အိမ်ထောင်ဦးစီး အိမ်ရှင်မနှင့် ဧည့်သည်

အိမ်ထောင်ဦးစီးဆိုသည်မှာ အိမ်ထောင်စုတစ်ခု၏ အဆိုးအကောင်းကို လုံးဝဥဿုံ တာဝန်ယူရသူဖြစ်ပါသည်။ အိမ်ထောင်စုတစ်ခု (ဝါ) မိသားစုတစ်ခုတွင် သားသမီးတို့၏ ပညာရေး၊ ကျန်းမာရေးနှင့် ငွေကြေးကိစ္စအပါအဝင် မိသားစု၏ လုံခြုံရေးကိစ္စအဝဝကိုလည်း တာဝန်ယူရသူ ဖြစ်ပါသည်။ မြန်မာနိုင်ငံတွင်တော့ (လင်မယားနှစ်ဦးရှိလျှင်) လင်ယောကျာ်းဖြစ်သူကိုသာ အိမ်ထောင်ဦးစီးအဖြစ် တရားဝင်သတ်မှတ်ထားပါသည်။

အိမ်ရှင်မဆိုသည်ကား အလုပ်အကိုင်ရှိသည်ဖြစ်စေ၊ မရှိသည်ဖြစ်စေ၊ အိမ်ထောင်ထိန်းသိမ်းမှုနှင့် မိသားစု၏ စားရေးသောက်ရေးစီမံခန့်ခွဲသူ ဇနီးမယားကို အိမ်ရှင်မဟူ၍ ခေါ်ဆိုကြပါသည်။ အချို့အိမ်ရှင်မများမှာ ငွေရေးကြေးရေး၊ အိမ်အသုံးစရိတ်ကိုပါ စီမံခန့်ခွဲကြပါသည်။ အိမ်ရှင်မသည် ခင်ပွန်းဖြစ်သူ ကျန်းမာရေးအရဖြစ်စေ၊ အခြားသော အကြောင်းကြောင့်ဖြစ်စေ အိမ်ထောင်ဦးစီးတာဝန်ကို မယူနိုင်သည့်အခါ အိမ်ထောင်ထိန်းသိမ်းမှုတာဝန်ကို ယူရသည့်အပြင် မိသားစု၏ ကိစ္စကြီးငယ်အဝဝကိုပါ တာဝန်ယူရသဖြင့် အလွန်ကြီးလေးသော အထုပ်ကြီးကို ခေါင်းပေါ်တွင် ရွက်ထားရသည့်နှယ် ဖြစ်ပါသည်။

အသင်းခေါင်းဆောင်နဲ့ အသင်းသား

အားကစားနည်းအမျိုးမျိုးအနက် အသင်းအဖွဲ့လိုက်ကစားရသည့် ကစားနည်းများတွင်လည်း အသင်းခေါင်းဆောင် တစ်ဦးထားရှိပါသည်။ ဥပမာ-ဘောလုံးကစားနည်းကိုကြည့်လျှင် အသင်းခေါင်းဆောင်သည် မိမိကစားရသည့်နေရာအတွက် တာဝန်ယူရသည့်အပြင် အခြားအသင်းဖော်များအားလုံး နည်းပြဆရာချပေးသည့် နည်းဗျူဟာအတိုင်း စနစ်တကျ ကစားနိုင်ရေး၊ တစ်ဦးနှင့်တစ်ဦး အချိတ်အဆက်မိမိ ကစားနိုင်ရေး၊ စိတ်ဓာတ်ရေးရာ မြှင့်တင်နိုင်ရေး၊ လိုအပ်သောကွက်လပ် (ဟာကွက်) ကို ဖြည့်ဆည်းပေးခြင်း စသည့် အသင်းခေါင်းဆောင်၏ တာဝန်များကိုလည်း မလစ်ဟင်းရအောင် ထမ်းဆောင်ရပါသည်။

အကယ်၍သာ အကြောင်းကြောင်းကြောင့် အသင်းသားတစ်ဦး လျော့နည်းသွားပါက အသင်းခေါင်းဆောင်သည် မိမိ၏ မူလနေရာတာဝန်အပြင် လစ်ဟာသွားသော နေရာအတွက်ကိုပါ တာဝန်ယူ ဖြည့်ဆည်းပေးရသည့်အတွက် မနိုင်ဝန်ထမ်းရသလိုဖြစ်ပြီး မိမိ၏မူလတာဝန်များ လစ်ဟင်းရမည်မှာ အသေအချာပင်ဖြစ်ပါသည်။ အကယ်၍သာ တစ်ဖက်အသင်းသည် အလွန်ညံ့သောအသင်းဖြစ်ပါက နိုင်ကောင်းနိုင်မည်ဖြစ်သော်လည်း သာမန်ခြေစွမ်းရှိသော အသင်းဆိုလျှင်တော့ ရှုံးနိမ့်ဖို့က အသေအချာပင်ဖြစ်ပါသည်။ ထို့ကြောင့် ခေါင်းဆောင်ဖြစ်သူက မနိုင်ဝန်ကိုထမ်းရခြင်းသည် ထိုခေါင်းဆောင်အတွက် ဝန်ထုပ်ဝန်ပိုးဖြစ်သလို သူဦးဆောင်ရသည့် အဖွဲ့အစည်းသည်လည်း အောင်မြင်မှုနှင့် ဝေးကွာမည်ဖြစ်ပါသည်။

အစိုးရအဖွဲ့အစည်း

သမ္မတ၊ ဝန်ကြီးချုပ်၊ နိုင်ငံအကြီးအကဲ၊ နိုင်ငံဦးသျှောင် စသည်ဖြင့် အမည်အမျိုးမျိုးဖြင့် ခေါ်ဝေါ်ကြသော်လည်း နိုင်ငံတိုင်းတွင် ခေါင်းဆောင်ဟူသည် ရှိစမြဲပင်ဖြစ်သည်။ ထိုခေါင်းဆောင်၏အောက်တွင် အစိုးရအဖွဲ့ သို့မဟုတ် ဝန်ကြီးအဖွဲ့ရှိသည်။ ဝန်ကြီးများသည် သက်ဆိုင်ရာကဏ္ဍအလိုက် တာဝန်အသီးသီးကို ခွဲဝေယူကြသည်။ နိုင်ငံတော်သမ္မတ သို့မဟုတ် ဝန်ကြီးချုပ် သို့မဟုတ် နိုင်ငံအကြီးအကဲသည် ဝန်ကြီးများ၊ ဝန်ကြီးဌာနများကို ကြီးကြပ်ကွပ်ကဲသည်။ အချင်းချင်း ပေါင်းစပ်ညှိနှိုင်းပေးသည်။ ကြီးကြပ်ကွပ်ကဲသည် ဆိုသော်လည်း မူဝါဒပိုင်းဆိုင်ရာကိုသာ ကြီးကြပ်ကွပ်ကဲခြင်းဖြစ်ပြီး ပုံမှန်အားဖြင့် ဝန်ကြီးများသည် သတ်မှတ်ပြဋ္ဌာန်းပြီးဖြစ်သော တည်ဆဲဥပဒေများနှင့်အညီသာ မိမိတို့စွမ်းအားရှိသလောက်၊ မိမိတို့ အရည်အချင်းရှိသလောက် အကြံဉာဏ်များကို ထုတ်ယူသုံးစွဲ၍ လုပ်ငန်းတာဝန်များကို ထမ်းဆောင်ကြသည်။

မြန်မာနိုင်ငံ၏ ခေါင်းဆောင်နှင့် အစိုးရအဖွဲ့ 

မြန်မာနိုင်ငံသည် ထူးခြားသော ဖွဲ့စည်းပုံအခြေခံဥပဒေ (၂၀၀၈) အရ ထူးခြားသော အစိုးရအဖွဲ့နှင့် ထူးခြားသောခေါင်းဆောင်မှု ပုံသဏ္ဌာန်ရှိသည်။ ယခင်အစိုးရအဆက်ဆက်၏ များပြားသော ဝန်ကြီးဌာနများကို ချုံ့သည့်အနေနှင့် အရေအတွက်ကို လျှော့ချလိုက်သည်။ သို့ရာတွင် ဝန်ကြီးဌာနအရေအတွက်သာ လျော့ကျသွားသော်လည်း ယင်းတို့၏ လက်အောက်ရှိ ဦးစီးဌာနများ၏ အရေအတွက်မှာမူ လျော့ကျမသွား၊ အချို့ဝန်ကြီးဌာနများဆိုလျှင် ဦးစီးဌာနအသစ်များ ထပ်မံဖွဲ့စည်းလိုက်သဖြင့် ပို၍ပင်တိုးသွားသေးသည်။ ထို့ကြောင့် ဝန်ကြီးတစ်ဦးသည် ဦးစီးဌာနများစွာကို ကြီးကြပ်ကွပ်ကဲနေရပြီး မနိုင်ဝန်ကို ထမ်းနေရသည့်သဖွယ် ဖြစ်နေပါသည်။ ဒေါ်အောင်ဆန်းစုကြည်ဆိုလျှင် နိုင်ငံခြားရေးဝန်ကြီးဌာနအပြင် ယခင်က ဝန်ကြီး ၆ ဦး ကိုင်တွယ်ခဲ့သော နိုင်ငံတော်သမ္မတရုံး ဝန်ကြီးဌာနကိုပါ တစ်ဦးတည်း တာဝန်ယူထားသည်။

မြန်မာနိုင်ငံ၏ခေါင်းဆောင်

၂၀၀၈ ခုနှစ် ဖွဲ့စည်းပုံအခြေခံဥပဒေအရ ဒေါ်အောင်ဆန်းစုကြည်မှာ သမ္မတဖြစ်ခွင့်မရှိသဖြင့် နိုင်ငံတော်သမ္မတ ရှိသော်လည်း နိုင်ငံတော်၏ အတိုင်ပင်ခံပုဂ္ဂိုလ်ဟူသော ရာထူးကို ဥပဒေပြဋ္ဌာန်း၍ တီထွင်ဖန်တီးထားရသည်။ အခြေခံဥပဒေ ပုဒ်မ ၁၆ တွင် “နိုင်ငံတော်အုပ်ချုပ်ရေး အကြီးအကဲသည် နိုင်ငံတော်သမ္မတဖြစ်သည်”ဟူ၍ လည်းကောင်း၊ ပုဒ်မ ၅၈ တွင် “နိုင်ငံတော်သမ္မတသည် ပြည်ထောင်စုသမ္မတ မြန်မာနိုင်ငံတော်တစ်ဝန်းလုံးတွင် နိုင်ငံသားအားလုံး၏ အထွတ်အထိပ်နေရာ ရရှိသည်”ဟူ၍လည်းကောင်း ပြဋ္ဌာန်းထားရှိသည်။

သို့ရာတွင် ယနေ့လက်ရှိ ပကတိအခြေအနေအရ ပြည်တွင်းရှိ လူပုဂ္ဂိုလ်နှင့် အဖွဲ့အစည်းအားလုံးက နိုင်ငံတော်၏ အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်ကို နိုင်ငံတော်၏ အကြီးအကဲ၊ ခေါင်းဆောင်အဖြစ် အသိအမှတ်ပြု လက်ခံထားကြသလို ကုလသမဂ္ဂအပါအဝင် ကမ္ဘာ့နိုင်ငံအသီးသီး၏ ခေါင်းဆောင်များ၊ သမ္မတများ၊ ဝန်ကြီးချုပ်များနှင့် အစိုးရမဟုတ်သော အဖွဲ့အစည်းများကလည်း သူ့ကိုပင် မြန်မာနိုင်ငံ၏ အကြီးအကဲ၊ ခေါင်းဆောင်အဖြစ် အသိအမှတ်ပြုထားကြသည်။ ကမ္ဘာ့နိုင်ငံအသီးသီးနှင့် အဖွဲ့အစည်းများက ထုတ်ပြန်သည့် မြန်မာနိုင်ငံနှင့်ပတ်သက်သည့် ကြေညာချက်၊ ထုတ်ပြန်ချက်များအားလုံးသည် ဒေါ်အောင်ဆန်းစုကြည်ကိုသာ ဦးတည်ကြသည်။ သူ့ကိုသာ အမည်တပ်၍ ထုတ်ပြန်ကြသည်။ တစ်ချိန်က သူ့အမည်တပ်၍ ချီးမြှင့်မြှောက်စားခဲ့ကြသူများကလည်း ယခုမြန်မာနိုင်ငံကို ကိုယ်စားပြုသော သူ့ကိုသာအမည်တပ်၍ အပြစ်တင်ရှုတ်ချကြသည်။ ထို့ကြောင့် ဒေါ်အောင်ဆန်းစုကြည်သည် ပကတိအခြေအနေအရ မြန်မာနိုင်ငံ၏ အကြီးအကဲနှင့် နိုင်ငံ၏ခေါင်းဆောင်ဖြစ်သည်မှာ ထင်ရှားပါသည်။

အိမ်ထောင်ဦးစီး အိမ်ရှင်မ

ဒေါ်အောင်ဆန်းစုကြည်သည် ပြည်ထောင်စုအစိုးရအဖွဲ့တွင် နိုင်ငံခြားရေးဝန်ကြီးတာဝန်ကို ယူထားသည်။ ထို့ကြောင့် နိုင်ငံတကာမှ နိုင်ငံခြားရေးဝန်ကြီးများ၊ သံတမန်များနှင့် ကိုယ်စားလှယ်များ မြန်မာနိုင်ငံကို လာရောက်လည်ပတ်ပါက နိုင်ငံခြားရေးဝန်ကြီးတစ်ယောက်အနေနှင့် တွေ့ဆုံနှုတ်ဆက်၊ ဆွေးနွေးကြသလို ခေါင်းဆောင်များ၊ အကြီးအကဲများသည်လည်း နိုင်ငံခေါင်းဆောင် တစ်ယောက်အနေနှင့် သူ့ကိုသာ တွေ့ဆုံနှုတ်ဆက်၍ ဖိတ်မန္တကပြုကြသည်။ နိုင်ငံတော်သမ္မတကိုမူ သံတမန်များကို တရားဝင်လက်ခံခြင်း၊ ဂါရဝပြုတွေ့ဆုံခြင်းများမှလွဲ၍ ဆုံးဖြတ်ချက်များရယူရန် ကိစ္စကို ဒေါ်အောင်ဆန်းစုကြည်နှင့်သာ တွေ့ဆုံကြသည်။ ထို့ကြောင့် ဒေါ်အောင်ဆန်းစုကြည်သည် နိုင်ငံခြားရေးဝန်ကြီး တာဝန်အပြင် နိုင်ငံတော်အကြီးအကဲ တစ်ယောက်၏ တာဝန်ကိုပါ ယူထားရသည်။ ထို့အပြင် သမ္မတရုံးဝန်ကြီးတစ်ယောက် ဖြစ်သည့်အတွက်လည်း ဝန်ကြီးဌာနအချင်းချင်း ပေါင်းစပ်ညှိနှိုင်းခြင်း၊ ဝန်ကြီးဌာနများက နိုင်ငံတော်သမ္မတထံ တင်ပြချက်များကို ၎င်းမှတစ်ဆင့်တင်ပြခြင်း စသည့် တာဝန်များကို ထမ်းဆောင်ရသလို နိုင်ငံတော်သမ္မတထံမှ ပြန်လည်၍ချမှတ်လာသည့် ညွှန်ကြားချက်များကိုလည်း သက်ဆိုင်ရာ ဝန်ကြီးဌာနများသို့ ဆက်လက်၍ အကြောင်းကြားပေးခြင်း စသည့် တာဝန်များကိုလည်း ထမ်းဆာင်ရမည်ဖြစ်ပါသည်။

ထို့ကြောင့်ပင် နိုင်ငံတော်၏ အတိုင်ခံပုဂ္ဂိုလ်၊ နိုင်ငံတော်သမ္မတရုံး ဝန်ကြီး၊ နိုင်ငံခြားရေးဝန်ကြီး စသည့်များပြားလှသည့် တာဝန်များကို ယူထားရသည့်အတွက် မနိုင်ဝန်ကို ထမ်းရွက်ထားရသည့်သဖွယ် ဖြစ်နေပါသည်။ တစ်နည်းပြောရလျှင် အိမ်ရှင်မတာဝန်အပြင် အိမ်ထောင်ဦးစီး တာဝန်ကိုပါ ယူထားရသည့် အိမ်ရှင်မတစ်ယောက်သဖွယ် ဖြစ်နေရပါသည်။ မကြာသေးမီက ပြည်ထောင်စုအစိုးရအဖွဲ့ရုံး ဝန်ကြီးဌာနှနှင့် နိုင်ငံတကာ ပူးပေါင်းဆက်သွယ်ရေး ဝန်ကြီးဌာနနှစ်ခုကို ထပ်မံဖွဲ့စည်းခဲ့ခြင်းမှာ ၎င်းအပေါ်တွင် ပိနေသော ဝန်ထုပ်ဝန်ပိုးကို အတန်အသင့် လျော့ကျသွားမည်ဟု ထင်မြင်ယူဆမိပါသည်။

အိမ်သာတော့ဧည့်လာ ဧည့်လာတော့ အိမ်နာ

“အိမ်သာတော့ဧည့်လာ”ဟူသော မြန်မာ့ဆိုရိုးစကား တစ်ခုရှိပါသည်။ သို့ရာတွင် ဤနေရာ၌ တစ်ချိန်က နာမည်ကြီးခဲ့သည် စာရေးဆရာ၊ ဒါရိုက်တာသာဓုနှင့် မြတ်မွန်တို့ သရုပ်ဆောင်ထားသည့် “ဧည့်သည်” ရုပ်ရှင်ဇာတ်ကားမှ ဇာတ်ဝင်တေးတစ်ပုဒ်ကို သတိရမိပါသည်။ မှတ်မိသလောက်မှာ “ပထမလာတော့ ရွှေဧည့်သည်... ဒုတိယလာတော့ ငွေဧည့်သည်... နောင်သောအခါဝယ် မကြာမကြာရောက်တော့...ဧည့်သည်...ဧည့်သည်...”ဟု ဒေါကြီးမောကြီးနှင့် ဆိုလိုက်ခြင်းပင်ဖြစ်ပါသည်။ ဆိုလိုသည့်အဓိပ္ပာယ်မှာ ဧည့်သည်မကြာခဏလာတော့ အိမ်နာသည့်သဘောကို ဆိုလိုခြင်းဖြစ်ပါသည်။ ယခု ကျွန်တော်တို့နိုင်ငံသို့ နေ့စဉ်နှင့်အမျှ လာရောက်နေကြသော နိုင်ငံအသီးသီး၊ အဖွဲ့အစည်းအသီးသီးမှ ဧည့်သည်တို့မှာ အားလုံး ရွှေဧည့်သည်၊ ငွေဧည့်သည်များ ဖြစ်ကြပါမည်လား။

ကျွန်တော်ကတော့ မထင်ပါ။ ၎င်းတို့ လာရောက်နေကြခြင်းမှာ အိမ်သာ၍တော့ မဖြစ်နိုင်ပါ။ အိမ်သာ၍လာသော ဧည့်သည်ထက် အိမ်ကိုနာစေချင်၍လာသော ဧည့်သည်က ပို၍များမည်ဟု ထင်ပါသည်။ အဘယ်ကြောင့်ဆိုသော် ၎င်းတို့ကိုသိစေချင်၍ ပြောလိုက်သောစကား၊ ပေးလိုက်သော သတင်းအချက်အလက်က တစ်မျိုး၊ ၎င်းတို့ဒေသသို့ ပြန်လည်ရောက်ရှိ၍ ထုတ်ပြန်လိုက်သည့် ထုတ်ပြန်ချက်ကတစ်မျိုး ဖြစ်နေကြ၍ ဖြစ်ပါသည်။

ထို့ကြောင့် စိတ်ရင်းစေတနာမမှန်သော၊ ထိုထိုအီအီလာလာသမျှ ဧည့်သည်တို့ကို ဧည့်ဝတ်ကျေပွန်စွာ၊ နိုင်ငံကြီးသားပီသစွာ၊ အိမ်ရှင်ကောင်းပီသစွာ လက်ခံကြိုဆိုနေကြဖို့ သင့်ပါမည်လား။ စဉ်းစားကြဖို့ အချိန်တန်ပြီဟု ပြောလိုပါသည်။ သူတို့လာသည့်အတွက် ကျွန်တော်တို့မှာ အကျိုးကျေးဇူး တစ်စုံတစ်ရာမရှိသည့်အပြင် ငွေကြေးကုန်ကျပါသည်။ နိုင်ငံအတွက် တန်ဖိုးရှိသော အချိန်တွေ အလဟဿ အကျိုးမဲ့စွာ ကုန်ဆုံးရပါသည်။ တစ်နည်းပြောရလျှင် အိမ်နာပါသည်။

နိုင်ငံ၏ အိမ်ထောင်ဦးစီးလည်းဖြစ်၊ အိမ်ရှင်မလည်းဖြစ်သည့် နိုင်ငံတော်၏ အတိုင်ပင်ခံပုဂ္ဂိုလ်၊ နိုင်ငံခြားရေးဝန်ကြီးမှာ နိုင်ငံအတွက် အရေးကြီးတာဝန်များဖြစ်သည့် နိုင်ငံရေး၊ ငြိမ်းချမ်းရေး၊ စီးပွားရေးနှင့် နိုင်ငံဖွံ့ဖြိုးတိုးတက်ရေးတို့အတွက် အချိန်များစွာပေးအပ်ဖို့ လိုအပ်နေသည့်အချိန်တွင် မိမိနိုင်ငံအတွက် ကောင်းကျိုးပြုမည့်၊ မိမိနိုင်ငံ၏ အကျိုးစီးပွားကိုလိုလားသည့် ရွှေဧည့်သည်၊ ငွေဧည့်သည်တို့ကို လှိုက်လှဲပျူငှာစွာဖြင့် ဧည့်ဝတ်ကျေပွန်သင့်သော်လည်း မိမိနိုင်ငံကို အကျိုးမပြုသည့်အပြင် ပိုမိုနစ်နာစေမည့်၊ အိမ်နာစေမည့် ဧည့်သည်မျိုးကိုမူ ၎င်းတို့နှင့် ထိုက်တန်သည့် ပြုမူဆက်ဆံခြင်းမျိုးဖြင့်သာ တုံ့ပြန်ပြုမူဆက်ဆံသင့်သည်ဟု ထင်မြင်ယူဆသင့်ပါသည်။

အချုပ်ဆိုရလျှင် နိုင်ငံ၏အိမ်ထောင်ဦးစီးနှင့် အိမ်ရှင်မသဖွယ် အစစအရာရာ နိုင်ငံ့တာဝန်ကိုယူထားပြီး လုပ်ငန်းတာဝန် အများအပြားပိနေသည့် နိုင်ငံတော်၏ အတိုင်ပင်ခံပုဂ္ဂိုလ်အနေနှင့် နိုင်ငံတကာမျက်နှာစာတွင် နိုင်ငံ့ပုံရိပ်လှပရေးအတွက် အလေးပေးဆောင်ရွက်နေသလို ပြည်တွင်းအရေးအတွက်ကိုလည်း အချိန်ပေးနိုင်ရေးအတွက် လုပ်ဖော်ကိုင်ဖက်များက ယခုထက်ပိုမို၍ ဝိုင်းဝန်းကူညီ ပံ့ပိုးဆောင်ရွက်ပေးကြပါရန် အလေးအနက် တိုက်တွန်းနှိုးဆော်လိုက်ရပါသည်...။

သိန်းထက်အောင်
http://thevoicemyanmar.com/opinion/17953-ehr

COMMENTS

Name

art,1,article,1334,cartoon variety,22,crime,68,culture,1,documentary,8,Entertainment,9,health,34,history,2,international,8079,interview,222,knowledge,9,Live,8,LocalNews,16809,news,2842,opinion,772,photos,203,poem,117,satires,39,song,12,speech,12,sports,182,statement,59,technic,58,translate,34,video,1070,voice,76,
ltr
item
dawnmanhon: အိမ်ထောင်ဦးစီး အိမ်ရှင်မနှင့် ဧည့်သည်
အိမ်ထောင်ဦးစီး အိမ်ရှင်မနှင့် ဧည့်သည်
http://thevoicemyanmar.com/images/BYyBQO.jpg
dawnmanhon
http://www.dawnmanhon.com/2018/03/blog-post_93.html
http://www.dawnmanhon.com/
http://www.dawnmanhon.com/
http://www.dawnmanhon.com/2018/03/blog-post_93.html
true
4976479704313592870
UTF-8
Loaded All Posts Not found any posts VIEW ALL Readmore Reply Cancel reply Delete By Home PAGES POSTS View All RECOMMENDED FOR YOU LABEL ARCHIVE SEARCH ALL POSTS Not found any post match with your request Back Home Sunday Monday Tuesday Wednesday Thursday Friday Saturday Sun Mon Tue Wed Thu Fri Sat January February March April May June July August September October November December Jan Feb Mar Apr May Jun Jul Aug Sep Oct Nov Dec just now 1 minute ago $$1$$ minutes ago 1 hour ago $$1$$ hours ago Yesterday $$1$$ days ago $$1$$ weeks ago more than 5 weeks ago Followers Follow THIS PREMIUM CONTENT IS LOCKED STEP 1: Share. STEP 2: Click the link you shared to unlock Copy All Code Select All Code All codes were copied to your clipboard Can not copy the codes / texts, please press [CTRL]+[C] (or CMD+C with Mac) to copy