖြစ်တဲ့အတွက် ဒီကိုဝင်လာလည်း ပြဿနာ မရှိတော့ဘူး။ အဲဒီလို ချစ်ကြည်ရေးတံတားရှိနေပါလျက် တံတားအောက်က လှေနဲ့ ဖြတ်ကူးသွားတယ် ၊ တရားမ၀င်ဂိတ်တွေကနေ ဖြတ်ကူးပြီးတော့ ထိုင်းထဲပြန်ဝင်ဖို့ ကြိုးစားတယ် ဆိုရင်တော့ မရပါဘူး။ ကျနော်တို့ မဲဆောက်အထွက် ဘန်ကောက် အတက် စစ်ဆေးရေးဂိတ်တွေမှာ ဆွဲချခံရမယ်၊ စာအုပ်တွေအသိမ်းခံရမယ်။ အချုပ်ထဲတွေဘာတွေရောက်မယ်ဆိုတာတွေ ဆင့်ကဲဆင့်ကဲဖြစ်နိုင်ပါတယ်။ မဲဆောက်၊ မြ၀တီ ချစ်ကြည်ရေးတံတားကနေပြီးတော့ အပေါ်ကပြန်တဲ့တရားဝင် ၁ ယောက်ဆိုရင် အောက်က လှေ ၊ ကူးတို့ဆိပ် တွေကနေ ပြန်တာ၃ ယောက်လောက်ဖြစ်နိုင်ပါတယ်။ စာရွက်စာတန်းအပြည့်အစုံရှိပါလျက်နဲ့ အောက်လှေဆိပ်တွေကနေပြီးတော့ သုံးတယ်၊ ခါတိုင်းလည်း ပြန်နေကြပဲ ဆိုတဲ့ ပုံစံနဲ့ ပြန်နေကြတာဖြစ်တဲ့အတွက် ပြန်ဝင်တဲ့အခါမှာ အခက်အခဲတွေ့ပါတယ်။”

မြန်မာရွှေ့ပြောင်းအလုပ်သမားတွေအနေနဲ့ နေရပ်အပြန်ခရီးမှာ တရားမ၀င်လမ်းကြောင်းကနေ ထွက်သွားကြတာဖြစ်ပြီး အခုလိုပြန်ဝင်တဲ့အခါ ဥပဒေနဲ့မညီတာကြောင့် အခက်တွေ့နေတာဖြစ်တယ်လို့ ဦးမိုးကြိုးကဆိုပါတယ်။

အဲဒီလို အခက်တွေ့နေတဲ့အလုပ်သမားတွေ လုပ်ဆောင်ရမဲ့နည်းလမ်းကို ဦးမိုးကြိုးက အခုလိုအကြံပြုထားပါတယ်။

“အဖမ်းခံရတဲ့သူတွေကို ကျနေ်ာပြောချင်တာက အောက်လှေဂိတ်တွေကနေပြီးတော့ စာရွက်စာတန်းအပြည့်အစုံရှိပါလျက် ကူးသွားတဲ့လူတွေက တံတားပေါ်ကနေပြီးတော့ ထွက်ပြလိုက်ပါ။ အဲဒီမှာ အထွက်ပြရပါမယ်။ ပြီးတော့ ပြန်ဝင်လာခဲ့ပါ ၊ အဲဒီမှာဝင်ခွင့်ရပါမယ် အဲဒီစာရွက်စာတန်းနဲ့ ပြန်ပါ။”

သင်္ကြအလွန်ကနေ ဒီကနေ့အထိ မြန်မာရွှေ့ပြောင်းအလုပ်သမား(၅)သောင်းကျော် ထိုင်းနိုင်ငံထဲ ပြန်ဝင်လာကြပြီးပြီလို့ ဦးမိုးကြိုးကဆိုပါတယ်။

မြန်မာနဲ့ထိုင်းနိုင်ငံအစိုးရတို့သဘောတူညီချက်အရ တရားဝင်ဖွင့်လှစ်ထားတဲ့နယ်စပ်ဂိတ်ဖြစ်တဲ့ မြ၀တီ-မဲဆောက် လမ်း တာချီလိတ် မဲဆိုင်လမ်း ကော့သောင်း ရနောင်းစတဲ့လမ်း(၃)ခုမှာသာတရားဝင်ဝင်ထွက်သွားလာခွင့်ပြုထားပေမဲ့ ဘုရားသုံးဆူလမ်း တနင်္သာရီတိုင်းဒေသကြီးဘက်ကထီးခီး ကန်ချနပူရီလမ်းဘက်တွေမှာလဲ နားလည်မှုနဲ့ ၀င်ထွက် သွားလာမှုတွေရှိနေပါတယ်။

မြန်မာနိုင်ငံအတွင်းမှာ အထူးသဖြင့်တာကြောင့် ထိုင်းနိုင်ငံမှာ အလုပ်သွားလုပ်နေတဲ့ မြန်မာရွှေ့ပြောင်းအလုပ်သမား (၂)သန်းကျော်ရှိတယ်လို့ ထိုင်းအလုပ်သမားဝန်ကြီးဌာနကနေထုတ်ပြန်ထားပါတယ်။

နိုင်ကွန်းအိန်
VOA Burmese News


သထုံ ၊ ဧပြီ ၊ ၂၀

မွန်ပြည်နယ်၊ သထုံမြို့နယ်၊ ကြာပန်းကျေးရွာတိုးဂိတ်အနီးတွင် ဧပြီလ ၂၀ ရက်၊ နေ့လည် ၁၁ နာရီခွဲအချိန်ခန့်က ဘုရားဖူးခရီးသည်များလိုက်ပါလာသည့် မှန်လုံယာဉ်တစ်စီး ရှေ့မှသွားနေသည့် ၂၂ ဘီး ကုန်တင်ယာဉ်အား အရှိန်မထိန်းဘဲ နောက်မှဝင်ရောက်တိုက်မိကာ ယာဉ်မောင်းဖြစ်သူ ထိခိုက်ဒဏ်ရာများရရှိခဲ့ကြောင်း သိရသည်။

“လမ်းကွေ့ကလည်းဖြစ် ရှေ့မှာကလည်း တိုးဂိတ်ရှိတော့ ၂၂ ဘီးကားက အရှိန်ကို လျော့လိုက်တာ ဘုရားဖူးကားသမားက မထိန်းနိုင်ဘဲဝင်တိုက်မိတယ်။ ကားသမားက ကားလက်ကိုင်နဲ့ ယာဉ်မောင်းထိုင်ခုံကြားညှပ်နေလို့ ၀ိုင်းဆွဲထုတ်ပြီး ဆေးရုံကိုပို့လိုက်ရတယ်။ ခရီးသည်တွေတော့ ဘာမှမဖြစ်ပါဘူး” ဟု ကူညီကယ်ဆယ်ရေး လုပ်ငန်းများဆောင်ရွက်နေသည့် မီးသတ်တပ်ဖွဲ့ဝင် တစ်ဦးက ပြောသည်။


ဖြစ်စဉ်မှာ သထုံ-ဘားအံကားလမ်း မိုင်တိုင်အမှတ် ၆/၀ နှင့် ၆/၁ အကြား၊ ကြာပန်းကျေးရွာ တိုးဂိတ်အနီးတွင် သထုံဘက်မှ ဘားအံဘက်သို့ ယာဉ်မောင်း ထွန်းထွန်းဝင်း(ခ)တင်မောင် (၃၈) နှစ်၊ ဘ ဦးစောလှိုင်၊ မန္တလေးတိုင်းဒေသကြီး၊ ပြည်ကြီးတံခွန် (ဂ)ရပ်ကွက်တွင်နေသူ မောင်းနှင်လာသည့် ယာဉ်အမှတ် 8J/5038 ဖြူပြာရောင် Travel Tour ဘုရားဖူးမှန်လုံယာဉ်သည် ၎င်း၏ရှေ့မှ ယာဉ်ကြောတူမောင်းနှင်လာသည့် ၂၂ ဘီး ကုန်တင်ယာဉ်က အရှိန်လျော့လိုက်ရာမှ ၀င်ရောက် တိုက်မိခဲ့ကြောင်း သိရသည်။

ယာဉ်တိုက်မှုဖြစ်ပွားရာသို့ သထုံမြို့နယ်အုပ်ချုပ်ရေးမှူးဦးသိန်းဝင်းဦးဆောင်ကာ ရဲတပ်ဖွဲ့ဝင် များ၊ မီးသတ်တပ်ဖွဲ့ဝင်များ၊ လူမှုကူညီရေးအဖွဲ့များတို့ အမြန်ဆုံး သွားရောက်ကာ ဒဏ်ရာရ ယာဉ်မောင်းအား ကယ်ဆယ်၍ သထုံခရိုင်ဆေးရုံကြီးသို့ ပို့ဆောင်ခြင်း၊ ယာဉ်ပေါ်ပါခရီးသည်များအား နေရာချထားပေးခြင်း၊ ယာဉ်ကြောရှင်းလင်းခြင်း စသည့်လုပ်ငန်းများကို အချိန်နှင့်တပြေးညီ ဆောင်ရွက်ပေးခဲ့ကြသည်။

အဆိုပါယာဉ်တိုက်မှုတွင် ဘုရာဖူးမှန်လုံယာဉ်မောင်း ထွန်းထွန်းဝင်း(ခ)တင်မောင်အား သုဓမ္မ၀တီနယ်မြေရဲစခန်းမှ ယာဉ်(ပ)၆/၂၀၁၇၊ ရာဇသတ်ကြီးပုဒ်မ ၂၇၉/၃၃၇ ဖြင့် အမှုဖွင့်အရေးယူထားကြောင်း သိရသည်။

သက်ဦး(သထုံ)
Myanmaalinn
https://www.facebook.com/MYANMAALINNNEWS/



မိုးကြီး၊လေတိုက်သည့်အတွက် သစ်ပင်တစ်ပင်ကျိုးကျနေမှုအားတွေ့ရစဉ် (ဆင်ဟွာ)
    ရန်ကုန်၊ ဧပြီ ၂၀ ရက် (ဆင်ဟွာ)

    အနောက် ဘက်မှ ရွေ့လျားလာသော လေပွေလှိုင်းများ၏ အရှိန်ကြောင့် နေပြည်တော်၊ စစ်ကိုင်းတိုင်းဒေသကြီး၊ မန္တလေးတိုင်းဒေသကြီး၊ မကွေးတိုင်း ဒေသကြီး၊ ပဲခူးတိုင်းဒေသကြီး၊ ကချင်ပြည်နယ်၊ ရှမ်းပြည်နယ်၊ ချင်းပြည်နယ်နှင့် ရခိုင်ပြည်နယ် တို့တွင် နေရာကွက်ကျားမှ နေရာကျဲကျဲ မိုးထစ်ချုန်းရွာပြီး၊ လေပြင်းများ တိုက်ခတ်ခြင်းနှင့် မိုးသီးကြွေခြင်းတို့ ဖြစ်ပေါ်နိုင်ကြောင်း မိုးလေဝသ နှင့် ဇလဗေဒညွှန်ကြားမှုဦးစီးဌာန မှ သတင်းထုတ်ပြန်သည်။

လေပွေလှိုင်းများ၏ အရှိန်ကြောင့် (၂၀.၄.၂၀၁၇)ရက်နေ့မှ (၂၄.၄.၂၀၁၇)အတွင်း အထက်ပါဖြစ်စဉ်များ ဖြစ်ပေါ်နိုင်ပြီး လေပြင်းတိုတ်ခတ်စဉ် မြေပြင်လေသည် တစ်နာရီလျှင် မိုင်(၃၀)မှ (၃၅)မိုင်အထိ တိုက်ခတ် နိုင်ကြောင်း သိရသည်။

သို့ဖြစ်ပါ၍ ပြည်သူလူထုအနေဖြင့် အထက်ဖော်ပြပါမိုးလေဝသဖြစ်စဉ်များကို အထူး ဂရုပြု နေထိုင်သင့်ပါကြောင်း မိုးဇလမှ အကြံပြုချက်ထုတ်ပြန်သည်။

(Xinhua)
http://www.xinhuamyanmar.com


လန်ဒန်၊ ဧပြီ ၂၀ ရက် (ဆင်ဟွာ)

ဗြိတိန် အောက်လွှတ်တော်ရှိ လွှတ်တော် ကိုယ်စားလှယ်များက ဝန်ကြီးချုပ် ထရီစာမေ၏ ဇွန်လ ၈ ရက် တွင် ကြားဖြတ် အထွေထွေ ရွေးကောက်ပွဲ ပြုလုပ်မည်ဟူသော ဝန်ကြီးချုပ် ထရီစာမေ၏ တိုက်တွန်းချက်ကို ထောက်ခံခဲ့ကြောင်း သိရသည်။

လက်ရှိ ဥပဒေအရ အခြား ရွေးကောက်ပွဲ တစ်ခု မပြုလုပ်မီအချိန်အထိ လွှတ်တော် သက်တမ်းက ငါးနှစ် ဖြစ်သည်။ သို့သော်လည်း လွှတ်တော် အမတ် သုံးပုံ နှစ်ပုံက သဘောတူပါက လွှတ်တော် သက်တမ်းကို ပြောင်းလဲနိုင်ကြောင်း သိရသည်။ ဗြိတိန်နိုင်ငံတွင် ရွေးကောက်ပွဲကို လွန်ခဲ့သည့် နှစ်နှစ်က နောက်ဆုံး ကျင်းပခဲ့ခြင်း ဖြစ်သည်။

လေဘာပါတီနှင့် လစ်ဘရယ် ဒီမိုကရက်မှ အဓိက ထောက်ခံမဲများ ရရှိခဲ့ပြီး လိုအပ်သည့် အနည်းဆုံး အမတ် ၄၃၄ ဦး၏ မဲများ ရရှိကာ မေ က အနိုင်ရရှိခဲ့ခြင်း ဖြစ်သည်။
ဇွန်လ ရွေးကောက်ပွဲသည် အီးယူ ဗြိတိန် ထွက်ခွာမည့် အချိန် လုပ်ငန်းစဉ်အပေါ် သက်ရောက်မှု ရှိမည် မဟုတ်ဟု ဝန်ကြီးချုပ်ရုံးက ပြောခဲ့သည်။

China Xinhua News



မြန်မာနိုင်ငံကူးလက်မှတ် ကမ္ဘာ့တန်းဝင်အဆင့် ၉၃ အနက် ၈၅ နေရာမှာရှိနေ
မြန်မာနိုင်ငံကူးလက်မှတ် ကိုင်ဆောင်ထားသူတွေအနေနဲ့ ကမ္ဘာတ၀န်း နိုင်ငံနဲ့ဒေသပေါင်း ၁၉၉ ခုထဲက ၁၂ ခုကုို ပြည်ဝင်ခွင့်ဗီဇာ မလိုဘဲ ၀င်ရောက်ခွင့်ရထားပါတယ်။

နို်င်ငံနဲ့ဒေသပေါင်း ၁၉၉ ခုရဲ့ နုိုင်ငံကူးလက်မှတ် ပါ့စ်ပို့တ်တွေကို အဆင့်သတ်မှတ်တဲ့ passportindex.org အဖွဲ့က မကြာသေးခင် ကထုတ်ပြန်တဲ့ စစ်တမ်းထဲမှာ အဲဒီလို ဖော်ပြထားတာပါ။ မြန်မာနုိုင်ငံကူးလက်မှတ်ရဲ့ ဗီဇာလွတ်လပ်ခွင့်ကို ကိုဆုိုဗိုနုိုင်ငံနဲ့အတူ ၄၁ မှတ်ပေးထားပြီး အဆင့်ပေါင်း ၉၃ ဆင့်ထဲ အဆင့် ၈၅ မှာ သတ်မှတ်ထားပါတယ်။

ဗီဇာကြိုယူစရာမလိုတဲ့ နုိုင်ငံနဲ့ဒေသ ၁၂ ခုထဲမှာ အရှေ့တောင်အာရှနုိုင်ငံများ ASEAN အဖွဲ့ဝင် ၈ နုိုင်ငံပါဝင်ပြီး မလေးရှားနုိုင်ငံကို ၀င်ဖို့ဆိုရင်တော့ ဗီဇာကြိုယူရပါမယ်။ ဗီဇာယူစရာမလိုတဲ့ တခြားနုိုင်ငံတွေကတော့ Ecuador, Haiti, Micronesia နဲ့ St. Vincent and Grenadines နုိုင်ငံတွေဖြစ်ပါတယ်။

တခါ Visa on Arrival ဆိုက်ရောက်ဗီဇာယူပြီး ၀င်လို့ရတဲ့နိုင်ငံပေါင်း ၂၇ နုိုင်ငံရှိပြီး အဲဒီထဲမှာ အာဖရိကတိုက်က အိုင်ဗရီကို့စ်၊ ကင်ညာ၊ မိုဇမ်ဘစ်၊ ယူဂန်ဒါ၊ ဇမ်ဘီယာ စသည်ဖြင့် ၁၆ နုိုင်ငံပါဝင်ပါတယ်။ Timor-Leste နဲ့ နီပေါလ်နုိုင်ငံတွေကိုဝင်မယ်ဆုိုရင် လဲ ဆိုက်ရောက်ဗီဇာနဲ့ ၀င်လို့ရပါတယ်။

နုိုင်ငံနဲ့ဒေသပေါင်း ၁၉၉ ခုရဲ့ ပါ့စ်ပို့တွေထဲမှာ ဗီဇာလွတ်လပ်ခွင့်ရမှတ် ၁၅၉ မှတ်နဲ့ အဆင့် ၁ အဖြစ် သတ်မှတ်ထားတာကတော့ ဂျာမနီနဲ့စင်္ကာပူ နုိုင်ငံကူးလက်မှတ်တွေပါ။ ဆွီဒင်နုိုင်ငံကူးလက်မှတ်ကိုတော့ အမှတ် ၁၅၈ မှတ်နဲ့ အဆင့် ၂ မှာ သတ်မှတ်ထားပါ တယ်။ ဒိန်းမတ်၊ ဖင်လန်၊ အီတလီ၊ ပြင်သစ်၊ စပိန်၊ နော်ဝေး၊ ယူကေ၊ တောင်ကိုရီးယား၊ အမေရိကန်နုိုင်ငံတွေရဲ့ နုိုင်ငံကူး လက်မှတ်တွေကိုတော့ ရမှတ် ၁၅၇ မှတ်စီနဲ့ အဆင့် ၃ မှာ သတ်မှတ်ထားပါတယ်။

ဗွီအိုအေ (မြန်မာပိုင်း)
http://burmese.voanews.com



(မင်္ဂလာဈေးက ကေတီဗွီ နိုက်ကလပ် ကို တွေ့ရစဉ်) Photo: Aung Thain Kha/RFA
ရန်ကုန်တိုင်းဒေသကြီး မင်္ဂလာတောင်ညွန့်မြို့နယ်က မင်္ဂလာဈေးဝန်းတွင်းမှာရှိတဲ့ ကေတီဗွီ၊ နိုက်ကလပ် ဖျော်ဖြေရေးလုပ်ငန်းတွေကို ဧပြီလ ၂၈ ရက်နေ့ နောက်ဆုံးထားပိတ်သိမ်းဖို့ ရန်ကုန်မြို့တော် စည်ပင်သာယာရေးကော်တီက ညွှန်ကြားထားပါတယ်။

စာချုပ်စည်းကမ်းအတိုင်း ဆောင်ရွက်သွားမယ်လို့ တောင်ပိုင်းခရိုင်ဈေးများတာဝန်ခံ ဦးကျော်မြင့်က ပြောပါတယ်။

"ကျနော်တို့ စာချုပ်ထဲမှာပါတဲ့ စည်းကမ်းအတိုင်းပဲ ဆောင်ရွက်သွားပါမယ်"

မင်္ဂလာဈေးဝန်းထဲက ဈေးဆိုင်တွေ အပါအဝင် ကေတီဗွီ ဖျော်ဖြေရေးလုပ်ငန်းတွေကို သင်္ကြန်ကာလ ဧပြီလ ၁၂ ရက်ကတည်းက စတင်ပိတ်ခိုင်းခဲ့တာဖြစ်ပါတယ်။

သင်္ကြန်ကာလ ပြီးနောက် မင်္ဂလာဈေးအတွင်းက ဈေးဆိုင်တွေ နှစ်ဆန်းနှစ်ရက်နေ့က ပြန်လည် ဖွင့်လှစ်ရောင်းချနေသော်လည်း ကေတီဗွီဖျော်ဖြေရေးလုပ်ငန်းတွေမှာ ပြန်လည်ဖွင့်လှစ်ခွင့် မရတာသေးပါဘူး။

ကေတီဗီလုပ်ငန်းရှင်တချို့ကတော့ အခုလို လုပ်ငန်းပိတ်သိမ်းခိုင်းတာနဲ့ပတ်သက်ပြီး ဘာအကြောင်းကြောင့် ပိတ်ခိုင်းတယ်ဆိုတာ ရန်ကုန်မြို့တော်ဝန်နဲ့ စည်ပင်သာယာရေးကော်မတီကို ဒီကနေ့ စာပေးပို့မေးမြန်းထားတယ်လို့ မင်္ဂလာဈေးဝန်းတွင်းက Lucky KTV ဆိုင်ပိုင်ရှင် ကိုမောင်မောင်အေးက ပြောပါတယ်။

"၁၂ ရက်ပြီးတော့ နားထားရတာပဲ လက်ရှိအခြေအနေထိ လုပ်ငန်းခဏပိတ်ထားရတယ်၊ အတိအကျလည်း အစ်ကိုတို့ကို ဘယ်လောက်ထိပိတ်ရမယ်လည်း မပြောဘူး၊ အစ်ကိုတို့ စာပြန်တင်ပြီး စကားပြန်ပြောနေရတယ်၊ တရားဝင် အစ်ကိုတို့ကို စာနဲ့ပြောထားတာ ဘာတစ်ခုမှမရှိသေးဘူး၊ ဒါကြောင့်အစ်ကိုတို့က ထူးဆန်းနေတယ်၊ အစ်ကိုတို့လည်း စုံစမ်းနေတုန်းပဲ"

ရန်ကုန်တိုင်းဒေသကြီး အစိုးရအဖွဲ့က အဲဒီဈေးနေရာကို Business Center တည်ဆောက်ဖို့ ၂ဝ၁၆ နှစ်ကုန်ပိုင်းကတည်းက ဈေးဝန်းတွင်းမှာရှိတဲ့ ကေတီဗီနဲ့ ဖျော်ဖြေရေးလုပ်ငန်းတွေကို ပြောင်းရွှေ့ပေးဖို့ စာပေးပို့ထားတယ်လို့ သိရပါတယ်။

မင်္ဂလာဈေးဝန်းအတွင်းမှာရှိတဲ့ ကေတီဗွီ နိုက်ကလပ် ဖျော်ဖြေရေးလုပ်ငန်းတွေဟာ အရင် အစိုးရလက်ထက်တွေကတည်းက ဖွင့်လှစ်ခဲ့တာဖြစ်ပြီး မင်္ဂလာဈေးဝန်းထဲမှာ ကေတီဗီနဲ့ဖျော်ဖြေရေး လုပ်ငန်း ၁ဝ ခု နီးပါးရှိတယ်လို့ သိရပါတယ်။

RFA Burmese
https://www.facebook.com/rfaburmese



လားရှိုးမြို့ ဆင်းရွှေလီဘိုးဘွားရိပ်သာက ဘိုးဘွားတွေကို တွေ့ရစဉ်။ Photo: Kan Thar/RFA
တိုင်းနဲ့ပြည်နယ် အသီးသီးမှာရှိတဲ့ အသက်ကိုးဆယ်နဲ့အထက် ဘိုးဘွားတွေကို ထောက်ပံ့ငွေပေးဖို့ လူမှုဝန်ထမ်း ကယ်ဆယ်ရေးနှင့် ပြန်လည်နေရာချထားရေးဝန်ကြီးဌာနက စာရင်းတွေ ကောက်ယူနေပါတယ်။

မြန်မာနိုင်ငံ လူမှုကာကွယ်စောင့်ရှောက်ရေး အမျိုးသားအဆင့် မဟာဗျူဟာလုပ်ငန်းအစီအစဉ်နဲ့ သက်ကြီးရွယ်အို များဆိုင်ရာ ဥပဒေအရ အခုလို လူမှုရေးပင်စင်ထောက်ပံ့ငွေပေးဖို့ စီစဉ်တာဖြစ်ပြီး ဧပြီလအတွက်ကစပြီး ပေး သွားမယ်လို့ ဝန်ကြီးဒေါက်တာဝင်းမြတ်အေးက ပြောပါတယ်။

"အသက် ၉ဝ ကျော် ဘိုးဘွားတွေကို ဒီဘတ်ဂျတ်ကစပြီးတော့ အစိုးရရဲ့ ဘတ်ဂျတ်ကနေပြီးတော့ လူမှုရေးပင်စင်ဆိုပြီးတော့ ထောက်ပံ့တယ်။ ဘာကြောင့်ထောက်ပံ့လည်းဆိုတော့ အခုကျနော်တို့ အစိုးရသစ်လက်ထက်မှာ သက်ကြီးရွယ်အိုဥပဒေဆိုတာ ပေါ်ပေါက်လာတယ်၊ ဥပဒေအရ ကျနော်တို့က ဥပဒေထဲမှာ အသက်အပိုင်းအခြားအလိုက် လူမှုရေးပင်စင် ခံစားခွင့်ပြုမည် ဆိုတာပါတယ်။ အသက်အပိုင်းအခြားလိုက်ဆိုတော့ နိုင်ငံတော်ရဲ့ ဘတ်ဂျတ်အနေအထားအရ ၉ဝ ကျော်ကနေ စတာပေါ့၊ ၉ဝ ကျော်ကနေစတယ်၊ တဖြည်းဖြည်း အသက်ကိုလျော့ချပြီတော့ ငွေတန်ဖိုးကို မြှင့်တင်သွားမှာပေါ့"

လက်ရှိကောက်ယူရရှိတဲ့ စာရင်းတွေအရ ဘိုးဘွားအရေအတွက် နှစ်သောင်းကျော်ရှိသွားပြီလို့ ပြောပါတယ်။

အသက် ၉ဝ ပြည့်ပြီးတဲ့ ဘိုးဘွား တစ်ဦးကို တစ်လ ကျပ်တစ်သောင်းစီ ထောက်ပံ့ငွေ ပေးသွားမှာဖြစ်ပြီး စာရင်းမှာပါဝင်တဲ့ ဘိုးဘွားတွေကို ဧပြီ၊ မေ၊ ဇွန်လတို့အတွက် သုံးလစာကို လာမယ့် ဇွန်လကနေ စပြီး ထောက်ပံ့ပေးသွားမှာဖြစ်ပါတယ်။

လူမှုရေးပင်စင်ထောက်ပံ့ငွေအတွက် လျှောက်ထားလိုသူ ဘိုးဘွားတွေဟာ  ဒီနှစ် ဧပြီလ ၁ ရက်နေ့မှာ အသက် ၉ဝ ပြည့်ပြီးသူ ဖြစ်ရပါမယ်။ လက်ရှိကာလမှာရိုက်ကူးထားတဲ့ ပတ်စ်ပို့ဓာတ်ပုံ ၁ ပုံ၊ လျှောက်ထားလိုသူရဲ့ မှတ်ပုံတင် (သို့မဟုတ်) အိမ်ထောင်စုစာရင်း စတဲ့အထောက်အထားတွေနဲ့ သက်ဆိုင်ရာ မြို့နယ်၊ ရပ်ကွက်ကျေးရွာ အုပ်ချုပ်ရေးမှူးနဲ့ ပြည်နယ်၊တိုင်းဒေသကြီး၊ခရိုင်လူမှု ဝန်ထမ်းရုံးတွေကို ဆက်သွယ်အကြောင်းကြားရမှာဖြစ် တယ်လို့ လူမှုဝန်ထမ်းဦးစီးဌာနက ထုတ်ပြန်ထားပါတယ်။

RFA Burmese
http://www.rfa.org/burmese


ကိုရီးယားကျွန်းဆွယ်မှာ တင်းမာမှုတွေ ကြီးထွားနေချိန်မှာပဲ တောင်ကိုရီးယားနိုင်ငံ Gunsan လေတပ် အခြေစိုက်စခန်းမှာ အမေရိကန်နဲ့ တောင်ကိုရီးယား လေတပ်တို့ ဒီကနေ့ပဲ ပူးတွဲစစ်ရေး လေ့ကျင့်ခဲ့ကြပါတယ်။

Max Thunder လို့ အမည်ပေးထားတဲ့ နှစ်စဉ်စစ်ရေး လေ့ကျင့်မှုကိုတော့ စစ်ပွဲအတွင်း ပူးတွဲဆောင်ရွက်မှုတွေ တိုးမြှင့်ဖို့ ရည်ရွယ်ထားပြီး၊ အမေရိကန်နဲ့ တောင်ကိုရီးယား လေသူရဲ ၁၅၀၀ လောက်နဲ့အတူ၊ F-16 နဲ့ F-15K အမျိုးအစား တိုက်လေယာဉ်တွေ အပါအ၀င် လေယာဉ် ၈၀ လောက် ပါဝင်လေ့ကျင့်ခဲ့ကြပါတယ်။

နိုင်ငံတကာနဲ့ အဆက်ပြတ်ပြီး အထီးကျန်ဖြစ်နေတဲ့ မြောက်ကိုရီးယား နိုင်ငံက တားမြစ်ထားတဲ့ကြားက၊ နျူကလီးယားလက်နက် မကြာခင် ထပ်မံစမ်းသပ်ဖို့ ရှိနေတယ်ဆိုတဲ့ သတင်းတွေနဲ့အတူ၊ အမေရိကန် လေယာဉ်တင်သင်္ဘော USS Carl Vinson နဲ့ ရေတပ်ဖွဲ့ဟာ အင်အားပြတဲ့ အနေနဲ့ ကိုရီးယားကျွန်းဆွယ်ကို ဦးတည်ခုတ်မောင်းနေတဲ့အကြောင်း ပြီးခဲ့တဲ့ သီတင်းပတ်ကုန်က သတင်းတွေကြောင့် တင်းမာမှုတွေ ကြီးထွားလာနေချိန်မှာပဲ အမေရိကန်နဲ့ တောင်ကိုရီးယားတို့က ပူးတွဲစစ်ရေးလေ့ကျင့်မှုတွေ ပြုလုပ်ခဲ့ကြတာပါ။

ဆင်းရဲပြီး နိုင်ငံတကာက ၀ိုင်းပယ်ခံထားရတဲ့ ကွန်မြူနစ် မြောက်ကိုရီးယားနိုင်ငံနဲ့ ချမ်းသာကြွယ်ဝပြီး ဒီမိုကရေစီစနစ်နဲ့ အုပ်ချုပ်နေတဲ့ တောင်ကိုရီးယား နိုင်ငံတို့ကြား စစ်ပြေငြိမ်းရေး စာချုပ်နဲ့ ၁၉၅၃ ခုနှစ်မှာ ၃ နှစ်ကြာစစ်ပွဲ အဆုံးသတ်ခဲ့ပေမဲ့၊ ၂ နိုင်ငံကြား အပြီးသတ်ငြိမ်းချမ်းရေး သဘောတူညီချက် မရနိုင်ဘဲ ရန်ဖက်တွေအဖြစ် ရှိနေဆဲ ဖြစ်ပါတယ်။ မြောက်ကိုရီးယားရဲ့ အန္တရာယ်ကနေ ပူးတွဲကာကွယ်နိုင်ဖို့ အမေရိကန်ကလည်း တောင်ကိုရီးယားမှာ တပ်ဖွဲ့ဝင် ၂၈,၅၀၀ လောက်အထိ တာဝန်ပေး စေလွှတ်ထားပါတယ်။

ဗွီအိုအေ (မြန်မာပိုင်း)
http://burmese.voanews.com



ထိုင်းနိုင်ငံ မဟာချိုင်မြို့မှာ မြန်မာအလုပ်သမားများကို တွေ့ရစဉ်။ Photo: Kyaw Zaw Win/RFA
ထိုင်းနိုင်ငံမှာ သွားရောက်အလုပ်လုပ်နေကြတဲ့ မြန်မာရွှေ့ပြောင်းအလုပ်သမားတွေ သင်္ကြန်ကာလ နေရပ်ပြန် လာကြပြီး လုပ်ငန်းခွင်ဝင်ဖို့ ထိုင်းနိုင်ငံကို ပြန်ရာမှာ စာရွက်စာတမ်းအခက်အခဲတွေနဲ့ ကြုံတွေ့နေပါတယ်။

နိုင်ငံကူးလက်မှတ်၊ ယာယီ Passport၊ ယာယီနေထိုင်အလုပ်လုပ်ကိုင်ခွင့်သက်သေခံကဒ်ပြားတွေ ကိုင်ဆောင်ထားကြပေမယ့်လည်း အလုပ်လုပ်ကိုင်ခွင့် အထောက်အထားတွေကိုပါ စစ်ဆေးနေတဲ့အတွက် အခက်တွေ့ကြရတယ်လို့ မြန်မာပြည်သားများအရေး ပူးတွဲလှုပ်ရှားမှုကော်မတီ ဥက္ကဌ ဦးမိုးကြိုးက ပြောပါတယ်။

"ပန်းရောက်ကဒ်ဆိုရင် ခရီးသွားထောက်ခံစာလိုတယ်၊ Passport စာအုပ်ကြီး ယာယီ Passport ဆိုရင် ဝပ်ပါမစ်ပြရမယ်၊ အခုနောက်ဆုံးပေါ်တာ CI ပဲ မည်သူမည်ဝါဖြစ်ကြောင်း သူလည်း ယာယီ Passport အတိုင်း ဝပ်ပါမစ် ပြရမယ်၊ မဲဆောက်နဲ့ မြဝတီ ဟိုဘက်ဒီဘက်ကူးတာက သောင်ရင်းမြစ်ကနေပြီးတော့ စာရွက်စာတမ်း အထောက်အထား အပြည့်အစုံရှိပါလျက်နဲ့ အောက်လှေဂိတ်လို့ခေါ်တဲ့ ကူးတို့လှေနဲ့ ပြန် ကြတာရှိတယ်၊ တရားမဝင်ဘူး၊ ပြန်တဲ့အခါကျတော့ သူတို့မှာအထွက်တုံးဆိုတာမရှိဘူး၊ အဝင်တုံး ကျတော့လည်း ဂွကျတာပေါ့"

ပြီးခဲ့တဲ့ ဧပြီလ ၅ ရက်နေ့ကစပြီး ဧပြီလ ၃ ရက်နေ့အထိ ထိုင်းနိုင်ငံအစိုးရက ရွှေ့ပြောင်း အလုပ်သမားတွေ ကို နေရပ်ပြန်ခွင့်ပြုထားတာဖြစ်ပါတယ်။

အဓိက ပြန်လာကြသူတွေဟာ မဲဆောက်-မြဝတီ လမ်းကြောင်းကဖြစ်ကြပြီး အများစုတို့ဟာ မြန်မာနိုင်ငံ ဘက်ခြမ်း ဖြတ်ကူးရာမှာ နယ်စပ်တံတားအောက် သောင်ရင်းမြစ်ထဲကဖြတ်ပြီး ပြန်ကြတဲ့အတွက် Passport ၊ ယာယီသက်သေခံကဒ်ပြားတွေမှာ အထွက်တံဆိပ်တုံး မထုလိုက်ကြရပါဘူး။

ထိုင်းနိုင်ငံကိုပြန်လည်သွားရောက်ဖို့ အထောက်အထားမစုံလင်တဲ့သူတွေ အခက်ကြုံကြရသလို တရားဝင်အနေ နဲ့ ပြန်ကြသူတွေကိုလည်း အလုပ်လုပ်ကိုင်ခွင့်အထောက် အထားတွေကိုပါ စစ်ဆေးကြတဲ့အတွက် အခက်အခဲ ကြုံတွေ့နေရတာပါ။

ထိုင်းအစိုးရက ဒီနှစ်မှာ အခုလိုတရားဝင်အနေနဲ့ အခုလိုစီစဉ်ပေးတာကို မြန်မာရွှေ့ပြောင်း အလုပ်သမားတွေ ဘက်ကလည်း တရားဝင်အနေနဲ့ သွားလာကြဖို့လိုတယ်လို့  ဦးမိုးကြိုးက ပြောပါတယ်။

ပြီးခဲ့တဲ့ ဧပြီလ ၁၄ ရက်နေ့ကစပြီး မြန်မာရွှေ့ပြောင်း အလုပ်သမားတွေ ထိုင်းနိုင်ငံကို ပြန်လည် သွားရောက်သူ လက်ရှိအချိန်အထိ လူဦးရေ ၅ သောင်းကျော်လောက် ရှိတယ်လို့ပြောပါတယ်။

RFA Burmese
http://www.rfa.org/burmese


နိရဉ္စရာ၊ ဧပြီ ၂၀

ကုလသမဂ္ဂဒုက္ခသည်များဆိုင်ရာ မဟာမင်းကြီးရုံး (UNHCR) မှ ဖွင့်လှစ်ထားသော တက်ကနက်မြို့နယ် နာယာပါရာ ဒုက္ခသည်စခန်းမှ ဒုက္ခသည် တစ်ဦးကို ဘင်္ဂလာဒေ့ရှ် နယ်ခြားစောင့်တပ်ဖွဲ့မှ စိတ်ကြွဆေးပြား တစ်သောင်းကျော်နှင့် အတူ ဧပြီလ ၁၉ ရက်နေ့က ဖမ်းဆီးလိုက်သည်။

၎င်းဖမ်းဆီးခံရသူမှာ အာဘူကာဆိမ်း (၄၀) ဖြစ်ပြီး နာယာပါရာ ဒုက္ခသည် စခန်း E Block အခန်းနံပတ် ၉၇၈/၀၆ တွင် နေထိုင်သူ ဖြစ်ကြောင်း ဘင်္ဂလာဒေ့ရှ် နယ်ခြားစောင့်တပ်ဖွဲ့ BGB အမှတ်(၂) တပ်ရင်းမှူး ဗိုလ်မှူးကြီး အဘူဇာအာလ်ဇာဟစ်ကို ကိုးကားပြီး Cox’sbazar News တွင် သတင်းဖော်ပြသည်။

အာဘူကာဆိမ်းသည် သိန်း သုံးဆယ် ရှစ်ထောင်ငါးရာ တာကာ တန်ဖိုးရှိသော စိတ်ကြွဆေးပြား တစ်သောင်း နှစ်ဆယ့်ငါးပြားအား အထုပ်ကလေးများ လုပ်ပြီး ခါးတွင် ချည်နှောင်ကာ မြန်မာနယ်စပ် အနီးရှိ တက်ကနက်မြို့မှ ဘတ်စ်ကားစီးပြီး ကော့စ်ဘဇားသို့ ယူဆောင်လာစဉ် တက်ကနက်မြို့မှ အထွက် ဘင်္ဂလာဒေ့ရှ် နယ်ခြားစောင့် စစ်ဆေးရေးစခန်း ဒေါင်ဒေါင်ညာ တွင် ရှာဖွေရာမှ ဖမ်းမိခြင်း ဖြစ်ကြောင်း သတင်းတွင် ဖော်ပြသည်။

သူ့အား ဧပြီလ ၁၉ ရက် နံနက် ၈ နာရီခွဲတွင် ဖမ်းမိခြင်းဖြစ်ပြီး သူ့တွင် ပါလာသော ဖုန်းကိုလည်း သိမ်းဆည်းလိုက်သည်ဟု သိရသည်။

မောင်တောမြို့နှင့် မျက်နာချင်းဆိုင်တွင် တည်ရှိသော တက်ကနက်မြို့နယ်ရှိ နာယာပါရာ ဒုက္ခသည်စခန်းသည် မြန်မာနိုင်ငံမှ ထွက်ပြေးလာသော ဘင်္ဂလီလူမျိုးများအတွက် UN က ဖွင့်လှစ်ထားသော စခန်း တစ်ခု ဖြစ်သည်။

Narinjara
https://www.facebook.com/Narinjara



ရန်ကုန်တိုင်းဒေသကြီးအတွင်း လက်ရှိပြေဆွဲနေတဲ့ YBS ယာဉ် တစ်စီးကို တွေ့ရစဉ်။ Photo: RFA
သင်္ကြန်တွင်းမှာ YBS ဘတ်စ်ကားတွေနဲ့ပတ်သက်ပြီး တိုင်ကြားတဲ့အမှု ၃၈ မှုရှိပြီး အများစုက ယာဉ်စီးခ ပိုတောင်း တဲ့ကိစ္စတွေ ဖြစ်တယ်လို့ ရန်ကုန်တိုင်းဒေသကြီး၊ အများပြည်သူသယ်ယူ ပို့ဆောင်ရေးအာဏာပိုင် အဖွဲ့ကပြော ပါတယ်။

အဲဒီ ၃၈ မှုထဲမှာ သန်လျင်ဘက်ကို သွားတဲ့လိုင်းတွေက ၁၅၀၀ အထိ တောင်းတာတွေရှိတယ်လို့ တိုင်ကြား ထားပြီး ယာဉ်လိုင်းတွေအလိုက် အရေးယူဖို့ ပြောထားကြောင်း ရန်ကုန်တိုင်းဒေသကြီး၊ အများပြည်သူ သယ်ယူ ပို့ဆောင်ရေးအာဏာပိုင်အဖွဲ့ အတွင်းရေးမှုး ဒေါက်တာမောင်အောင် က ပြောပါတယ်။

"၃၈ မှုပဲရှိပါတယ်၊ အများစုပေါ့နော် ငွေပိုကောက်တာကို တိုင်တာများပါတယ်၊ ဆရာတို့ပြောထားပြီးသားပဲ ယာဉ်စီးခပိုတောင်းရင်အရေးယူမယ်ဆိုတာလေ၊ ယာဉ်စီးခကတော့ သတ်မှတ်ထားတာထက်ကို ပိုတောင်း တာပေါ့၊ တစ်ချို့လည်း ၄၀၀ တို့ ၅၀၀ တို့ တောင်းတာပေါ့၊ အဲဒီမှာ တညင်ဘက်ကိုသွားတဲ့ မင်္ဂလာဈေးဘက် ကတော့ ၁၅၀၀ အထိတောင်တောင်းတယ်လို့ ပြောတယ်၊ ၃၈ မှုမှာ လိုင်းတွေအလိုက်ပဲ ဆရာတို့က အရေး ယူဖို့ ပြောထားပြီးပြီပေါ့နော်။"

သင်္ကြန်တွင်း ၄ရက်မှာသာ ယာဉ်လိုင်းအားလုံးကို ပုံမှန်ထွက်နေကျရဲ့ ၂၀ % ထွက်ကြဖို့ နဲ့ ယာဉ်စီးခတွေ ပိုမကောက်ကြဖို့ကို အများပြည်သူသယ်ယူပို့ဆောင်ရေးအာဏာပိုင်အဖွဲ့က ညွှန်ကြားထားတာ ဖြစ်ပါတယ်။

တိုင်ကြားမှုတွေကို သက်ဆိုင်ရာကုမ္ပဏီတွေအလိုက် အရေးယူဖို့ညွှန်ကြားထားပြီး ဆိုတာကို အများပြည်သူသယ်ယူ ပို့ဆောင်ရေးအာဏာပိုင်အဖွဲ့ထံ ပြန်လည်တင်ပြဖို့ ညွှန်ကြားထားကြောင်း ပြောပါတယ်။

အများပြည်သူသယ်ယူပို့ဆောင်ရေး အာဏာပိုင်အဖွဲ့အနေနဲ့ ယာဉ်လိုင်း ဒရိုင်ဘာနဲ့ ယာဉ်နောက်လိုက်တွေက ခရီး သွားပြည်သူတွေနဲ့ ခိုက်ရန်ဖြစ်ပွားတာလိုမျိုး ပြစ်မှုကြီးတွေကိုသာ တိုက်ရိုက်အရေးယူမှုတွေ လုပ်ဆောင်တယ် လို့ ပြောပါတယ်။

တစ်ချို့ရုံးတွေက သင်္ကြန်ကာလပိတ်ရက်အဖြစ် ပိတ်ထားသေးတာကြောင့် ဒီနေ့နှစ်ဆန်း ၄ ရက်နေ့အထိ ယာဉ် လိုင်းတွေက ပုံမှန်အတိုင်းမထွက်ကြသေးဘဲ လာမယ့်ရက်သတ္တပတ်လောက်မှ ယာဉ်လိုင်းတွေ ပုံမှန် အစီးရေအ တိုင်းပြန်ထွက်မယ်လို့ ပြောပါတယ်။

RFA Burmese
http://www.rfa.org/burmese


နေပြည်တော် ဧပြီ ၁၉

နိုင်ငံခြားသားများပါဝင်သည့် မူးယစ် မှောင်ခိုဂိုဏ်းအဖွဲ့အား ၂ဝ၁၆ ခုနှစ် နိုဝင်ဘာ ၁၇ ရက်တွင် ရန်ကုန်မြို့၌ အိုက်စ် ကီလို ၁၁၁ဝ၊ ကက်တမင်း ၆၂၂ ဒသမ ၃ ကီလိုတို့ဖြင့် မြန်မာ နိုင်ငံရဲတပ်ဖွဲ့ က ဖော်ထုတ်ဖမ်းဆီးနိုင် ခဲ့ပြီး တရားခံ CAI JENG ZE ပါ ကိုးဦးနှင့် တိမ်းရှောင်တရားခံMr. SUE(ခ) မြင့်အောင်(ခ) လောက် တ ပါ ၁၆ ဦးတို့အား တရားစွဲဆိုခဲ့သည်။

အဆိုပါအမှုမှ တရားခံပြေး ၁၆ ဦးအနက် စန်ချင်း(ခ)ရန်ရှင်းသည် သင်္ကြန်ရက်နောက်ပိုင်းတွင် ၎င်း နေထိုင်သည့် သာကေတမြို့နယ်နှင့် ရန်ကင်းမြို့နယ်ရှိ နေအိမ်ခန်းများသို့ ပြန်လာရန်ရှိကြောင်း သတင်းအရ ဧပြီ ၁၈ ရက်က မူးယစ်ဆေးဝါး တားဆီးနှိမ်နင်းရေးရဲတပ်ဖွဲ့မှ တပ်ဖွဲ့ ဝင်များ၊ နယ်မြေခံရဲတပ်ဖွဲ့ဝင်များ ပါဝင်သော ပူးပေါင်းအဖွဲ့သည် စန်ချင်း (ခ) ရန်ရှင်း ငှားရမ်းနေထိုင်သည့် သာကေတမြို့နယ် (၆/အနောက်) ရပ်ကွက် (၇)ဈေးလမ်း အမှတ်(၇) အခန်း(B/1)နေအိမ်မှ စောင့်ဆိုင်း ရှာဖွေရာ စန်ချင်း(ခ) ရန်ရှင်း(ခ) ဝမ်စန်ချင်း၊ အောင်ရဲသွင်၊ ဇံမြတ် ထွန်း၊ မျိုးလွင်၊ မိုးကျော်နှင့် စိုးနိုင်တို့ ခြောက်ဦးအား ပွိုင့် ၃၂ ပစ္စတိုသေနတ် တစ်လက်၊ ကျည်အိမ် နှစ်ခု၊ ၎င်းကျည် ခုနစ်တောင့်၊ စိတ်ကြွရူးသွပ်ဆေးပြား ၁၉၈ ပြား၊ ဘိန်းဖြူ အလေးချိန် သုည ဒသမ ၃ ကီလို၊ မော်တော်ယာဉ်လေး စီးတို့နှင့်အတူ ဖမ်းဆီးရမိခဲ့သည်။


ပူးပေါင်းအဖွဲ့သည် ဆက်လက်၍ စန်ချင်း(ခ)ရန်ရှင်း(ခ)ဝမ်စန်ချင်း ငှားရမ်းနေထိုင်သည့် သာကေတ မြို့နယ် (၉)ရပ်ကွက် ကမာကြည် လမ်း အမှတ်(ဝဝ၁)နေအိမ်ကို ဆက် လက်ရှာဖွေရာ နေအိမ်မှ ဘိန်းဖြူ အလေးချိန် ၃ ဒသမ ၆၆၅ ကီလို၊ စိတ်ကြွရူးသွပ်ဆေးပြား ၂၁၄၅၈ဝဝ၊ အိုက်စ် အလေးချိန် ၂၉၉ ဒသမ ၆ ကီလိုနှင့် မော်တော်ယာဉ်တစ်စီး တို့ကိုလည်းကောင်း၊ ဆက်စပ်တရားခံ ထွန်းလင်းအောင် (တိမ်းရှောင်) နေထိုင်သည့် ရန်ကင်းမြို့နယ် ရွှေအုန်းပင်အိမ်ရာ တိုက်(၁၃) အခန်း(၄၁)ကို ရှာဖွေရာ နေအိမ်မှ စိတ်ကြွရူးသွပ်ဆေးပြား ၂ဝဝဝဝ ၊ ၉ မမ ပစ္စတိုသေနတ် တစ်လက်၊ ကျည်အိမ်တစ်ခုနှင့် ၎င်းကျည် ရှစ် တောင့်တို့ကိုလည်းကောင်း၊ ကွင်း ဆက်တရားခံ မင်းမင်း(ခ)ဆံရှည် နေထိုင်သည့် ရန်ကင်းမြို့နယ် ရွှေအုန်းပင် အိမ်ရာ (၂) တိုက်(၂၄) အခန်း(၁၂) ကို ရှာဖွေရာ နေအိမ်မှ စိတ်ကြွရူးသွပ်ဆေးပြား ၁၄ ပြား တို့ကိုလည်းကောင်း ထပ်မံသိမ်းဆည်း ရမိခဲ့သည်။

အဆိုပါနေအိမ်လေးနေရာမှ စုစု ပေါင်း ဘိန်းဖြူ ၃ ဒသမ ၉၆၅ ကီလို၊ စိတ်ကြွရူးသွပ်ဆေးပြား ၂၁၆၆ဝ၁၂ ပြား၊ အိုက်စ် ၂၉၉ ဒသမ ၆ ကီလို စုစုပေါင်း ငွေကျပ် ၃၁ ဒသမ ၉၄၅၅ ဘီလီယံတန်ဖိုးရှိ မူးယစ်ဆေးဝါး များနှင့် ပစ္စတိုသေနတ်နှစ်လက်၊ ကျည်အိမ် သုံးခု၊ ၎င်းကျည် ၁၅ တောင့် နှင့် မော်တော်ယာဉ် ငါးစီးအပါအဝင် စန်ချင်း(ခ) ရန်ရှင်း(ခ) ဝမ်စန်ချင်း၊ အောင်ရဲသွင်၊ ဇံမြတ်ထွန်း၊ မျိုးလွင်၊ မိုးကျော်၊ စိုးနိုင်၊ မင်းမင်း(ခ)ဆံရှည် နှင့် ထွန်းလင်းအောင် (တိမ်းရှောင်)တို့ ရှစ်ဦးအား မူးယစ်ဆေးဝါးနှင့် စိတ်ကိုပြောင်းလဲစေသောဆေးဝါး များဆိုင်ရာဥပဒေအရ အရေးယူထား ကြောင်း သတင်းရရှိသည်။

(သတင်းစဉ်)
MOI Webportal Myanmar
https://www.facebook.com/MOIWebportalMyanmar/