ဒေါ်အောင်ဆန်းစုကြည်ကို ကလေးဘ၀က ထိန်းခဲ့ဖူးတဲ့ အဘိုးဦးကျော်ညွန့်

၁၉၃၈ ခုနှစ် ဇန်န၀ါရီ ၈ ရက် ၁၂၉၉ ခုနှစ်၊ ပြာသိုလဆန်း ၈ ရက်၊ စနေနေ့ သခင်ဖိုးလှကြီး ခေါင်းဆောင်၍ ရေနံမြေသပိတ်ကြီး စတင်ပေါ်ပေါက်လာခဲ့သည်။ သခင်ဖိုးလှကြီးသည် သပိတ်တပ်ကို ခေါင်းဆောင်ကာ ရန်ကုန်အထိ ချီတက်လာခဲ့သည်။ မကွေးအရောက်တွင် သခင်ဖိုးလှကြီးကို မြင်းစီးအင်္ဂလိပ်စစ်သားများက ၀ိုင်းဝန်းရိုက်နှက်ပြီး လက်ကိုကြိုးတုပ်ကာ ဖမ်းခေါ်သွားသည်။ ထိုမြင်ကွင်းကို ၁၅ နှစ်ကျော်အရွယ် မောင်ကျော်ညွန့်လေး မြင်တွေ့သည့်အခါ ငုပ်လျှိုးနေသည့် မျိုးချစ်စိတ်ဓာတ် ရုန်းကန်ထကြွသွားသည်။ အင်္ဂလိပ်မျက်နှာဖြူများကို အမုန်းကြီးမုန်းသွားမိခဲ့သည်။ လွတ်လပ်ရေးအတွက် တိုက်ပွဲ ၀င်ချင်သည့်စိတ် ပေါ်ပေါက်လာသည်။ အံကို တင်းတင်းကြိတ်လိုက်မိသည်။

''အဘိုးတပ်မတော်ထဲရောက်တဲ့ အကြောင်းအရင်းက သခင်ဖိုးလှကြီးကို အဘိုးရှေ့မှာအင်္ဂလိပ် မြင်းစီး စစ်သားတွေက ထိုးကြိတ်ပြီး ကြိုးနဲ့ ဆွဲသွားတာက စတာပဲ။ အဲဒီတုန်းက တပ်မတော်ဆိုတာ အဘိုးတို့ဆီမှာ မရှိသေးတော့ နီးစပ်တဲ့တော်လှန်ရေးသမားတွေနဲ့ သွားပေါင်းတာပေါ့''ဟု အဘိုးက မာန်ပါပါနှင့် သူ၏လွတ်လပ်ရေးတိုက်ပွဲဝင်လမ်းကြောင်း အစကို ပြောပြသည်။

ရန်ကုန်တိုင်းဒေသကြီး၊ သင်္ဃန်းကျွန်းမြို့နယ်၊ အမှတ် ၈ ရပ်ကွက်ရှိ ချောင်ကျကျနေရာလေးရှိ ၁၀ ပေပတ်လည်အခန်းလေး၏ လေးပေအကျယ်မျှရှိသော ခုတင်လေးပေါ်မှာ သခင်လေးသောင် (ခ) လွတ်လပ်ရေးမော်ကွန်းဝင် (ပထမအဆင့်)နိုင်ငံ့ဂုဏ်ရည်(ဒုတိယအဆင့်) ဗိုလ်ကြီးကျော်ညွန့်ထိုင်နေသည်။ လွတ်လပ်ရေးတိုက်ပွဲဝင်ခဲ့သည့်အတွက်ရရှိခဲ့သော ဆုတံဆိပ်များကို အမြတ်တနိုးထိုင်ကြည့်နေသည်။ အဘိုး၏ဇနီး ဒေါ်ဂွမ်းပုံက အဘိုး၏ခုတင်အောက်တွင် မီးသွေးမီးဖိုနှင့် ထမင်းအိုးတည်နေသည်။ သားဖြစ်သူ ကအပြင်တွင် ပန်းရန်သွားလုပ်နေသည်ဟု သိရသည်။ အသက် ၁၀၅ နှစ်အရွယ်ရှိပေမဲ့ လွတ်လပ်ရေး တိုက်ပွဲဝင် စစ်ပြန်ဟောင်းကြီးဖြစ်သည့်အတွက် အားမာန်ကတော့ ပြည့်နေတုန်းပင်။ သို့သော် အကြား အာရုံကတော့ ချို့ယွင်းရှာနေသည်။ ဂျပန်ခေတ်ကို ထဲထဲဝင်ဝင်ဖြတ်သန်းခဲ့သည်ဟု ခိုင်မာသည့်အချက်က ဂျပန်စကားကိုကောင်းစွာ ပြောတတ်ခြင်းဖြစ်သည်။ ထိုသို့သောနိုင်ငံ့ဂုဏ်ဆောင်အဘိုးသည် တလလေး သောင်းခွဲနှင့် ငှားနေရသော ၁၀ ပေပတ်လည်အခန်းလေးတွင် ဘ၀နေ၀င်ချိန်ကို ညှိုးညှိုးငယ်ငယ်ဖြင့် ဖြတ်သန်းနေရရှာသည်။

မော်ကွန်းဝင်ပုဂ္ဂိုလ်ကြီးဖြစ်လာမည့် မောင်ကျော်ညွန့်လေးကို မြန်မာသက္ကရာဇ် ၁၂၈၄ ခုနှစ်၊ နယုန်လဆန်း ၁၁ ရက်နေ့တွင် မကွေးတိုင်းဒေသကြီး ကျောက်ပန်းတောင်းမြို့တွင် ကုန်သည်အဘဦးဘဒင်၊ အမိဒေါ်နှင်းဥတို့မှ မွေးဖွားခဲ့သည်။ မွေးချင်းလေးဦးအနက် အငယ်ဆုံးသားဖြစ်သည်။ မောင်ကျော်ညွန့်အရွယ်ရောက်စ ၁၅ နှစ်ကျော် ၁၆ နှစ်အရွယ်တွင် ရေနံမြေသပိတ်ကြီးနှင့် ၁၃၀၀ ပြည့်အရေးတော်ပုံကို မျက်ဝါးထင်ထင် မြင်တွေ့ခဲ့ရသည်။ အလုပ်သမားများအပေါ် အင်္ဂလိပ်စစ်သားများ၏ ဖမ်းဆီးနှိပ်စက်သည်ကို မြင်ရသည့်အခါ တိုင်း ကြိတ်မနိုင် ခဲမရဖြစ်ခဲ့ရသည်။ ထို့ကြောင့် ၁၆ နှစ်အရွယ် မောင်ကျော်ညွန့်သည် လွတ်လပ်ရေးအတွက် တိုက်ပွဲဝင်ဖို့ ဆုံးဖြတ်ချက်ချလိုက်တော့သည်။

နိုင်ငံလွတ်လပ်ရေးဆုံးရှုံး၍ ကျွန်ဖြစ်နေရသည့်အချိန်တွင် လူငယ်တဦးဖြစ်ခဲ့ရသော မောင်ကျော်ညွန့်သည် ထိုစဉ်အချိန်က အင်္ဂလိပ်နယ်ချဲ့အား ဆန့်ကျင်သူအချို့နှင့်ပူးပေါင်း၍ ရရာလက်နက်ကိုကိုင်ကာ နယ်ချဲ့တို့ကို တော်လှန်ခဲ့သည်။ ၁၉၄၂ ခုနှစ်တွင် ဗိုလ်ချုပ်အောင်ဆန်းခေါင်းဆောင်သည့် ရဲဘော်သုံးကျိပ်သည် ဂျပန် တပ်မတော်နှင့်အတူ မြန်မာနိုင်ငံတွင်းသို့ ၀င်ရောက်လာသည်ဟု သိရသည့်အခါ ကိုကျော်ညွန့် အားတက်မိ သည်။ အင်္ဂလိပ်တပ်များ မြန်မာနိုင်ငံထွက်ခွာသွားသည့်အခါတွင် ဖက်ဆစ်ဂျပန်တို့၏ ဘီလူးခေါင်းပေါ်လာ သည်။ မြန်မာအမျိုးကောင်းသမီးတွေကို အဓမ္မပြုကျင့်သည်။ ထင်ရာစိုင်းကြသည်။ ကျားကြောက်လို့ ဆင်ကြီးကိုး ဆင်ကြီးက ကျားထက်ပင် ဆိုးနေသည်။ ဖက်ဆစ်တို့၏ ရက်စက်ယုတ်မာမှုကို နေ့တိုင်းမြင်လာရ သည့်အခါ မကွေးနယ်၊ ကျောက်ပန်းတောင်းသား ကိုကျော်ညွန့်တယောက် ဗိုလ်ချုပ်ကိုပင် အပြစ်မြင်မိသည်။

၁၉၄၅ မတ် ၂၇ ရက်နေ့တွင် ဗိုလ်ချုပ်က ဂျပန်တို့ကို စတင်တော်လှန်သည့်အခါ သူအားတတ်သရောပါဝင်ဖို့ ဆုံးဖြတ်လိုက်သည်။ ဗိုလ်ချုပ်အောင်ဆန်းတည်ထောင်ထားသည့် ဗမာ့တပ်မတော်ကိုဝင်ရောက်ရန် အဆက်အသွယ်များ၏ အကူအညီဖြင့် တွံတေးနယ်ဘက်ရှိ ဖက်ဆစ်များကိုတော်လှန်နေသော ရဲဘော် သုံးကျိပ်ဝင် ဗိုလ်မင်းခေါင်တပ်သို့ဝင်ရန် အကြောင်းဖန်လာခဲ့သည်။ ကျောက်ပန်းတောင်းမှ တွံတေးသို့ ခြေလျင်ထွက်လာခဲ့သည်။ လမ်းတလျှောက် အခက်အခဲမျိုးစုံကြုံရသည်။ ထမင်းငတ်တဲ့ရက်တွေ လည်းရှိခဲ့သည်။ လမ်းခရီးတ၀က်တွင် ဂျပန်တပ်သားများနှင့်တွေ့၍ အသက်လု၍သတ်ပုတ်ခဲ့ရသည်။ သို့သော် ကိုကျော်ညွန့် မကြောက်မရွံ့ တွံတေးသို့ အရောက်လှမ်းခဲ့သည်။ သူဆုံးဖြတ်ထားသည့် လွတ်လပ်ရေး အစစ်အမှန်အတွက် တိုက်ပွဲဝင်ရန် အခက်အခဲအားလုံးကို ကျော်လွှားခဲ့သည်။

''တွံတေးကို သွားတယ်။ ဗိုလ်မင်းခေါင်တပ်နဲ့ သွားပေါင်းမလို့ရောက်ခါနီး ဂျပန်စစ်သားနှစ်ယောက်နဲ့ တွေ့တယ်။ သူတို့သေနတ်တွေမှာ လှံစွပ်တွေနဲ့၊ မင်းဘယ်ကလဲမေးတော့ ကျွန်တော်ရွာသားပါလို့ ဂျပန်လို ပြန်ဖြေမိတော့ အောင်ဆန်းကေဒါ၊ အောင်ဆန်းဘက်တော်သားဆိုပြီး လှံစွပ်နဲ့ထိုးတယ်။ အဘိုး ကတယောက် သူတို့က နှစ်ယောက်။ ဒါပေမဲ့ သူတို့နှစ်ယောက်လုံးကို သတ်နိုင်ခဲ့တယ်။ အဲဒီမှာ လက်ကို ဒဏ်ရာရတာပဲ''ဟု အဘိုးကျော်ညွန့်က ဒဏ်ရာရထားသောသူ၏ ဘယ်ဖက်လက်ကိုကိုင်၍ ပြောပြသည်။

ဂျပန်စစ်သားနှစ်ဦးနှင့် အသက်လု သတ်ပုတ်လာခဲ့ပြီး လက်တွင်ဒဏ်ရာရလာသည်။ တွံတေးသို့ ရောက်သည့် အခါ လက်မှဒဏ်ရာကို ဆေးတပ်သားကကြည့်ပေး၍ ဖြတ်ရမည်ပြောသည့်အခါ အလွန်ပင်စိတ်ဓာတ်ကျဆင်း သွားသည်။ ထိုအကြောင်းကို ဗိုလ်မင်းခေါင်ကိုပြောပြသည့်အခါ ဆေးတပ်သားကိုခေါ်ဆူသည်။ လက်တဖက်လည်း မဆုံးရှုံးရတော့ပေ။ လက်ကို ဆေးပတ်တီးစည်း၍ထားရသည်။ စစ်အတွင်း ဆေးပစ္စည်းရှားပါးသည့်အတွက် အဘိုးကျော်ညွန့်၏လက်သည် မိမွေးတိုင်း ဖမွေးတိုင်း ပြန် မကောင်းနိုင် တော့ပေ။ ဖက်ဆစ်ဂျပန်တော်လှန်ရေးကာလတွင် လက်မကောင်းသည့်ကြားမှ ဗိုလ်မင်းခေါင်၏ တပ်နှင့်အတူ စွန့်စားတိုက်ခိုက်ခဲ့သည်။

ဗိုလ်ချုပ်အောင်ဆန်းခေါင်းဆောင်သည့် ဗမာတပ်မတော်ကြီးသည် ဂျပန်တို့ကို တော်လှန်တိုက်ထုတ်နိုင် သည့်အခါ ဗိုလ်မင်းခေါင်၏အကူအညီနှင့် ဗဟန်းရှိ ဗိုလ်ချုပ်၏နေအိမ်တွင် နေခွင့်ရခဲ့သည်။ ဗိုလ်ချုပ်၏အိမ်တွင် နေခွင့်ရသော်လည်း အောက်ခြေသိမ်းအလုပ်ဘာတခုမှ မလုပ်ရပေ။ အဘိုး၏တာဝန်သည် ကလေး ထိန်းမျှ သာ။ ဗိုလ်ချုပ်၏ သားသမီးများကို ထိန်းပေးရသည်။ အတူကစားရသည်။ အဘိုးတာဝန်သည် ထိုမျှသာ။ ကိုကျော်ညွန့်ကို ၁၉၄၅ ခုနှစ် အောက်တိုဘာ ၅ ရက်နေ့တွင် ဗိုလ်ချုပ်ကိုယ်တိုင်ဂုဏ်ထူးဆောင် လက်မှတ် ချီးမြှင့်ခဲ့သည်။ ''၁၉၄၁ ခုနှစ် ဒီဇင်ဘာလ မှ ၁၉၄၅ ခုနှစ် အောက်တိုဘာလအတွင်း ဗမာ့အရေးတော်ပုံကြီးတွင် ငါနှင့်အတူ ရွပ်ရွပ်ချွံချွံတိုက်ခိုက်ခဲ့သည့် ရဲဘော်၏စွမ်းရည်သတ္တိနှင့် စေတနာတို့ကို ငါမမေ့သည့်အပြင် ရဲဘော်၏စွန့်စားမှုကို လေးစားချီးကျူးသောအားဖြင့် ဤဂုဏ်ထူးဆောင်လက်မှတ်ကို ချီးမြှင့်လိုက်သည်''ဟု အဆိုစာပါတွင် ဖော်ပြထားသည်။

ဗိုလ်ချုပ်လုပ်ကြံခံရမည့်နေ့တွင် ကိုကျော်ညွန့်၏ စိတ်လေးလံနေသည်။ ဗိုလ်ချုပ်နှင့်အတူ လိုက်ပါခွင့်ပြုရန် ဗိုလ်ချုပ်၏အပါးတော်မြဲ ဗိုလ်ထွန်းလှ (စာရေးဆရာတက္ကသိုလ်နေ၀င်း)အား ပြောသည့်အခါ ကလေးတွေသာ အန္တရာယ်ကင်းအောင် ဂရုစိုက်ဖို့ မှာကြားခဲ့သည်။ ကလေးတွေနှင့်အတူနေရသော်လည်း ဗိုလ်ချုပ်အတွက် စိတ်မချနိုင်ခဲ့ပေ။ ဗိုလ်ချုပ်လုပ်ကြံခံခဲ့ရသည်ဟု သတင်းကြားရသည့်အခါတွင် ၀မ်းနည်းကြေကွဲ ရသည်။ ရွှေတောင်ကြီးပြိုခဲ့ပြီဟု ကိုကျော်ညွန့် ခံစားရသည်။

''ဗိုလ်ချုပ်ကျဆုံးတော့ အဘိုးလည်း ဘ၀ပျက်တာပဲ။ ရွာပြန်ခဲ့တယ်။ အခု မင်းအဘွားနဲ့ တွေ့တာပေါ့ကွာ။ အဘိုး ၄၀ ကျော်မှ အိမ်ထောင်ကျတာ။ သူက အဘိုးထက် အနှစ် ၂၀ လောက်ငယ်တယ်''ဟု အဘိုး က အတိတ်ကိုပြန်တွေးရင်း ပြောပြသည်။


၁၉၄၈ ခုနှစ် ဇန်န၀ါ၇ီ ၄ ရက်နေ့တွင် မြန်မာ နိုင်ငံလွတ်လပ်ရေးရရှိသည့်အခါ အဘိုးသည်အညာ ကျေးလက်လေးတွင်သာနေခဲ့သည်။ တပ်မတော်အပေါ် စိတ်မကုန်သေးသည့်အဘိုးသည် သာမန် တပ်သားလေးအဖြစ် တပ်မတော်သို့ပြန်ဝင်ရန် ရန်ကုန်သို့ တကျော့ပြန်လာခဲ့သည်။ ၀န်ကြီးချုပ်ဦးနု၏အစိုးရ အဖွဲ့ကို ရန်ကုန်အစိုးရဟု တင်စားနေကြသည့်ခေတ်တွင် အင်းစိန်၊ ခ၀ဲခြံရှိ KIDO များနှင့် တိုက်ပွဲတွင် ပါဝင်ဆင်နွှဲခဲ့သည်။ ၁၉၄၁ ခုနှစ်မှ ၁၉၇၃ ခုနှစ်အထိ နိုင်ငံတာဝန်ကို ကျေပွန်စွာထမ်းဆောင်ခဲ့သည့်အတွက် လွတ်လပ်ရေးမော်ကွန်းဝင် (ပထမအဆင့်)၊ နိုင်ငံ့ဂုဏ်ရည်(ဒုတိယအဆင့်)တို့ကို ရရှိခဲ့သည်။ အဘိုးဦးကျော် ညွန့်သည် သူရဲကောင်းမှတ်တမ်းဝင်အမှတ် ၃၁ ဖြစ်ပြီး ပြန်တမ်းဝင်အမှတ်မှာ ၁၆၃ ဖြစ်သည်။ ဗုဒ္ဓဘာသာ ကလျာဏယုဝအသင်း(YMBA)၏ အသင်းဝင်တဦးလည်းဖြစ်ပြီး အသင်းဝင်အမှတ်မှာ ရာ/၈၀၆ ဖြစ်သည်။ ကိုယ်ပိုင်အမှတ်မှာ ၂၃၂၂၇၅ ဖြစ်သည်။ သို့သော် မြန်မာ့သမိုင်းတွင် သဲတပွင့်မက ပါဝင်ခဲ့သောအဘိုး၏ ယခုလက်ရှိနေ၀င်ချိန်သည် များစွာအကျည်းတန်လှသည်။

''အောင်ဆန်းစုကြည် အခုလုပ်နေတာဟုတ်တယ်။ သူမှာ အကုန်လုံးအာဏာရှိရင်အောင်မြင်မှာ၊ ခုက တ၀က်ပဲရှိတယ်။ သူ့မှာ အာဏာအပြည့်ရှိရင် မြန်မာပြည်လက်ခမောင်းခတ်ရမယ်။ သူ့ကို ချုပ်ကိုင်ထား တာတွေ ရှိသေးတယ်။ စစ်တပ်က တိုင်းပြည်ကိုကာကွယ်ရမှာဒါပဲ။ တပ်မတော်က အုပ်ချုပ်ရေးလိုင်းနဲ့ ဘာမှမဆိုင်ဘူး။ အဘိုးတို့ခေတ်တုန်းက ဒီလိုပဲ။ တပ်မတော်က နိုင်ငံတော်ကာကွယ်ဖို့၊ အုပ်ချုပ်ဖို့ မဟုတ်ဘူး။ ဗိုလ်ချုပ်ပြောခဲ့တာ စစ်တပ်က စစ်တပ်ပဲ။ ကာကွယ်မယ် ဒါပဲ။ အဘိုးတို့ခေတ်တုန်းကဆိုရင် လစာတောင် မရဘူး။ နိုင်ငံကိုချစ်တဲ့စိတ်နဲ့ ၀င်ခဲ့တာ။ ဘာမှမရဘူး''ဟု လက်ရှိ နိုင်ငံရေးအခြေအနေကို မေးမြန်းရာတွင် မော်ကွန်းဝင်အဘိုးကျော်ညွန့်က ပြန်ဖြေသည်။

လွတ်လပ်ရေးတိုက်ပွဲဝင် မော်ကွန်းဝင်စစ်ပြန်ဟောင်းကြီးအဘိုး၊ လက်ရှိနိုင်ငံခေါင်းဆောင် ကလေးဘ၀အရွယ်က ထိန်းပေးခဲ့ရတဲ့အဘိုး၊ ဗိုလ်ချုပ်ကိုယ်တိုင် လက်မှတ်ထိုး၍ ဂုဏ်ပြုလွှာပေးအပ်ခြင်းခံခဲ့ရ သည့်အဘိုး၊ လွတ်လပ်ရေးမော်ကွန်းဝင် (ပထမ အဆင့်)၊ နိုင်ငံဂုဏ်ရည် (ဒုတိယအဆင့်) ရရှိခဲ့သည့် အဘိုး၊ ထိုထိုသောဂုဏ်ပုဒ်များနှင့် အဘိုးကျော်ညွန့်သည် ယခုအခါ ချောင်ကျကျရပ်ကွက်လေးမှာ ၁၀ ပေ ပတ်လည် အဆောင်သာသာအခန်းလေးကို တလလေးသောင်းခွဲနှင့် ငှား၍နေရသည်။ ဘ၀ကို ဆင်းရဲကြီးစွာ ဖြတ်သန်းနေ ရသည်။ အကျိုးခံစားခွင့်ဆို၍ ပြီးခဲ့သည့်လွတ်လပ်ရေးနေ့ နှစ်ကြိမ်တွင် တကြိမ်လျှင် ၃ သိန်းနှုန်းနှင့် ၆ သိန်း ရရှိခဲ့သည်။ ငှက်သိုက်ဆေးဘူးအနည်းငယ်ရရှိခဲ့သည်။ လူမှုရေးပင်စင် တလတသောင်းရရှိသည်။ ထိုမျှသာ။

အဘိုးဦးကျော်ညွန့်သည် မြန်မာ့လွတ်လပ်ရေးတွင် ကျရာနေရာတွင် ပါဝင်ခဲ့သည်။ အဘိုးသည် လွတ်လပ်ရေးတိုက်ပွဲဝင် မည်သည့်အကျိုးခံစားမှုမှရရှိလို၍ ပါဝင်ခဲ့ခြင်းမဟုတ်ပေ။ အဘိုးဦးကျော်ညွန့်တို့လို ပုဂ္ဂိုလ်များက စွန့်လွှတ်အနစ်နာခံခဲ့သောကြောင့် စာရေးသူတို့တွေ ယခုလိုအေးအေးချမ်းချမ်းနေထိုင် ရခြင်းဖြစ်သည်။ သို့သော် အဘိုးဦးကျော်ညွန့်ကဲ့သို့သော ပုဂ္ဂိုလ်များ လူမသိသူမသိ ဆင်းရဲချို့တဲ့စွာ နေနေကြရသည်။ လောကကြီးမှ တိတ်တဆိတ်ထွက် ခွာနေကြရသည်။ ဒီမိုကရေစီအစိုးရအနေနှင့် ထိုကဲ့သို့ သော ပုဂ္ဂိုလ်ကြီးများကို ရှာဖွေဖော်ထုတ်၍ သူကောင်းပြုသင့်ပေသည်။ အဘိုးကျော်ညွန့်ကဲ့သို့ ပုဂ္ဂိုလ်ကြီး များသည် ယခုအခါ နိုင်ငံတ၀န်းလုံးတွင် လက်ချိုးရေတွက်နိုင်သည်အထိ တဦးစ၊ နှစ်ဦးစသာရှိတော့သည်။ အဘိုးဘ၀နေ၀င်ချိန်သည် ယခုထက်ပို၍ လှပနိုင်ပါစေကြောင်း ဆုတောင်းအပ်ပါသည်။

သားချမ်းမြတ်

COMMENTS

Name

art,1,article,1344,cartoon variety,22,crime,70,culture,1,documentary,9,Entertainment,9,health,36,history,2,international,8575,interview,223,knowledge,9,Live,8,LocalNews,17549,news,2842,opinion,781,photos,203,poem,117,satires,39,song,12,speech,12,sports,193,statement,59,technic,59,translate,34,video,1073,voice,76,
ltr
item
dawnmanhon: ဒေါ်အောင်ဆန်းစုကြည်ကို ကလေးဘ၀က ထိန်းခဲ့ဖူးတဲ့ အဘိုးဦးကျော်ညွန့်
ဒေါ်အောင်ဆန်းစုကြည်ကို ကလေးဘ၀က ထိန်းခဲ့ဖူးတဲ့ အဘိုးဦးကျော်ညွန့်
https://4.bp.blogspot.com/-ZKOoycHXbR0/WxyAGWGE31I/AAAAAAAAe-A/Cu_JbW1TgjgZYvYHbQV93AvGGjgBSEqlACLcBGAs/s400/q1.jpg
https://4.bp.blogspot.com/-ZKOoycHXbR0/WxyAGWGE31I/AAAAAAAAe-A/Cu_JbW1TgjgZYvYHbQV93AvGGjgBSEqlACLcBGAs/s72-c/q1.jpg
dawnmanhon
http://www.dawnmanhon.com/2018/06/blog-post_339.html
http://www.dawnmanhon.com/
http://www.dawnmanhon.com/
http://www.dawnmanhon.com/2018/06/blog-post_339.html
true
4976479704313592870
UTF-8
Loaded All Posts Not found any posts VIEW ALL Readmore Reply Cancel reply Delete By Home PAGES POSTS View All RECOMMENDED FOR YOU LABEL ARCHIVE SEARCH ALL POSTS Not found any post match with your request Back Home Sunday Monday Tuesday Wednesday Thursday Friday Saturday Sun Mon Tue Wed Thu Fri Sat January February March April May June July August September October November December Jan Feb Mar Apr May Jun Jul Aug Sep Oct Nov Dec just now 1 minute ago $$1$$ minutes ago 1 hour ago $$1$$ hours ago Yesterday $$1$$ days ago $$1$$ weeks ago more than 5 weeks ago Followers Follow THIS PREMIUM CONTENT IS LOCKED STEP 1: Share. STEP 2: Click the link you shared to unlock Copy All Code Select All Code All codes were copied to your clipboard Can not copy the codes / texts, please press [CTRL]+[C] (or CMD+C with Mac) to copy