နိုင်ငံတော်၏အတိုင်ပင်ခံပုဂ္ဂိုလ် ဒေါ်အောင်ဆန်းစုကြည် (၇၁)နှစ်မြောက် ကချင်ပြည်နယ်နေ့ အခမ်းအနားသို့တက်ရောက်






မြစ်ကြီးနား၊ ဇန်နဝါရီ ၁ဝ

ကချင်ပြည်နယ် မြစ်ကြီးနားမြို့၌ ရောက်ရှိနေသည့် နယ်စပ်ဒေသနှင့် တိုင်းရင်းသား လူမျိုးများ ဖွံ့ဖြိုးတိုးတက်ရေးဗဟိုကော်မတီဥက္ကဋ္ဌ နိုင်ငံတော်၏အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်သည် ပြည်ထောင်စုဝန်ကြီး ဒုတိယဗိုလ်ချုပ်ကြီး ကျော်ဆွေ၊ ဒုတိယဗိုလ်ချုပ်ကြီး ရဲအောင်၊ ဦးမင်းသူ၊ ဦးအုန်းဝင်း နှင့် ဒေါက်တာဝင်းမြတ်အေး၊ ပြည်နယ်ဝန်ကြီးချုပ် ဒေါက်တာခက်အောင်၊ ဒုတိယဝန်ကြီး ဦးလှမော်ဦး၊ ပြည်နယ်ဝန်ကြီးများ၊ တာဝန်ရှိသူများနှင့်အတူ ယနေ့ နံနက် ၉ နာရီတွင် မြစ်ကြီးနားမြို့ စီတာပူရပ်ကွက် မနောဝင်းအတွင်း ကျင်းပသည့် (၇၁)နှစ်မြောက် ကချင်ပြည်နယ်နေ့ အခမ်းအနားသို့ တက်ရောက်သည်။

အခမ်းအနားသို့ နိုင်ငံတော်၏အတိုင်ပင်ခံပုဂ္ဂိုလ်ဦးဆောင်သည့်အဖွဲ့ဝင်များနှင့် အတူ မြောက်ပိုင်းတိုင်းစစ်ဌာနချုပ်တိုင်းမှူး ဗိုလ်ချုပ် တေဇကျော်၊ လွှတ်တော်ကိုယ်စားလှယ်များ၊ မနောပွဲဖြစ်မြောက်ရေး ကော်မတီဝင်များ၊ တိုင်းရင်းသားမျိုးနွယ်စုများ၊ ဖိတ်ကြားထားသည့် ဧည့်သည်တော်များ၊ ဒေသခံပြည်သူများနှင့် တာဝန်ရှိသူများတက်ရောက်ကြသည်။

အခမ်းအနားတွင် ပြည်နယ်ဝန်ကြီးချုပ် ဒေါက်တာခက်အောင် က ပြည်ထောင်စု သမ္မတမြန်မာနိုင်ငံတော် နိုင်ငံတော်သမ္မတ ဦးဝင်းမြင့် ကပေးပို့သည့် (၇၁)နှစ်မြောက် ကချင်ပြည်နယ်နေ့ ဂုဏ်ပြုသဝဏ်လွှာ ကို ဖတ်ကြားသည်။

ထို့နောက် နိုင်ငံတော်၏အတိုင်ပင်ခံပုဂ္ဂိုလ် ဒေါ်အောင်ဆန်းစုကြည် က ဂုဏ်ပြုအမှာ စကားပြောကြားရာတွင် “ကချင်ပြည်နယ်နေ့အခမ်းအနားကို ကြွရောက်လာကြတဲ့ ကျွန်မ တို့ရဲ့ ပြည်ထောင်စုသားသမီးတွေ အားလုံးကို ကြိုဆိုနှုတ်ခွန်းဆက်ပါတယ်။ ဒီလို တိုင်းရင်း သားမျိုးစုံ စုဝေးနိုင်တယ်ဆိုတာ ကျွန်မတို့နိုင်ငံရဲ့ ဂုဏ်သိက္ခာလည်းဖြစ်ပါတယ်။ ဂုဏ်ယူ စရာ၊ ဝမ်းသာစရာကိစ္စတစ်ခုလည်းဖြစ်ပါတယ်။ ကျွန်မတို့နိုင်ငံမှာ ငြိမ်းချမ်းရေး လိုအပ်မှုနဲ့ ပတ်သက်လို့ နိုင်ငံတော်သမ္မတ ဦးဝင်းမြင့်က သဝဏ်လွှာထဲမှာ အထူးပြော ကြားသွားပြီဆို တော့ ကျွန်မအနေနဲ့ ထပ်ပြီးမပြောကြားတော့ပါဘူး။ ကျွန်မ ပြောကြား ချင်တာကတော့ ဒီမနောကွင်းကြီးထဲစုဝေးတဲ့အခါ မနောပွဲတွေရဲ့ ဇာစ်မြစ်ကို ပြန်ပြီးစဉ်း စားစေချင်ပါတယ်။ မနောပွဲတွေရဲ့ ဇာစ်မြစ်ဟာနတ်ကိုးကွယ်မှုနဲ့ ပတ်သက်နေပါတယ်။ ကိုးကွယ်တယ်ဆိုတာ ဘာကြောင့်ကိုးကွယ်တာလဲ။ နတ်တွေကို ကိုးကွယ်ကြတယ်။ ကိုယ်ယုံကြည်တဲ့ ဘုရား တွေ၊ ဘာသာတွေကို ကိုးကွယ်ကြတယ်။

“ကိုးကွယ်ခြင်းဆိုတာ အားကိုးခြင်းပါပဲ။ နတ်တွေ ကိုးကွယ်တယ်၊ နတ်တွေကို အားကိုးတယ်။ ဘုရားသခင်ကိုအားကိုးတယ်၊ ဘုရားသခင်၊ နတ်၊သိကြားတွေကတော့ ကျွန်မတို့ လူသားတွေကို မိမိကိုယ်မိမိအားကိုးစေချင်ကြပါတယ်။ မိမိကိုယ်မိမိ အားကိုး စေနိုင်တဲ့ အစွမ်းသတ္တိတွေ မွေးမြူဖို့ဆိုတာ ပြည်ထောင်စုတိုင်းရင်းသားအားလုံးရဲ့ တာဝန်ဖြစ်ပါတယ်။ ဒီလိုအစွမ်းသတ္တိတွေရှိမှ ကျွန်မတို့နိုင်ငံကိုကျွန်မတို့ လိုချင်တဲ့တိုင်း ပြည်ကြီးတစ်ခုဖြစ်အောင် တည်ထောင်နိုင်မှာပါ။

“နိုင်ငံတော်အစိုးရဖြစ်စေ၊ ပြည်နယ်အစိုးရဖြစ်စေ၊ အစုအဖွဲ့တွေကခေါင်းဆောင် တွေပဲဖြစ်စေဦးဆောင်မှုပေးတဲ့ ပုဂ္ဂိုလ်တိုင်းဟာနေ၊ လကဲ့သို့ ကျင့်သုံးရမယ်ဆိုတဲ့ အဆို လည်းရှိပါတယ်။ နေဆိုတာမနက်ထွက်လာတဲ့အခါ အလင်းရောင်ပေးတယ်။ အလင်း ရောင်ပေးလို့ ရှေးခေတ်လူသားတွေက နေကိုပဲမျှော်ပြီးနေကြရတယ်။ တစ်ညတာပြီး သွားရင် အလင်းရောင်မှ လာပါ့မလားဆိုပြီးစိုးရိမ်ပူပန်ကြရတယ်။

“နေထွက်လာတယ်ဆိုတာ အလင်းရောင်ရတယ်။ ရာသီဥတုချမ်းအေးတဲ့နေရာ တွေမှာဆိုရင် အနွေးဓာတ်ရတယ်။ ဒါပေမယ့် နေကတိုက်ရိုက်ထိုးနေရင်တော့ မသက် သာဘူး။ ဒါကြောင့် ဦးဆောင်မှုပေးတဲ့လူတွေကနေလို လလိုကျင့်သုံးရမယ်ဆိုတာ နေလိုကျင့်သုံးတဲ့နေရာမှာ အလင်းရောင်ပေးဖို့၊ နွေးထွေးမှုပေးဖို့ဖြစ်တယ်။ တိုက်ရိုက် ကြီးထိုးပြီးမျက်စိမသက်မသာဖြစ်အောင်လုပ်ဖို့မဟုတ်ဘူး။ ဒါကိုဦးဆောင်မှုပေးတဲ့သူ အားလုံးက နှလုံးသွင်းဖို့လိုပါတယ်။

“လလိုကျင့်သုံးရမယ်ဆိုတာ နေမရှိတဲ့အခါမှာ၊ နေဝင်သွားတဲ့အခါမှာ ရှေးလူသား တွေဟာ လကိုအားကိုးရတယ်။ လကိုအားကိုးတော့ လနဲ့နေမတူတာက လကနေ့တိုင်း ထွက်တာမဟုတ်ဘူး။ နေကလည်း နေတိုင်းထွက်တယ်ဆိုပေမယ့် မိုးအုံ့တဲ့အခါ၊ နှင်း တွေသိပ်သည်းတဲ့အခါ နေရောင်ခြည်ကို ရတာမဟုတ်ဘူး။ လကျတော့ လကွယ်ရက်၊ လပြည့်ရက်၊ ကြားရက်တွေရှိတယ်။ ဒါပေမယ့် ဘယ်တော့မဆို လကိုအချိန်မှန်မှန် ပြန်ပြီး ပေါ်ထွက်လာမယ်ဆိုပြီး လူသားတွေကမှန်းလို့ရတယ်။ လဆိုတာ တဖြည်းဖြည်း ဆန်းလာ တယ်၊ နောက်ပြီးလကြီးက ပြည့်လာတယ်၊ ပြည့်ပြီးတော့ တဖြည်းဖြည်းဆုတ် လာတယ်၊ ဆုတ်ပြီးတော့ ကွယ်သွားတယ်။ ကွယ်ပြီးရင်လည်းပြန်ပြီးတော့ ပေါ်လာတယ်။ လူသားတွေ က ခန့်မှန်းနိုင်တဲ့အခါ လကသစ္စာရှိတယ်လို့ ဆိုလို့ရတယ်။ လရဲ့သစ္စာကို ယုံကြည်ကြ တယ်။

ဒီအတိုင်းပဲ ဦးဆောင်မှုပေးတဲ့လူတွေဟာ ကိုယ်ဦးဆောင်မှုပေးတဲ့သူတွေက ကိုယ့်ရဲ့သစ္စာတရားအပေါ်မှာ ယုံကြည်အောင် လုပ်နိုင်ရမယ်။ စကားတည်ရမယ်၊ ကိုယ် လုပ်ပေးမယ်လို့ပြောတဲ့ ကိစ္စတွေကို ဖြစ်မြောက်အောင် လုပ်ပေးရမယ်။ သူ့အချိန်နဲ့ သူမျှော်မှန်းချက်တွေကို ဖြည့်ဆည်းပေးရမယ်။ ဒါကြောင့် ကျွန်မတို့ ပြည်ထောင်စုသား အားလုံးဟာ တစ်နည်းအားဖြင့် လူတိုင်းဟာ ခေါင်းဆောင်ပဲဖြစ်တယ်။ လူတိုင်းဟာ နောက်လိုက်လည်းဖြစ်တယ်။ နောက်လိုက်လုပ်ရမယ့်အချိန်မှာ နောက်လိုက်လုပ်ရ တယ်။ ခေါင်းဆောင်လုပ်ရတဲ့အချိန်မှာ ခေါင်းဆောင်လုပ်ရတယ်။ အဲဒီလိုလုပ်မယ် ဆိုရင် ကျွန်မတို့ဟာ တစ်ယောက်နဲ့တစ်ယောက်အပေါ် အားကိုးနိုင်ခြင်းဟာ နတ်တွေ၊ ဘုရားတွေရဲ့ သဘောကျလည်းဖြစ်ပါတယ်။ နတ်တွေ၊ ဘုရားတွေ၊ သိကြားတွေက လည်း လူသားတွေဟာ ကိုယ့်ကိုယ်ကို မှန်မှန်ကန်ကန် အားကိုးနိုင်တဲ့ အခြေအနေကို ဖြစ်စေမယ်လို့ ယုံကြည်ပါတယ်။ ဒီလိုကချင်ပြည်နယ်နေ့မှာ မနောကွင်းမှာ စုစည်းပြီး ကချင်ပြည်နယ်နေ့ကို ကျင်းပနိုင်တယ်ဆိုတာ ကျွန်မတို့အားလုံးတစ်ဦးကို တစ်ဦးအား ကိုးပြီးတော့ တစ်ဦးရဲ့အင်အားကို တစ်ဦးကယူပြီး တစ်ဦးရဲ့အင်အားကို တစ်ဦးက ဖြည့်ဆည်းပေးပြီး ပြည်ထောင်စုကြီးရဲ့လမ်းကို ဆက်ပြီးလျှောက်သွားမယ်ဆိုတဲ့ သင်္ကေတလို့ ကျွန်မကယူဆပါတယ်။

“ဒါကြောင့် ကျွန်မတို့ တိုင်းရင်းသားတွေဟာ တစ်ဖက်နဲ့တစ်ဖက် ပြန်ကြည့်လိုက် ရင် ဝတ်စုံတွေကလည်း မတူပါဘူး။ ဒီလိုတိုင်းရင်းသားတွေ စုစည်းပြီး ဝတ်စုံပေါင်း မြောက်များစွာနဲ့ တွေ့ရတဲ့အခါ ကျွန်မဝမ်းသာတယ်။ ဒါဟာ ကျွန်မတို့နိုင်ငံပဲ၊ ကျွန်မ တို့ရဲ့ပြည်ထောင်စုပဲ၊ ပြည်ထောင်စုဖွားတိုင်းရင်းသားတွေဟာ တစ်ဦးနဲ့တစ်ဦး မတူပေ မယ့် တစ်ဦးချင်း၊ တစ်ဦးချင်းဟာ သူ့ရဲ့လှပပုံလှပနည်းနဲ့ လှပနေကြတယ်။

“ဒီလိုစုစည်းမှုရှိလို့သာ ကျွန်မတို့နိုင်ငံဟာ ပြည်ထောင်စုကြီးဖြစ်နေတယ်။ ဒီ ပြည်ထောင်စုဟာ ကျွန်မတို့လိုလားတဲ့ ဒီမိုကရေစီဖက်ဒရယ် ပြည်ထောင်စု အစစ်အမှန် မဖြစ်သေးဘူး။ ဒါကို ဖြစ်အောင်လို့ ကျွန်မတို့နိုင်ငံတော် အစိုးရသာမက ပြည်သူလူထု တွေအားလုံး ဝိုင်းဝန်းပြီးတော့ကြိုးစားဖို့လိုတယ်။ အစိုးရတစ်ခုတည်းကိုပဲ အားကိုးတယ် ဆိုတာ ဒီမိုကရေစီမဆန်ပါဘူး။ တကယ်တော့ ဒီမိုကရေစီဆိုတာ ပြည်သူလူထုပေါ်မှာ အခြေခံတဲ့စနစ်မို့ ပြည်သူလူထုရဲ့ အားကိုအစိုးရတွေကပြန်ပြီးအားကိုးရပါတယ်။

“ကျွန်မတို့စုစည်းတဲ့အခါ ဘယ်တိုင်းရင်းသားအတွက် ဘယ်နေ့သာဖြစ်တယ် ဆိုတဲ့ စိတ်ဓာတ်မဟုတ်ဘဲ အခုကချင်ပြည်နယ်နေ့ဆိုရင် ကချင်ပြည်နယ်ထဲရှိတဲ့ တိုင်းရင်းသား ပေါင်းစုံနဲ့ သက်ဆိုင်တဲ့နေ့လည်း ဖြစ်ပါတယ်။ ကချင်ပြည်နယ်နေ့ ပေါ်ပေါက်လာတာ လည်း လွတ်လပ်ရေးနဲ့တစ်နှစ်တည်း ပေါ်ပေါက်လာတာပါ။ ဒါကြောင့် ကျွန်မတို့နိုင်ငံရဲ့ လွတ်လပ်ရေးသင်္ကေတလည်း ဖြစ်တယ်လို့ ပြောရင်လည်း မမှားဘူး။ ပထမဦးဆုံးက ချင်ပြည်နယ်နေ့ကို တက်ရောက်တဲ့ သမ္မတကြီးစပ်ရွှေသိုက် ဟာရှမ်းတိုင်းရင်းသားဖြစ် တယ်။ ဒီဟာကလည်း ပြည်ထောင်စုရဲ့ အနေအထားကို ဖော်ပြတာပဲ၊ ပထမဦးဆုံး ကချင်ပြည်နယ်နေ့ကိုတက်ရောက်တဲ့ သမ္မတကြီးဟာရှမ်း တိုင်းရင်းသား ဖြစ်တယ်ဆိုတာ တိုင်းရင်းသားလူမျိုးစုတွေအားလုံးရဲ့ နေ့ဖြစ်တယ်ဆိုတဲ့ အဓိပ္ပါယ်ပါပဲ။ ဘယ်တိုင်းရင်းသား နေ့ဖြစ်ဖြစ်၊ ဘယ်ပြည်နယ်နေ့ဖြစ်ဖြစ် ကျွန်မတို့ ပြည်ထောင်စုဖွားတိုင်းရင်းသားတွေနဲ့ သက်ဆိုင်ပါတယ်။

“လူတစ်ဦးရဲ့ ခန္ဓာမှာလက်သန်းနဲ့ ခေါင်းနဲ့ ဘယ်ဟာပိုအရေးကြီးလဲဆိုရင် ခေါင်းကအရေးကြီးတယ်လို့ပြောပေမယ့် လက်သန်းနာရင်လည်းခေါင်းကသိတယ်၊ ခေါင်းနာရင်လည်းတစ်ကိုယ်လုံးကသိတယ်။ ဒါကြောင့် အားလုံးဟာတစ်ဦးပေါ် တစ်ဦး နားလည်မှုရှိပြီး တစ်ဦးရဲ့နာကျင်မှုဟာနောက်တစ်ဦးနဲ့လည်း ဆိုင်တယ်ဆိုတဲ့ စိတ်မွေး ဖို့လိုပါတယ်။ ကျွန်မတို့နိုင်ငံသာအေးချမ်းသွားမယ်ဆိုရင်၊ နိုင်ငံအတွင်းမှာ ငြိမ်းချမ်းရေး ရမယ်ဆိုရင် သမ္မတကြီးမိန့်ဆိုခဲ့တဲ့အတိုင်း ဆယ်နှစ်အတွင်းတောင် မဟုတ်ဘူး၊ တစ်နှစ်အတွင်းတောင် သိသိသာသာအပြောင်းအလဲတွေ မြင်ရမယ်လို့ ယုံကြည်တယ်။ ပြည်တွင်းစစ်မီးတွေ အားလုံးငြိမ်းသွားပြီးတာနဲ့ တစ်နှစ်အတွင်းမှာအပြောင်းအလဲတွေ ကို သိသိသာသာမြင်ရလိမ့်မယ်။

“ကျွန်မတို့လိုချင်တဲ့ ခိုင်မာတဲ့အခြေအနေကိုတော့ သမ္မတကြီးမိန့်ဆိုတဲ့အတိုင်း ပဲဆယ်စုနှစ်တစ်စုတော့ သေသေချာချာကြိုးစားပြီးစနစ်တကျခိုင်မြဲအောင် လုပ်ဖို့က အားလုံးရဲ့ တာဝန်ဖြစ်ပါတယ်။ ခရီးတစ်ခုကိုစဖို့ဆိုတာ ပထမခြေလှမ်းကအရေးအကြီး ဆုံးပါ။ ပြည်ထောင်စုကြီးတကယ်ခိုင်မာ၊ ဖွံ့ဖြိုးတိုးတက်ဖို့အတွက် စပြီးတော့လှမ်းမယ့် ခြေလှမ်းက ငြိမ်းချမ်းရေးခြေလှမ်း ဖြစ်တယ်ဆိုတာထပ်ပြီးတော့ သတိပေးပါရစေ။ ဒါကလည်းအမြဲပဲကြုံတိုင်းသတိပေးတဲ့ကိစ္စမို့ အထွေအထူးပြောဖို့မလိုပါဘူး။

“နိဂုံးအနေနဲ့ပြောချင်တာက ဒီလိုစုရုံးတဲ့အချိန်မှာပျော်ရွှင်တဲ့အချိန်အခါ တစ်ခုဖြစ် စေချင်ပါတယ်။ အားလုံးစိတ်ဓာတ်တက်ကြွဖို့်၊ အင်အားပြည့်ဝဖို့ အားလုံးကပျော်ပျော် ရွှင်ရွှင် မုဒိတာစိတ်နဲ့ တစ်ဦးရဲ့ပျော်ရွှင်မှုအတွက် တစ်ဦးက ဝမ်းသာတတ်ဖို့ အဲဒီလိုစိတ် နဲ့ စုစည်းတဲ့နေ့မျိုး၊ အခမ်းအနားမျိုးဖြစ်စေချင်ပါတယ်။ ကျွန်မအမြဲတမ်းဂုဏ်ယူတဲ့ ကိစ္စကငယ်ငယ်ကအိမ်ဧည့်ခန်းနံရံမှာချိတ်ထားတဲ့ဓာတ်ပုံတစ်ခုပါ။ မြစ်ကြီးနားမှာ ဖေဖေက ကချင်အမျိုးသမီးတွေနဲ့ ရိုက်ထားတဲ့ပုံပါပဲ။ အမျိုးသမီးတွေနဲ့ ရိုက်ထားလို့ ဂုဏ်ယူတာမဟုတ်ဘူး။ ဖေဖေကရွှင်ရွှင်ပြပြနဲ့ပြုံးရယ်ပြီး ရိုက်ထားတဲ့ပုံမို့ပါ။ ဒီလို တိုင်းရင်းသားတွေနဲ့အတူ လက်တွဲပြီးတော့ ဘဝကို ရင်ဆိုင်ရတာဟာပျော်ရွှင်ဖွယ်ရာ ကောင်းတယ်၊ ကျေနပ်စရာကောင်းတယ်ဆိုတာပြနေတာပဲဖြစ်တယ်။ ဘာဖြစ်လို့ ဖေဖေက ဒီလောက်ပြုံးနေတာလည်းဆိုတာ ကျွန်မမေးဖူးပါတယ်။ ကျွန်မကိုပြောတာ တော့ ဓာတ်ပုံရိုက်တဲ့အခါ တစ်ယောက်ကစတယ်တဲ့၊ ဗိုလ်ချုပ်ကတော်တွေ့ရင် စိတ်ဆိုးတော့မှာပဲ၊ ဗိုလ်ချုပ်ကို ကချင်အမျိုးသမီးတွေ ဝန်းရံပြီး ရိုက်ထားတာတွေ့ရင် စိတ်ဆိုးတော့မှာပဲဆိုပြီးပြောလို့ ဖေဖေကပြုံးတယ်လို့ဆိုပါတယ်။

“ကျွန်မတို့အားလုံးဒီလိုနေ့မျိုးဟာပြုံးရွှင်စရာနေ့မျိုး၊ ညီရင်းအစ်ကိုမောင်နှမတွေ အားလုံးပြန်ပြီးစုံကြတဲ့အခါမှာရွှင်လန်းစရာ၊ စိတ်ချမ်းသာစရာနေ့တစ်မျိုးလို့ နှလုံးသွင်း ပြီးဒီနေ့ ကချင်ပြည်နယ်နေ့မှာ ပြည်ထောင်စုသားအားလုံး၊ ပြည်ထောင်စုသားသမီးတွေ အားလုံးကျန်းမာကြပါစေ၊ ချမ်းသာကြပါစေ၊ ဘေးအန္တရာယ်တွေ ကင်းရှင်းပြီး ကောင်း ကျိုးလိုရာဆန္ဒအဝဝနဲ့ ပြည့်စုံကြပါစေ၊ နှလုံးစိတ်ဝမ်းအေးချမ်းကြပါစေလို့ ဆုတောင်း မေတ္တာပို့လိုက်ပါတယ်။” ဟု ပြောကြားသည်။

ယင်းနောက် သိက္ခာတော်ရဆရာတော် ဂျုံးခေါင် က ကောင်းချီးမင်္ဂလာဆုတောင်း ပေးသည်။

ထို့နောက် နိုင်ငံတော်၏အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်၊ နယ်စပ်ရေးရာ ဝန်ကြီးဌာန ပြည်ထောင်စုဝန်ကြီး ဒုတိယဗိုလ်ချုပ်ကြီး ရဲအောင်၊ ပြည်နယ်ဝန်ကြီးချုပ် ဒေါက်တာခက်အောင်၊ ကချင်လူမျိုးများ ရိုးရာယဉ်ကျေးမှု ဗဟိုကော်မတီဥက္ကဋ္ဌ ဦးထုံဖူးဒဂုံ နှင့် ပွဲတော်ဖြစ်မြောက်ရေးကော်မတီဥက္ကဋ္ဌ ဦးကင်ရောတန်ဂွန်းတို့က (၇၁) နှစ်မြောက် ကချင်ပြည်နယ်နေ့ အထိမ်းအမှတ်ဂုဏ်ပြုမနောအကဆင်နွဲနိုင်ရန် မနောဝင်းကို ဖဲကြိုး ဖြတ်၍ဖွင့်လှစ်ပေးကြပြီး ရိုးရာယဉ်ကျေးမှုအဖွဲ့များနှင့်အတူ မနောပွဲကို ပါဝင်ဆင်နွဲကြ သည်။

ထို့နောက် နိုင်ငံတော်၏အတိုင်ပင်ခံပုဂ္ဂိုလ် သည် မနောအိမ်တော်သို့ရောက်ပြီး ကချင်ရိုးရာယဉ်ကျေးမှုအဖွဲ့အကြီးအကဲများ၊ မနောပွဲဖြစ်မြောက်ရေးကော်မတီဝင်များနှင့် တွေ့ဆုံသည်။

တွေ့ဆုံပွဲတွင် နိုင်ငံတော်၏ အတိုင်ပင်ခံပုဂ္ဂိုလ်အား ရိုးရာယဉ်ကျေးမှုအဖွဲ့ဝင်များက ကချင်ရိုးရာယဉ်ကျေးမှု မဂွန်းလစ် အစီအစဉ်ဖြင့် ဂါရဝပြု ကြသည်။

ယင်းနောက် ကချင်လူမျိုးများရိုးရာယဉ်ကျေးမှု ဗဟိုကော်မတီ ဥက္ကဋ္ဌ ဦးထုံဖူးဒဂုံနှင့် ဒုတိယဥက္ကဋ္ဌ ဦးဖော်ရန်ဘောက်တောင် တို့က နိုင်ငံတော်၏အတိုင်ပင်ခံပုဂ္ဂိုလ် ဒေါ်အောင်ဆန်းစုကြည် ထံ ဂါရဝပြုလက်ဆောင် မဂွန်းလစ် နှင့် (၇၁)နှစ်မြောက် ကချင် ပြည်နယ်နေ့ အထိမ်းအမှတ် ပန်းချီကား ကိုပေးအပ်ကြသည်။

ထို့နောက် နိုင်ငံတော်၏အတိုင်ပင်ခံပုဂ္ဂိုလ်သည် ကြိုဆိုရေးအဖွဲ့ဝင်များနှင့် မှတ် တမ်းတင်ဓာတ်ပုံရိုက်ပြီး တွေ့ဆုံပွဲသို့ တက်ရောက်လာကြသည့် ကချင်ရိုးရာယဉ် ကျေးမှု အဖွဲ့ အကြီးအကဲများ၊ မနောပွဲတော်ဖြစ်မြောက်ရေးကော်မတီဝင်များအား တစ်ဦးချင်း ရင်းရင်းနှီးနှီးနှုတ်ဆက်သည်။

ယင်းနောက် နိုင်ငံတော်၏အတိုင်ပင်ခံပုဂ္ဂိုလ် ဒေါ်အောင်ဆန်းစုကြည် နှင့် အဖွဲ့ဝင် များသည် ကချင်ရိုးရာယဉ်ကျေးမှုအဖွဲ့အကြီးအကဲများ၊ မနောပွဲတော်ဖြစ်မြောက်ရေး ကော်မတီဝင်များနှင့် မှတ်တမ်းတင်ဓာတ်ပုံရိုက်သည်။

မွန်းလွဲပိုင်းတွင် နိုင်ငံတော်၏အတိုင်ပင်ခံပုဂ္ဂိုလ် သည် မြစ်ကြီးနားမြို့ရှိ ဘာသာရေး ခေါင်းဆောင်ကိုယ်စားလှယ်များနှင့် တိုင်းရင်းသားမျိုးနွယ်စု ကိုယ်စားလှယ်များအား Palm Spring ဟိုတယ်၌ တွေ့ဆုံသည်။

တွေ့ဆုံစဉ် KBC နှစ်ခြင်းအသင်းတော် တွဲဖက်အတွင်းရေးမှူး သိက္ခာတော်ရဆရာ ဦးဇယ်ခေါင်၊ ရိုမန်ကက်သလစ်အသင်းတော် သာသနာတော်အတွင်းရေးမှူး ဘုန်တော်ကြီး ဦးလွမ်ဒေါင်၊ ပြည်နယ်သာသနာ့နုဂ္ဂဟအသင်း ဥက္ကဋ္ဌ ဦးညွှန့်ရွှေ၊ ကချင်ပြည်နယ် ငြိမ်းချမ်း မေတ္တာအဖွဲ့ ဒုတိယဥက္ကဋ္ဌ ဦးခင်အောင်၊ မြန်မာနိုင်ငံလုံးဆိုင်ရာဂေါ်ရခါး/ ဟိန္ဒူဓမ္မအဖွဲ့ခွဲ (မြစ်ကြီးနား) ဥက္ကဋ္ဌ ဦးလုပ်ဗဟာဒူး၊ ဂျိန်ဖော့မျိုးနွယ်စု အတွင်းရေးမှူး ဒူဝါအင်ဘောဘွမ်၊ တိုင်းဆာမျိုးနွယ်စုမှ ဦးစိုင်းမြင့်ကျော်နှင့် ဗမာမျိုးနွယ်စုဥက္ကဋ္ဌ ဦးသန်းနိုင် တို့က နိုင်ငံတော်အစိုးရကဆောင်ရွက်ပေးစေလိုသည့် လိုအပ်ချက်များကို ရှင်းလင်းတင်ပြကြသည်။

ရှင်းလင်းတင်ပြချက်များနှင့်စပ်လျဉ်း၍ နိုင်ငံတော်၏အတိုင်ပင်ခံပုဂ္ဂိုလ် က ချက်ချင်း ဖြည့်ဆည်းပေးနိုင်မည့်တင်ပြချက်များ၊ အမြန်ဆုံးဆောင်ရွက်ပေးနိုင်မည့်တင်ပြချက်များနှင့် အချိန်ယူအလေးအနက်ထား ဆောင်ရွက်ရမည့်တင်ပြချက်များနှင့်စပ်လျဉ်း၍ ပြန်လည်ရှင်း လင်းပြောကြားပြီး ဘာသာရေးခေါင်းဆောင်ကိုယ်စားလှယ်များနှင့် တိုင်းရင်းသားမျိုးနွယ်စု ကိုယ်စားလှယ်များ၏ တင်ပြချက်များသည် ပွင့်လင်းစွာတင်ပြခြင်းဖြစ်သည့်အတွက် များစွာ ဝမ်းမြောက်မိပါကြောင်း၊ ယခုကဲ့သို့ တင်ပြခြင်းသည် မိမိတို့အပေါ်ယုံကြည်မှုရှိ၍ တင်ပြခြင်း ဖြစ်သည်ဟု မှတ်ယူပါကြောင်း၊ မည်သည့်ကိစ္စရပ်မဆို ပွင့်ပွင့်လင်းလင်းဆွေးနွေးညှိနှိုင်းမှ သာဖြေရှင်းနိုင်မည့်ဖြစ်ပါကြောင်း၊ ကချင်ပြည်နယ်အတွင်း ဘာသာမတူ လူမျိုးစုမတူသော် လည်း ယခုကဲ့သို့ သင့်သင့်မြတ်မြတ် ယှဉ်တွဲနေထိုင်လုပ်ကိုင်လျှက်ရှိကြသည်ကို မြင်တွေ့ရ၍ များစွာဝမ်းမြောက်မိပါကြောင်း၊ ဤသည်မှာ ပြည်ထောင်စုစိတ်ဓာတ်ပင်ဖြစ်ပါ ကြောင်း၊ မိမိတို့အနေဖြင့် တင်ပြချက်များအပေါ် ဆောင်ရွက်ပေးနိုင်သည်များကို အမြန်ဆုံး ဆောင်ရွက်ပေး သွားမည်ြ့ဖစ်ပါကြောင်း။

မိမိတို့အနေဖြင့် ပြည်သူကိုမလုပ်ပေးနိုင်ဘဲနှင့် လုပ်ပေးမည်ဟု ကတိမပြုပါကြောင်း၊ ကတိပေးထားလျှင်လည်း ဖြစ်မြောက်အောင်လုပ်ပေးမည်သာဖြစ်ပါကြောင်း၊ လုပ်ပေးနိုင် သည်ကိုသာ ကတိပေးပါကြောင်း၊ နိုင်ငံတော်အစိုးရအနေဖြင့် အခြားပြည်နယ်နှင့် တိုင်းဒေသကြီးများအတွက်ကိုပါ တစ်နိုင်ငံလုံးအတိုင်းအတာဖြင့် မျှမျှတတဆောင်ရွက် ပေးသွားမည့်ဖြစ်ပါကြောင်း၊ ကချင်ပြည်နယ် စည်းလုံးညီညွှတ်ရေးအ တွက်ယနေ့လာရောက် သည့် ကိုယ်စားလှယ်ကြီးများ၏ ပူးပေါင်းဆောင်ရွက်မှုမှာ အလွန်အ ရေးကြီးပါကြောင်း၊ ယခုလို အချိန်ပေး၍ လာရောက်ကြသည့်အတွက်ကျေးဇူးတင်ရှိပါ ကြောင်း၊ လိုအပ်ချက် များကို ပွင့်ပွင့်လင်းလင်းတင်ပြကြသည့်အတွက် ကျေးဇူးတင်ပါကြောင်းပြောကြားပြီး တွေ့ဆုံပွဲကို ရုပ်သိမ်းလိုက်သည်။

ညနေပိုင်းတွင် နိုင်ငံတော်၏အတိုင်ပင်ခံပုဂ္ဂိုလ် သည် အမှတ်(၁)အခြေခံပညာအ ထက်တန်းကျောင်းသို့ရောက်ရှိပြီး အဆိုပါကျောင်း (မလိခ)ဆောင်တွင် ပညာသင်ကြား လျက်ရှိသည့် နဝမတန်းကျောင်းသားကျောင်းသူများ၊ (ဆွမ်ပရာဘွမ်)ဆောင်တွင် ပညာ သင်ကြားနေကြသည့် ပထမတန်းကျောင်းသားကျောင်းသူများ၊ (ပိတောက်)ဆောင်တွင် ပညာသင်ကြားနေကြသည့် ဒုတိယတန်းကျောင်းသားကျောင်းသူများနှင့် (ချယ်ရီ)ဆောင် တွင် ပညာသင်ကြားနေကြသည့် KG တန်းကျောင်းသားကျောင်း သူများနှင့်တွေ့ဆုံ၍ ပညာသင်ကြားသင်ယူမှုများနှင့် ပညာရည်တိုးတက်မှုအခြေအနေများ၊ သင်ထောက်ကူ ပစ္စည်းရရှိမှုအခြေအနေများ၊ အားကစားနှင့် အနုပညာကဏ္ဍသင်ကြား သင်ယူမှုအခြေ အနေများကို မေးမြန်းကာ ရင်းရင်းနှီးနှီးနှုတ်ဆက်သည်။

ထို့နောက် နိုင်ငံတော်၏အတိုင်ပင်ခံပုဂ္ဂိုလ်ဒေါ်အောင်ဆန်းစုကြည် သည် Palm Spring ဟိုတယ်ခန်းမ၌ ကချင်ပြည်နယ်အစိုးရအဖွဲ့ဝင်များနှင့်တွေ့ဆုံသည်။

တွေ့ဆုံစဉ် နိုင်ငံတော်၏အတိုင်ပင်ခံပုဂ္ဂိုလ် က ကချင်ပြည်နယ်ခရီးစဉ်အတွင်း တွေ့မြင်ခဲ့ရသည့်အခြေအနေများ၊ ပြည်သူများ၏တင်ပြချက်များ၊ ဘာသာရေးခေါင်း ဆောင်ကိုယ်စားလှယ်များနှင့် တိုင်းရင်းသားမျိုးနွယ်စု ကိုယ်စားလှယ်များ၏ တင်ပြချက်များ စသည်တို့အပေါ် ဆောင်ရွက်ပေးနိုင်မည့်အခြေအနေများကို လမ်းညွှန်မှာကြားသည်။

ထို့နောက် ခရီးစဉ်တွင် အဖွဲ့ဝင်အဖြစ်လိုက်ပါလာကြသည့် ပြည်ထောင်စုဝန်ကြီးများ နှင့် ဒုတိယဝန်ကြီး က ဆောင်ရွက်ပေးမည့် အစီအစဉ်များကိုရှင်းလင်းတင်ပြကြသည်။

ယင်းနောက် နိုင်ငံတော်၏အတိုင်ပင်ခံပုဂ္ဂိုလ် က ပြည်ထောင်စုဝန်ကြီးဌာနများနှင့် ပြည်နယ်အစိုးရအဖွဲ့တို့က ဆောင်ရွက်ရမည့်လုပ်ငန်းများကို လမ်းညွှန်မှာကြားသည်။

ညနေပိုင်းတွင် နိုင်ငံတော်၏အတိုင်ပင်ခံပုဂ္ဂိုလ်နှင့်အဖွဲ့ဝင်များသည် ကချင်ပြည်နယ် အစိုးရအဖွဲ့က တည်ခင်းဧည့်ခံသည့် (၇၁)နှစ်မြောက် ကချင်ပြည်နယ်နေ့ ဂုဏ်ပြုညစာစား ပွဲသို့တက်ရောက်သည်။

ညစာစားပွဲသို့ ပြည်ထောင်စုဝန်ကြီး ဒုတိယဗိုလ်ချုပ်ကြီး ကျော်ဆွေ၊ ဒုတိယဗိုလ်ချုပ်ကြီး ရဲအောင်၊ ဦးမင်းသူ၊ ဦးအုန်းဝင်းနှင့် ဒေါက်ဝင်းမြတ်အေး၊ ပြည်နယ် ဝန်ကြီးချုပ် ဒေါက်တာခက်အောင်၊ ပြည်နယ်လွှတ်တော်ဥက္ကဋ္ဌ ဦးထွန်းတင်၊ ပြည်နယ်တရားလွှတ်တော် တရားသူကြီးချုပ် ဦးတူးဂျာ၊ ဒုတိယဝန်ကြီး ဦးလှမော်ဦး၊ ပြည်နယ်ဝန်ကြီးများ ၊ မနောပွဲတော်ဖြစ်မြောက်ရေးကော်မတီဝင်များ၊ ကချင်လူမျိုးများ ရိုးရာယဉ်ကျေးမှုဗဟိုကော်မတီဝင်များ ၊ တိုင်းရင်းသားမျိုးနွယ်စုဝင်များ၊ တိုင်းရင်းသားယဉ် ကျေးမှုအဖွဲ့များ၊ ဖိတ်ကြားထားသူများနှင့် တာဝန်ရှိသူများတက်ရောက်ကြသည်။

ထို့နောက် နိုင်ငံတော်၏အတိုင်ပင်ခံပုဂ္ဂိုလ်ဒေါ်အောင်ဆန်းစုကြည်နှင့် ပြည်ထောင်စု ဝန်ကြီးများ၊ ပြည်နယ်ဝန်ကြီးချုပ်တို့က ဂုဏ်ပြုညစာစားပွဲတွင် ကပြဖျော်ဖြေကြသည့် တိုင်းရင်းသားရိုးရာယဉ်ကျေး မှုအဖွဲ့များအား ဂုဏ်ပြုသစ်သီးခြင်းများပေးအပ်ကြပြီး မှတ် တမ်းတင် ဓါတ်ပုံရိုက်ကူးကြသည်။

ယင်းနောက် နိုင်ငံတော်၏အတိုင်ပင်ခံပုဂ္ဂိုလ်သည် ဂုဏ်ပြုညစာစားပွဲသို့ တက် ရောက်လာကြသည့် ဧည့်သည်တော်များအား ရင်းရင်းနှီးနှီးနှုတ်ဆက်သည်။

Myanmar State Counsellor Office

COMMENTS

Name

art,1,article,1357,cartoon variety,23,crime,70,culture,1,documentary,9,Entertainment,9,health,36,history,2,international,8819,interview,230,knowledge,9,Live,8,LocalNews,18130,news,2842,opinion,795,photos,203,poem,117,satires,40,song,12,speech,13,sports,196,statement,59,technic,59,translate,36,video,1077,voice,76,
ltr
item
dawnmanhon: နိုင်ငံတော်၏အတိုင်ပင်ခံပုဂ္ဂိုလ် ဒေါ်အောင်ဆန်းစုကြည် (၇၁)နှစ်မြောက် ကချင်ပြည်နယ်နေ့ အခမ်းအနားသို့တက်ရောက်
နိုင်ငံတော်၏အတိုင်ပင်ခံပုဂ္ဂိုလ် ဒေါ်အောင်ဆန်းစုကြည် (၇၁)နှစ်မြောက် ကချင်ပြည်နယ်နေ့ အခမ်းအနားသို့တက်ရောက်
https://4.bp.blogspot.com/-QqgZFSwy028/XDdj0fYJOkI/AAAAAAAAfcI/x5xa-aiQC9ElTon-WmuMR2-MU77C_D3owCLcBGAs/s640/q11.jpg
https://4.bp.blogspot.com/-QqgZFSwy028/XDdj0fYJOkI/AAAAAAAAfcI/x5xa-aiQC9ElTon-WmuMR2-MU77C_D3owCLcBGAs/s72-c/q11.jpg
dawnmanhon
http://www.dawnmanhon.com/2019/01/blog-post_93.html
http://www.dawnmanhon.com/
http://www.dawnmanhon.com/
http://www.dawnmanhon.com/2019/01/blog-post_93.html
true
4976479704313592870
UTF-8
Loaded All Posts Not found any posts VIEW ALL Readmore Reply Cancel reply Delete By Home PAGES POSTS View All RECOMMENDED FOR YOU LABEL ARCHIVE SEARCH ALL POSTS Not found any post match with your request Back Home Sunday Monday Tuesday Wednesday Thursday Friday Saturday Sun Mon Tue Wed Thu Fri Sat January February March April May June July August September October November December Jan Feb Mar Apr May Jun Jul Aug Sep Oct Nov Dec just now 1 minute ago $$1$$ minutes ago 1 hour ago $$1$$ hours ago Yesterday $$1$$ days ago $$1$$ weeks ago more than 5 weeks ago Followers Follow THIS PREMIUM CONTENT IS LOCKED STEP 1: Share. STEP 2: Click the link you shared to unlock Copy All Code Select All Code All codes were copied to your clipboard Can not copy the codes / texts, please press [CTRL]+[C] (or CMD+C with Mac) to copy