ဖလောရင့်မြို့က မြန်မာနတ်မိမယ်




ဒီအချိန်ဆို မြန်မာပြည်တနံတလျား သင်္ကြန်သီချင်းသံတွေ လွှမ်းနေပြီ။ သင်္ကြန်အချိန်ဆို မိမိလည်း ကမ္ဘာကြီးဘယ်နေရာရောက်နေနေ သင်္ကြန်သီချင်းတွေ တအိမ်လုံးထုံနေအောင်ဖွင့်၏။ ရသည့်အပိုဒ် ရောက်လျှင် လိုက်ဆို၏။ ထိုးထိုးထွန့်ထွန့်ဖြင့် ခြေချိုးလက်ချိုးလုပ်၏။ ထို့ထက်စိတ်ပါလာရင်ကား ကွေးနေအောင် ထကပစ်လိုက်တော့သည်။

ဤသို့ဆိုသော်လည်း သင်္ကြန်တွင်းလည်ခြင်းပတ်ခြင်းကိုကား လုံးဝမနှစ်ခြိုက်။ ငယ်စဉ်က မိမိနှင့်မိဘနှစ်ပါး မန္တလေးနန်းရှေ့ရှိ တည်းခိုခန်း တခုမှထွက်ပြီး အပြင်သို့သွားရာတွင် ထိုအချိန်က လူပျိုကြီးဖားဖားပင် ဖြစ်နေသော လူတယောက်က မိမိအား ကလေးလေးဆိုကာ ရေခွက်ကလေးဖြင့်ရေလောင်း၏။ မိမိကား လုံးဝမှသည်းမခံနိုင်။ အနီးအနားရှိ အမှိုက်ပုံမှ ဖိနပ်စုတ်ကြီးကို ကောက်ဆွဲကာလိုက်ပေါက်၏။ အစအနောက် လည်း နည်းနည်းမှမခံနိုင်။ ထို့ကြောင့် သင်္ကြန်ဆို ဘယ်မှမထွက်။ သူများတွေလို တရားစခန်းလည်းမ၀င်။ အကြောင်းပြချက်က လူတွေများလွန်းသောကြောင့် အိမ်သာတွင်ကျပ်ညပ် တန်းစီတိုးနေရမည်ဟူ၍ ဖြစ်သည်။

သို့ဖြင့် တီဗွီရှေ့ငုတ်တုတ်ထိုင်ကာ အမြို့မြို့အနယ်နယ်မှ ရေကစားကြသည့်မြင်ကွင်းတွေကို ထိုင်ကြည့်သည်။ သူများတွေပျော်နေတာကြည့်ပြီး ကိုယ်ပါရောပျော်သည်။ လွန်ခဲ့သည့် ၅ နှစ် ၆ နှစ်လောက်တုန်းကတော့ မိမိက ဧပြီလတွင် အီတလီနိုင်ငံ၌ရှိနေခဲ့၏။ မိမိ၏ အသိမိတ်ဆွေတချို့က ဖလောရင့်မြို့ရှိ ဟင်းချက်သင်တန်းတခုမှ ကျင်းပမည့် မြန်မာ့ရိုးရာ နှစ်သစ်ကူးပွဲတခုကိုသွားမည်၊ လိုက်ချင်လိုက်ခဲ့ပါလားဟု အကြောင်းကြားလာသည်။

ဖလောရင့်မြို့။ ရာဇ၀င်ထဲကမြို့။ စိတ်လှုပ်ရှားစရာတွေ၊ သိချင်စရာတွေ ပြည့်နှက်နေသောမြို့။ ယဉ်ကျေးမှုတို့၏ အထွတ်အထိပ်မြို့။ မိုက်ကယ်အိန်ဂျလိုတို့၊ လီယိုနာဒိုဒါဗင်ချီတို့မြို့။ ထိုမြို့တွင် ဘယ်သူက များ မိမိတို့ မြန်မာ့နှစ်သစ်ကူးကို ကျင်းပမှာပါလိမ့်။ သွားကိုသွားမည်ဟု စိတ်နှလုံးဒုန်းဒုန်းချလိုက်တော့သည်။  မိမိ၏ဧည့်သည် အီတလီ၊ စပိန် တိုးရစ်တို့ဆီမှလည်း ဖလောရင့်မြို့၏ မည်၍မည်မျှလှပပုံတွေကိုလည်း အမြဲပင်ကြားနေရသည်ကိုး။

အီတလီစကားအစစ်အမှန်ကို ပြောတာကလည်း ဖလောရင့်မြို့သားတွေပါတဲ့။ ထို့ကြောင့်လည်း ဤမြို့ကို စိတ်ဝင်စားမိသည်။ အမှန်ကတော့ ရီနေဆန့်ခေတ်ဦးကာလက နာမည်ကြီးစာဆိုတော် ဖလောရင့်မြို့သား ဒန်တေး၏ ကဗျာတွေစာတွေ ဥရောပတိုက်တခုလုံးတွင် နာမည် ကျော်ကြားခဲ့သည်။ ထိုအခါ နိုင်ငံအ၀န်းရှိ သီးခြားဒေသခံစကားသုံးနေ ကြသည့်လူတွေလည်း ထိုဆရာကြီး၏အနုပညာတွေကို ခံစားချင်သောကြောင့် လိုက်လံသင်ကြားပြောဆိုရာမှ ထိုဖလောရင့်မြို့သုံးစကားသည် အီတလီတွင် 'စံဘာသာစကား' အလိုလိုဖြစ်သွားခဲ့တော့သည်။ ထိုထိုသော ရာဇ၀င်တွေကြောင့်လည်း သွားကိုသွားကြည့်ရပေမည်။

နှစ်သစ်ကူးပွဲဆိုသော်လည်း နေ့လယ်ဘက်လုပ်သည်မဟုတ်။ ညဘက်ကြီးဖြစ်သည်။ ဧပြီလသည် မြန်မာပြည်တွင်တော့ ခြစ်ခြစ်တောက် ပူပြင်းခြောက်သွေ့ကာ ချွေးတလုံးလုံးနှင့် နေနေရပြီဖြစ်သော်လည်း အီတလီတွင်တော့ အေးမြနေဆဲဖြစ်သည်။ ထို့ကြောင့် မြန်မာဝတ်စုံလေးဝတ်ပြီး ကြော့ကြော့ကော့ကော့လေး ရှိုးပြနေလို့မရ။ ဘောင်းဘီရှည်တွေ၊ အနွေးထည်တွေ၊ ဘွတ်ဖိနပ်တွေဖြင့် အချမ်းခံနိုင်အောင် ၀တ်ထားရသည်။ ချမ်းရသည့်အထဲ လေတွေကလည်း တ၀ှီးဝှီးတိုက်နေ၏။

''ဟော ဟိုမှာ''

မိမိတို့နှင့်ချိန်းထားသော မိတ်ဆွေတွေကို လှမ်းတွေ့လိုက်သည်။

မိမိက

''နေပါဦး ဘယ်သူကကျင်းပတာလဲ ဒီပွဲကို''

''နင်တို့နိုင်ငံက မင်းသမီးကြီးလေ''

''ဟုတ်လား။ ရုပ်ရှင်မင်းသမီးလား''

''နိုး နိုး၊ နင်တို့နိုင်ငံက မင်းဆွေမင်းမျိုးတွေက ဆင်းသက်လာတဲ့ မင်းသမီး''

''နာမည်ကရော''

''နင်တို့မြန်မာနာမည်တွေက ခေါ်ရခက်တယ်။ မမှတ်မိဘူး။ သူ့မှာ တခြားနာမည်လည်းရှိတယ်လေ ဂျွန် ဘယ်လာမီတဲ့''

မိမိလည်း အဲလောက်ပြောနေတာကိုပင် သဘောမပေါက်သေး။ မိတ်ဆွေတွေ ခေါင်းကုတ်ကြသည်။

''သူ့ယောက်ျားက မြန်မာ့နိုင်ငံရဲ့ သမ္မတဟောင်းလေ''

ဒီတော့မှ သဘောပေါက်စပြုလာသည်။ သမ္မတဟောင်း၏ မိန်းမ၊ ယခုလက်ရှိ အီတလီနိုင်ငံတွင်နေ၊ မင်းဆွေမင်းမျိုးမှ ဆင်းသက်လာသူ။

''ဟာ သိပြီ သိပြီ ရတနာနတ်မယ်''

''အေး အေး ဟုတ်တယ် ဟုတ်တယ်။ အဲဒီ နာမည်ပဲ။ ငါတို့က အသံမထွက်တတ်လို့''

မိမိရင်တွေ တထိတ်ထိတ်ခုန်လာ၏။ သူမနှင့်ပတ်သက်သည့် ကြားဖူးနားဝ ဇာတ်လမ်းတွေကိုလည်း ပြန်ကြားယောင်လာသည်။ လင်းပင်မင်းသားကြီးရဲ့ မြေး။ သူမ၏ဖခင်က သြစတြေးလျနိုင်ငံသား။ မိခင်က ထိပ်တင်မလတ်။ ချောသည့်လှသည့် နေရာတွင်လည်း ပြိုင်စံရှားသူ။ ဦးနေ၀င်းကြီးနှင့် အိပ်မက်ဆန်ဆန် ခဏတာအိမ်ထောင်ကျခဲ့သူ။ ထို့နောက် သူလျှိုဟုစွပ်စွဲခံရကာ လျော်ကြေးတွေအများကြီးဖြင့် တိုင်းပြည်က နှင်ထုတ်ခံလိုက်ရသည်တဲ့။ ဟုတ်တာ မဟုတ်တာ အပထား၊ ဒီလိုပဲ ပြောဆိုနေခဲ့ကြသည်။ အခုတော့ ထိုထိုဇာတ်ကြောင်းတွေဖြင့် နာမည်ကျော် အမျိုးသမီးကြီးကို မျက်ဝါးထင်ထင်တွေ့မြင်ရတော့မည်။

စောစောက ချမ်းစိမ့်နေတာတွေပင် ပျောက်ထွက်သွားကာ အမျိုးအမည်မသိသည့် ခံစားမှုတမျိုးဝင်လာတော့၏။ စကားဖြင့် ဖော်ပြနိုင်ဖို့လည်း ခဲယဉ်းလှသည်။ သူမရှိနေသည့်နေရာသို့လည်း ရောက်နိုင်ခဲ လိုက်တာဟု ထင်လာသည်။ ရှေးဟောင်းအီတလီမြို့တို့၏ထုံးစံအတိုင်း လမ်းကြိုလမ်းကြားလေးတွေထဲ ဟိုချိုးဒီကွေ့ဖြင့် တော်တော်ကြာလျှောက် ပြီးသည့်နောက်တော့ သူမ၏စတူဒီယိုဆီသို့ ဆိုက်ဆိုက်မြိုက်မြိုက်ရောက် သွားတော့သည်။ သူတို့ဆီမှာတော့ အလုပ်ခန်းနေရာကို စတူဒီယိုဟုပင် ခေါ်ဝေါ်သုံးစွဲကြသည်။

မိမိတို့အုပ်စုရောက်သွားတော့ အခန်းထဲတွင် ရောက်နှင့်ပြီးသား လူတော်တော်များများကို တွေ့လိုက်ရသည်။ မိမိတို့လို ကြိုတင်စာရင်း ပေးထားသူတွေပင်။ အနောက်တိုင်းမှာက ဘာနေနေ ကြိုတင်စာရင်းပေးရသည်။ ကြုံသလိုဝင်လို့ထွက်လို့ မရ။ စားပွဲတွေပေါ်မှာ မြန်မာ့ရိုးရာစားစရာတွေ တည်ခင်းထား၏။ အကုန်လုံးကိုတော့ သိပ်မမှတ်တော့ပါ။ ကြာဆံဟင်းခါး၊ ဆီထမင်း၊ ရွှေထမင်း စတာတွေပါတာကိုတော့ မှတ်မိနေသေးသည်။



မိမိကတော့ စားဖို့သောက်ဖို့ စိတ်မ၀င်စားတော့ပါ။ ''သူဘယ်မှာလဲ'' ဆိုသည့်စိတ်ဖြင့်သာ ကျီးကန်းတောင်းမှောက် ရှာဖွေနေမိသည်။ ဟောတွေ့ပါပြီ။ ဟိုတချိန်ကတော့ ပုံပြင်တွေထဲက မင်းသမီးလေး။ ခုတော့ မင်းသမီးကြီး။ ကျောက်စိမ်းရောင်ကတ္တီပါအင်္ကျီကို အနက်တွင်အစိမ်းဖောက်ထားသည့် မြန်မာလုံချည်ဖြင့် တွဲဖက်ဝတ်ဆင်ထားကာ တောက်ပသည့် မျက်ဝန်းတွေ တလက်လက်ရှိနေဆဲ အမျိုးသမီးကြီး။ ထိုအချိန်ကပင် အသက် ၈၀ နီးပါးရှိနေပြီဖြစ်သော်လည်း ပါးရေနားရေတွေတွန့်ပြီး အိုနာစွဲနေခြင်းတွေမရှိသေး။ ဖျတ်လတ်သွက်လက်ကာ မဟာဆီမဟာ သွေးကြွယ်ဆဲ အလှတွေရှိနေတုန်းပင်။

သူမ၏မိတ်ဆွေတွေ၊ ချက်ပြုတ်သင်တန်းမှ တပည့်တွေ၊ မိမိတို့လို အပြင်ကလာသောသူတွေဖြင့် သူမ၏အခန်းလေးမှာ စည်ကားနေသည်။ မင်းသမီးကြီးကလည်း လာသမျှလူတွေကို မလွတ်တမ်းဧည့်ခံနိုင်၏။ မိမိကလည်း သူမ၏လှုပ်ရှားမှုမှန်သမျှကို မျက်တောင်မခတ်တမ်း ထောင့်တနေရာမှ ကြည့်နေသည်။ တချို့သူတွေသည် မလှလှအောင်ပြင်ထားမှသာ၊ ၀တ်စားပြထားမှသာ အလှပေါ်လွင်ကြ၏။ သူမကတော့ ထူးထူးခြားခြားကြီး ဘာမှဝတ်စားမထားပါ။ သို့သော် သူမဘာဆိုတာကို မသိသည့် လူတွေပင် သူမကိုကြည့်ရုံမြင်ရုံမျှနှင့် ထူးခြားသည့်ပါဝါတွေပြည့်နေသည့် အမျိုးသမီးကြီးပါလား။ ချောရုံလှရုံမျှမဟုတ် ကျက်သရေရှိကာ တင့်တယ်လှပါလားဆိုသည်ကို သိနိုင်မည့်ရုပ်ရည်မျိုးပင်။

မိမိ၏မိတ်ဆွေတွေကလည်း ရတနာနတ်မယ်၏ မဟာဆီမဟာသွေး ပြည့်နေသည့်အလှကို ချီးမွမ်းမဆုံးဖြစ်နေ ကြသည်။ နေထိုင်မှုမှာ သာမန်လူဆန်လှသည်။  လူတွေပြောဆိုနေကြသလို လျော်ကြေးတွေတပုံတပင်ဖြင့် စည်းစိမ်ခံစားနေသောပုံကို မတွေ့ရ။ ၀တ်ဆင်ထားသော ရတနာတို့မှာလည်း သာမန်ပင်။ အသင့်အတင့် တန်ကြေးလောက်သာရှိသည့် ကျောက်စိမ်းဆွဲကြိုးလေးတွေကိုသာ အ၀တ်အစားနှင့် မကလက်ရုံ ဆင်မြန်းထားသည်။ ထို့နောက် တယောက်စ၊ နှစ်ယောက်စ မြန်မာ လူမျိုးများနှင့် မြန်မာလို ရေရေလည်လည်

ပြောနေသော 'ရတနာနတ်မယ်'အား မိမိအထင်တော့ကြီးသွားသည်။ ဘ၀တလျှောက် နှစ်ပေါင်းမြောက်မြားစွာ နိုင်ငံခြားတွင်သာ နေထိုင်ကြီးပြင်းခဲ့သော်လည်း မြန်မာစကားကိုတော့ ရေလည်ကျွမ်းကျင်စွာပြောဆိုနိုင်ဆဲ။ အင်္ဂလိပ်လိုလည်း ရံဖန်ရံခါတွင်ပြော၏။ အများဆုံးပြောဖြစ်တာကတော့ အီတလီစကားပင်။ မိမိအားလည်း ဖော်ဖော်ရွေရွေပင် လာနှုတ်ဆက်၏။ မိမိကတော့ ပြောချင်သည်ကများပြီး ဘာမှစကားလုံးတွေ သိပ်မထွက် လာတော့ပေ။

မေးလိုက်ချင်သည့်မေးခွန်းတွေလည်း စိတ်ထဲအပြည့်ဖြစ်နေသည်။ သူမနှင့် ဦးနေ၀င်းကြီး၏ဆက်ဆံ ရေးကတော့ အဓိကအကြောင်းပင်။ သို့သော် လူကြားသူကြားထဲ ခုမှစတွေ့ဖူးကြသည့်သူတွေဆိုတော့ ဘယ်လိုမှ မေးလို့ကမဖြစ်။ ပြီးတော့ ကိုယ်ရေးကိုယ်တာတွေဖြစ်နေသည်။ မြင်တွေ့ရသလောက်ကတော့ လျော်ကြေးတွေ မြောက်မြားစွာရသည်ဆိုသည့် ကောလာဟလမှာ ဟုတ်ဟန်မတူ။ သူမ၏ဖြတ်သန်း နေသောဘ၀သည် ရိုးစင်းလွန်းလှသည်ဟုထင်၏။ ဟင်းချက်သင်တန်းမှ ၀င်ငွေဖြင့်ပင် အလယ်အလတ် တန်းစားဘ၀ကို ဖြတ်သန်းနေပုံရသည်။ သူကတော့ သူ့ကိုယ်သူ 'အန်တီ'ဟု ပြောဆို သုံးနှုန်းသွားသည်။ သူ 'အန်တီ'ဆိုတော့ ကိုယ်လည်း 'အန်တီ'ရုံသာ။

ထို့နောက် 'အန်တီ'က ငွေဖလားထဲမှရေကို ပိတောက်ပန်းတုခက်လေးတွေဖြင့် လာသမျှဧည့် အပေါင်းတို့အား စတိသဘော ဖျန်းပက်ပေးသည်။ အားလုံးသဘောကျကြသည်။ မကြီးကျယ်မခမ်းနားလွန်းပေမင့် မြန်မာလူမျိုးတို့ လွန်စွာရှားသောအရပ်တွင် ကျင်းပသောသင်္ကြန်အထိမ်းအမှတ်ပွဲလေးမို့ မိမိရင်ထဲတွင် တသက်မမေ့စရာ စွဲထင်နေရစ်တော့သည်။ ထို့နောက်တော့ ညကလည်းနက်သထက်နက်ကာ သန်းခေါင်နားချဉ်းကပ်လာသည်မို့ ဧည့်သည်တွေ တဖြည်းဖြည်းပါးသွားပြီး မိမိတို့လည်း မင်းသမီးကြီးအား နှုတ်ဆက်ကာ ပြန်လာခဲ့ကြတော့သည်။ လပြည့်ခါနီးမို့ ကောင်းကင်တွင် လမင်းကြီးကလည်း ထိန်ထ်ိန် သာနေသည်။ ထိုနှစ်နောက်ပိုင်းတွင်ကား ထိုသို့ပွဲမျိုး လုပ်သံမကြားရတော့ပေ။

ယခုလည်း သင်္ကြန်နားနီးလာပြန်ပြီ။ လွန်ခဲ့သည့် ငါးနှစ်၊ ခြောက်နှစ်က သွားဖြစ်ခဲ့သည့်ပွဲလေးကို ပြန်အမှတ်ရမိကာ 'အန်တီ'လည်း ယခုဆို အသက် ၈၅ နှစ်လောက်ရှိရော့မည်ဟုတွေးမိသည်။ အင်း ပြန်ဆုံ တွေ့ချင်ပါသေးသည်။ စကားတွေလည်း အများကြီးပြောချင်ကာ သူချက်သောဟင်းလျာတွေကိုလည်း အမှတ်တရ စားချင်ပါသေးသည်။ ယခုနှစ် သင်္ကြန်ကာလတွင်လည်း ဟိုတုန်းကလိုပွဲလေးလုပ်ဖြစ်ပါစေဟု ဆုတောင်းကာ ဖလောရင့်မြို့ရှိ မြန်မာနတ်မိမယ်တပါးကို မြင်ယောင်ဆဲ ဖြစ်နေတော့၏။

စူးစူး(ကောလင်း)
http://www.newswatch-mm.com/index.php?article_detail&id=235

COMMENTS

Name

art,1,article,1328,cartoon variety,22,crime,68,culture,1,documentary,8,Entertainment,9,health,34,history,2,international,7917,interview,221,knowledge,9,Live,8,LocalNews,16582,news,2842,opinion,770,photos,203,poem,117,satires,39,song,12,speech,12,sports,179,statement,59,technic,58,translate,34,video,1070,voice,76,
ltr
item
dawnmanhon: ဖလောရင့်မြို့က မြန်မာနတ်မိမယ်
ဖလောရင့်မြို့က မြန်မာနတ်မိမယ်
http://www.newswatch-mm.com/img_upload/newswatch_6U8NF11059859_934859379869144_4030372778053805304_n.jpg
dawnmanhon
http://www.dawnmanhon.com/2018/03/blog-post_852.html
http://www.dawnmanhon.com/
http://www.dawnmanhon.com/
http://www.dawnmanhon.com/2018/03/blog-post_852.html
true
4976479704313592870
UTF-8
Loaded All Posts Not found any posts VIEW ALL Readmore Reply Cancel reply Delete By Home PAGES POSTS View All RECOMMENDED FOR YOU LABEL ARCHIVE SEARCH ALL POSTS Not found any post match with your request Back Home Sunday Monday Tuesday Wednesday Thursday Friday Saturday Sun Mon Tue Wed Thu Fri Sat January February March April May June July August September October November December Jan Feb Mar Apr May Jun Jul Aug Sep Oct Nov Dec just now 1 minute ago $$1$$ minutes ago 1 hour ago $$1$$ hours ago Yesterday $$1$$ days ago $$1$$ weeks ago more than 5 weeks ago Followers Follow THIS PREMIUM CONTENT IS LOCKED STEP 1: Share. STEP 2: Click the link you shared to unlock Copy All Code Select All Code All codes were copied to your clipboard Can not copy the codes / texts, please press [CTRL]+[C] (or CMD+C with Mac) to copy