"ဘာတွေပြင်ကြမှာလဲ" ဆရာသရ၀ဏ်(ပြည်)

မြန်မာနိုင်ငံရှေ့ရေးအတွက် စဉ်းစားသည်ဆိုလျှင် ၂၀၀၈ ဖွဲ့စည်းပုံအခြေခံဥပဒေပြင်ဆင်ရေးလည်းပါသည် ။ ဖွဲ့စည်းပုံအခြေခံဥပဒေပြင်ဆင်ရေးဆိုလျှင် အားလုံးသိကြသည့်အတိုင်း ပုဒ်မ ၄၃၆ ပြင်ဆင်ရေးလည်းပါသည် ။ သမ္မတဦးသိန်းစိန်လက်ထက်က NLD သည် ပြည်သူလူထု လက်မှတ်ငါးသန်းကောက်ခံပြီး ပုဒ်မ ၄၃၆ ပြင်ဆင်ရေးကို တောင်းဆိုခဲ့ဖူးသည် ။

သို့ သော် အကောင်အထည်ပေါ်မလာခဲ့ ။ ပုဒ်မ ၄၃၆ သည် ဖွဲ့စည်းပုံအခြေခံ ဥပဒေပြင်ဆင်ရေးအတွက် ပြဌာန်းထားသော ပုဒ်မဖြစ်သည် ။ သို့ သော် စစ်အစိုးရရေးဆွဲပြဌာန်းသွားသော ဖွဲ့စည်းပုံ အခြေခံဥပဒေပြင်ဆင်ခြင်း အခန်း (၁၂) ပုဒ်မ ၄၃၆ သည် တရုတ်ပြည်မှ မျောက်ဘုရင် စွန်းဝူခုံး နှင့်အဖွဲ့  မဇ္ဈိမဒေသသို့  ပိဋကတ်သုံးပုံသွားရောက်သယ်ယူသည့် Journey To The West ခရီးစဉ်ထက်ပိုမိုခက်ခဲသေးသည် ။ စွန်းဝူခုံးနှင့်အဖွဲ့  တော်အထပ်ထပ်တောင်အသွယ်သွယ် အတားအဆီး အခက်အခဲပေါင်းစုံကိုဖြတ်ကျော်ရသလို မြန်မာနိုင်ငံ၌ ဖွဲ့စည်းပုံအခြေခံဥပဒေပြင်ဆင်ရာတွင် အတားအဆီးအခက်အခဲတွေများလှသည် ။

ပုဒ်မတခုကိုပြင်ချင်သည်ဆိုလျှင်ပထမဆုံးခြေလှမ်းအဖြစ် ပုဒ်မ ၄၃၃(က) နှင့် ၄၃၄ အရ ဖွဲ့စည်းပုံအခြေခံဥပဒေ ပြင်ဆင်ရေးအဆိုကို ဥပဒေကြမ်းအဖြစ် ပြည်ထောင်စုလွှတ်တော်တွင်တင်သွင်းရမည် ။ ဒါကပထမအချက်ဖြစ်သည် ။ ဒုတိယခြေလှမ်းအဖြစ် လွှတ်တော်ထဲတွင် ထို ခြေဥ ပြင်ဆင်ရေးအဆိုကို ထောက်ခံသူ လွှတ်တော်ကိုယ်စားလှယ် ၂၀ ရာခိုင်နှုန်းရှိရမည်ဖြစ်သည် ။ ပြည်ထောင်စုလွှတ်တော်၏ ၂၀ ရာခိုင်နှုန်းဖြစ်သော လူ ၁၃၂ ယောက်ကထောက်ခံရန်လိုအပ်ချက်သည် ဒုတိယလိုအပ်ချက်ဖြစ်သည် ။ လွှတ်တော်ထဲ၌ လူ ၁၃၂ ယောက်ကမထောက်ခံခဲ့လျှင် ပြင်ဆင်ဖို့မဆိုထားနှင့် ဆွေးနွေးခွင့်ပင်ရမည်မဟုတ်ပါ ။

ဖွဲ့စည်းပုံအခြေခံဥပဒေ၏ပုဒ်မအများစု (စစ်အစိုးရက မပြင်စေလိုသည့်ပုဒ်မပေါင်း) ၉၄ ခုတိတိကို ပြည်ထောင်စုလွှတ်တော်တွင်မဲခွဲသည့်အခါ အနည်းဆုံး ၇၅ ရာခိုင်နှုန်းကျော်ထောက်ခံမဲရရမည် ။ ဤကားတတိယ အတားအဆီးဖြစ်သည် ။ စတုတ္ထအတားအဆီးက ပြည်လုံးကျွတ်ဆန္ဒခံယူပွဲကျင်းပရမည်ဟူသတည်း ။ နိုင်ငံတကာတွင်ပြည်လုံးကျွတ်ဆန္ဒခံယူရာတွင် မဲရုံသို့ရောက်လာသော မဲစုစုပေါင်း၏ ထက်ဝက်ကျော် ရရှိသည့်အဆိုကို အတည်ယူကြစမြဲဖြစ်သည် ။ (ဥပမာ ဗြိတိန်တွင် ဥရောပသမဂ္ဂမှခွဲထွက်မထွက် လူထုဆန္ဒခံယူခြင်း)။ မဲရုံသို့မဲလာမပေးကြသူများမှာ မိမိနိုင်ငံအရေးကိုစိတ်ဝင်စားကြသူများမဟုတ်သဖြင့် ထိုသို့  မဲလာမပေးသူများ၏ အရေအတွက်ကို ထည့်သွင်းရေတွက်ကြခြင်းမရှိတာကမ္ဘာ့ထုံးစံဖြစ်သည် ။

မြန်မာနိုင်ငံတွင်တော့ ဦးသန်းရွှေကြိုးကိုင်၍ ဦးသိန်းစိန် ဥက္ကဌအဖြစ်ဆောင်ရွက်ခဲ့သော (၁၉၉၃ ဇန်န၀ါရီ ၉ မှ ၂၀၀၈ ခု ဖေဖော်ဝါရီလ ၁၉ အထိ ၁၆နှစ်ကြာ) ကမ္ဘာ့အရှည်ကြာဆုံးအမျိုးသားညီလာခံကြီးကထူးဆန်းထွေလာချမှတ်လိုက်သည်မှာ ပုဒ်မ ၄၃၆(က)တွင် ဖွဲ့စည်းပုံအခြေခံဥပဒေပြင်ဆင်ရန် မဲပေးခွင့်ရှိသူအားလုံး၏ ၅၀ ရာခိုင်နှုန်းကျော်ကထောက်ခံရမည် ဟူသတည်း ။မဲရုံသို့ရောက်မလာသောသူများ၏မဲများကိုပါ No အဖြစ် ဆန္ဒထည့်သွင်းတွက်ချက်သောနည်းဖြစ်၍ အင်မတန် ညစ်ပတ်ထားသောနည်းဖြစ်သည် ။ မလာသူ၏မဲကို ကန့်ကွက်မဲအဖြစ်ယူသည်ဆိုလျှင် ကန့် ကွက်မဲထည့်လိုသူများသည် မဲရုံသို့ပင်လာစရာမလိုတော့ချေ ။ ကိုယ့်အိမ်မှာကိုယ်ထိုင်အိပ်နေရုံဖြင့် ကန့်ကွက်မဲပေးပြီးသားဖြစ်သွားမည်မှာ မည်သို့ မျှ ယုတ္တိယုတ္တာမရှိသောကိစ္စဖြစ်သည် ။

ဤသို့ လုပ်ထားသော ပြည်သူ့ ဆန္ဒခံယူပွဲ မှာ ငါးခုမြောက် အတားအဆီးဖြစ်သည် ။ ဘာနှင့်တူသလဲဆိုလျှင် ကတုတ်ကျင်းနှင့် ဘန်ကာ အခိုင်အမာ ငါးထပ်ကာထားသော စည်းရိုးအနောက်တွင်ဝင်ထိုင်နေပြီး လမ်းဖွင့်ပေးထားပါတယ် ဟု လာခဲ့ပါဟု ပြောနေသူများနှင့် တူလှပေသည် ။အမျိုးသားညီလာခံနှင့် ၂၀၀၈ ဖွဲ့စည်းပုံအခြေခံဥပဒေသည် ပြင်ဆင်လို့မရအောင် ဤသို့ညစ်ခဲ့ အကွက်ဆင်ခဲ့ ပါသည် ။ စစ်အစိုးရအတွက် သိပ်အရေးမပါသောအချို့သော ပုဒ်မများကိုမူ လူထုဆန္ဒခံယူပွဲအထိသွားစရာမလိုပဲ လွှတ်တော်ထဲတွင် တပ်မတော်သားအပါအ၀င် လွှတ်တော်ကိုယ်စားလှယ် အားလုံး၏ ၇၅ ရာခိုင်နှုန်းကျော်ဆန္ဒမဲဖြင့် အတည်ပြုနိုင်သည်ဟု ၄၃၆ (ခ)တွင်ရေးထားပါသည် ။

အရေးပါသော ပုဒ်မ ၉၄ ခုကို တံတိုင်း(၅)ထပ် ၊ သိပ်အရေးမပါသော ကျန်ပုဒ်မများကို တံတိုင်း (၄)ထပ်ဖြင့်ကာရံထားခြင်းဖြစ်သည် ။ စတုတ္ထတံတိုင်းမှာတပ်မတော်သားကိုယ်စားလှယ်အနည်းဆုံးတယောက်၏သဘောတူညီချက်မရပဲ ဘာမှ ပြင်ဆင်ခွင့်မရအောင်လုပ်ထားခြင်းဖြစ်သည် ။ ညစ်ကွက်ကတော့ထောင့်စေ့ပေ၏ ။ သို့ သော်ထိုသို့ ရေပက်မ၀င်အောင်ညစ်ထားသည့်ကြားမှ ဒေါ်အောင်ဆန်းစုကြည်နိုင်ငံတော်၏အကြံပေးပုဂ္ဂိုလ်ဖြစ်လာနိုင်သော ပုဒ်မတခုပါဝင်နေသေးရာ သူတို့ဆွဲထားသော ဥပဒေဘောင်အတွင်းမှာပင် နိုင်ငံတေ်ာအတွက်လုပ်လို့ရသလောက် လုပ်ခွင့်ရှိသောအချက်များကိုရှာရမည်ဖြစ်သည် ။

အခြေခံဥပဒေကိုပြင်ဆင်ရန်လိုအပ်သည်။ အနည်းဆုံးတော့ ပြင်ဆင်ရန် ကြိုးစားကြည့်သင့်သည် ဆိုခြင်းကို NLD နှင့်ဒေါ်အောင်ဆန်းစုကြည်တို့ သဘောပေါက်လက်ခံပြီးဖြစ်ပါလိမ့်မည် ။ ကြံ့ခိုင်ရေးလွှမ်းမိုးသော လွှတ်တော်က ဖွဲ့စည်းပုံအခြေခံဥပဒေပြင်ဆင်သည့်ဥပဒေကြမ်းကို ၂၀၁၅ ဇွန်လ ၁၁ နှင့် ၁၂ ရက်နေ့ များက ပြည်သူများသိရှိနိုင်ရန် သတင်းစာတွင် ကြေငြာထည့်သွင်းခဲ့သည် ။ ဆိုလိုရင်းမှာ သူရဦးရွှေမန်းဦးဆောင်သော ပြည်ထောင်စုလွှတ်တော်က ဖွဲ့စည်းပုံအခြေခံဥပဒေ ကိုပြင်ဆင်ရန်ကြိုးပမ်းခဲ့ဖူးသည် ။ ထိုသို့ အခြေခံဥပဒေကို ဦးရွှေမန်းနှင့် ကြံ့ခိုင်ရေးပါတီဝင် လွှတ်တော်ကိုယ်စားလှယ်အများစုကပြင်ဆင်ရန်ကြိုးစားခဲ့သည်ကို သမ္မတဦးသန်းစိန်ဦးဆောင်သော ထိုစဉ်ကအုပ်ချုပ်ရေးအဖွဲ့ ကလိုလားနှစ်သက်ခြင်းမရှိပါ ။

အဘယ့်ကြောင့်ထိုသို့ပြောရသနည်းဆိုမူ နိုင်ငံပိုင်သတင်းစာဟူသည်မှာ အစိုးရ၏အာဘော်ကိုအဓိကထားဖော်ပြလေ့ရှိသော သတင်းစာများဖြစ်သည် ။ အစိုးရဖြစ်စေချင်သည့်လမ်းကြောင်းကို ကြေးမုံ မြန်မာ့အလင်းစသောသတင်းစာများကပုံဖော်ရေးသားပေးရသည် ။ ထိုစဉ်ကနိုင်ငံပိုင်သတင်းစာများတွင် အမျိုးသားညီလာခံကြီးဘယ်လိုကောင်းကြောင်း ၊ ပြည်သူလူထု၏ထောက်ခံမဲ ၉၂ ဒဿမ ၄၈ ရာခိုင်နှုန်းကထောက်ခံအတည်ပြု ခဲ့ကြောင်း ၊ အမျိုးသားညီလာခံကို နိုင်ငံရေးပါတီများမှ ကိုယ်စားလှယ် ၄၉ ဦး ၊ ရွေးကောက်ပွဲတွင် ရွေးကောက်ခံထားရသော ကိုယ်စားလှယ် ၁၀၇ ဦး ၊ တိုင်းရင်းသားလူမျိုး ကိုယ်စားလှယ် ၂၁၅ ဦး ၊ တောင်သူလယ်သမား ကိုယ်စားလှယ် ၉၃ ဦး ၊ အလုပ်သမားကိုယ်စားလှယ် ၄၈ ဦး ၊ အသိပညာရှင်အတတ်ပညာရှင်ကိုယ်စားလှယ် ၄၁ ဦး ၊နိုင်ငံ့ဝန်ထမ်းကိုယ်စားလှယ် ၉၂ ဦး ၊ အခြားဖိတ်ကြားသင့်သည့်ကိုယ်စားလှယ် ၅၇ ဦး စုစုပေါင်း အစုအဖွဲ့ ၈ ဖွဲ့မှကိုယ်စားလှယ် ၇၀၂ ဦးနဲ့ စတင်ကျင်းပခဲ့ကြောင်း ရွှန်းရွှန်းဝေရေးသားခဲ့တာကို
တွေ့ ရမှာဖြစ်ပါသည် ။

စစ်အစိုးရထုံးစံအတိုင်း အရည်အချင်းထက် အရည်အတွက်ကိုအဓိကထား လူများပြီးရော လက်ညှိုးထောင်ခေါင်းညိတ်သမားတွေကို နာမည်အမျိုးမျိုးတပ်ပေးပြီးညီလာခံထဲမှာ လူ ၇၀၂ ယောက်လျှောက်ထည့်ထားတာဖြစ်ပါသည် ။ ဥပမာအားဖြင့် နိုင်ငံဝန်ထမ်းကိုယ်စားလှယ် ၉၂ ဦးဆိုတာကိုပဲ စဉ်းစားကြည့်လျှင်သိနိုင်မည်ဖြစ်သည် ။နိုင်ငံ့ ဝန်ထမ်းဆိုသည်မှာ အလုပ်ပြုတ်မှာကြောက်ရသော ၊အစိုးရကအပြစ်ရှာကာ အချိန်မရွေး အရေးယူနိုင်သော နှောင်ကြိုးနှင့်လူများဖြစ်ပါသည် ။ ထိုသူများက အမျိုးသားညီလာခံတွင် စစ်အစိုးရကိုအလိုမရှိကြောင်း မည်သို့ မျှအကြံပြုရဲမည်မဟုတ်ချေ ။

ထိုစဉ်ကစစ်အစိုးရနှင့်ပလဲနံပသင့်နေသော လောက်ကိုင်ဒေသမှကိုးကန့် ခေါင်းဆောင် ဖုန်ကြားရှင်သည်ပင်လျှင် အစိုးရကဖိတ်ကြားသဖြင့် ညီလာခံကိုယ်စားလှယ်တက်လုပ်နေချေသည် ။ ပြည်သူလူထုက တကယ်မဲပေးရွေးချယ်ခဲ့သော ၁၉၉၀ ရွေးကောက်ပွဲတွင် အနိုင်ရခဲ့သည့် တပြည်လုံးမှ ကိုယ်စားလှယ်ကတော့ ၁၀၇ ဦးပဲပါသည် ။ လူ ၇၀၀ ကျော်တွင် ရွေးကောက်ခံအမတ် ၁၀၀ ကျော်သာပါသည်ကိုကြည့်သည်နှင့် ဘယ်အချိုးချိုးတော့မည်ဆိုတာ သိနေနိုင်သောဖြစ်ရပ်ဖြစ်သည် ။ ထိုညီလာခံကြီးက ၁၆ နှစ်အချိန်ဆွဲကာ သူတို့စိတ်တိုင်းကျအခြေခံဥပဒေရေးဆွဲ ။ လူဦးရေ ၅၁.၄သန်းပဲရှိသည်ဟု ကုလသမဂ္ဂ သန်းခေါင်စာရင်း ကောက်သည့်အဖွဲ့က ပြောထားသည့် နိုင်ငံတွင် လူ ၅၈ သန်းရှိသည်ဟုစာရင်းပြကာ ၉၂.၄၈ ရာခိုင်နှုန်းသောပြည်သူလူထုကထောက်ခံသည်ဟုလုပ်ချခဲ့သော အခြေခံဥပဒေကြီးဖြစ်သည် ။

ထားတော့ ဆိုလိုရင်းက ဦးရွှေမန်းနှင့်ပြည်ခိုင်ဖြိုး အချို့သည်ပင်လျှင် ဖွဲ့စည်းပုံအခြေခံဥပဒေပြင်ဆင်ရေးကို ၂၀၁၅ နှစ်လယ်ပိုင်းကကြိုးစားခဲ့ကြဖူးပါသည် ။ သမ္မတဦးသိန်းစိန်ဦးဆောင်သော ပြည်ခိုင်ဖြိုးများက သဘောမကျကြပါ ။ဖွဲ့စည်းပုံပြင်ဆင်ရေးတွင် ဦးရွှေမန်းနိုင်မလား၊ ဦးသိန်းစိန်နိုင်မလား ဆိုတာ တပ်မတော်ကဘယ်ဘက်ကရပ်မလဲဆိုတာအပေါ် မူတည်ပါသည် ။ ထိုဖွဲ့စည်းပုံပြင်ဆင်ရေးအဆိုကို ပြည်ထောင်စုလွှတ်တော်တွင်မဲခွဲဆုံးဖြတ်လိုက်သောအခါ ပြင်ဆင်ချက်အများစုကိုတပ်မတော်ကကန့် ကွက်မဲပေးခဲ့ခြင်းဖြင့် ဦးရွှေမန်း၏ ပြုပြင်ပြောင်းလဲရေး အားထုတ်မှုကျဆုံးခဲ့ရကာ ဖွဲ့စည်းပုံပြင်ဆင်ရေးအတွက် လူထုဆန္ဒခံယူပွဲဥပဒေကြမ်းမှာလည်း လူထုဆန္ဒခံယူပွဲပင်ကျင်းပသည့်အခြေသို့ မဆိုက်လိုက်ပဲ နိဌိတံခဲ့ရလေ၏ ။

နိုင်ငံတိုးတက်ချင်လျှင် လက်ရှိကဘောက်တိကဘောက်ချာဖြစ်နေသော ဖွဲ့စည်းပုံပါအချက်များကိုပြင်ရမည် ။ ဖွဲ့စည်းပုံသည်ဘုရားမဟုတ်သဖြင့် နိုင်ငံတိုင်းမှာ ပြင်ကြသည် ။ တခါရေးဆွဲထားပြီးသည်နှင့် တသက်လုံးတည်မြဲနေသော ဖွဲ့ စည်းပုံဥပဒေဆိုသည်မရှိပါ ။ အချို့ သော သူများကထင်နေသည်မှာ ဖွဲ့စည်းပုံဥပဒေကိုပြင်ဆင်ခြင်းသည် နိုင်ငံကို အဖျက်လုပ်ငန်းလုပ်နေသလိုလိုထင်နေကြသည် ။ သေသေချာချာ နားမလည်သောကြောင့် ပြောနေထင်နေကြခြင်းဖြစ်၏ ။ ပိုကောင်းသော နိုင်ငံတနိုင်ငံဖြစ်ဖို့ ပြင်သင့်တာပြင်ကြရမည်ဖြစ်သည် ။

ပြင်မည်ဆိုလျှင်ဘာတွေပြင်မည်နည်း ။ဘာတွေပြင်လျှင် ပြည်ထောင်စုလွှတ်တော်ထဲတွင်တပ်မတော်က မကန့်ကွက်မည်နည်း ။ ကြံ့ ခိုင်ရေးလက်ထက်က ပြင်ဆင်ရန်တင်ပြခဲ့သောအချက်ကြီး ၃၀ ။ အသေးစိတ်အချက်ပေါင်းများစွာရှိသည် ။ တပ်မတော်နှင့်သော်လည်းကောင်း ၊ ယခင်စစ်အစိုးရအာဏာရှိသူများကိုလည်းကောင်းနစ်နာမသွားစေနိုင်သော ပြုပြင်ပြောင်းလဲမှုအချက်များ ကိုတော့ တပ်မတော်သားကိုယ်စားလှယ်များက ကန့် ကွက်မည်မထင်ပေ ။ ကန့် ကွက်ခဲ့ပါကလည်းတိုင်းသိပြည်သိဖြစ်မည်ဖြစ်သဖြင့် မည်သူသည် အပြောင်းအလဲကို အဟန့်အတား ပြုနေသည်ကို သဲကွဲရှင်လင်းစွာ ကမ္ဘာက သိမြင်နိုင်မည်ဖြစ်သည် ။

ကြံ့ခိုင်ရေးကတင်ခဲ့သော ဖွဲ့ စည်းပုံအပြောင်းအလဲ အဆိုပြုချက်တွင်စိတ်ဝင်စားစရာကောင်းသည့် အချက်လေးချက်ပါဝင်သည် ။ ပထမအချက်မှာ ပြည်နယ်နှင့်တိုင်းဒေသကြီး ၀န်ကြီးချုပ် ခန့်ထားခြင်းကိုလက်ရှိစနစ် သမ္မတကတိုက်ရိုက်ရွေးချယ်ခန့် အပ်မည့်အစား သက်ဆိုင်ရာ ပြည်နယ်နှင့်တိုင်းဒေသကြီးလွှတ်တော်မှ မဲပေးရွေးချယ်စေဖို့ ဖြစ်သည် ။ ဤအချက်ကိုတပ်မတော်မှထောက်ခံသည်ဟုဆို၏ ။ ဤသို့ လုပ်လျှင်ကောင်းကွက်ဆိုးကွက်ရောနေသည် ။ သတ္တိရှိရှိဆုံးဖြတ်ကြဖို့ ဖြစ်သည် ။ ကောင်းကွက်မှာ မိမိပြည်နယ် ၊မိမိတိုင်းဒေသကြီးမှလိုလားသူကို တိုင်းနှင့်ပြည်နယ် သက်ဆိုင်ရာ လွှတ်တော်များမှ တိုက်ရိုက်ရွေးချယ်ခွင့်ရမည်ဖြစ်သည် ။

ဥပမာရခိုင်တွင် ရခိုင်ပါတီ အမတ်နေရာအများစု ရသော်လည်း ရခိုင်ပါတီမှ ၀န်ကြီးချုပ်ခန့် ခွင့်မရ ။ ဒီမိုကရေစီပိုဆန်လာပေမည် ။ အားနည်းချက်မှာ ဤသို့ ဖြစ်သည် ။တိုင်းဒေသကြီး(သို့ မဟုတ်) ပြည်နယ် လွှတ်တော်များတွင် ရွေးကောက်ခံမဟုတ်သော တပ်မတော်သားလွှတ်တော်ကိုယ်စားလှယ်ပါဝင်ခွင့်အချိုးမှာ ၂၅ ရာခိုင်နှုန်းထက်များကာ ၃၃.၃ ရာခိုင်နှုန်း ( သုံးပုံတပုံ ) အထိ စစ်တပ်ကယူထားခြင်းဖြစ်သည် (ဖွဲ့စည်းပုံအခြေခံဥပဒေ ပုဒ်မ ၁၆၁ /ဃ ) ။ထိုအခါ စစ်တပ်နှင့်မိတ်ဘက်လိုလို ဖြစ်နေသော ပါတီများအဖို့  ပြည်နယ် နှင့်တိုင်း လွှတ်တော်တွင် ၁၈ ရာခိုင်နှုန်း အင်အားရှိသည်နှင့် တပ်မတော်ကိုယ်စားလှယ် ၃၃.၃ ရာခိုင်နှုန်းနှင့်ပေါင်းကာ ၅၁.၃ ရာခိုင်နှုန်းဖြင့် ပြည်နယ်ဝန်ကြီးချုပ် ၊ တိုင်းဒေသကြီးဝန်ကြီးချုပ်ခန့် နိုင်မည်ဖြစ်သည် ။

ဥပမာ ကြံ့ခိုင်ရေးလိုပါတီသည် လွှတ်တော်ထဲတွင် ၁၈ ရာခိုင်နှုန်းမရှိသော်လည်း ၁၀ ရာခိုင်နှုန်းလောက်ရှိလျှင်ပင် တိုင်းရင်းသားပါတီငယ်များကိုစည်းရုံး၍ ၁၈ ရာခိုင်နှုန်းပြည့်အောင်ဖြည့်ပြီး တပ်မတော် ၃၃.၃ ရာခိုင်နှုန်းဖြင့် သူတို့ပါတီလိုလားသော ပြည်နယ်အစိုးရတရပ် ၊တိုင်းဒေသကြီးအစိုးရတရပ်ပေါ်ထွန်အောင်ဆောင်ရွက်နိုင်မည်ဖြစ်သည် ။

ပြည်ထောင်စုအဆင့် ပြည်သူ့ လွှတ်တာ် အမျိုးသားလွှတ်တော်တွင် တပ်မတော်သားပါဝင်မှုပင် ၂၅ ရာခိုင်နှုန်းရှိရာ ပြည်နယ်နှင့်တိုင်းလွှတ်တော်များကျမှ အဘယ်ကြောင့် ၃၃.၃ ရာခိုင်နှုန်း ဖြစ်နေသလဲဆိုတာ စဉ်းစား၍မရပေ ။ လိုတာထက်ပိုသော အသာစီးရယူမှုဖြစ်၍ထိုအချက်ကိုအရင်ပြင်သင့်သည် ။နောက်မှ ၀န်ကြီးချုပ်ကို လွှတ်တော်ကရွေးသောစနစ်ကိုပြဌာန်းသင့်သည် ။ သို့ မဟုတ် နှစ်ခုစလုံးပြင်ဆင်ချက်တပြိုင်နက်တက်သင့်သည် ။

၂၀၁၅ ကြံ့ခိုင်ရေးမှ ပြင်ဆင်ချက်သွင်းသည့် အထဲမှ ဒုတိယသတိထားမိသောအချက်မှာ ပြည်ထောင်စုတရားသူကြီးချုပ် ၊ ဒုတိယပြည်ထောင်စုတရားသူကြီးချုပ်နှင့် ပြည်ထောင်စုတရားလွှတ်တော်ချုပ်တရားသူကြီးများ၊ တိုင်းနှင့်ပြည်နယ် တရားလွှတ်တော်တရားသူကြီးများ၏ ရာထူးသက်တမ်းကို အသက်ရှစ်ဆယ်အထိ ဆောင်ရွက်ခွင့်ပြုထားခြင်းအား ငါးနှစ်သက်တမ်း သို့ လျှော့ ချပေးရန် ပြင်ဆင်ချက် တင်ပြခြင်းဖြစ်သည် ။ ဤကိစ္စသည်လည်း အဆိုးအကောင်းရှိ၏ ။

တရားသူကြီးချုပ်များကို အသက် ၈၀ အထိ ရာထူး တာဝန်ပေးထားခြင်း၏အဓိကရည်ရွယ်ချက်မှာ တရားသူကြီးသည် အုပ်ချုပ်သူ နှင့် လွှတ်တော်ကိုကြောက်စရာမလိုပဲ မိမိတာဝန်ကို စိတ်အေးလက်အေးထမ်းဆောင်ခွင့်ရရန်ဖြစ်သည် ။ တနည်းအားဖြင့် အုပ်ချုပ်ရေးနှင့် ဥပဒေပြုရေးသည် တရားစီရင်ရေးကို မလွှမ်းမိုးရန် ၊အကြောက်တရားကင်းကင်းနှင့် တရားရေးကို ကိုင်တွင်ဆောင်ရွက်ရန် ကောင်းသောရည်ရွယ်ချက်ဖြင့် ဆောင်ရွက်ခြင်းဖြစ်သည် ။ အမေရိကန်ပြည်ထောင်စု ကဲ့သို့ သောသမာသမတ်ကျသောနိုင်ငံ ၊ ဥပဒေစိုးမိုးသည့်နိုင်ငံတွင်ဤပြဌာန်းချက်သည် ကောင်း၏။အလုပ်ဖြစ်၏ ။ ဆင်းရဲသောနိုင်ငံများ၊ ဥပဒေစိုးမိုးမှုအားနည်းသည့်နိုင်ငံများ၊ပွင့်လင်းမြင်သာမှုမရှိသည့်နိုင်ငံများတွင် တရားသူကြီးတယောက်သည် အသက်ရှစ်ဆယ်ရောက်သည်အထိ တာဝန်ပေးထားလျှင် ရာထူးရထားတာကြာလာသောအခါ အာဏာနှင်းလုပ်ပိုင်ခွင့်တွင် ယစ်မူးသာယာလာတတ်ကြသည် မှာ လူ့ သဘာဝဖြစ်သည် ။ ထို့ ကြောင့် မိမိနိုင်ငံနှင့်ကိုက်မည့် ပြင်ဆင်ချက်ကို NLD ကစဉ်းစားပြင်ဆင်ရန်ဖြစ်သည် ။

၂၀၁၅ ဇွန်လတွင် ကြံ့ခိုင်ရေးမှတင်ပြချက် တတိယအချက်မှာ နာမည်ကျော်ပုဒ်မ ၄၃၆ နှင့်ဆိုင်သည် ။ ၄၃၆ တွင် လွှတ်တော်၌ အခြေခံဥပဒေပြင်ဆင်လိုသောအခါ လွှတ်တော်ကိုယ်စားလှယ် ၇၅ ရာခိုင်နှုန်းကျော်ထောက်ခံရမည်ဆိုသည်မှာ တပ်မတော်သား ၂၅ ရာခိုင်နှုန်းမပါပဲပြင်၍မရအောင်လုပ်ထားသလိုဖြစ်နေသည် ။ဤအချက်ကို လွှတ်တော်ကိုယ်စားလှယ် ရ၀ ရာခိုင်နှုန်းကျော်သဘောတူီာချက်ဖြင့်ပြင်ဆင်နိုင်ရမည်ဟု ပြင်ဆင်ချက်အဆိုတင်သည် ။ ထို့ အပြင် လူထုဆန္ဒခံယူပွဲတွင် မဲပေးခွင့်ရှိသူအားလုံး၏ ထက်ဝက်ကျော်ထောက်ခံမဲဖြင့် ဆိုသောအချက်အစား ဆန္ဒမဲပေးသူအားလုံး၏ ထက်ဝက်ကျော်ဆန္ဒမဲဖြင့်ပြင်ဆင်ရမည် ဟုအဆိုပြုခဲ့ခြင်းဖြစ်သည် ။ ပုးမ ၄၃၆ နှင့်ပတ်သက်၍ ဤအဆိုပြုချက်မှာ ဖြစ်သင့်ဖြစ်ထိုက်သောအဆိုပြုချက်ဖြစ်သည် ။ လွှတ်တော်ထဲတွင်ပြည်သူလူထုရွေးချယ်ထားသူ ကိုယ်စားလှယ် ၇၅ ရာခိုင်နှုန်းသာရှိရာ ၇၀ ရာနှုန်းဆိုသည်မှာ ပြည်သူ့ ဆန္ဒအများစုအစစ်အမှန်ပင်ဖြစ်လေသည် ။ ဤအဆိုကို ထိုစဉ်ကမဲခွဲဆုံးဖြတ်သောအခါ ရှုံးနိမ့် ခဲ့လေ၏ ။ ဘယ်သူတွေက ကန့် ကွက်မဲပေးကြသလဲဆိုတာ ပြောစရာလိုမည်မထင်ပေ။

စတုတ္ထအရေးကြီးသောပြင်ဆင်ချက်မှာ တိုင်းဒေသကြီးနှင့် ပြည်နယ်အစိုးရများကိုလုပ်ပိုင်ခွင့်ပိုပေးခြင်းဖြစ်သည် ။ လက်ရှိဖွဲ့ စည်းပုံအခြေခံဥပဒေတွင် ပြည်နယ်နှင့်တိုင်းဒေသကြီးအစိုးရများ၏လုပ်ပိုင်ခွင့်အာဏာမှာ စည်ပင်သာယာအလုပ်လောက် ၊မီးသွေးဖုတ်သောလုပ်ငန်းလောက်သာရှိလေပြီးလုပ်ပိုင်ခွင့် မရှိသလောက်နည်း၏ ။ ကြံ့ခိုင်ရေးကတင်ပြသော ပြင်ဆင်ရေးအဆိုတွင် ပြည်နယ်နှင့်တိုင်းဒေသကြီးအစိုးရအား ၂၀၀၈ ဖွဲ့စည်းပုံဥပဒေဇယား ၂ မှ အရင်းအနှီး၊အာမခံလုပ်ငန်း၊ ၀င်ငွေခွန် ၊ ကုန်သွယ်ခွန် ၊ ပြည်ပမှချေးငွေယူခြင်း၊ ပြည်ပမှငွေကြေးအကူအညီနှင့်အထောက်အပံ့ရယူခြင်း၊ဟိုတယ်နှင့်တည်းခိုခန်းလုပ်ငန်း၊ ခရီးသွားလာရေးလုပ်ငန်း၊မြေလွတ်မြေရိုင်းဖော်ထုတ်ခြင်း၊စာချုပ်စာတမ်းမှတ်ပုံတင်ခြင်း ၊ ပင်လယ်ကမ်းနီးငါးလုပ်ငန်း၊ စိုက်ပျိုးရေးနှင့်မိုးလေ၀သလုပ်ငန်း၊ မိမိဒေသတွင်းမှသယံဇာတများကိုအချိုးအစားသတ်မှတ်ပေးရေး စသည်ဖြင့်အချက်ပေါင်းများစွာပါဝင်သည် ။ လိုရင်းမှာ ပြည်နယ်နှင့်တိုင်းအစိုးရများကိုလုပ်ပိုင်ခွင့်ပိုမို ခွင့်ပြုပေးခြင်း ဖြစ်သည် ။ ပြည်နယ်များကို အာဏာခွဲဝေရေး၊သယံဇာတခွဲဝေရေးဖြစ်သည် ။တိုင်းရင်းသားများတောင်းဆိုနေကြသည်မှာလည်းအနှစ်ချုပ်လိုက်လျှင် အာဏာပိုရဖို့  သယံဇာတတွေ ပြည်နယ်သားတွေ ဒေသခံတွေလက်ထဲမှာသုံးခွင့်ရဖို့ ဖြစ်သည် ။ သို့ သော် ထိုဥပဒေများရှေ့ တွင် ပြည်ထောင်စုကပြဌာန်းသည့်ဥပဒေနှင့်အညီဆိုသည့်စကားလုံးကြီးပါဝင်နေခြင်းကို ကျွန်တော်သဘောမကျ ။ ပေးကားပေး၏မရဆိုသလိုဖြစ်လာနိုင်သည် ။ ပြည်နယ်များလွတ်လပ်စွာဥပဒေပြဌာန်းပါစေ ။ အငြင်းအခုန်ဖြစ်လာလျှင် ဖွဲ့စည်းပုံအခြေခံဥပဒေခုံရုံးကဆုံးဖြတ်ပါစေ ။ ဘာမှအာဏာနှင့်လုပ်ပိုင်ခွင့်မရှိသော ရုပ်ပြအစိုးရအဖြစ်မှ ပြည်နယ်နှင့်တိုင်းဒေသကြီးအစိုးရကင်းဝေးပါစေ ။

ပြည်ထောင်စုလွှတ်တော်တွင် ၁၉.၂.၂၀၁၉ နေ့ကဖွဲ့စည်းလိုက်သောဖွဲ့စည်းပုံအခြေခံဥပဒေပြင်ဆင်ရေးပူးပေါင်းကော်မတီက အထက်ပါ ပုဒ်မအသေးစိတ်ကို လေ့လာပြီးပြင်ဆင်သင့်သည့်စာရင်းတွင်တင်သွင်းကာ ဖွဲ့စည်းပုံပြင်ဆင်ရေးကိုဆောင်ရွက်သင့်ပါကြောင်း ။

သရ၀ဏ်(ပြည်)

COMMENTS

Name

art,1,article,1356,cartoon variety,23,crime,70,culture,1,documentary,9,Entertainment,9,health,36,history,2,international,8815,interview,230,knowledge,9,Live,8,LocalNews,18110,news,2842,opinion,794,photos,203,poem,117,satires,40,song,12,speech,13,sports,196,statement,59,technic,59,translate,36,video,1077,voice,76,
ltr
item
dawnmanhon: "ဘာတွေပြင်ကြမှာလဲ" ဆရာသရ၀ဏ်(ပြည်)
"ဘာတွေပြင်ကြမှာလဲ" ဆရာသရ၀ဏ်(ပြည်)
https://2.bp.blogspot.com/-qbRCGb8Y3uA/XHKQkqhltCI/AAAAAAAAfog/9-igbptRtd8kxK1vFdXVHfR9uHl56IknACLcBGAs/s1600/q1.jpg
https://2.bp.blogspot.com/-qbRCGb8Y3uA/XHKQkqhltCI/AAAAAAAAfog/9-igbptRtd8kxK1vFdXVHfR9uHl56IknACLcBGAs/s72-c/q1.jpg
dawnmanhon
http://www.dawnmanhon.com/2019/02/blog-post_728.html
http://www.dawnmanhon.com/
http://www.dawnmanhon.com/
http://www.dawnmanhon.com/2019/02/blog-post_728.html
true
4976479704313592870
UTF-8
Loaded All Posts Not found any posts VIEW ALL Readmore Reply Cancel reply Delete By Home PAGES POSTS View All RECOMMENDED FOR YOU LABEL ARCHIVE SEARCH ALL POSTS Not found any post match with your request Back Home Sunday Monday Tuesday Wednesday Thursday Friday Saturday Sun Mon Tue Wed Thu Fri Sat January February March April May June July August September October November December Jan Feb Mar Apr May Jun Jul Aug Sep Oct Nov Dec just now 1 minute ago $$1$$ minutes ago 1 hour ago $$1$$ hours ago Yesterday $$1$$ days ago $$1$$ weeks ago more than 5 weeks ago Followers Follow THIS PREMIUM CONTENT IS LOCKED STEP 1: Share. STEP 2: Click the link you shared to unlock Copy All Code Select All Code All codes were copied to your clipboard Can not copy the codes / texts, please press [CTRL]+[C] (or CMD+C with Mac) to copy