Dawnmanhon( ဒေါင်းမာန်ဟုန်)

Tuesday, May 21, 2013

ဥပဒေကဲ့သို့အာဏာတည်သောအမိန့်နှင့်ပတ်သတ်၍ဒေါ်အောင်ဆန်းစုကြည်မှ လွှတ်တော်တွင် ဆွေးနွေးပြောကြား(အသံဖိုင်)

8:24 AM Htut Htut No comments

ပထမအကြိမ် ပြည်ထောင်စုလွှတ်တော် အထူးအစည်းအဝေး ဒုတိယနေ့ အစီအစဉ်ကို မေလ ၅ရက်နေ့က ဆက်လက်ကျင်းပရာ နိုင်ငံအတွင်း လူစုလူဝေးနှင့် အကြမ်းဖက်မှုများ ဖြစ်ပွားနေမှုနှင့် ပတ်သက်ပြီး နိုင်ငံတော်သမ္မတ၏ ဥပဒေကဲ့သို့ အာဏာတည်သော အမိန့် (၁/၂၀၁၃) အရေးပေါ်အခြေအနေ ကြေညာခြင်းကို အတည်ပြုပေးရန် အဆိုနှင့်ပတ်သက်ပြီး ဒေါ်အောင်ဆန်းစုကြည် ( ကော့မှူးမြို့နယ် ပြည်သူ့လွှတ်တော်ကိုယ်စားလှယ်)၊ ဦးဝင်းမြင့် (ပုသိမ်မြို့ ပြည်သူ့လွှတ်တော်ကိုယ်စားလှယ်)၊ ဦးဝင်းထိန် (မိတ္ထီလာမဲဆန္ဒနယ်)၊ ဦးသိန်းညွှန့်၊ ဒေါက်တာစိုးရင်၊ ဦးမြင့်စိုး၊ ဒေါ်ခင်ဝိုင်းကြည်၊ ဒေါက်တာအေးမောင်၊ ဦးပေါ်လျှံလွင်၊ ဦးတင်မြ၊ ဒေါ်ရီရီမြင့်၊ ဦးတင်မောင်ဦး၊သူရဦးအောင်ကိုတို့မှ ဆွေးနွေးကြမည်။

ကိုယ်စားလှယ်များ၏ ဆွေးနွေးချက်များနှင့်ပတ်သက်ပြီး ပြည်ထောင်စုဝန်ကြီးမှ ပြန်လည်ရှင်းလင်းဆွေးနွေးပြီးနောက် အရေးပေါ်အခြေအနေ ကြေညာခြင်းနှင့် ပတ်သက်ပြီး အတည်ပြုရန်အတွက် ပြည်ထောင်စု လွှတ်တော်၏ အဆုံးအဖြတ် ရယူမည်ဖြစ်ကြောင်း သိရသည်။

သတင်းဓာတ်ပုံ..Burma Vj

အိမ်ဖြူတော်ရှေ့ ဆန္ဒပြပွဲ (မေ ၂၀ ၂၀၁၃) -ဓာတ်ပုံ

4:00 PM Htut Htut No comments

President Obama-- Follow the Foreign Assistance Law
Economic Sanctions-- Still Need Now
Free Free -- Free Burma
We Want-- Genuine Democracy
We Want-- Real Change
Human Rights Violation- - Stop it Now
Down With Military Dictatorship in Burma- Right Now
Crony Economy System- Stop it Now
Thein Sein Followers-- Shame on you
Sham 2008 Constitution- Abolish

photo..zaw win

မြန်မာနိုင်ငံအတွင်းတရုတ်ကုမ္ပဏီများသဘာဝပတ်ဝန်းကျင်ဆိုင်ရာ စည်းမျဉ်းများချိုးဖောက်လျက် ရှိကြောင်း ယူနန်ကိုယ် စားလှယ်ပြောကြား

9:22 AM Htut Htut No comments

မြန်မာနိုင်ငံအတွင်း စီးပွားရေးရင်းနှီးမြှုပ်နှံမှုများ လာရောက်လုပ်ကိုင်လျက်ရှိသည့် တရုတ်ကုမ္ပဏီအချို့မှာ နိုင်ငံတကာတွင်သတ်မှတ်ထားသည့် အပြည်ပြည်ဆိုင်ရာသဘာဝပတ်ဝန်းကျင် စည်းမျဉ်းစည်းကမ်းများကို ချိုးဖောက်၍ လုပ်ဆောင်လျက်ရှိကြောင်း တရုတ်ပြည်သူ့သမ္မတနိုင်ငံ၊ ယူနန်ပြည်နယ်အစိုးရ အကြံပေးတာဝန်ခံ၊ အရှေ့တောင်အာရှ သုတေသနနှင့် လူမှုသိပ္ပံဌာန ညွှန်ကြားရေးမှူး ဒေါက်တာ ခွန်ကျင့်ရှိန်က မေလ ၁၉ ရက်နေ့တွင် မြန်မာငြိမ်းချမ်းရေး စင်တာ(Myanmar Peace Center)၌ ပြုလုပ်ကျင်းပခဲ့သော ဒီမိတ် ၁၀ ပါတီမှ ကိုယ်စားလှယ်များနှင့် တရုတ်-မြန်မာ အနာဂါတ် ဆက်ဆံရေးလာရောက်လေ့လာသော ယူနန်အစိုးရကိုယ်စားလှယ် အဖွဲ့၏တွေ့ဆုံ ဆွေးနွေးပွဲတွင် ပြောကြား သည်။

ထို့ကြောင့် မြန်မာနိုင်ငံအတွင်း ရင်းနှီးမြှုပ်နှံမှုများ လုပ်ကိုင်လျက်ရှိသော တရုတ်ကုမ္ပဏီများ အနေဖြင့် ၎င်းတို့၏ ဆောင်ရွက်မှုများအပေါ် ပိုမိုပွင့်လင်းမြင်သာမှုရှိရန် လိုအပ်သင့်အပြင် နိုင်ငံတကာ စံချိန်စံညွှန်းများနှင့် ညီညွှတ်မှုမရှိသည့် ပရောဂျက်များကိုလည်း အပြည်ပြည်ဆိုင်ရာ စံချိန်စံညွှန်းများ၊ ပွင့်လင်းမြင်သာမှုရှိစေရေးတို့အတွက် ပြန်လည်သုံးသပ်စိစစ် ဆောင်ရွက်သွားသင့်ကြောင်း ၎င်းက အဆိုပါတွေ့ဆုံပွဲအပြီး ပြည်တွင်းဂျာနယ်တစ်စောင်ဖြစ်သည့် မြန်မာပို့စ်ဂျာနယ်၏ မေးမြန်းချက်အား ပြန်လည်ဖြေကြားခဲ့သည်။

ထို့ပြင် မြန်မာ-တရုတ် နှစ်နိုင်ငံ၏ ရင်းနှိးမြှုပ်နှံမှု၊ ချစ်ကြည်ရင်းနှီးမှုနှင့် ဆက်ဆံရေးကိစ္စရပ်များတွင် ပြုပြင်ပြောင်းလဲ ရမည့် လိုအပ်ချက်များရှိသည့်အပြင် နှစ်နိုင်ငံသဘောတူညီချက်များအရ အဆိုပါပြဿနာများကို ပူးပေါင်းကိုင်တွယ်ဖြေရှင်း ကာ အကောင်းဆုံးဖြစ်စေရန် ကြိုးစားဆောင်ရွက်သွားပေးမည်ဖြစ်ကြောင်း ယူနန်ကိုယ်စား လှယ်တစ်ဦးက ပြောကြား သည်။

ယူနန်ကိုယ်စားလှယ်များအနေဖြင့် တရုတ်-မြန်မာ နှစ်နိုင်ငံ၏ အနာဂါတ်ဆက်ဆံရေး အလုပ်ရုံ ဆွေးနွေးပွဲမှတစ်ဆင့် ရရှိသည့်အချက်အလက်များကို စုစည်း၍ ယူနန်အစိုးရထံသို့ ပြန်လည်တင်ပြပေးသွားမည်ဖြစ်ကြောင်း ကတိပြုပြောကြား ခဲ့သည်။

ထို့ပြင် မြန်မာနိုင်ငံ၏ အစိုးရသစ်လက်ထက်မှစတင်၍ နိုင်ငံရေး၊ စီးပွားရေးပြုပြင်ပြောင်းလဲမှုများကြောင့် နှစ်ပေါင်း များစွာ ဒဏ်ခတ်အရေးယူမှုများပြုလုပ်ခဲ့သည့် အမေရိကန်နှင့် ဥရောပသမဂ္ဂနိုင်ငံတို့မှ ဖြေလျော့မှုများပြုလုပ် ပေးခဲ့သည့်အပြင် ဆက်ဆံရေးတိုးမြှင့်ဆောင်ရွက်မှုများ ပြုလုပ်လာခဲ့သော်လည်း မကြာသေးမီရက်ပိုင်းအတွင်းက ထိုသို့ မြန်မာနိုင်ငံအနေဖြင့် အနောက်နိုင်ငံ၏ ဆက်ဆံရေးတိုးမြှင့်လာသော်လည်း တရုတ်နိုင်ငံ၏ သြဇာလွှမ်းမိုးမှုကို ကျော်လွှားနိုင်မည်မပာုတ်ကြောင်း တရုတ်အာဏာပိုင်တစ်ဦးက ပြောကြားသည်။

လက်ရှိ လွှတ်တော်တွင်း ဒုတိယအင်အားအကြီးဆုံး ပါတီတစ်ခုဖြစ်သည့် အမျိုးသားဒီမိုကရေစီအဖွဲ့ချုပ် (NLD)ပါတီ ၏ ၁၀ ရက်ကြာလေ့လာရေးခရီးစဉ်တွင် နိုင်ငံတော်သမ္မတ ဦးသိန်းစိန်၏ သမ္မတသက်တမ်းအတွင်း ဆက်လက်ဆောင်ရွက် ခြင်းမပြုပာု ပြည်သူများအား ကတိပြုထားခဲ့သည့် မြစ်ဆုံစီမံကိန်းအား ပြန်လည်လုပ်ကိုင်လိုကြောင်း တရုတ်ဝန်ကြီးက ပြောကြားခဲ့သည်ပာု ခရီးစဉ်တွင် အဖွဲ့ဝင်အဖြစ်လိုက်ပါသွားခဲ့သော NLD ပါတီ ရန်ကုန်တိုင်းဥက္ကဋ္ဌ ဦးမြင့်ဌေးက ပြောကြား ခဲ့သည်။

Yangon chronicle

မြန်မာနိုင်ငံအပေါ်အမေရိကန် မူဝါဒကို တိုင်းတာခြင်း

9:18 AM Htut Htut No comments

(19 May 2013 ရက်စွဲပါ Washington Post မှ Calibrating U.S policy on Burma ကို ဘာသာပြန်ဆိုသည်)

အရှေ့တောင်အာရှ နိုင်ငံတစ်ခုဖြစ်သော မြန်မာနိုင်ငံမှ ခေါင်းဆောင်တစ်ဦးသည် ရာစုနှစ် တစ်ဝက်ခန့်အတွင်း ပထမဦးဆုံးအကြိမ်အဖြစ် တနင်္လာနေ့တွင် အိမ်ဖြူတော်သို့ သွားရောက်လည်ပတ်မည်ဖြစ်ပါသည်။ သမ္မတအိုဘားမား၏ ဖိတ်ကြားချက်သည် သမ္မတဦးသိန်းစိန်၏လူဦးရေ သန်း ၅၀ ရှိသော မြန်မာနိုင်ငံတွင် မည်သို့ အရာရာလျင်မြန်စွာ ပြောင်းလဲသွားသည် ဆိုသည်နှင့် နှစ်နိုင်ငံဆက်ဆံရေးကို ပြသသည့် လက္ခဏာတစ်ခု ဖြစ်ပါသည်။ လာရောက်လည်ပတ်သည့် ခရီးစဉ်သည် တိုးတက်မှုများအတွက် အောင်ပွဲခံခြင်းနှင့် နောက်ထပ်လိုအပ်သော ပြောင်းလဲမှုများအတွက် အာပေးခြင်း ဖြစ်သင့်ပါသည်။

ဆယ်စုနှစ်ပေါင်းများစွာက ကမ္ဘာပေါ်တွင် အဖိနှိပ်ဆုံးနှင့် အထီးကျန်နိုင်ငံများတွင်ပါဝင်သော မြန်မာနိုင်ငံတွင် လွန်ခဲ့သော နှစ်နှစ်ကျော်အတွင်း အကြီးအကျယ် တံခါးဖွင့်ခဲ့ပါသည်။ သမ္မတဦးသိန်းစိန်၏ ပြုပြင်ပြောင်းလဲမှုများကြောင့် နိုင်ငံခြားရင်းနှီးမြှုပ်နှံသူများက အိမ်ရှေ့တံခါးလာခေါက်နေကြပြီး ရန်ကုန်တွင် နေ့စဉ်သတင်းစာများလည်း လွတ်လပ်စွာ ထုတ်ဝေလာကြပါသည်။ နိုင်ငံရေးပါတီများကလည်း ၂၀၁၅ ရွေးကောက်ပွဲကို မျှော်ကြည့်နေကြပြီဖြစ်သည်။

လာမည့် ၂၀၁၅ ရွေးကောက်ပွဲသည် မည်မျှအထိ လွတ်လပ်မည်နည်း။ မြန်မာနိုင်ငံ၏ အခြေခံဥပဒေအရ စစ်တပ်သည် လွှတ်တော်တွင် နေရာ လေးပုံတစ်ပုံရရှိထားပြီး အစိုးရ၏ လုပ်ဆောင်မှုများပေါ်တွင် ဗီတိုအာဏာ ရှိပါသည်။ ဒေါ်အောင်ဆန်းစုကြည်သည် သမ္မတရွေးခံရခြင်းအတွက် တားမြစ်ခြင်းခံထားရပါသည်။ လွှတ်ပေးခဲ့သော အကျဉ်းသားများကို အစိုးရက အချိန်မရွေး ပြန်လည်ဖမ်းဆီးနိုင်ခွင့် ရှိနေပါသေးသည်။ လွန်ခဲ့သောခြောက်လ သမ္မတအိုဘားမား လာရောက်စဉ်က ကတိများအပါအဝင် အစိုးရက ပေးခဲ့သော ကတိများ ဖြည့်ဆည်းပေးရန် ကျန်ရှိနေပါသေးသည်။ ကုလသမဂ္ဂ လူ့အခွင့်အရေးကော်မရှင်နာရုံး ဖွင့်ခွင့်ပေးရန်ကိစ္စ၊ တိုင်းရင်းသားပဋိပက္ခ ဖြစ်ပွားသောနေရာများတွင် လူသားချင်းစာနာသော အကူအညီများ ရောက်ရှိရေးကိစ္စများ လုပ်ဆောင်ရန် ကျန်ရှိနေပါသေးသည်။ တချိန်တည်းမှာပင် ပြုပြင်ပြောင်းလဲရေးများနှင့်အတူ မူဆလင်လူမျိုးစုအပေါ် ပြင်းထန်သော အကြမ်းဖက်မှုများလည်း ပါဝင်လာသည်။ လူ့အခွင့်အရေးအုပ်စုများ၏ အဆိုအရ အစိုးရတာဝန်ရှိသူများ၏ အားပေးအားမြှောက်ပြုမှုများ ပါဝင်နေသည်ဟု ဆိုပါသည်။

အဆိုပါ အကောင်းအဆိုးရောနေသော အခြေအနေအပေါ် မည်သို့တုန့်ပြန်မည်နည်း။ ယေဘုယျအားဖြင့် အမေရိကန်အစိုးရသည် မြန်မာနိုင်ငံတွင် ဖန်ခွက်ထဲတွင် ရှိသော ရေတစ်ဝက်ကိုသာ အာရုံပြုနေသည့် သဘောရှိပါသည်။ အစိုးရသည် စီးပွားရေးအရ အရေးယူမှုများကို ဖြေလျှော့ပေးခဲ့ပြီး အခြေအနေတချို့တွင် မြန်မာအစိုးရသဘောကျသော ‘Myanmar’ဟူသည့် အသုံးအနှုန်းကို အသုံးပြုလာပါသည်။ အမေရိကန်အစိုးရတာဝန်ရှိသူများက ပြောကြားရာတွင် ယခုမြန်မာသမ္မတခရီးစဉ်သည် ပြုပြင်ပြောင်းလဲရေးများ ရှေ့ဆက်နိုင်ရန် မည်သို့ထိန်းသိမ်းမည်ဆိုသည်ကို ကုန်သွယ်မှုများ ပိုမိုလုပ်ဆောင်ပြီး အားပေးရန် အာရုံပြုမည်ဟု ဆိုပါသည်။ မြန်မာများ၏မျှော်လင့်ချက်မှာ မြင့်မားနေပြီး မြန်မာအစိုးရအနေဖြင့် အကယ်၍ ပြုပြင်ပြောင်းလဲမှုများကို နှေးကွေးစေလိုသူ သို့မဟုတ် ဖျက်ဆီးလိုသူ သဘောထား တင်းမာသူများအား နှီမ်နင်းပြီးဆိုပါက ရလဒ်များကို ပြသရန်လိုအပ်ကြောင်း တာဝန်ရှိသူများက ပြောပါသည်။

ကွန်ဂရက်သည် ပို၍ သံသယကြီးနေပြီး နှစ်နိုင်ငံတံခါးအဖွင့်တွင် လုပ်ငန်းစဉ်များနှေးကွေးစေမည့် လုပ်ဆောင်မှုအချို့ကို စတင်မည်ဖြစ်ပါသည်။ ပြုပြင်ပြောင်းလဲရေးများ ရပ်တန့်သွားခြင်းအပေါ် ပြစ်ဒဏ်ပေးခြင်း မရှိပါက ဦးသိန်းစိန်သည် သဘောထားတင်းမာသူများကိုသာ နားချရမည်ဖြစ်၍ နောက်ထပ်အရေးယူမှုများ ပြုလုပ်ရန် လိုအပ်ပါသည်။ မြန်မာနိုင်ငံသည် အသွင်ကူးပြောင်းရေးလမ်းပေါ်တွင် ရပ်တန့်သွားနိုင်ပြီး တရုတ်ပုံစံ ခရိုနီစီးပွားရေးစနစ်နှင့် ရုရှားပုံစံရွေးကောက်ပွဲအတုများဖြင့် အဆုံးသတ်သွားနိုင်ပါသည်။

အမေရိကန်၏ မူဝါဒသည် လိုအပ်သည့်ရလဒ်ထွက်ပေါ်ရန် သြဇာရှိသည်ဆိုပါက တိုးတက်မှုအစစ်အမှန်ကို သဘောပေါက်နိုင်မည့် ချိန်ခွင်လျှာညီရန် လိုအပ်ပါသည်။ ထို့ပြင်ထည့်သွင်းစဉ်းစားရမည့်အချက်မှာ မြန်မာနိုင်ငံသည် စစ်မှန်သောဒီမိုကရေစီသို့ ခရီးရှည်ကြီး သွားရဦးမည်ဆိုသည့် အချက်ဖြစ်ပါသည်။

Yangon chronicle

၈၈၈၈မျိုးဆက်သစ်ကျောင်းသားခေါင်းဆောင်ဦးမင်းကိုနိုင် ဦးကိုကိုကြီးတို့ အမေရိကသို့ ချောမောစွာရောက်ရှိ

8:51 AM Htut Htut No comments

၈၈မျိုးဆက် (ငြိမ်းချမ်းရေးနှင့်ပွင့်လင်းလူ့အဖွဲ့အစည်း) မှ ၈၈မျိုးဆက် ခေါင်းဆောင် ဦးမင်းကိုနိုင်နှင့်ဦးကိုကိုကြီး သည် ယနေ့ ( မေလ၊ 19ရက် ) တွင်ကိုရီးယားမှဆင့်အမေရိကနိုင်ငံ သို့ လေကြောင်းခရီးဖြင့် ထွက်ခွာသွားသည်။ အမေရိက မြို့၌ မြန်မာလူထုနှင့် တွေ့ဆုံမည်ဖြစ်ပါသည်။ တောင်ကိုရီးယားနိုင်ငံမှတစ်ဆင့် NED ၏ဖိတ်ကြားမှုဖြင့် 20ရက် တွင်အမေရိကန်ပြည်ထောင်စုသို့ ဦးမင်းကိုနိုင်နှင့်ဦးကိုကိုကြီးနှစ်ဦးရောက်ရှိခဲ့ပါတယ်.။

ဓါတ်ပုံ အတာလင်း

VOA ရောက် ရုပ်သေးသမ္မတ ဦးသိန်းစိန်နှင့် တွေ့ဆုံပွဲ (ရုပ်သံ)

8:34 AM Htut Htut No comments

ဖွဲ့စည်းပုံက လူအများ ထောက်ခံ ထားတာပါတဲ့.. နောက်တစ်ခုက ကျွန်တော်တို့ အစိုးရ လုပ်တာ မဟုတ်ပါဘူး အရင် အစိုးရ လုပ်ခဲ့တာပါတဲ့ ... အဲဒီ အရင်အစိုးရ ၀န်ကြီးချုပ် က ဘယ်သူတုန်း ..

ဦးသန်းလွင်ထွန်း။ ။ မင်္ဂလာပါခင်ဗျ။ အခု ဗွီအိုအေမြန်မာပိုင်း ကနေပြီးတော့ မြန်မာနိုင်ငံကို ရုပ်မြင်သံကြားကနေ တိုက်ရိုက်ထုတ်လွှင့်မယ့် သမ္မတကြီး ဦးသိန်းစိန်နဲ့ အထူးသဖြင့် ဗွီအိုအေ အပါအ၀င် ဗွီအိုအေကနေ အိမ်ရှင်အဖြစ် လက်ခံကျင်းပပေးမယ့် ဒီစီ အနီးတ၀ိုက်မှာ ရှိတဲ့ မြန်မာ အသိုင်းအ၀ိုင်းကနေပြီးတော့၊ နိုင်ငံရေး၊ စီးပွားရေး၊ ဘာသာရေး၊ လူငယ်ရေးရာ ဘက်ပေါင်းစုံက အသိုင်းအ၀ိုင်းက သမ္မတကြီးနဲ့တွေ့ပြီးတော့ မေးချင် တာ၊ နှုတ်ဆက်ချင်တာတွေနဲ့အတူ တွေ့ဆုံပွဲကို စတင်ပါပြီခင်ဗျ။

အထူးသဖြင့် ဒီမိုကရေစီနိုင်ငံတွေမှာပဲ အများအားဖြင့် တွေ့ရလေ့ရှိတဲ့ Town Hall meeting လို့ခေါ်တဲ့ မြို့တော်ခန်းမပုံစံမျိုး၊ ရင်းရင်းနှီးနှီး ပွင့်ပွင့်လင်းလင်း တွေ့ဆုံပွဲကို သမ္မတကြီးအနေနဲ့ လိုလိုလားလားနဲ့ ကျနော်တို့ဆီကို လာပြီးတော့ အခုလို လာပေးတာ ကျေးဇူးတင်ကြောင်း အရင် ပြောပါရစေ။ အလားတူပဲ တက်လာတဲ့ပရိသတ်တွေဆိုရင်လည်း သမ္မတနဲ့ တွေ့ဆုံခွင့်ရပြီးတော့ အားလုံးအနေနဲ့ ရိုးရိုးသားသား ပွင့်ပွင့်လင်းလင်း ရှင်းရှင်းလင်းလင်း မေးစရာရှိတာလေးတွေကို မေးပြီးတော့ သမ္မတကြီးဆီကလည်း ပွင့်လင်းရှင်းလင်းတဲ့ အဖြေတွေကို ရနိုင်လိမ့်မယ်လို့ ကျနော်တို့ ယူဆပါတယ်။ အဲဒီတော့ အကန့်အသတ်လေး နည်းနည်းရှိတဲ့ အတွက်ကြောင့် မေးခွန်းတွေ၊ မှတ်ချက်လေးတွေ ပေးရင်တော့ အချိန်အတိုင်းအတာလေးနဲ့ ဖြစ်စေချင်ပါတယ်။ မေးချင်တဲ့မေးခွန်းတွေကို ပေးပြီးသားဖြစ်တဲ့အတွက်ကြောင့်မိုလို့ သမ္မတကြီးပြောတဲ့ အကြောင်းအရာလေးတွေ နဲ့ ကိုက်ညီတဲ့အားလျော်စွာ ကျနော် ခေါ်ပြီးတော့ မေးခွန်းလေးတွေ မေးခွင့်ပေး ပါမယ်။ ဒီထောင့်မှာလာပြီးတော့ မေးခွန်းမေးပေးဖို့ပါပဲ။

ကျနော့်အနေနဲ့ ပထမဦးဆုံးကတော့ မေးချင်တဲ့အကြောင်းကတော့ သမ္မတကြီးအနေနဲ့ နိုင်ငံရဲ့ ၄၇ နှစ်အတွင်း မြန်မာနိုင်ငံရဲ့ ပထမဆုံးသမ္မတအနေနဲ့ အမေရိကန်ပြည်ထောင်စုကို တရားဝင် အလည်အပတ် ရောက်ရှိလာတယ်။ အဲဒီမှာ သမ္မတကြီးအနေနဲ့ အမေရိကန်ပြည်ထောင်စု သမ္မတ ဘရက်အိုဘားမားနဲ့လည်း မနက်ဖြန်ဆိုရင်တွေ့ဆုံဖို့ရှိပါတယ်။ ဒီသမိုင်းဝင်ခရီးစဉ်အတွင်းမှာ သမ္မတကြီးအနေနဲ့ ဘယ်လို မြန်မာနိုင်ငံရဲ့အကျိုးအတွက် ရလဒ်တွေကို မျှော်မှန်းနိုင်ဖို့ ရည်ရွယ်ချက် ရှိထားပါလဲ ဆိုတာလေးကို သမ္မတကြီးအနေနဲ့ အတိုချုပ်လေး ရှင်းပြပေးစေချင်ပါတယ်။ အလားတူပဲ သမ္မတကြီး ဦးဆောင်ပြီးတော့လုပ်နေတဲ့ မြန်မာနိုင်ငံတွင်းမှာ ရှိတဲ့ ပြုပြင်ပြောင်းလဲရေး လုပ်ငန်းစဉ်တွေရဲ့ လက်ရှိအခြေအနေ၊ ရင်ဆိုင်ရတဲ့ အကြောင်းလေးတွေကိုလည်း အတိုချုပ် ရှင်းပြပေးစေချင်ပါတယ်။ အဲဒါပြီးရင်တော့ ပရိသတ်ထဲက မေးစရာရှိတာလေးတွေကို သမ္မတကြီးအနေနဲ့ ဖြေကြားပေးစေချင်ပါတယ်။

သမ္မတဦးသိန်းစိန်။ ။ အားလုံးပဲ တက်ရောက်လာကြတဲ့ အဖွဲ့တွေကို ကျနော့်အနေနဲ့ ကျေးဇူးတင်ကြောင်း ပြောကြားချင်ပါတယ်။ ဒီမှာ အကြောင်းအမျိုးမျိုးနဲ့ ရောက်နေပေမဲ့လည်း မြန်မာနိုင်ငံသားတွေဖြစ်တဲ့အတွက်ကြောင့် စိတ်ထဲမှာတော့ စောစောကပြောသလိုပါပဲ။ ကိုယ့်သွေး ကိုယ့်သားတွေလိုပဲ စိတ်ထဲမှာ သဘောထားပါတယ်။ ခင်ဗျားတို့နဲ့ တွေ့နိုင်အောင် အခုလို စီစဉ်ပေးခဲ့တဲ့ ဗွီအိုအေက တာဝန်ရှိတဲ့ ပုဂ္ဂိုလ်တွေလည်း ကျေးဇူးတင်ကြောင်း ကျနော် ပြောလိုပါတယ်။ စောစောက ကျနော် ပြောသလိုပါပဲ မြန်မာနိုင်ငံနဲ့ အမေရိကန် ဆက်ဆံရေးဟာ ၁၉၄၇ ခုနှစ်ဆိုတော့ လွတ်လပ်ရေးတောင် မရသေးပါဘူး။ လွတ်လပ်ရေး မရခင်ကတည်း ကျနော်တို့က သံတမန်ဆက်သွယ်မှု ရှိခဲ့တယ်။ နောက် ဟိုတုန်းကတော့လည်း သွားလာဆက်ဆံမှုတွေ ရှိပါတယ်။ အဲဒီတော့ ၁၉၅၅ ခုနှစ်ကဆိုလို့ရှိရင်ဝန်ကြီးချုပ်ဦးနု ဒီကိုလာခဲ့ပါတယ်။ ဧည့်သည်အဖြစ်နဲ့။ နောက် တခါ ၂ နှစ်အကြာ ၁၉၅၇ ခုနှစ်မှာ သမ္မတကြီး ဦးမန်းဝင်းမောင် က ဆေးဝါးကုသဖို့ဆိုပြီးတော့ ဒီကိုလာခဲ့ဖူးပါတယ်။ နောက်တော့ ၁၉၆၆ ခုနှစ်မှာ ကျနော်တို့ ဗိုလ်ချုပ်ကြီးနေ၀င်းပေါ့လေ။ တရားဝင်အလည်အပတ်ခရီး လာခဲ့ဖူးပါတယ်။ အဲဒီတော့ ၁၉၆၆ ခုနှစ်ကနောက်ပိုင်းမှာ ကျနော်တို့ အဆက်အသွယ်တွေ ပြတ်သွားကြတယ်။ အသွားအလာတွေ နည်းသွားကြတာ အခု ကျနော်ရောက်တဲ့အချိန်ထိဆိုရင် အားလုံး ကျနော်တို့ ၄၇ နှစ်။ ၄၇ နှစ်အတွင်းမှာ ကျနော်တို့ မြန်မာနိုင်ငံရဲ့ တာဝန်ရှိတဲ့အကြီးအကဲတယောက် အနေနဲ့ အမေရိကန်နိုင်ငံကို၊ မြို့တော်ဝါရှင်တန်ကို ရောက်လာတာဖြစ်ပါတယ်။ အဲဒီတော့ အဓိက ကတော့ ကျနော်တို့ မြန်မာနိုင်ငံနဲ့ အမေရိကန်ဆက်ဆံရေး ဟာ သမ္မတအိုဘားမား လက်ထက်မှာ ပြန်လည်ပြီးတော့ ပွင့်လင်းသွားပြီးတော့ မှ နှစ်နိုင်ငံ ဆက်ဆံရေးဟာ နွေးနွေးထွေးထွေးနဲ့ ကျနော်တို့ ရှိလာတယ်။ နှစ်ပေါင်း ၂၀ လောက် အဆက်အသွယ် အကျိတ်အခဲတွေပေါ့နော်။ အခက်အခဲတွေ ရှိနေရာကနေ အခုတော့ ကျနော်တို့ နှစ်နိုင်ငံရဲ့ ဆက်သွယ်ရေးဟာ သမ္မတအိုးဘားမားရဲ့ ကျင့်သုံးတဲ့ ပေါ်လစီအရ ပြန်လည် ပြီးတော့ ထိတွေ့ဆက်ဆံမှုတွေ၊ ဆက်သွယ်မှုတွေ ကျနော်တို့ရှိလာပါတယ်။ အဲဒီတော့ လာရတဲ့ခရီးစဉ်ရဲ့ အဓိက ကတော့ နှစ်နိုင်ငံ ကျနော်တို့ရဲ့ ခင်မင်ရင်းနှီးမှုကို ဆက်လက်ပြီးတော့ အဓွန့်ရှည်အောင် တည်ဆောက်နိုင်ဖို့ အတွက် ဒါ ကျနော်တို့ လာရောက် လည်ပတ်ခြင်းဖြစ်ပါတယ်။ ဒါကတော့ အဓိက အကြောင်းတစ်ချက်ပေါ့။ အဲဒီတော့ ကျနော်တို့ သမ္မတကြီးနဲ့တွေ့ရင်းနဲ့ ကျနော်တို့နိုင်ငံရဲ့ ဖြစ်ပေါ်တိုးတက်မှုတွေ၊ ကျနော်တို့ တွေ့ကြုံရတဲ့ အခက်အခဲတွေ၊ ကျနော်တို့ရဲ့ ရှေ့အလားအလာတွေ ဒါတွေနဲ့ ပတ်သက်ပြီးတော့ အမေရိကန်နိုင်ငံအနေနဲ့ အဘက်ဘက်ကနေပြီးတော့ ကျနော်တို့နိုင်ငံအပေါ် နားလည်မှု ရှိဖို့၊ တချို့အခက်အခဲတွေ ကို ဖြေရှင်းပေးနိုင်မယ့်ဟာတွေကို ဖြေရှင်းပေးနိုင်ဖို့ ဆိုတဲ့ ဒီလို ရည်ရွယ်ချက်တွေနဲ့ ကျနော်တို့ ဒါ သမ္မတကြီးနဲ့တွေ့ဖို့ဖြစ်ပါတယ်။

ဦးသန်းလွင်ထွန်း။ ။ နောက်ထပ် အကြောင်းအရာတစ်ခုကို မဆက်ခင်မှာပဲ အခု ပရိသတ်ထဲမှာ မေးချင်တဲ့သူတွေထဲက သမ္မတကြီး အခုရှင်းပြတဲ့ အမေရိကန်ပြည်ထောင်စုကို လာရတဲ့အကြောင်းရင်းတွေ ထဲမှာပဲ ပါတဲ့အချက်လေးတခုကတော့ အမေရိကန် ဒီမိုကရေစီစနစ်မှာ မြန်မာနိုင်ငံ အတွက် အတုယူစရာဘာများ ရှိပါသလဲ။ ကိုအောင်သူငြိမ်းက မေးချင်ပါတယ်။ ကိုအောင်သူငြိမ်းကတော့ မြန်မာနိုင်ငံ နယ်စပ်မှာနေနေတဲ့ သူပါ။ အဲဒီတော့ ကိုအောင်သူငြိမ်းအနေနဲ့ မေးချင်တဲ့မေးခွန်းလေးကို မေးစေချင်ပါတယ်။

ဦးအောင်သူငြိမ်း။ ။ ကျေးဇူးတင်ပါတယ် သမ္မတကြီးခင်ဗျ။ ကျနော် အောင်သူငြိမ်းပါ။ ကျနော် ဗဟုဖွံ့ဖြိုးမှုအဖွဲ့ကပါ။ သမ္မတကြီးတို့ ဖိတ်ခေါ်မှုနောက်ပိုင်းမှာ ကျနော် တိုင်းပြည်ကိုလည်း ပြန်ရောက်ပါတယ်။ တချို့သုတေသနလုပ်ငန်းလည်း ကျနော် လုပ်ပါတယ်။ ကျနော် မေးချင်တဲ့မေးခွန်းကတော့ အခုလို ဒီအမေရိကန်ကို လာပြီးတော့ ဒီသမိုင်းဝင်ခရီးစဉ်မှာ အမေရိကန်ရဲ့ ဒီမိုကရေစီစနစ်ကနေ ကျနော်တို့နိုင်ငံက အတုယူစရာ၊ လေ့လာစရာဘာတွေ ရှိမလဲ။ ဒါနဲ့ပတ်သက်လို့ ကျနော် ပထမမေးချင်ပါတယ်။ ဆိုတော့ ဒုတိယကတော့ ကျနော်တို့နိုင်ငံရဲ့ ပညာရေးစနစ် ပြုပြင်ပြောင်းလဲမှု လုပ်တဲ့နေရာမှာ သမ္မတကြီးရဲ့ခရီးစဉ်အတွင်း ဘယ်လိုအထောက်အပံ့ အကူအညီတွေ ရနိုင်မလဲ။ မျှော်လင့်နိုင်မလဲပေါ့။ ဒါလည်း ကျနော်တို့ သိချင်ပါတယ်ခင်ဗျ။

သမ္မတဦးသိန်းစိန်။ ။ အဲဒီတော့ ပထမမေးခွန်းအနေနဲ့ ကျနော်တို့ အမေရိကန်နိုင်ငံဟာ ဒီမိုကရေစီ ကျင့်သုံးလာတာ နှစ်ပေါင်းရာနဲ့ချီ ကြာခဲ့ပြီဖြစ်ပါတယ်။ နောက် ကျနော်တို့နိုင်ငံအနေနဲ့ ပြန်ကြည့်မယ်ဆိုရင် ဒီမိုကရေစီစနစ်ကို ၁၉၄၈ ခုနှစ်မှာ လွတ်လပ်ရေး ကျနော်တို့ရခဲ့တယ်။ ရခဲ့ပြီးတော့ တက်လာတဲ့အစိုးရဟာ ကျနော်တို့ ဒီမိုကရေစီစနစ်ကို ကျင့်သုံးတဲ့အစိုးရပါ။ သို့သော်လည်း ကျနော်တို့ ၁၄ နှစ်ပေါ့နော်။ သက်တမ်းအားဖြင့် ၁၄ နှစ်ပဲ ကျနော်တို့ ကြာညောင်းခဲ့ပြီးတော့၊ ကျန်တဲ့အချိန်တွေဟာ တိုင်းပြည်ရဲ့ တည်ငြိမ်အေးချမ်းမှု၊ လုံခြုံမှု အခြေအနေတွေအရ တပ်မတော်ကပဲ တလှည့်တပြန်စီ တာဝန်ယူသွားရတာ။ အဲဒီတော့ ဒီမိုကရေစီနဲ့ ကျနော်တို့ ကင်းကွာတာ အတော်လေးလည်း ကြာခဲ့ပါပြီ။ ဒီမိုကရေစီနဲ့ကင်းကွာတာ အတော်လေးကြာခဲ့ပြီ။ နောက်တခါ အခု ကျနော်တို့အစိုးရတက်လာတော့ ဒီမိုကရေစီစနစ်ကို ကျင့်သုံးတယ် ဆိုပေမဲ့လည်း ကျနော်တို့မှာ အချိန်ကာလအားဖြင့်က နှစ် နှစ်ပဲ ကျနော်တို့ရှိပါသေးတယ်။ အဲဒီတော့ ဒီမိုကရေစီနဲ့ပတ်သက်ပြီးတော့ ကျနော်တို့မှာ အတွေ့အကြုံတွေ၊ အလေ့အကျင့်တွေ အများကြီးနည်းပါသေးတယ်။ အဲဒီတော့ ဒီမိုကရေစီဆိုတာကို ကျင့်သုံးနေတဲ့ နိုင်ငံကြီးအတွက်တော့ ပြည်သူတွေပိုင်းကလည်း ဒီိမိုကရေစီကို အပြည့်အ၀ခံစားခွင့် ရသလို၊ ဒီမိုကရေစီနဲ့ပတ်သက်ပြီးတော့ တာဝန်ယူမှု၊ တာဝန်ရှိမှုတွေကလည်း အပြည့်အ၀ ပြည်သူတွေက ခံယူထားတယ်လို့ ကျနော်နားလည်ပါတယ်။ ဒါကြောင့် ဒီမိုကရေစီနဲ့ပတ်သက်ပြီးတော့ တဘက်ကလည်း ဒီအခွင့်အရေးတွေ၊ လွတ်လပ်ခွင့်တွေ အပြည့်ဝ ယူချင်သလို၊ တဘက်ကလည်း အမေရိကန်ပြည်သူတွေလို ဒီမိုကရေစီနဲ့ပတ်သက်တဲ့ တာဝန်ရှိမှုတွေ၊ တာဝန်သိမှုတွေ ဒါတွေဟာ ကျနော်တို့နိုင်ငံအတွက် အတုယူဖွယ်ရာဖြစ်တယ်လို့ ကျနော့်အနေနဲ့ပြောချင်ပါတယ်။ ဒါက မေးခွန်းတခုပေါ့။

ဒုတိယမေးခွန်းက ပညာရေးနဲ့ပတ်သက်ပြီးတော့ တိုင်းပြည်တွေ ဖွံ့ဖြိုးတိုးတက်ဖို့အတွက် ပညာရေးဟာ အင်မတန်မှ အဓိကကျပါတယ်။ ပညာရေးဟာ အဓိကကျပါတယ်။ အဲဒီတော့ ကျနော်တို့ရဲ့ ပညာရေးဟာ ကျနော်တို့လေ့လာကြည့်တဲ့အခါမှာ ဒီ လွတ်လပ်ရေးစရပြီးတဲ့ ကာလတွေအပိုင်းမှာ အရှေ့တောင်အာရှမှာဆိုရင် ကျနော်တို့ပညာရေးဟာ အတော်လေးကို ရှေ့တန်းကျကျနဲ့ ရှိနေတဲ့အနေအထားဖြစ်ပါတယ်။ ဟိုတုန်းကလည်း ကျနော်တို့ နိုင်ငံခြား တက္ကသိုလ်ကြီးတွေမှာ နံမည်ကြီးတက္ကသိုလ်ကြီးတွေမှာ ဘွဲ့ရခဲ့တဲ့ ဆရာကြီး၊ ဆရာမကြီးတွေ။ သူတို့ကနေတဆင့် တက္ကသိုလ်တွေမှာ ပြန်လည်သင်ကြားပေးတဲ့ အတွက်ကြောင့် ကျနော်တို့ရဲ့ပညာရေးဟာ ပြောရမယ်ဆိုရင် အရှေ့တောင်အာရှတင် မဟုတ်ပါဘူး။ အာရှမှာပါ ရှေ့ကနေပြီးတော့ ပြေးနေတဲ့ အနေအထား ရှိပါတယ်။ သို့သော်လည်းနောက်ပိုင်းမှာတော့ တိုင်းပြည်ရဲ့အခြေအနေတွေအရ တဖြည်းဖြည်းနဲ့ ပညာရေးနဲ့ပတ်သက်ပြီးတော့ အနောက်နိုင်ငံ တက္ကသိုလ်တွေကနေ၊ နံမည်ကြီးတက္ကသိုလ်တွေကနေ ဘွဲ့ရတဲ့ဆရာကြီးတွေ၊ ဆရာမတွေက တဖြည်းဖြည်းနဲ့ အသက်အရွယ်တွေကြီးလာတာ။ တချို့လည်း ပင်စင်သွားကြတယ်ဆိုတော့ အဆက်အသွယ်တွေ ပြတ်သွားတဲ့အနေအထားမျိုး ဖြစ်ပါတယ်။ အဆက်ပြတ်သွားတဲ့အနေအထားမျိုးဖြစ်တယ်။ ဖြစ်တော့ ပညာရေးဟာ တကယ်တော့ တိုင်းပြည်တပြည် ထူထောင်ဖို့အတွက် အရေးကြီးဆုံး အရာဖြစ်ပါတယ်။ ပညာရေးကိုလည်း ကျနော်တို့ အလေးထားပြီးတော့မှ ရင်းနှီးမြှုပ်နှံဖို့ ကျနော်တို့လိုပါတယ်။

အဲဒီတော့ ကျနော်တို့ ပညာရေးကို မြှင့်တင်ဖို့အတွက် ဒီကနေ့ ကျနော်တို့ ဘက်ပေါင်းစုံ နည်းလမ်းပေါင်းစုံနဲ့ ကျနော်တို့ ကြိုးစားနေပါတယ်။ အဲဒီတော့ ကျနော်တို့ ပညာရေးဟာ ပြောင်းလဲနေတဲ့ ကျနော်တို့နိုင်ငံရဲ့ အခြေအနေအရဆိုရင်တော့ လက်တွေ့လုပ်ငန်းခွင်ကို ထိထိရောက်ရောက် ၀င်နိုင်တဲ့ ပညာရေးမျိုးဖြစ်ဖို့ လိုပါတယ်။ ဥပမာဆိုကြပါစို့။ ကျနော်တို့ စီးပွားရေး ဖွံ့ဖြိုးတိုးတက်ဖို့အတွက် နိုင်ငံခြားရင်းနှီးမြှုပ်နှံမှုတွေ ဖိတ်ခေါ်နေတယ်။ စက်ရုံတွေဆောက်မယ်။ အလုပ်ရုံတွေဆောက်မယ်။ ပြီးရင် ဒီ စက်ရုံတွေ အလုပ်ရုံတွေ ပြီးသွားတဲ့အခါမှာ skill labor တွေ လိုလာတယ်။ ကျနော်တို့ဆီမှာ ဘွဲ့ရတဲ့ကလေးတွေ အများကြီးရှိပါတယ်။ ကွန်ပျူတာနဲ့ဘွဲ့ရတဲ့ ကလေးတွေ၊ အင်ဂျင်နီယာနဲ့ဘွဲ့ရတဲ့ကလေးတွေ၊ သိပ္ပံဘာသာရပ်၊ ၀ိဇ္ဇာဘာသာရပ်နဲ့ ဘွဲ့ရတဲ့ကလေးတွေ။ ဒီကလေးတွေက အလုပ်ရုံ စက်ရုံထဲကို ဘွဲ့ရပြီးတော့ တိုက်ရိုက်ကူးဝင်လို့ ရမလားဆိုတော့ ကျနော်တို့မှာ မရနိုင်သေးပါဘူး။ ဘာဖြစ်လို့လဲဆိုတော့ လုပ်ငန်းခွင်ကို ကျနော်တို့ လုပ်နိုင်တဲ့ ပညာရေးစနစ်မျိုး မဟုတ်သေးဘူး။ မဟုတ်သေးတဲ့အတွက်ကြောင့် အနည်းဆုံးတော့ vocation training ခြောက်လတန်သည်။ တစ်နှစ်တန်သည် ကျနော်တို့ ပြန်ပြီးတော့ ပေး ရမှာဖြစ်ပါတယ်။ အဲဒီတော့ တိုင်းပြည်ဖွံ့ဖြိုးတိုးတက်ဖို့အတွက် ကျနော်တို့မှာ ဘာတွေလိုအပ်သလဲ။ အင်ဂျင်နီယာတွေ အများကြီးလိုအပ်နေလား။ ဆရာဝန်တွေ အများကြီးလိုနေလား။ အဲဒီတော့ တက္ကသိုလ်ကနေ မွေးထုတ်ပြီးတော့ ဘွဲ့ရတဲ့ကလေးတွေဟာ တိုက်ရိုက်လုပ်ငန်းခွင့်မှာဝင်ပြီးတော့ အကျိုးပြုနိုင်တဲ့ ပညာရေးမျိုး ဖြစ်သင့်တယ်။ ဒီပညာရေးမျိုးဖြစ်အောင် ကျနော်တို့ ဒီကနေ့ ကြိုးပမ်းဆောင်ရွက်နေတယ်လို့ ပြောရမှာပါဖြစ်ပါတယ်။

ဦးသန်းလွင်ထွန်း။ ။ ပညာရေးနဲ့ တဆက်ထဲပဲ အခု ဒီမှာရောက်နေတဲ့ ပညာတော်သင်ထဲကပဲပေါ့နော်၊ Humphrey Fellow ပေါ့၊ သူက ဒေါ်မာမာသွင်ပါ။ သူကလည်း အလားတူ မေးခွန်းလေးပဲ မေးထားတော့ သူ့ရဲ့မေးခွန်းကို ဖတ်ပြလိုက်ပါ့မယ်။ လောလောဆယ် နိုင်ငံရပ်ခြားမှာ ပညာတော်သင် ကိစ္စတွေနဲ့ ပတ်သက်ပြီး Exchange Program တွေကို သမ္မတကြီး ဒီမှာရှိနေတဲ့ အချိန်မှာ ဘာတွေမှာ ထူးထူးခြားခြား လုပ်ဆောင်ဖို့ ရှိပါသလဲ ခင်ဗျ။ အထူးသဖြင့် မနက်ဖြန်ဆိုလို့ရှိရင်လည်း ၀ါရှင်တန်မှာရှိတဲ့ Johns Hopkins မှာ သွားရောက်ပြီးတော့ စကားပြောမယ်၊ တွေ့ဆုံဖို့တွေ ရှိတယ်ဆိုတော့ အထူး အစီအစဉ်လေးတွေများ မြန်မာနိုင်ငံကနေပြီးတော့ အဆင့်မြင့် ပညာတွေကို လာပြီးတော့ သင်ဖို့ကိစ္စလေးတွေများ အစီအစဉ် ရှိပါသလား။

သမ္မတဦးသိန်းစိန်။ ။ ဒီတော့ ဒီကိစ္စက အမေရိကန်နိုင်ငံတင် မဟုတ်ပါဘူး။ ကျနော်တို့ရောက်ခဲ့တဲ့ နိုင်ငံတိုင်းမှာ ပညာရေးနဲ့ ပတ်သက်ပြီးတော့ ကျနော်တို့ ခုနကလို ထိုက်သင့်တဲ့ ပူးပေါင်း ဆောင်ရွက်မှုတွေ ပြုပေးဖို့။ အထူးသဖြင့်တော့ ကျနော်တို့ဆီက ပညာတော်သင်တွေကို လက်ခံဖို့။ နောက်တခုကလည်း ပညာတော်သင်တွေကို လက်ခံပေးတယ်ဆိုရင်လည်း သူတို့က သင်ပေးပေမယ့် စရိတ် စကတို့ ဘာတို့ နေရေးအတွက်၊ စားရေးအတွက် ဒါကတွေကလည်း ရှိနေတော့ ၀န်ထုပ် ၀န်ပိုး ဖြစ်ပါတယ်။ ဖြစ်နိုင်လို့ရှိရင်တော့ နိုင်ငံခြားမှာရှိနေတဲ့ တက္ကသိုလ်မျိုး ကျနော်တို့ ပညာတော်သင်တွေကို လက်ခံပြီးတော့ သင်ပေးမယ့် တက္ကသိုလ်ခွဲတွေပေါ့၊ ဥပမာ ဆိုကြပါစို့ အခု Johns Hopkins တက္ကသိုလ်တို့ ဘာတို့ဆို ကျနော်တို့တွေ့ပါတယ်။ ဥက္ကဌတို့ ဘာတို့နဲ့လည်း တွေ့တယ်။ ခင်ဗျားတို့ဗျာ ကျနော်တို့ ဒီမှာလာပြီးတော့ တက်ဖို့ ပညာတော်သင်ကို လက်ခံပေးမယ်ဆိုရင်လည်း ကျနော်တို့မှာ ခုနကလို စားစရိတ်ကြီးတာတွေ၊ နေရေးထိုင်ရေးအတွက် စရိတ်ကြီးတာတွေ ဒါတွေက ရှိနေတယ်။ ကျနော်တို့ မလုပ်နိုင်ဘူး။ ဥပမာ လူဦးရေ သန်း ၆၀ ရှိတဲ့အနက်က ၂ ယောက်လောက် လွှတ်ပြီးတော့ သင်ယုံနဲ့က ဘာမှ ကျနော်တို့က အကျိုး မရှိနိုင်ဘူး။ ဖြစ်နိုင်လို့ရှိရင် ခင်ဗျားတို့ တက္ကသိုလ်ခွဲတွေ လာပြီးတော့ ထူထောင်ပေးပါ။ ကျနော်တို့မှာ ရှိပါတယ် နေရာတွေက အစ။ ဒါကို ကျနော်တို့ အဓိက အလေးအနက်ထားပြီးတော့ ပထမတော့ ကျနော်တို့ ပညာတော်သင်တွေကို။ များများ သင်ပေးနိုင်ဖို့အတွက်က ကိုယ့်ပြည်တွင်းမှာ လာပြီးတော့ ဌာနခွဲတွေကို လာရောက် ဖွင့်ပေးဖို့ဆိုပြီးတော့ ကျနော်တို့ ပြောဖို့ ရှိပါတယ်။ ကျနော်တို့ မနက်ဖြန်တွေ့တဲ့ ပြုတဲ့အခါမှာလည်း ပညာရေးနဲ့ ပတ်သက်လို့ တိုက်ဆိုင်လာရင် ဒီကိစ္စကို ပြောမယ်လို့ ကျနော်တို့ စိတ်ကူးထားပါတယ်။

ဦးသန်းလွင်ထွန်း။ ။ သမ္မတကြီးရဲ့ ခရီးစဉ်အတွင်းမှာ အားလုံး သေသေချာချာ အလေးအနက်ထားပြီးတော့ လေ့လာ ကြည့်ရှုနေကြတဲ့ အချက်ကတော့ အမေရိကန် - မြန်မာ ဆက်ဆံရေးပေါ့။ အမေရိကန် မြန်မာ ဆက်ဆံရေးမှာလည်း လောလောဆယ်အားဖြင့် အမေရိကန် မြန်မာ ဆက်ဆံရေးဟာ ပြန်ပြီး နွေးထွေးလာတယ်ဆိုတာ သမ္မတကြီးလည်း အစောပိုင်းက ပြောပြခဲ့ဘူးပါတယ်။ ဒါပေမယ့်လည်း အမေရိကန်နိုင်ငံ အနေနဲ့က လောလောဆယ် ပိတ်ဆို့ ကန့်သတ်ထားမှုတွေကို ချန်ထားတာလေးတွေ ရှိနေသေးတယ်ခင်ဗျ။ အကုန် မရုပ်သေးပဲနဲ့။ အဲဒီတော့ ဒီကန့်သတ်ချက်တွေကို သမ္မတကြီးရဲ့ ခရီးစဉ်အတွင်းမှာ လွှတ်တော်ပိုင်းကရော၊ ဥပဒေကြောင်းပိုင်းကရော ကြေကြေလည်လည် ရုပ်သိမ်းသွားရေး အောင်မြင်အောင် ဆောင်ရွက်သွားနိုင်မယ်လို့ ယူဆပါသလား။

သမ္မတဦးသိန်းစိန်။ ။ ကျနော်တို့ Sanction ကိစ္စနဲ့ ပတ်သက်လို့ကတော့ ခင်ဗျားတို့လည်း အားလုံး ကြားထားကြပြီးသား ဖြစ်မှာပါ။ အဲဒီတော့ ဒီကနေ့ ကျနော်တို့ရဲ့ ပြည်သူ အများစုကတော့ ၊ ပြည်သူအများအနေနဲ့ တူညီတဲ့ သဘောဆန္ဒ နှစ်ခုရှိပါတယ်။ တခုကတော့ ကျနော်တို့တိုင်းပြည် တည်တည်ငြိမ်ငြိမ် အေးအေးချမ်းချမ်းနဲ့ တရားဥပဒေ စိုးမိုးတဲ့ နိုင်ငံဖြစ်ဖို့ ဒါဟာ လူတိုင်းရဲ့ ဆန္ဒ သဘောထားပဲ ဖြစ်ပါတယ်။ ဒီဟာက ခုနကလို နိုင်ငံရေးနဲ့ သက်ဆိုင်တဲ့ ကိစ္စပေါ့။

အဲဒီတော့ နိုင်ငံရေးအရ ပြုပြင် ပြောင်းလဲမှုတွေလည်း ပြည်သူလူထုရဲ့ ဒီဆန္ဒတွေအပေါ် မူတည်ပြီးတော့ နိုင်ငံရေး တည်ငြိမ်အောင်၊ ကျနော်တို့ရဲ့ နိုင်ငံရေးလုပ်ငန်းစဉ်မှာ အားလုံး ပါဝင်နိုင်အောင်၊ ဒါတွေ ကျနော်တို့ လုပ်ပေးမှာပါ။ နိုင်ငံရေးအကျဉ်းသားတွေ လွတ်ပေးတာ ပြုပေးတာက အစပေါ့။ နောက်တခုကလည်း ကျနော်တို့ နှစ်ပေါင်း ၆၀ ကျော်လောက် ရှိကြခဲ့တဲ့ လက်နက်ကိုင် ပဋိပက္ခ။ လက်နက်ကိုင် ပဋိပက္ခနဲ့ ပတ်သက်ပြီးတော့ ပြည်သူတွေဟာ အင်မတန်မှကို ညည်းငွေ့နေကြပါတယ်။ တချို့ အတွင်းပိုင်းကျတဲ့ မြို့ကြီးတွေမှာ မသိသာပေမယ့်လည်း နယ်စပ်ဒေသတွေမှာ ဒါတွေကို ခါးစည်းပြီးတော့ ခံနေရတာပေါ့။ ဒါကြောင့် ငြိမ်းချမ်းရေးကို ကျနော်တို့ လိုချင်နေကြပါတယ်။ ဒီလက်နက်ကိုင် ပဋိပက္ခတွေ ချုပ်ငြိမ်းဖို့အတွက် ငြိမ်းချမ်းရေး တည်ဆောက်ဖို့အတွက် ကျနော်တို့ ကြိုးပမ်းနေတာ ခင်ဗျားတို့လည်း ကြားပါတယ်။ ခင်ဗျားတို့လည်း သိပါတယ်။
နောက်တခုကတော့ ခုနကလို ဒီမိုကရေစီရှင်သန်ဖို့အတွက် တိုင်းပြည်တည်ငြိမ်အေးချမ်းဖို့၊ လုံခြုံဖို့၊ တရားဥပဒေစိုးမိုးဖို့ လိုအပ်သလိုပဲ တဘက်ကလည်း လူမှုစီးပွားရေးတွေ ဖွံ့ဖြိုးတိုးတက်ဖို့ လိုအပ်ပါတယ်။ အဲဒီတော့ စီးပွားရေး ဖွံ့ဖြိုးရေး တိုးတက်ရင်ပဲ လူမှုရေးကလည်း ထပ်ချပ်မကွာ လိုက်လာတာဖြစ်ပါတယ်။ အဲဒီတော့ စီးပွားရေးဖွံ့ဖြိုးတိုးတက်တယ်၊ အလုပ်အကိုင်တွေ ရတယ်။ အလုပ်အကိုင်တွေရတဲ့အတွက်ကြောင့် ၀င်ငွေတွေ ရလာတယ်။ ၀င်ငွေတွေ ရတဲ့အတွက်ကြောင့် နေနိုင်တယ်၊ စားနိုင်တယ်။ ကလေးတွေကို ကျနော်တို့ ကျောင်းထားနိုင်တယ်။ နေထိုင်မကောင်းဖြစ်ရင် ကျနော်တို့ ဆေးဝါးကုသနိုင်တယ်။ အဲဒီတော့ စီးပွားရေးနဲ့ လူမှုရေးဟာ ဒွံတွဲပြီးတော့ ပါလာတယ်။ အဲဒီတော့ တိုင်းပြည်မှာ ကျနော်တို့ စီးပွားရေးကို ထိထိရောက်ရောက် ဖြစ်ဖြစ်မြောက်မြောက်ဖြစ်အောင် ထူထောင်ဖို့ကြတော့ ကျနော်တို့မှာ လိုအပ်ချက်တွေ ရှိတယ်။

လိုအပ်ချက်က တစ်အချက်ကဘာလဲဆိုရင် ကျနော်တို့မှာ ရင်းနှီးမြှုပ်နှံဖို့ အရင်းအနှီး ကျနော်တို့မှာ လုံလုံလောက်လောက်မရှိဘူး။ ပြည့်ပြည့်စုံစုံ မရှိဘူး။ နောက်တစ်ခုကတော့ နည်းပညာပိုင်းပေါ့။ နည်းပညာပိုင်းနဲ့ ပတ်သက်ပြီးတော့လည်း ကျနော်တို့က နောက်ကျနေတယ်။ တတိယ အချက်ကတော့ လူ့စွမ်းအားအရင်းအမြစ်တွေ။ လူ့စွမ်းအားအရင်းအမြစ်တွေ ကတော့ ခင်ဗျားတို့သိတဲ့အတိုင်းပဲ။ အခုပဲ နေရာအနှံ့မှာ တက္ကသိုလ်တွေ ထောင်ပြီးတော့ အခုမှ မွေးမြူနေရတဲ့ အနေအထားရှိတယ်။ အဲဒီတော့ အရေအတွက်တွေကတော့ အထိုက်အလျောက် ကျနော်တို့ရတယ်။ သို့သော်လည်း ဒီအရေအတွက်တွေကို အရည်အချင်းအဖြစ် ပြောင်းလဲဖို့ မှာ ကျောင်းကပြီးတာနဲ့ ကျနော်တို့ လုပ်ငန်းခွင်မှာဝင်ပြီးတော့ အလုပ်လုပ်နိုင်တဲ့ အရည်အချင်းတွေ ပြောင်းလဲဖို့အတွက် ဒါတွေလည်း ကျနော်တို့ ဆောင်ရွက်နေပါတယ်။ အဲဒီတော့ ကျနော်တို့မှာ အရင်းအနှီးမရှိဘူး။ နောက် နည်းပညာ နောက်ကျနေတယ်။ ဒီအတွက်ကြောင့် ကျနော်တို့က နိုင်ငံခြားရင်းနှီးမြှုပ်နှံမှုတွေကို ကျနော်တို့က ဖိတ်ခေါ်ရတာ။ နိုင်ငံခြားရင်းနှီးမြှုပ်နှံမှုတွေကို ဖိတ်ခေါ်ရတာ။

အဲဒီတော့ နိုင်ငံခြား ရင်းနှီးမြှုပ်နှံဖို့ဆိုတာ ကျနော်တို့နိုင်ငံကို လာပြီးတော့ ရင်းနှီးမြှုပ်နှံချင်ကြပါတယ်။ ဘာဖြစ်လို့လဲဆိုတော့ ကျနော်တို့မှာ သဘာဝရဲ့ အခြေခံအရင်းအမြစ်တွေက ကျနော်တို့ အများကြီးရှိပါတယ်။ gas တွေ၊ oil တွေ၊ သစ်တောတွေ၊ သားငါးတွေရှိတယ်။ ရာဘာတွေရှိတယ်။ နောက်တခါ စားသုံးကုန်ပစ္စည်းတွေနဲ့ပတ်သက်ပြီးတော့လည်း အစားအသောက်မျိုးစုံ ထုတ်လုပ်နိုင်တဲ့ လယ်ယာကဏ္ဍ ဒါတွေ ကျနော်တို့မှာရှိနေတယ်။ ရင်းနှီးချင်တဲ့နိုင်ငံတွေက အများကြီးပါ။ အခုလည်းပဲ ခုနကလို တစ်ရက်ခြားနီးပါးလောက်က အမြဲတမ်း စီးပွားရေးလုပ်ငန်းရှင်တွေနဲ့ ထိတွေ့နေရတဲ့အနေအထား ရှိပါတယ်။ အဲဒီတော့ နိုင်ငံခြားသားက လာရောက်ပြီးတော့ ရင်းနှီးမြှုပ်နှံဖို့ ငွေထုပ်ကြီးကိုပိုက်ပြီးတော့ ကျနော်တို့နိုင်ငံကိုလာ ရင်းနှီးမြှုပ်နှံဖို့ဆိုတာ တကယ်တော့ ကျနော်တို့နိုင်ငံကို ချစ်လွန်းအားကြီးလို့၊ ကျနော်တို့ကို ဖွံ့ဖြိုးတိုးတက်စေချင်လို့ လာပြီးတော့ ရင်းနှီးမြှုပ်နှံတာမဟုတ်ပါဘူး။ ဒီရည်ရွယ်ချက်က နည်းပါတယ်။ အဓိက ကတော့ သူတို့အတွက် ဘာအကျိုးရှိမလဲ၊ အကျိုးအမြတ် ဘယ်လောက်ရနိုင် မလဲ။ နောက်တစ်ခု သူတို့ကို ဘယ်လိုအကာအကွယ်ပေးမလဲ။ နောက်တစ်ခုက သူတို့ရဲ့ မျှော်မှန်းချက်၊ ရည်မှန်းချက်တွေက ဘာတွေရှိလဲ ဒါတွေကို သူတို့ကြည့်မယ်။ ဒါတွေကို ကြည့်တဲ့အခါမှာ ဘာတောင်းလဲဆိုတော့ ပထမဆုံး Foreign Investment Law ကိုတောင်းတယ်။ အဲဒီတော့ Foreign Investment Law နဲ့ပတ်သက်ပြီးတော့ ကျနော်တို့မှာ ဥပဒေဟာ ပတ်ဝန်းကျင်မှာရှိနေတဲ့ ရင်းနှီးမြှုပ်နှံချင်သူတွေရဲ့ နိုင်ငံတွေနဲ့ လိုက်လျောညီထွေ မဖြစ်ဘူး။ မဖြစ်တဲ့အတွက်ကြောင့် ဒီ Foreign Investment Law ကို ပြီးခဲ့တဲ့နှစ်က ပြန်ပြီးတော့ ရေးဆွဲတယ်။ နိုင်ငံ လေး ငါး ခြောက်နိုင်ငံလောက်ကို စံနမူနာယူပြီးတော့မှ ဒီ law ကို ကျနော်တို့ ပြန်ရေးဆွဲတယ်။ ရေးဆွဲပြီးတော့မှ လွှတ်တော်ထဲမှာလည်း တော်တော်လေး အခြေအတင် ဆွေးနွေးကြ၊ ပြုကြနဲ့ ဒီလိုတွေ ကျနော်တို့ လုပ်ရပါတယ်။ အခုတော့ ခုနကလို နိုင်ငံခြားရင်းနှီးမြှုပ်နှံမှု ဥပဒေဟာ ကျနော်တို့ ပြဌာန်းပြီးဖြစ်ပါတယ်။ လာရောက်ပြီးတော့ ရင်းနှီးမြှုပ်နှံမယ့်နိုင်ငံတွေကလည်း ဘာပဲဖြစ်ဖြစ် ဒီဥပဒေကို သဘောကျပါတယ်။ ဒီအခက်အခဲတခုကတော့ ကျနော်တို့ ကျော်လွှားနိုင်တယ်။

နောက်ပြီးတော့ နောက်တစ်ခု ရင်းနှီးမြှုပ်နှံတာ။ စက်ရုံတွေဆောက်တယ်။ အလုပ်ရုံတွေဆောက်တယ်။ ကုန်ပစ္စည်းတွေထုတ်တယ်။ ထွက်လာတဲ့ ကုန်ပစ္စည်းတွေကို မ၀ယ်ဘူး၊ မပြုဘူး ပိတ်ပင်ထားတယ်ဆိုရင် ဘယ်သူမှလာပြီးတော့ ရင်းနှီးမြှုပ်နှံမှာ မဟုတ်ပါဘူး။ အဲဒီတော့ ဒုတိယအခက်အခဲကတော့ ဒီဟာက sanctions နဲ့သွားပြီးတော့ ဆိုင်ပါတယ်။ အဲဒီတော့ ကျနော်တို့ ဒီမိုကရေစီကိုလိုလားတယ်။ ခုနကလို ဒီမိုကရေစီစနစ် ရှေ့ကိုဆက်ပြီးတော့ ရှင်သန်ဖွံ့ဖြိုးစေချင်တယ်ဆိုရင် ဒါ ဒီမိုကရေစီနဲ့ နိုင်ငံရေး၊ ဒီမိုကရေစီနဲ့စီးပွားရေးဟာလည်း တခုနဲ့တခုဟာ ကွင်းဆက်လို ဖြစ်နေတဲ့အတွက်ကြောင့် မြန်မာနိုင်ငံမှာ စီးပွားရေးဖွံ့ဖြိုးတိုးတက်ဖို့အတွက် ဒါကို စာနာထောက်ထားသင့်တယ်။ ဒါတွေ အခက်အခဲအတားအဆီးတွေကို ဖယ်ရှားပေးသင့်တယ် ဆိုတဲ့ ဒါလေးကိုတော့ ကျနော် ပြောမယ်ပြောပါတယ်။

ဦးသန်းလွင်ထွန်း။ ။ သမ္မတကြီးဆိုလိုချင်တဲ့သဘောကတော့ အနောက်နိုင်ငံတွေရဲ့ ပိတ်ဆို့ထားမှုကို ရုတ်သိမ်းဖို့ အထူးလိုအပ်နေပြီ။ လိုအပ်နေတဲ့အချိန်မှာ လက်ရှိမှာ တဖက်မှာလည်း အလုံးစုံ မဖြေဖျောက်နိုင်သေးတဲ့ကိစ္စက မြန်မာနိုင်ငံရဲ့ ပြုပြင်ပြောင်းလဲတဲ့အပေါ်မှာ သူတို့ကြည့်ပြီးတော့ ဆုံးဖြတ်နေတယ်ဆိုတဲ့ သဘောပေါ့။ အဲလိုဆိုရင် မြန်မာပြည်ရဲ့ ပြုပြင်ပြောင်းလဲ့မှုလုပ်ငန်းတွေမှာ ကြုံတွေ့နေရတဲ့ အတားအဆီးလေးတွေ၊ အခက်အခဲလေးတွေ၊ မပြေပျောက်နိုင်သေးတဲ့ အချက်လေးတွေရှိပါတယ်။ အဲဒါလေးတွေကို တချက်လောက်ပြန်ပြောပြပေး ပါလား။

သမ္မတ ဦးသိန်းစိန်။ ။ ကျနော်စောစောကပြောသလိုပေါ့။ ကျနော်တို့မှာသက်တမ်းအားဖြင့် ၂နှစ်ပဲရှိသေးတယ်။ ဒါအစိုးရဲ့ သက်တမ်း လွှတ်တော်ရဲ့ သက်တမ်းပေ့ါ။ နောက်ပြည်သူလူထုကလည်း ဒီမိုကရေစီနဲ့ ကင်းကွာနေတာ ကြာခဲ့ပြီ။ အတွေ့အကြုံနည်းတယ်။ အလေ့အကျင့်က နည်းတယ်ဆိုတဲ့အတွက်ကြောင့်၊ တစ်အချက်က လွတ်လပ်မှုအခွင့်အရေး ပိုင်းက ပေးသင့်သလောက် ကျနော်တို့ကပေးပြီးသွားပြီ။ တချို့ကိစ္စတွေ ကျတော့လည်း ကန့်သတ်မှုတွေ ကျနော်တို့ရှိခဲ့တယ်။ ပြည်သူအပိုင်းကလည်း တာဝန်ယူမှု၊ တာဝန်ရှိမှု၊ တာဝန်သိမှုက နည်းပါးသေးတယ်။ နည်းပါးသေးတဲ့အတွက်ကြောင့် တချို့ကိစ္စတွေမှာလည်း ကျနော်တို့ အရေးယူ ရတာတွေ ဆောင်ရွက်ရတာတွေ၊ ဒါတွေကျနော်တို့ရှိပါတယ်။ ဒါတွေကို အကြောင်းပြပြီး ဒီအပေါ်မှာ စောင့်ကြည့်နေတဲ့ စောင့်ကြည့်နေတဲ့ သဘောထားတွေရှိပါတယ်။ အဲတော့ ကျန်တာတွေကတော့ ကျနော်တို့ တက်နိုင်သလောက်တော့ ကျင့်သုံးတဲ့ စနစ်နဲ့ လိုက်လျောညီထွေဖြစ်အောင်လို့ ကျနော်တို့ များစွာပြောင်းလဲပြီး ပေးနေတယ်။ သို့သော်လည်းပဲ တချို့ကိစ္စတွေက ဥပမာ ကျနော်တို့ ဆိုကြပါစို့ ယုံမှားသံသယဖြစ်တဲ့ ကိစ္စတွေလည်း ကျနော်တို့ ရှိခဲ့ပါတယ်။ ဥပမာ မြောက်ကိုရီးယားနဲ့ လက်နက်ခဲယမ်းကိစ္စတွေနဲ့ ပတ်သက်ပြီးကျနော်တို့ ဆက်သွယ်တယ်တို့၊ သံသယတွေနဲ့ ကျနော်တို့ကို စောင့်ကြည့်နေတဲ့ သဘောပါပဲ။ မြန်မာနိုင်ငံမှာ အဏုမြူလုပ်နိုင်တဲ့အနေအထားလဲမရှိပါဘူး။ ပိုက်ဆံလည်းမရှိပါဘူး။ အတတ်ပညာလည်းမရှိပါဘူး။ သူများကလည်း ဘယ်သူမှ ကျနော်တို့ကို လာပြီးလုပ်ပေးမှာမဟုတ်ပါဘူး။ လုပ်ရင်လည်းကျနော်တို့ အကုန်လုံးဝိုင်းပြီးတော့ ကန့်ကွက်ကြမှာဖြစ်ပါတယ်။ သို့သော်လည်း မြောက်ကိုရီးယားကို ကျနော်တို့ ဆက်ဆံရတာတွေရှိပါတယ်။ ဟိုတုန်းက ကျနော်တို့ အကုန်ပိတ်ဆို့ထားတဲ့အခါမှာ ကျနော်တို့လည်း ကိုယ့်နိုင်ငံကို ကာကွယ်ဖို့အတွက်၊ ကိုယ့်ကို ကူညီနိုင်မယ့် နိုင်ငံကို ရှာရတာပါ။ သံတမန် ဆက်သွယ်မှုတော့ရှိခဲ့တယ်။ ဒီဘက်ပိုင်းမှာတော့ ကျနော်တို့ အစိုးရတက်လာတဲ့အခါမှာ စစ်ရေးအားဖြင့်ဆက်သွယ်မှုတွေလုံးဝမရှိပါဘူး။ သံတမန်ပဲရှိပါတယ်။ သို့သော်လည်း ဒီအပေါ်မှာ ကျနော်တို့ အနည်းလေး မယုံသင်ကာမှုတွေနဲ့ရှိတဲ့ သဘောမျိုးဖြစ်မယ်လို့ ကျနော်တို့ထင်ပါတယ်။ ခုနကလို ကျနော်တို့ကို sanction တွေရုတ်ပေးပါ၊ ရုပ်ပေးပါလို့ ပြောပေမဲ့လည်း၊ သူတို့ရဲ့ အခြေအနေက ဒီလိုကြည့်နေရတဲ့ အခြေအနေရှိနေတယ်လို့ ကျနော်ထင်ပါတယ်။ ဒါကြောင့်မို့ ကျနော်အတင်းအကြပ်တော့ မတောင်းဆိုပါဘူး။ သို့သော်လည်း ကျနော်တို့ ဒီမိုကရေစီစနစ် ရှင်သန်ဖွံ့ဖြို့ဖို့ဆိုရင် စီးပွားရေးဖွံ့ဖြိုးတိုးတက်ဖို့လိုတယ်။ အဲတော့ စီးပွားရေးဖွံ့ဖြိုးတိုးတက်ဖို့ဆိုရင် ဒီလို ပိတ်ဆို့တားဆီးမှုတွေက အဟန့်အတားတွေဖြစ်စေတယ်။ အဟန့်အတားတွေကို ကျနော်တို့က တတ်နိုင်သလောက်ဖယ်ရှားပေးဖို့ ဆိုတဲ့ ဒီသဘောလောက်ပါပဲ။

ဦးသန်းလွင်ထွန်း။ ။ ဟုတ်ကဲ့ သံသယတွေဖြေဖျောက်သွားပြီဆိုရင်တော့ မကြာခင်မှာရုတ်သိမ်းမှုတွေ လုပ်လာမှာပေါ့။ သမ္မတကြီးပြောသွားတဲ့ အထဲမှာ မြန်မာပြည်သူလူထုအနေနဲ့ လွတ်လပ်မှုတွေ အခုပိုပြီးရလာတဲ့ အချိန်မှာ တချို့လည်း ကျင့်သားမရသေးဘူးလို့ ပြောသွားပါတယ်။ ဒါနဲ့ပတ်သက်ပြီးတော့ ဒေါ်အတာ မေးထားတဲ့ မေးခွန်းလေးတခုကို ကျနော်တွေ့ပါတယ်။ ဒေါ်အတာကတော့ ဒီက ၀ါရှင်တန်ဒီစီမှာ လူငယ်ပိုင်းမှာ တော်တော်လေးကို တက်တက်ကြွကြွလုပ်ဆောင်တဲ့ အမျိုးသမီးတဦးပါ။ သူက မြန်မာနိုင်ငံရဲ့ တရားဥပဒေနဲ့ပတ်သက်ပြီးတော့ သမ္မတကြီးတို့အစိုးရအနေနဲ့ လုပ်ကိုင်နေတာလေးတွေနဲ့ ပတ်သက်ပြီးမေးချင်ပါတယ်လို့ပြောပါတယ်။

ဒေါ်အတာ။ ။ မင်္ဂလာပါရှင်။ သမ္မတကြီးကို ကျမအနေနဲ့ မေးချင်တာက လက်ရှိအခြေအနေက ရရှိထားတဲ့ ပါဝါအနေနဲ့ ကျမတို့ ဒီ ၂၀၀၈ဥပဒေဆိုတဲ့ လူတစု အတွက် ဖွဲ့စည်းထားတဲ့ အခြေခံ ဥပဒေဘယ်တော့ ပြင်မှာလဲဆိုတာကို ကျမအနေနဲ့ သိချင်ပါတယ်။ နောက်တခုက ကျမတို့ အခု လက်ရှိဖြစ်ပေါ်နေတဲ့ လက်ပံတောင်းတောင်မှာ တရုတ်ကိုလိုနီတွေအနေနဲ့ သိမ်းပိုက်နေတဲ့ လယ်ယာ ဘယ်တော့ ရပ်တန့်မှာလဲ။ အဲဒိရပ်တန့်မှုတွေအပေါ်မှာ လူထုအနေနဲ့ နှိုးကြွလာမှုတွေနဲ့ ပတ်သက်ပြီး ဆန္ဒပြမှုတွေ ဖြစ်လာတဲ့အခါမှာ ဆန္ဒပြမှုတွေကို မျက်လှည့်ပြတဲ့အနေနဲ့ ကျမတို့ ဒီနေ့ပဲ၊ နောက်အပတ်လောက် ဆိုရင်တော့ ဒီပဲရင်း ဆယ်နှစ်ပြည့်ပါတော့မယ်။ ဒီပဲရင်းကို လုပ်ကြံခဲ့တဲ့ လူတစုအနေနဲ့ ကျမတို့ ဗမာ ပြည်သူလူထုတွေကနေပြီးတော့ ကုလားနဲ့တိုက်ပြီးတော့ ဘာသာရေး အဓိကရုဏ်းလုပ်နေတဲ့ဟာကို သမ္မတကြီးအနေနဲ့ ဘယ်လိုများ ဖြေရှင်းနိုင်မလဲ၊ အရေးယူပေးနိုင်မလဲဆိုတာ သိချင်ပါတယ်။

သမ္မတဦးသိန်းစိန်။ ။ ဒီမေးခွန်းနဲ့ပတ်သက်ပြီးတော့ တချို့ ကိစ္စတွေကလည်း တဖက်ကအမြင်ပဲဖြစ်ပါတယ်။ တဖက်ကအမြင်ဆိုတော့ အလုံးစုံတော့ မှန်ချင်မှ မှန်မယ်ပေါ့။ တဖက်ထဲက ကြည့်ရင်တော့ ၀ါးခြမ်းပဲ မြင်နေမှာပါ။ ဒီဘက်ကကြည့်ရင်လည်း ၀ါးခြမ်းပဲ မြင်နေမှာပဲ။ နှစ်ဘက်လုံးက လှည့်ပတ်ကြည့်မသာ ၀ါးလုံးပါလားဆိုပြီး သိရမှာမြင်ရမှာဖြစ်ပါတယ်။ အဲဒီတော့ ဖွဲ့စည်းပုံအခြေခံဥပဒေဟာ လူတစုအတွက် မဟုတပါဘူး။ လူအများထောက်ခံ အတည်ပြုထားတဲ့ ဖွဲ့စည်းပုံအခြေခံဥပဒေဖြစ်ပါတယ်။ နောက်ဖွဲ့စည်းပုံအခြေခံဥပဒေဆိုတာ သော့ခတ်ထားတဲ့ သံမဏိမျိုးဟုတ်ပါဘူး။ သူ့မှာ ပြင်ဆင်နိုင်တဲ့ amendment ပါပြီးသားဖြစ်ပါတယ်။ အဲတော့ ဖွဲ့စည်းပုံအခြေခံဥပဒေကို ပြင်ဆင်မယ်ဆိုရင် ဒီ amendment သူ့မှာ လုပ်ထုံးလုပ်နည်းတွေရှိပါတယ်။ ဒီလုပ်ထုံးလုပ်နည်းတွေအတိုင်း ကျနော်တို့ ပြင်ဆင်လို့ရပါတယ်။
ဒီဟာက တချက်ပေါ့နော်၊ နောက် လက်ပံတောင်းတောင် ကိစ္စနဲ့ ပတ်သက်ပြီးတော့ ဆန္ဒပြနိုင်တဲ့ အခွင့်အရေးတွေ နိုင်ငံတော်ကနေပြီးတော့ တရားဝင်ဥပဒေနဲ့ ပြဌာန်း ပေးထားတာဖြစ်ပါတယ်။ တဖက်က ဒီဥပဒေနဲ့ အညီ ပြဖို့ ပြုဖို့လိုပါတယ်။ ဒီကိစ္စတွေဟာ ကျနော်တို့ အစိုးရဖြစ်လာတော့မှ ပေါ်ပေါက်လာတဲ့ ကိစ္စတွေမဟုတ်ပါဘူး။ အရင်တုန်းက စာချုပ်စာတမ်းအရ လုပ်ခဲ့ ပြုခဲ့ကြတဲ့ ကိစ္စ ကျနော်တို့က ၀င်ပြီး ဖြေရှင်းပေးတဲ့သဘောပဲဖြစ်ပါတယ်။ ဒီမှာ ကျနော်တို့ ရက်ရက်စက်စက် သတ်တယ်ဖြတ်တယ်ဆိုတာလဲ intentionally လုပ်တာပြုတာမဟုတ်ပါဘူး။ ရဲကတော့ တရားဥပဒေထိန်းသိမ်းရေးအရ တကမ္ဘာလုံးမှာ လုပ်ရိုးလုပ်စဉ်ထိန်းသိမ်းနည်းတွေနဲ့ ထိန်းသိမ်းရတာဖြစ်ပါတယ်။ သို့သော်လည်းပဲ ဘုန်းကြီးရဟန်းတွေ ကျနော်တို့လည်း ဗုဒဘာသာ တဦးပါ။ ဘုန်းကြီးရဟန်းကို ရှိခိုးဦးခိုက်နေရပါတယ်။ ဒီဘုန်းကြီးရဟန်းတွေလည်း ကျနော်တို့ ဒီလို ဖြစ်ချင်တဲ့ ဆန္ဒတွေမရှိပါဘူး။ သို့သော်လဲ ကျနော်တို့ မမျှော်လင့်ပဲနဲ့ အခန့်မသင့်ပဲနဲ့ ဖြစ်သွားတဲ့ ကိစ္စတွေပါပဲ။ ဖွဲ့စည်းပုံအခြေခံဥပဒေနဲ့ပတ်သက်ပြီး ပြန်ပြောရမယ်ဆိုရင် ကျနော်တို့ ပြင်နိုင်ပါတယ်။ Amendment ကျနော်တို့ရှိတယ်။ လူတစုအတွက်ဆိုတာကတော့ စွပ်စွဲတာပဲဖြစ်တယ်။ ဘာကြောင့်လဲဆိုရင် ကျနော်တို့ ရာခိုင်နှုံးအားဖြင့် ပြောလို့ရတယ်။ ပြည်သူလူထု ဘယ်လောက်ထောက်ခံလဲ ဆိုတာ ဖွဲ့စည်းပုံအခြေခံဥပဒေရဲ့ ပထမ၊ ဒုတိယစာမျက်နှာတွေမှာ ကျနော်တို့ ပါပြီး ဖြစ်ပါတယ်။ သို့သော်လည်း ကျနော်တို့ဒါ သံမဏိစည်းမျဉ်းဟုတ်ဘူး။ သော့ခတ်ထားတာမဟုတ်ဘူး။ amendment ကျနော်တို့ ပေးထားတယ်။ လွှတ်တော်က ပြင်နိုင် တယ်။ ပြည်သူက ပြင်နိုင်တဲ့အနေအထားကျနော်တို့ရှိပါတယ်။

ဦးသန်းလွင်ထွန်း။ ။ ကျနော် ဖြည့်စွက်မေးချင်တာလေးတစ်ခုကတော့ အုပ်ချုပ်ပုံအခြေခံဥပဒေ ပြုပြင်ရေးနဲ့ ပတ်သက်လို့ပေါ့။ လာမယ့် ၂၀၁၅ ခုနှစ်မှာဆိုလည်း နောက်ထပ်ရွေးကောက်ပွဲတစ်ခု စပါမယ်။ ဒီနေရာမှာ မြန်မာနိုင်ငံရဲ့ ၂၀၀၈ ခုနှစ်၊ ဖွဲ့စည်းပုံအခြေခံဥပဒေနဲ့ ပတ်သက်လို့ ထောက်ပြနေကြတဲ့ ကိစ္စတစ်ခုကတော့ လွှတ်တော်ထဲမှာ စစ်တပ်က ၂၅ % ပါနေတဲ့ ကိစ္စပေါ့နော်။ အဲဒီကိစ္စကို ပြန်ပြီးတော့ သုံးသပ်ဖို့၊ ပြင်ဆင်ဖို့လည်း လွှတ်တော်ထဲမှာ ဆွေးနွေးနေကြတာတွေ၊ တင်ပြလာတာတွေလည်း ကျနော်တို့ ကြားရပါတယ်။ အဲဒါနဲ့ပတ်သက်လို့ သမ္မတကြီးတို့ အစိုးရပိုင်းရဲ့ သဘောထားကရော ဘယ်လိုရှိပါသလဲ၊ သိချင်ပါတယ်။

သမ္မတဦးသိန်းစိန်။ ။ ပွင့်ပွင့်လင်းလင်းပေါ့ဗျာ။ ကျနော်တို့ တပ်မတော်နဲ့ပတ်သက်ပြီးတော့ - ခင်ဗျားတို့လည်း သိပါတယ်။ လွတ်လပ်ရေးစပြီးတော့ ကြိုးပမ်းကတည်းက ဗိုလ်ချုပ်အောင်ဆန်းက တပ်မတော်ရဲ့ ခေါင်းဆောင်တစ်ဦးပါ။ ဗိုလ်ချုပ်အောင်ဆန်းက တပ်မတော်ကို ဖွဲ့ပေးလိုက်ပြီးတော့မှ ဒီ တပ်မတော်နဲ့ ပြည်သူလူထု ပူးပေါင်းပြီး လွတ်လပ်ရေးရအောင် ကြိုးပမ်းဆောင်ရွက်ခဲ့တာ ဖြစ်ပါတယ်။ ကျနော်တို့ရဲ့သမိုင်းကြောင်းမှာ တပ်မတော်ဟာ --- (၁း၀၁) အဖွဲ့အစည်းတစ်ခု ဖြစ်ပါတယ်။ ဒီဘက်ပိုင်းမှာလည်း လွတ်လပ်ရေးနဲ့ အတူ ပေါက်ဖွားလာတဲ့ လူမျိုးစု လက်နက်ကိုင် ပဋိပက္ခတွေနဲ့ တိုင်းပြည်ဟာ ဆူဆူပူပူဖြစ်ပြီးတော့ အစိုးရတောင်မှာ ရန်ကုန်အစိုးရ ဆိုပြီးတော့တောင်မှ ပြောတာ ဆိုတာ ခံရတာ ရှိပါတယ်။ အဲဒီတော့ တိုင်းပြည်က အခုနကလို သောင်းကြမ်းမှု အန္တရာယ်တွေနဲ့ ဒုက္ခသုက္ခတွေ ရောက်နေတဲ့အချိန်မှာ ကျနော်တို့ တပ်မတော်ကပဲ ဝင်ပြီးတော့မှ ဒီအခက်အခဲတွေ၊ အကျပ်အတည်းတွေ- ဒါတွေကို ဝင်ပြီး ဖြေရှင်း ဆောင်ရွက်ပေးတဲ့ အနေလည်း ရှိပါတယ်။ အဲဒီတော့ ကျနော် ပြောချင်တာက ကျနော်တို့ တပ်မတော်ဟာ ကျနော်တို့ သမိုင်းကြောင်း အခြေခံတွေက တခြား နိုင်ငံက တပ်မတော်တွေနဲ့ တူချင်မှ တူမယ်ပေါ့လေ။
လွတ်လပ်ရေး ကြိုးပမ်းမှု သမိုင်းမှာလည်း ပြည်သူနဲ့ပူးပေါင်းပြီးတော့ မှ ဆောင်ရွက်ခဲ့တာတွေ ရှိတယ်။ တိုင်းပြည်မှာ အခက်အခဲ အကြပ်အတည်းတွေ ဖြစ်ပေါ်လာတဲ့အခါမှာလည်း အခုနကလို တပ်မတော်ဟာ ကျရာ အခန်းကဏ္ဍကနေပြီး ပါဝင်ဆောင်ရွက်ပေးခဲ့တာ ရှိပါတယ်။ ဒါကြောင့်မို့လို့ မြန်မာ့နိုင်ငံရေးမှာ တပ်မတော်ကို ပစ်ပယ်ထားဖို့ မသင့်ဘူးလို့ကျနော် ဒီလို ထင်ပါတယ်။ တပ်မတော်ကို ပစ်ပယ်ထားလို့ မရပါဘူး။ ပြည်သူနဲ့ပေါင်းပြီးတော့ ဘာပဲဖြစ်ဖြစ် တပ်မတော် အခန်းကဏ္ဍတစ်ရပ်အနေနဲ့ ဆောင်ရွက်နေရမှာပါ။

အဲဒီတော့ လွှတ်တော်ထဲမှာ ပါနေတယ်ဆိုတဲ့ဟာက အမှန်ဖြစ်ပါတယ်။ အဲဒီတော့ နိုင်ငံရေးလုပ်ငန်းစဉ်မှာ တပ်မတော်က ပါဝင်ခွင့် မရှိဘူးလို့ ဒီလိုပြောလို့ ဒါတော့ မမှန်ဘူးလို့ ကျနော် ထင်ပါတယ်။ တဖြည်းဖြည်းနဲ့ ဒီမိုကရေစီ ရင့်ကျက်လာတဲ့အမျှ လွှတ်တော်ထဲက တပ်မတော်ရဲ့ကိုယ်စားလှယ်တွေဟာ လျော့ပါးသွားမှာ ဖြစ်ပါတယ်။ အင်ဒိုနီးရှားတို့ ဘာတို့ ပြောင်းသွားတာလည်း ဒီအတိုင်းပါပဲ။ တပ်မတော်က နိုင်ငံရေးနဲ့ ကင်းကွာလို့တော့ မရပါဘူး။ အစဉ်အလာ ရှိခဲ့ပါတယ်။ သမိုင်းကြောင်း ရှိခဲ့ပါတယ်။ တိုင်းပြည်မှာ အခက်အခဲတွေ အကြပ်အတည်းတွေ တွေ့တိုင်း၊ တွေ့တိုင်း တပ်မတော်ကနေ ဝင်ရောက်ပြီး ဆောင်ရွက်ခဲ့တာတွေ ရှိပါတယ်။ ၂၅ % ဆိုတာက လွှတ်တော်ထဲမှာ လောလောဆယ်မှာတော့ ရှိသင့်ရှိထိုက်တယ်၊ သို့သော်လည်းပဲ တဖြည်းဖြည်း ဒါတွေဟာ ကျနော်တို့ လျော့ပါးလာမယ်၊ နည်းပါးလာမယ်- ဒီလိုပဲ မြင်မိပါတယ်။

ဦးသန်းလွင်ထွန်း။ ။ မြန်မာနိုင်ငံမှာ လုပ်ဆောင်နေတဲ့ ကိစ္စတွေဟာ အင်မတန် အပြုသဘောဆောင်တဲ့ အကြောင်းအရာတွေအပေါ်ကို တစ်ခါ တစ်ခါ --- တဲ့ အမည်းစက်တွေ ရှိပါတယ်။ ရုပ်ဆိုးအကျည်းတန်တဲ့ ကိစ္စရပ်တွေပေါ့နော်။ အထူးသဖြင့် ရခိုင်ပြည်မှာ ဖြစ်ခဲ့တဲ့ ကိစ္စလိုမျိုး၊ ဘာသာရေးနဲ့ ပတ်သက်တဲ့ အဓိကရုဏ်းတွေပေါ့နော်။ ဒီကိစ္စတွေနဲ့ ပတ်သက်လို့ကတော့ တိုင်းပြည်တစ်ပြည်ရဲ့ အပြုသဘောဆောင်နေတဲ့ အခြေအနေတွေ ကြားထဲမှာ လက်ညှိုးထိုးပြစရာ အမြင်မျိုး ဖြစ်နေတယ်ဆိုတော့- ဒီကိစ္စနဲ့ ပတ်သက်ပြီးတော့ ဘာသာရေးအကြောင်းအရာနဲ့ ပတ်သက်ပြီးတော့ မေးမြန်းဖို့ ဆိုပြီးတော့ ဦးဝင်းအောင်ရှိနေပါတယ်။ ဦးဝင်းအောင်အနေနဲ့ ထပြီးတော့ မေးနိုင်ပါတယ်။ ဦးဝင်းအောင်ကတော့ အစောပိုင်းက ကျနော်တို့ ဗွီအိုအေရဲ့ ဌာန ဝန်ထမ်းဟောင်းပါပဲ။

ဦးဝင်းအောင်။ ။ ကျနော် ဝင်းအောင်ပါ။ ကျနော်တို့ ညီအကိုမောင်နှမ ၁၂ ယောက်ရှိတယ်။ မြန်မာပြည်က ထွက်လာပြီးတဲ့နောက် အနှစ် ၂၀ ကြာတဲ့အခါမှာ တော်တော်များများ ကွယ်လွန်သွားတာ - အခု ပြုပြင်ပြောင်းလဲမှုအရ ကျနော် မြန်မာပြည်ကို ပြန်ရောက်ပြီးတော့ လည်ပတ်ခွင့်ရတဲ့အခါမှာ အသက်မသေ ရှင်ကျန်နေတဲ့ ညီအကို မောင်နှမတွေကို မသေခင်မှာ တွေ့ရတဲ့အတွက် သမ္မတကြီးကို ကျေးဇူးတင်ကြောင်း အရင် ပြောလိုပါတယ်။ ကျနော် ဗွီအိုအေမှာ ၁၅ နှစ်မလုပ်ခင် မြန်မာ့အသံမှာ အနှစ် ၂၀ လုပ်ခဲ့ပါတယ်။ ကျနော်ဟာ အင်္ဂလိပ် ကျွန်ခေတ်မှာ မွေးပါတယ်။ ဂျပန်ခေတ်ကိုလည်း ကြုံပါတယ်။ နောက် ပြည်တွင်းစစ် ဖြစ်တော့လည်းပဲ ကျနော်တို့ ကွန်မြူနစ် အုပ်စိုးတာတို့-ဘာတို့ ဖြစ်လာတော့ နောက် ကျနော် မြန်မာ့အသံမှာ အနှစ် ၂၀ လုပ်တဲ့အခါမှာ အိမ်စောင့်အစိုးရ- စသဖြင့် ခေတ်အဆက် ဆက် နောက်ဆုံး ခေတ်အဆက်ဆက်ကို ကျနော် ကြုံခဲ့ပါတယ်။ ကျနော်သတင်းစာဆရာပါ။ နှစ်ပေါင်း ၅၀ ကျော် ကလောင်ကိုင်ခဲ့တဲ့သူပါ။ အဲဒီတော့ကာ ဒီလို မြန်မာပြည်မှာပေါ့လေ- ပြုပြင်ပြောင်းလဲရေး ဖြစ်လာတဲ့ အတွက် အင်မတန်ကို ဝမ်းသာစရာ ဖြစ်ပါတယ်။ နောက် ကျနော်တို့ မြန်မာပြည်ကို ပြန်ကြည့်တဲ့အခါမှာ မြန်မာပြည်ကို ပြန်သွားချင်တဲ့ အခါမျိုးမှာ၊ အခုနက သမ္မတကြီး အမိန့်ရှိသလို ကျနော်တို့က အမြတ်ထုတ်ဖို့၊ Invest လုပ်ဖို့ မဟုတ်ပါဘူး။ ကျနော် အခုနက ပြောသလို ကျနော့် ညီအကို မောင်နှမအရင်းတွေ အဲဒီမှာ ရှိနေပါမယ်။ အဲဒီတော့ကာ မကြာသေးခင်က ဖြစ်နေတဲ့ ကိစ္စတွေ၊ အင်မတန် အကျည်းတန် အရုပ်ဆိုးတဲ့ ကိစ္စတွေ ဖြစ်နေတာက မြန်မာပြည်အတွင်းမှာ ဘယ်လောက်ထိ သိကြတယ်၊ မြင်ကြတယ်ဆိုတာကို မသိရပေမဲ့လို့ ပြည်ပမှာကတော့ သမ္မတကြီးလည်း သိတဲ့အတိုင်းပါပဲ။ ဒီကနေ့ ခေတ်ပေါ် တိုးတက်တဲ့ နည်းပညာတွေအရ သမ္မတကြီးအိမ်မှာ နေ့လည်စာ ဘာတို့စရာနဲ့၊ ဘာဟင်းနဲ့ စားလဲဆိုတာကိုတောင်မှ သိလို့ မြင်လို့ရတဲ့ အခြေအနေမျိုး ဖြစ်သွားပါပြီ။

ဦးသန်းလွင်ထွန်း။ ။ ဦးဝင်းအောင်ခင်ဗျာ။ ဘာသာရေးနဲ့ ပတ်သက်တဲ့ ဦးဝင်းအောင် မေးစရာရှိတာကို မေးပေးပါ။

ဦးဝင်းအောင်။ ။ ဒီလို ဘာသာရေး အကျည်းတန်၊ အရုပ်ဆိုးတဲ့ ဖြစ်ရပ်တွေကို ပြင်ပမှာ မြင်နေရတဲ့အတွက်က သမ္မတကြီး ဦးဆောင်တဲ့ ပြုပြင်ပြောင်းလဲရေး လုပ်ငန်းစဉ်ကို အင်မတန် အကျည်းတန် အရုပ်ဆိုးစေပါတယ်။ အထူးသဖြင့် ဒီ မုန်းတီးရေးကို ဖန်တီးနေတဲ့- ပြောင်ပြောင်တင်းတင်း လုပ်နေတာကို တရားဥပဒေစိုးမိုးရေးအရ ဘယ်လိုမှ ဘာကြောင့် အရေးမယူလဲဆိုတာ - ကျနော်ဟာ အစ္စလာမ်ဘာသာဝင် မူဆလင်တစ်ယောက်ပါ။ မွတ်ဆလင်တစ်ယောက် အနေနဲ့လည်း ကျနော် တော်တော် စိတ်မကောင်းဖြစ်ပါတယ်။ မြန်မာပြည် မှာ မွေးတဲ့ လူတစ်ယောက်အနေနဲ့လည်း ဝမ်းနည်းပါတယ်။ နောက် အနှစ် ၅၀ သတင်းသမားတစ်ယောက် အနေနဲ့လည်း ကျနော် အံ့သြမိပါတယ်။

ဦးသန်းလွင်ထွန်း။ ။ ဟုတ်ကဲ့၊ ကျေးဇူးတင်ပါတယ်၊ ဦးဝင်းအောင် ခင်ဗျ။ မေးချင်တဲ့သဘောတော့ ကျနော်နားလည်ပါတယ်။ ကျနော်နားလည်တာက လက်ရှိ မုန်းတီးရေးတွေ လှုံဆော်နေတာတွေကို ဘာကြောင့် အရေးမယူသလဲ၊ အရေးယူမှု ရှိသလားဆိုတာကို သိချင်တယ်။

သမ္မတဦးသိန်းစိန်။ ။ ကျနော် ပြောရမယ်ဆိုရင်တော့ ကျနော်တို့ နိုင်ငံရေးအရ ပြုပြင်ပြောင်းလဲမှုတွေလုပ်တယ်။ တခါ စီးပွားရေးအရ ပြုပြင်ပြောင်းလဲမှုတွေ လုပ်တယ်။ အဲတော့ အောင်မြင်မှုတွေလည်း ကျနော်တို့ အထိုက်အလျောက် ရပါတယ်။ အခက်အခဲတွေ စိန်ခေါ်မှုတွေ ဒါတွေလည်း ကျနော်တို့ တွေ့ရပါတယ်။ အဲတော့ ရခိုင်မှာဖြစ်တဲ့ ကိစ္စတွေက ဖြစ်ရိုးဖြစ်စဉ် ထပြီးတော့ ဖြစ်ကြတဲ့ ပုံစံမျိုးတော့ မဟုတ်ပါဘူး။ ရာဇ၀တ်ပြစ်မှုအပေါ်မှာ မူတည်ပြီးတော့ လူအုပ်စုတစုနဲ့ တစု မီးရှိုကြ အကြမ်းဖက်ကြနဲ့မှ ကြီးထွားလာတဲ့ ကိစ္စဖြစ်ပါတယ်။ ဒါနဲ့ပတ်သက်ပြီးတော့ စုံစမ်းစစ်ဆေးရေးကော်မရှင်ဖွဲ့ပါတယ်။ စုံစမ်းစစ်ဆေးရေးကော်မရှင်မှာ ဟိုဖက်က ဒေါက်တာ ပါပါတယ်။ ဒီကိစ္စနဲ့ပတ်သက်ပြီးတော့ ဒေါက်တာ နဲနဲလေး ဖြေပေးလိုက်ပါ။

ဒေါက်တာကျော်ရင်လှိုင်။ ။ အချိန်အရဆိုတော့ အများကြီးတော့ ကျနော် မပြောတော့ပါဘူး။ သို့သော် ခြုံပြီးပြောမယ်ဆိုရင် တဖက်နဲ့တဖက် ယုံကြည်မှုတွေ လျှော့ပါးနေတာတွေ၊ နောက်ပြီး မုန်းတီးမှုတွေ ရှိနေတာက မြန်မာပြည်မမှာရော ရခိုင်ပြည်နယ်မှာပါ အတော်ကြာကြာ ရှိနေပြီးသားပါ။ ပြုပြင်ပြောင်းလဲမှုတွေလုပ်လာတဲ့အခါ ပွင့်လာတဲ့အခါ မကျေနပ်မှုတွေကို ပိုပြီး ပြလာတဲ့ အခြေအနေမှာရှိတော့ ဖြစ်သွားတဲ့ ရာဇ၀တ်မှုပေါ် မူတည်ပြီးတဲ့အခါမှာ ရခိုင်ပြည်နယ်မှာ Community Level မှာပဲ အဓိက ဖြစ်ခဲ့တာပါ။ ဒါနဲ့ပတ်သက်လို့ Report ကိုလည်း လူပေါင်း နှစ်ထောင်ကျော်လောက်ကို အင်တာဗျူးပြီး ရေးခဲ့တာပါ။ ဒါနဲ့ ပတ်သက်လို့လည်း Online မှာ အင်္ဂလိပ်လိုရော မြန်မာလိုရော ရပါမယ်။ အဓိက ပြောချင်တာက မကျေနပ်မှုတွေ မုန်းတီးမှုတွေက အရမ်းများလာတဲ့အခါမှာ အခွင့်အရေးယူပြီး မြောက်ထိုးပင့်ကော်မှုတွေကလည်း အများကြီး ပါလာတယ်။ အဲဒီ ပါလာတဲ့ အပိုင်းတွေက အခြေအနေတွေကို ပိုပြီး ဆိုးသွားစေတာပါ။ နောက် အစိုးရအနေနဲ့ အရေးယူမှုမပြုဘူးဆိုတာ အဲဒါတော့ မဟုတ်ပါဘူးဗျ။ မိတ္တီလာမှာ ပြီးပြီးတဲ့အချိန်မှာလည်း အရေးယူမှုတွေ အများကြီးလုပ်ပါတယ်။ ရခိုင်မှာလည်း ကျနော်တို့က အရေးယူမှုတွေ အများကြီးလုပ်ပါတယ်။ ရခိုင်မှာလည်း အရေးယူမှုတွေနဲ့ပတ်သက်ပြီး ကျနော်တို့ ကော်မရှင်အနေနဲ့က အားလုံးကို ကြည့်ခွင့်ရတဲ့အတွက် အရေးယူမှုတွေက အများကြီးလုပ်ထားပါတယ်။ နောက်ဆုံး တခု ပြောချင်တာက ဒီအစိုးရအနေနဲ့ ဘာမှ လုပ်မထားဘူးဆိုတာနဲ့ပတ်သက်လို့ Interfaith Dialogue တွေကို တနိုင်ငံလုံးအတိုင်းအတာနဲ့ လုပ်ဖို့ လုပ်နေပါတယ်။ ရခိုင်ပြည်နယ်နဲ့ပတ်သက်ပြီးတော့ ရခိုင်ပြည်နယ်တည်ငြိမ်ရေးနဲ့ ဖွံဖြိုးတိုးတက်ရေးတွေကနေ ဒါတွေကို လုပ်နေပါတယ်။ ရခိုင်ကော်မရှင်ကိစ္စ ပြီးသွားတော့ ဒီကိစ္စမှာ ပါဝင်ခဲ့တဲ့လူတွေနဲ့ ဆက်ပြီးလုပ်နေ ကျနော်တို့ အကြံပြုနေတယ် ၀င်ပြီး ကူညီနေတဲ့အချိန်မှာ ဒီ Interfaith Dialogue တွေကို ရန်ကုန်မှာလည်း လုပ်နေပါတယ်။ ရခိုင်မှာလည်း အဖွဲ့တွေက အစ္စလာမ်ဘာသာဝင်တွေ ဗုဒ္ဒဘာသာဝင်တွေ အတူတွဲသွားပြီးတော့ ကျယ်ကျယ်ပြန့်ပြန့်လုပ်ဖို့ ၀ိုင်းပြီးလုပ်နေကြပါပြီ။ အားလုံးကို ကျေးဇူးတင်ပါတယ်။

သမ္မတဦးသိန်းစိန်။ ။ ကိုသန်းလွင်ထွန်းရေ ကျနော်ကို ခွင့်ပြုပါ။ ကျနော် အစီအစဉ်လေးတခုရှိနေလို့ ။ ကျန်တဲ့မေးခွန်းတွေကို ဖြေမယ့် ပုဂ္ဂိုလ်တွေ ရှိပါတယ်။ အားလုံးပဲ ကျနော့်ကို ခွင့်လွှတ်ပါ။

ဦးသန်းလွင်ထွန်း။ ။ ဟုတ်ကဲ့ သမ္မတကြီး။ ကျေးဇူးတင်ပါတယ်ခင်ဗျ။
VOA

ဗိုလ်ချုပ်အောင်ဆန်း Graffiti ပုံကိုဆွဲတဲ့အသက်၂၀သာရှိသေးသည့် အာကာကျော်.

8:17 AM Htut Htut No comments

for my general aung san song .graffiti by ar ka kyaw.

Practicing for 'Aung Sann Myo Hae Myanmar' song's MTV

အပေါ်ကပုံတွေကတော့ အရင်ကရေးဆွဲခဲ့တဲ့ အာကာကျော်ရဲ့ လက်ရာပါ..

Photo by..အာကာကျော်. လင်းထက်

အိမ်နီးချင်း

7:46 AM Htut Htut No comments

အထူး သဖြင့် ကျွန်တော်တို့နှင့် စီးပွားရေးအရ ထိစပ်ကုန်သွယ်မှု အပြုရဆုံး နိုင်ငံကြီး ဖြစ်သည့် တရုတ်ပြည်ကိုလည်း ကမ္ဘာ့ စံချိန်စံညွှန်းများနှင့်အညီ သိက္ခာရှိရှိ ကြီးပွားချမ်းသာသောနိုင်ငံတစ်နိုင်ငံ ဖြစ်စေလိုပါသည်။

အိမ်နီးချင်းလွန်ခဲ့သည့် ဆယ်လခန့်က သတင်းတစ်ပုဒ် ဖတ်ခဲ့ရ ဖူးသည်။ ထူးသည်ဟု ဆိုနိုင်သော်လည်း ဆန်းတော့ လည်းမဆန်းပါ။ အကြောင်း အရာက တရုတ်ပြည်ထုတ် ချယ်ရီဝက်ဂွန်ကား လေးတွေ အကြောင်းဖြစ်သည်။ အဆို ပါကားလေးတွေ မြန်မာပြည်ရောက် လာတာ ယခုဆို နှစ်နှစ်ကျော်လောက် ရှိမည် ထင်သည်။

ရန်ကုန်မြို့မှာတော့ အိမ်စီးကားအဖြစ် သုံးသည်ထက် အများစုမှာ တက္ကစီအဖြစ် သာပြေးဆွဲ နေကြသည်။ အဆိုပါ ချယ်ရီကားလေး တွေကိုထုတ်လုပ်ရာတွင် မိုဒယ်မြင့် ကားများရော၊ မော်ဒယ်နိမ့် ကားတွေ ပါထုတ်လုပ် လျက်ရှိရာ ကမ္ဘာ့နိုင်ငံ အတော်များများ သို့လည်း တင်ပို့ ရောင်းချပြီးဖြစ်သည်ဟု ဆိုသည်။ ပါချယ်ရီကားလေးတွေ အပါအဝင် တရုတ်နိုင်ငံထုတ် ကားတွေကို ဩစတြေးလျ နိုင်ငံက တရုတ်နိုင်ငံသို့ ပြန်ပို့နေ လေပြီ။

အကြောင်းမှာ အဆို ပါကားများတွင် အဆုတ်ကင်ဆာ ရောဂါဖြစ်စေနိုင်သည့် Asbestos ခေါ် ကျောက်ဂွမ်းများ ပါရှိနေသော ကြောင့်ဟုဆိုသည်။ အဆိုပါ ကျောက် ဂွမ်းကို ထည့်သွင်း အသုံးပြု ထုတ်လုပ် ခြင်းမပြုရန် ကမ္ဘာ့နိုင်ငံပေါင်း ငါးဆယ် မှ တားမြစ် ထားကြောင်းလည်း သိရ သည်။ ဩစတြေးလျမှ ပြန်ပို့လိုက် သော ကားအစီးရေမှာ ၂၃ယဝ၀ဝရှိ သည်။

ဒီသတင်းကိုအကြောင်းပြုပြီး ကျွန်တော်တို့ဆီက ကားဈေးကွက် တွင် ချယ်ရီဝက်ဂွန်ကားဈေးမှာ ဆယ့် ငါးသိန်း၊ သိန်းနှစ်ဆယ်ခန့် ပြုတ်ကျ သွားခဲ့ဖူးသည်။ နောက်ဆက်တွဲ သတင်းအနေ နှင့် ကြားသိရသည်မှာ တရုတ်ပြည်မှ ချယ်ရီကား ကုမ္ပဏီ၏ ထုတ်ပြန်ချက် ဖြစ်သည်။ သူတို့၏ ကားများကို မိုဒယ် အနိမ့်၊ အမြင့်ခွဲခြား ထုတ်လုပ်သည့် အလျောက် ကျွန်တော်တို့မြန်မာနိုင်ငံ ဆီတင်ပို့သောကားများမှာ မော်ဒယ် နိမ့်သောကားများသာဖြစ်ကြောင်း၊ ကြေညာ ခဲ့သည်။

သို့သော် ဝယ်ယူစီး နင်းသူတို့မှာ ထိုကားများအပေါ် စိတ် မသိုးမသန့်ဖြစ်ကုန်ကြလေပြီ။ မြန်မာနိုင်ငံသို့ တရုတ်ပြည်မှ မြောင်း ဆီများ (ကြော်လှော် ချက်ပြုတ်ပြီး နောက် မြောင်းထဲသို့ သွန်ချထားသည့် ဆီများ)ကို တရုတ်ပြည်မှ မသမာသူလူ တစ်စုကစုစည်းပြီး အလုံးအရင်းဖြင့် တင်သွင်းရောင်းချကြောင်းသတင်းကို ဖတ်ရဖူးသည်။

ဒါ့အပြင် ကြက်ဥအတု ဆိုတာကလည်း တရုတ်ပြည်မှပင် အစုလိုက်အပြုံလိုက်ဝင်လာလိုက်သေး သည်။ နောက်တစ်ခုက တရုတ်နို့မှုန့် အချို့ဖြစ်သည်။ သူကလည်း မယ်လ မင်းဓာတ် ပါဝင်သဖြင့် သောက်သုံးသူ တို့တွင် ကျန်းမာရေး ပြဿနာရှိစေ ကြောင်းသိရပြန်သည်။ တရုတ်ပြည် လုပ် စားစရာမုန့်အချို့တွင်လည်း လူကိုဘေးအန္တရာယ်ဖြစ်စေတတ် သော အရာများပါဝင်လျက်ရှိကြောင်း သတင်းကိုလည်း ဖတ်ခဲ့ရသည်။ တကယ်တော့ တရုတ်ပြည်သည် စီးပွားရေး အင်အားကြီး အဖြစ် ကမ္ဘာ ကအသိအမှတ်ပြုခြင်း ခံထားရသော နိုင်ငံတစ်ခုဖြစ်သည်။

နောင်ဆယ်စုနှစ် သုံး/လေးခု လောက်ကြာလျှင် ကမ္ဘာ့ ထိပ်သီးနံပါတ် (၁)နေရာသို့ တရုတ် ပြည်ရောက်ရှိ သွားမည်ဟု မှန်းဆသူ ကမှန်းဆသည်။ တရုတ်ပြည်ကြီး အရှိန်အဟုန်ဖြင့် တိုးတက် နေသည်ဆို သည်ကိုကြည့်ပြီး အချို့ကလည်း တရုတ်၏ စီးပွားရေး ပြုပြင်ပြောင်းလဲ ရေးမိုဒယ်ကို အတုယူသင့်သည်ဟုဆို သည်။

ဗီယက်နမ်သည် တရုတ်မိုဒယ် ကို အတုယူခဲ့သဖြင့် တိုးတက်ခဲ့သည် ဟု အချို့ကလည်းဆိုသည်။ သို့သော် ဤသို့အများက ဝိုင်း၍ ချီးမွမ်း ဩဘာပေးခြင်း ခံနေရသော တရုတ်နိုင်ငံ ကြီးထဲတွင် ပြဿနာပေါင်း သောင်းခြောက်ထောင် ရှိနေပေသည်။ မီဒီယာ လွတ်လပ်ခွင့် အပြည့်အဝမရှိ သည့်ကြားမှပင် တရုတ် အစိုးရ အရာရှိ ကြီးများနှင့် တရုတ်ကွန်မြူနစ်ပါတီ ထိပ်သီးကြီးများ၏ အကျင့်ပျက်ခြစား မှုကြောင့် ကြီးလေးသော ပြစ်ဒဏ်ချ မှတ်ခံရသည့် သတင်းတွေကို မကြာ ခဏကြားသိ နေရသည်။ ဗဟိုအစိုးရ နှင့် ကိုယ်ပိုင် အုပ်ချုပ်ခွင့်ရဒေသများ အကြား အမိန့်အာဏာစီးဆင်းမှု ပြေပြစ်ညီညွတ်မှုကင်းမဲ့နေသည့် အကြောင်းကိုလည်း စာအုပ်စာတမ်း များတွင် ဖတ်ရှုရသည်။ ကြီးတွေနှင့် အစိုးရ အာဏာပိုင်အချို့ ပူးပေါင်းပြီး လုပ်ပိုင်ခွင့် မတရားရယူမှု တွေက ရှိနေပြန်သည်။

တရုတ်ပြည် တွင် ဝင်ရောက် ရင်းနှီးမြှုပ်နှံမည့် နိုင်ငံ ခြားကုမ္ပဏီများ အနေဖြင့် တရုတ် ကွန်မြူနစ် ပါတီမှ ဩဇာရှိသူများနှင့် မဖြစ်မနေပူးပေါင်းဆောင်ရွက်မှသာ ပြေလည်မှု ရှိသည်ဟူသော ရေးသား ထုတ်ဖော်ချက် များလည်း ကမ္ဘာ တစ်ဝန်းပျံ့နှံ့ လာသည်။ တရုတ်ပြည် အတွင်း ကုန်ပစ္စည်း ဖြန့်ဖြူးလိုပါက တရုတ်ပြည်သူ့ တပ်မတော်နှင့် အချိတ် အဆက်ရှိမှသာ ပြေလည်သည်ဟု လည်းဆိုကြသည်။ ဤသို့သော မကောင်းသတင်းတွေ တစိမ့်စိမ့်ထွက် လာနေသော အဆိုပါတရုတ်ပြည်ကြီး တွင် မြို့ပြများ၌ လူနေအိုးအိမ်ဖယ် ရှားပေးလိုက်ရခြင်း၊ ကျေးလက်ဒေသ တွင် လယ်သမားတို့၏လယ်ယာမြေ အဓမ္မအသိမ်းခံရခြင်း အစရှိသော ဖြစ်ရပ်များကြောင့် အခြေခံလူတန်း စားက မကျေမနပ်ဖြစ်ကာ ဆန္ဒပြမှု၊ ဆူပူမှုတွေ မကြာခဏပေါ်ပေါက် လျက်ရှိပေသည်။

ဒီတော့ တရုတ်မိုဒယ် (Chinese Model) သည် ကျွန်တော်တို့လို စီးပွားရေး ပြုပြင်ပြောင်းလဲမှု ပြုလုပ်နေ သည့် နိုင်ငံများ အတွက် အတူယူ လျှောက်လှမ်း သင့်သည် မိုဒယ်ဟုတ်ပါ ၏လော။ သံသယ မျက်လုံး ဖြင့်ကြည့် ပြီး လေ့လာဆန်းစစ်ဖို့ တော့လိုပါ သည်။ တရုတ်ပြည်၏ အဓိကချို့ယွင်း ချက်မှာ နိုင်ငံရေးစနစ် (Political System)ကို စီးပွားရေးစနစ် ( Economic System)နှင့် လိုက်လျောညီ ထွေ အချိန်မီပြုပြင်ပြောင်းလဲမှု မလုပ်ခြင်းပင်ဖြစ်သည်။

တရုတ်ပြည် ၏အချုပ်အခြာအာဏာကို ဆုပ်ကိုင် ထားသော တရုတ်ကွန်မြူနစ်ပါတီ၏ ဗဟိုကော်မတီဝင်အများစုမှာ ရှေးရိုး စွဲများဖြစ်နေပြီး တစ်ပါတီစနစ်မှာပင် ပိုနေမြဲကျားနေမြဲ ဆက်ထိုင်နေလို သော ဆန္ဒရှိနေကြပေသည်။ ထို့ ကြောင့်လည်း စီးပွားရေးတိုးတက်မှုနှင့် အပြိုင် လူ့အဖွဲ့အစည်းအတွင်း လူမှု ရေး၊ စီးပွားရေး၊ နိုင်ငံရေး ပြဿနာ တွေကြီးထွား လာသည်ကို တွေ့ရှိရ သည်။ သိပ်မကြာ သေးသောကာလက ပင် တရုတ်ကွန်မြူနစ် ပါတီအရာရှိ ကြီးတစ်ဦးမှာ အကျင့်ပျက်ခြစားမှု ကြောင့် တရားစွဲဆို ခံနေရပြီး သူ့ဇနီး မှာလည်း အနောက်တိုင်း သားခရိုနီ တစ်ဦးအား အဆိပ်ခတ် သတ်ဖြတ်မှု ကြောင့် တရားရင်ဆိုင် ခဲ့ရသည်။

ထို သို့ တရားရင်ဆိုင်ရာမှာပင် အဆိုပါ အမျိုးသမီးက လူစားထိုးပြီး ရင်ဆိုင် နေကြောင်းနှင့် ထိုကဲ့သို့ လူစားထိုးရန် အတွက် အကြံပေးသူမှာ တရုတ် ဝန်ကြီးချုပ်ဟောင်း ဝမ်ကြားပေါင်၏ ဇနီးဖြစ်သည်ဟုပင် ကောလာဟလ များထွက်ပေါ်ခဲ့သည်။ စင်စစ်အားဖြင့် တရုတ်မိုဒယ်မှာ နိုင်ငံတော် အရင်းရှင် ဝါဒနှင့် အာဏာရှင် ဆန်သော အုပ်ချုပ် မှုတို့ကို ရောမွှေထားခြင်းသာဖြစ်ပြီး လွတ်လပ်သောဈေးကွက်စီးပွားစနစ် နှင့်အပ်စပ်သော နိုင်ငံရေးစနစ်ကင်းမဲ့ နေပေသည်။ ခေါင်းဆောင် အချို့ကတော့ အလျဉ်း သင့်တိုင်း တရုတ်ပြည်၏ နိုင်ငံရေး စနစ်ကို ပြုပြင်ပြောင်းလဲရတော့မည် ဟု မိန့်ခွန်းတွေပေးလေ့ရှိသည်။

သို့ သော် ရှေးရိုးစွဲတွေက အများစုဖြစ်နေ နိုင်ငံတစ်ခုတွင် စီမံကိန်း စီးပွားရေး စနစ် (Market Economy) ဆီသို့ ပြောင်းလဲမှု လုပ်တော့ မည်ဆိုလျှင် နိုင်ငံရေး စနစ်ကလည်း တစ်ဦး၊ တစ်ဖွဲ့၊ တစ်ပါတီက ချုပ်ကိုင်ထားသော အာဏာရှင် စနစ်မှသည် အများပြည် သူအာဏာပိုင်စိုးသည့် ပါတီစုံဒီမိုက ရေစီစနစ်သို့ ပြောင်းလဲပေးရမည်သာ ဖြစ်သည်။ တရုတ်ပြည်ရှိ ရှေးရိုးစွဲ ဝါဒီအချို့ အကြောင်းပြသည်မှာ အကယ်၍ ပါတီစုံဒီမိုကရေစီ စနစ်သို့ ပြောင်းလဲ လိုက်ပါက နိုင်ငံရေး မတည်ငြိမ်မှုဖြစ် ပြီး တရုတ်ပြည်ကြီး ပြိုကွဲသွားနိုင်သည် ဟူ၍ဖြစ်သည်။

တကယ်တော့ ပါတီစုံ ဒီမိုကရေစီ စနစ်ကို ပြောင်းလဲထူ ထောင်လိုက်ပြီး စီမံအုပ်ချုပ်မှု၊ ဥပဒေ ပြုမှုနှင့် တရားစီရင်မှု ဟူသော မဏ္ဍိုင် ကြီးသုံးရပ်ကို လွတ်လပ်စွာ အပြန် အလှန်ထိန်းကျောင်း ညှိနှိုင်းခွင့် (Check and Balance) ပေးလိုက် ပါလျှင် တိုင်းပြည် မတည်မငြိမ် ဖြစ်ပြီး ပြိုကွဲပျက်စီးရန် အကြောင်း မရှိပါချေ။ စတုတ္ထမဏ္ဍိုင်ဟု တင်စားခေါ်ဝေါ် ခြင်းခံရသော မီဒီယာများကိုပါ လွတ်လပ်ခွင့်ပေးလိုက်လျှင် ယနေ့ တရုတ်ပြည်ကြီးရင်ဆိုင်နေရသော ပြဿနာအထွေထွေမှာ အေးငြိမ်း သွားမည်ဖြစ်သည်။

ယခုတော့ တရုတ်ပြည်ကြီးမှာ စီးပွားရေး လွတ်လပ်ခွင့်ပေးလိုက်သည့် အလျောက် စီးပွားရေးသမားတွေက အားကြိုးမာန်တက် စီးပွားရှာကြ သည်။ သို့သော် သူတို့စီးပွားရှာနေ သည့် ဈေးကွက်မှာ အပြည့်အဝယှဉ် ပြိုင်နိုင်ခွင့်ရှိသော လွတ်လပ်သည့် ဈေးကွက် (Free Market) အစစ် အမှန် မဟုတ်ချေ။ အုပ်ချုပ်ရေး မဏ္ဍိုင်၏ထိန်းချုပ်မှုအောက်မှာ တည် ရှိနေသည့်ဈေးကွက်ဖြစ်သည့်အလျောက် အုပ်ချုပ်ရေးနယ်ပယ်မှ အာဏာရှိသူ တို့နှင့် အဆက်အသွယ်အပေးအယူ ကင်းမဲ့သူတို့အဖို့ ဘယ်လိုမှတိုးတက် အောင်မြင်စရာလမ်းမရှိချေ။ ဥပဒေပြု မဏ္ဍိုင်နှင့် တရားစီရင်ရေးမဏ္ဍိုင်တို့ မှာလည်း အုပ်ချုပ်ရေးမဏ္ဍိုင်၏ အောက်တွင်သာရှိနေပေရာ တရား ဥပဒေစိုးမိုးမှု အားနည်းလျက်ရှိပေ သည်။ အာဏာပိုင်တို့အကျင့်ပျက်ခြ စားခြင်း၊ သမ္မာအာဇီဝမကျသော စီးပွားရှာမှုများတိုးပွားလာခြင်း၊ ဧရာမ ခရီုနီများကြီးထွားအားကောင်းလာကာ အနိုင်ကျင့်ဗိုလ်ကျမှုတွေများပြားလာ ခြင်း အစရှိသော ဆိုးဝါးသည့်အရင်းခံ အကြောင်းချက်များအပေါ်မူတည်ပြီး တရုတ်ပြည်ကြီးအား ပြိုကွဲပျက်စီးမည့် လမ်းကြောင်းပေါ်သို့ တွန်းတင်နေခြင်း ဖြစ်ပေသည်။

ကျွန်တော်တို့မြန်မာလူမျိုးများ တွင် "အိမ်နီးချင်းကောင်းမှ လင် ကောင်းရမည်"ဟူသည့် ဆိုရိုးစကားရှိ ပါသည်။ မိမိကိုယ်ကိုယ် ဘယ်လိုပင် ကောင်းအောင်နေပါစေ၊ အိမ်နီချင်း တွေမကောင်းခဲ့လျှင် ဘေးဒုက္ခတွေ့ နိုင်ပေသည်။ မကြာသောကာလက ပင် ဆင်းရဲမွဲတေသလောက် မိမိနိုင်ငံ သားများအပေါ်တာဝန်မယူတတ်သော အိမ်နီးချင်းဆိုးကြောင့် နိုင်ငံတော်၏ အနောက်ဘက်စည်းရိုး ကျိုးပေါက်ခဲ့ရ ပြီမဟုတ်ပါလား။ ထို့အတူ အရှေ့ ဘက်စည်းရိုးကို ချိုးဖျက်ဝင် လျက်ရှိသည့် အိမ်နီးချင်းတို့၏ အန္တရာယ်ကလည်း စိုးရိမ်ဖွယ်ပင် ဖြစ်ပါသည်။ ထို့ကြောင့် မိမိနိုင်ငံတိုးတက် သလို မိမိအိမ်နီးချင်းနိုင်ငံ များကိုလည်း တိုးတက်ဖွံ့ဖြိုး စေချင်ပါသည်။

အထူး သဖြင့် ကျွန်တော်တို့နှင့် စီးပွားရေးအရ ထိစပ်ကုန်သွယ်မှု အပြုရဆုံး နိုင်ငံကြီး ဖြစ်သည့် တရုတ်ပြည်ကိုလည်း ကမ္ဘာ့ စံချိန်စံညွှန်းများနှင့်အညီ သိက္ခာရှိရှိ ကြီးပွားချမ်းသာသောနိုင်ငံတစ်နိုင်ငံ ဖြစ်စေလိုပါသည်။ စီးပွားရေးပြုပြင် ပြောင်းလဲမှုများလုပ်သလို နိုင်ငံရေး ပြုပြင်ပြောင်းလဲမှုများကိုပါလုပ်ဆောင် သည့် ဒီမိုကရေစီအင်အားကြီးနိုင်ငံ တစ်ခုအဖြစ် တရုတ်ပြည်ကို တွေ့မြင် လိုပါသည်။ သို့မှာသာ ကျွန်တော်တို့မြန်မာ ပြည်သူ ပြည်သားများ အဖို့ ဆေးဝါး အတု၊ ငွေစက္ကူအတု၊ မြောင်းဆီ၊ အန္တရာယ်ဖြစ်စေတတ်သောမုန့်များ၊ မယ်လမင်းပါသောနို့မှုန့်များမှသည် အဆုတ်ကင်ဆာရောဂါဖြစ်နိုင်သည့် ကျောက်ဂွမ်းပါရှိသော ကားများအထိ "သုံးစွဲသူကို ဘေးဒုက္ခပေးမည့်ထုတ် ကုန်နှင့်ဝန်ဆောင်မှုများ"၏ အန္တရာယ် အသွယ်သွယ်မှ လွတ်မြောက်နိုင်လိမ့် မည်ဟု ယုံကြည်မျှော်လင့် မိကြောင်း တင်ပြ လိုက်ရပါသည်။
ဝင်းသိန်းဦး

“ကွမ်ဂျူးMay18 ဒီမိုကရေစီအရေးတော်ပုံအခမ်းအနားသို့၈၈-မျိုးဆက်(ငြိမ်းချမ်းရေးနှင့်ပွင့်လင်းလူ့အဖွဲ့အစည်းမှ ) ကိုမင်းကိုနိုင်၊ ကိုဂျင်မီတို့ တက်ရောက် ”

7:02 AM Htut Htut No comments

“၂၀၁၃ ခုနှစ် မေလ ၁၈ရက် နံနက် ၁၀ နာရီမှ ၁၁ နာရီအထိကျင်းပခဲ့သောGwangju May 18 Memorial day အခမ်းအနားသို့
၈၈ မျိုးဆက် ( ငြိမ်းချမ်းရေးနှင့် ပွင့်လင်းလူ့အဖွဲ့အစည်း ) မှကိုမင်းကိုနိုင်၊ ကိုဂျင်မီတို့တက်ရောက်ခဲ့သည်။
ထို့ပြင်မြန်မာနိုင်ငံလုံးဆိုင်ရာကျာင်းသားများဒီမိုကရက် တစ်တပ်ဦး( ABSDF ) ဥက္ကဌကိုသံခဲ၊ အမျိုးသားဒီမိုကရေစီအဖွဲ့ချုပ်
( လွတ်မြောက်နယ်မြေ ) ကိုရီးယားဌာနခွဲဥက္ကဌကိုနေထွန်းနိုင်တို့တက်ရောက်ခဲ့ကြသည်။ ”

- The 88 Generation ( Peace & Open Society )
Photo..Nay tun naing

ဘင်္ဂါလီဒုက္ခသည်ဦးရေ ပမာဏတိုးလာမှု အမျိုးသားလုံခြုံရေးကို ထိခိုက်လာနိုင်

6:48 AM Htut Htut 1 comment

ရခိုင်ဒေသအတွင်း ဘင်္ဂါလီဒုက္ခသည်စခန်းများနှင့်မောင်တော၊ ဘူးသီးတောင်ဒေသမှာ တဖြည်းဖြည်းနဲ့ တိုးပွားလာ သည့် ဘင်္ဂါလီလူဦးရေ ပမာဏသည် ရခိုင်ပြည်နယ်ရဲ့ လုံခြုံရေးကိုသာမက မြန်မာနိုင်ငံရဲ့ အမျိုးသားလုံခြုံရေးကိုပါ ထိခိုက်လာနိုင်ကြောင်း ရခိုင်ပြည်နယ်အခြေစိုက် လုံခြုံရေးအရာရှိတွေက တစ်ညီတစ်ညွတ်တည်း ပြောကြားသည်။

ရခိုင်ပြည်နယ် စစ်တွေမြို့ပတ်ဝန်းကျင်မှာ ဖွင့်လှစ်ထားသည့် ဘင်္ဂါလီဒုက္ခသည် စခန်း ၁၁ ခုဟာ ရခိုင်ကမ်းရိုးတန်း တစ်လျှောက်လုံးမှာ ဖွင့်လှစ်ထားသည့်အတွက် မြန်မာနိုင်ငံရဲ့ အနောက်ဘက်က လူဦးရေပေါက်ကွဲမှုဖြစ်နေသည့် ဘင်္ဂလားဒေရှ့်နိုင်ငံနှင့် အမြဲတစေကူးလူး ဆက်ဆံမှုရှိသည်။

ရေလမ်းခရီးဖြင့်သွားလျှင် အချိန်တစ်ရက်သာကြာမြင့်သည့် စစ်တွေနှင့်ဘင်္ဂလားဒေရှ့် နှစ်နိုင်ငံကြား က လမ်းပန်း ဆက်သွယ်ရေးကြောင့် စစ်တွေမြို့ပတ်ဝန်းကျင်က သက္ကေပြင်၊ဒါးပိုင်၊ဘောဒူဖစသည့် ဘင်္ဂါလီဒုက္ခသည်စခန်းများတွင် ဖွင့်လှစ်ထားသည့် ဆိုင်ခန်းအချို့တွင် ဘင်္ဂလားဒေရှ့်နိုင်ငံထုတ် လူသုံးကုန်ပစ္စည်းများကို တွေ့နိုင်ပေသည်။

"စစ်တွေကမ်းရိုးတန်းတစ်လျှောက်လုံးမှာက ဘင်္ဂါလီဒုက္ခသည်စခန်းတွေလေ။သူတို့မှာလှေရှိတယ်။ဒီတော့ ဘင်္ဂလားဒေရှ့်ကို သွားနိုင်တယ်။လာနိုင်တယ်။သူတို့ဒီလို သွားနေတာသိရက်နဲ့ ကျွန်တော်တို့ မဖမ်းနိုင်ဘူး။ဘာကြောင့်လဲဆိုတော့ ကျွန်တော်တို့မှာ ရေတပ်အင်အားနည်းတယ်လေ" ဟု စရဖ တပ်ဖွဲ့ဝင် ကိုဖိုးလုံးက ပင်လယ်လှိုင်းများ ရိုက်ခတ်နေသည့် စစ်တွေကမ်းရိုးတန်းတစ်လျှောက်လုံးကို ကြည့်ရင်း ပြောသည်။

ပြီးခဲ့သည့် ၂၀၀၇ ခုနှစ်မှစတင်ကာ စစ်တွေမြို့ကို တာဝန်ထမ်းဆောင်ရန် ရောက်ရှိလာသည့် စစ်ဖက်ရေးရာ လုံခြုံရေး တပ်ဖွဲ့ဝင် ကိုဖိုးလုံးသည် စစ်တွေမြို့ဝန်းကျင်က ဘင်္ဂါလီဒုက္ခသည်စခန်းများတွင် တစ်ဦးတည်း အခြေစိုက်လှုပ်ရှား နေရသည့် ထောက်လှမ်းရေးတစ်ဦး ဖြစ်သည်။

"သူတို့က ကျွန်တော့်ကိုယုံတယ်။စစ်တပ်ကိုယုံတယ်။ ရဲနဲ့နစကကိုမယုံဘူး။ ကျွန်တော့်သတင်းပေးတွေက ဘင်္ဂလားက ဘယ်နှစ်ယောက်ရောက်နေတယ် ပြောတယ်။ကျွန်တော် လိုက်ရှာတယ်။မတွေ့ဘူး။ သူတို့မှာကွန်ရက် ကောင်းကောင်း ရှိတယ်"ဟု ယင်းကဆိုသည်။

ပြီးခဲ့သည့် ပြည်ထောင်စု လွှတ်တော်အစည်းအဝေးက ပြည်ထဲရေးဝန်ကြီးဌာနအောက်တွင် လေကြောင်းရဲတပ်ဖွဲ့၊ ရေကြောင်း ရဲတပ်ဖွဲ့၊ကမ္ဘာလှည့်ခရီးသွားများထိန်းသိမ်းစောင့်ရှောက်ကူညီရေးရဲတပ်ဖွဲ့နှင့်အဝေးပြေးလမ်းများ ထိန်းသိမ်း စောင့်ရှောက်ရေး ရဲတပ်ဖွဲ့များကို စစ်တပ်ထုံးစံအတိုင်း ဖွဲ့စည်းပုံများ တိုးမြှင့်ဖွဲ့စည်းလိုက်သော်လည်း မိုင် ၄၀၀ ကျော် ရှည်လျားသည့် မြန်မာ့အနောက်ဘက် ရခိုင်ပြည်နယ်ကမ်းရိုးတန်းလုံခြုံရေးအတွက် အကျိုးထူးလာခြင်း မရှိကြောင်း ရခိုင်တိုင်းရင်းသားများ တိုးတက်ရေးပါတီဥက္ကဌ ဒေါက်တာအေးမောင်က ဆိုသည်။

"ပြဿနာက ရခိုင်ပြည်နယ်အစိုးရအဖွဲ့နဲ့ဆိုင်တယ်။ဒုက္ခသည်စခန်းတွေက ဘင်္ဂါလီတွေ ထွက်သွားရင်ပြီးရော ဆိုပြီး၊ကမ်းရိုးတန်းကို ဖွင့်ပေးထားတယ်။ ထွက်သွားတဲ့သူလည်း ရှိပါတယ်။ ဒါပေမယ့် ဘင်္ဂလားဒေရှ့်ကနေ ဝင်လာသူက ပိုများတဲ့ အပြင်၊ မရိုးမသား လုပ်ချင်သူတွေလည်း ပါကောင်းပါလာနိုင်တယ်လေ"ဟု ယင်းက သုံးသပ်ပြသည်။

ပြီးခဲ့သည့် ၂၀၁၂ အောက်တိုဘာလကစတင်ကာ ဘင်္ဂါလီဒုက္ခသည်စခန်းများတွင် ၁၉၈၂ ခုနှစ် မြန်မာနိုင်ငံသား ဖြစ်မှုဥပဒေအရ လူဦးရေစစ်တမ်းကောက်ခြင်း လုပ်ငန်းများကို လုပ်ဆောင်နေရာတွင်လည်း လိုအပ်ချက်များစွာ ရှိနေကြောင်း သိရသည်။

"ကျွန်တော်တို့ အခေါ် ဆွဲ၊တင်၊စစ် ပေါ့လေ။လုပ်တာက ကောင်းတယ်။ဟနေတာက ဒီအိမ်မှာ ဘယ်သူနေတယ်။ အကုန်လူစေ့မတ်တပ်ရပ်ပြဆိုပြီး ကြည့်တာမဟုတ်ဘဲ၊ အဲဒီအိမ်က တစ်ယောက်လာ၊ဘယ်သူတွေနေလဲ စာရင်းပေးဆိုတော့ ငါးယောက်ပဲနေတာကို ဆယ်ယောက် စာရင်းပေးလို့ရတယ်လေ"ဟု စစ်တွေမြို့ နယ်စပ်ဒေသကွပ်ကဲရေးဌာနချုပ် -ကြားစခန်းတွင် တာဝန်ကျနေသသည့်လက်ထောက် လဝကမှုး တာဝန်ယူထားသူ ကိုတေဇာထွဋ်က ဆိုသည်။

ပေါက်တော၊မြေပုံ၊မင်းပြားနှင့်စစ်တွေမြို့များရှိ ဘင်္ဂါလီဒုက္ခသည်စခန်းများတွင် ၁၉၈၂ခုနှစ် မြန်မာနိုင်ငံသားဖြစ်မှု ဥပဒေအရ လူဦးရေစစ်တမ်းကောက်ယူခြင်းများ ဆောင်ရွက်ခဲ့သူ ကိုတေဇာထွဋ်က "ကျွန်တော်က ဒီလို ဆွဲ၊ တင်၊ စစ်ကို မကြိုက်ပေမယ့် ကျွန်တော်တို့မှာ နောက်တစ်နည်းရွေးစရာမရှိဘူး။ ဘာဖြစ်လို့လဲဆိုတော့ ကျွန်တေိာတို့မှာ လူအင်အားနည်းတယ်၊ ပိုက်ဆံ မရှိဘူး"ဟု ယင်းကဆိုသည်။

ပြီးခဲ့သည့် ဆယ်စုနှစ်များကာအာရှ အရှေ့အလယ်ပိုင်းတွင် အခြေစိုက်ပြီး တင်းကျပ်သည့် အစ္စလာမ် ဘာသာရေး စည်းကမ်းများပါဝင်သည့် ရှာရီယာဥပဒေကို ပြဌာန်းကာ အစွန်းရောက် လူ့အဖွဲ့အစည်းတစ်ရပ်ကို ထူထောင်နေသူများသည် အမေရိကန်နိုင်ငံ၏ အကြမ်းဖက်နှိမ်နှင်းရေး မှုဝါဒကြောင့် ယင်းတို့၏ ခံကတုတ်များဖြစ်သည့် အာဖဂန်နစ္စတန်၊အီရတ်တို့လို နိုင်ငံများက စွန့်ခွာပြီး၊နယ်ပယ်သစ်ရှာနေချိန်တွင် လူဦးရေအင်အားပေါက်ကွဲနေသည့် ဘင်္ဂလားဒေရှ့်နှင့် တစ်ဆက်တည်း ဖြစ်သည့် ဘူသီးတောင်၊ မောင်တောဒေသသည် ယင်းတို့အတွက် တဖြည်းဖြည်း မျက်စိကျစရာ ဖြစ်လာကြောင်း ဘူးသီးတောင် အခြေစိုက် ခမရ ၃၅၂ ရဲ့တပ်ရင်းမှုး ဖြစ်သူ ဒု-ဗိုလ်မှုးကြီး ကျော်စိန်ဝင်းက ဆိုသည်။

"ပြီးခဲ့တဲ့ အရေးအခင်းအတွင်းက ဒီဘက်ဒေသတွေကနေ ထွက်ပြေးသွားသူတွေကို ဘင်္ဂလားအခြေစိုက် RSO နဲ့ ARNO အဖွဲ့တွေက ဘင်္ဂလားမြောက်ပိုင်းမှာ သင်တန်းပေးနေတယ်ဆိုတာ သေချာတယ်"ဟု ယင်းက အနောက်ပိုင်းတိုင်းစစ်ဌာနချုပ်က လာသည့် သတင်းအချက်အလက်များကို သုံးသပ်ရင်းပြောကြားသည်။

ပြီးခဲ့သည့် ၂၀၁၂ ခုနှစ်ကုန်ပိုင်းက ဘင်္ဂလားဒေရှ့်အခြေစိုက် ရိုဟင်ဂျာ သွေးစည်းညီညွတ်ရေးအသင်း (RSO)က ဘူးသီးတောင်၊မောင်တောဒေသက ဘင်္ဂလားဒေရှ့်သို့ ရောက်ရှိလာသည့် ဘင်္ဂါလီမွတ်စလင်များကို မောင်တောဒေသ မြောက်ပိုင်းရှိ ကျေးရွာများ၏ အုပ်ချုပ်ရေးယန္တရား ပျက်ပြားစေရန် အနှောင့်အယှက်ပေးမည့် ရိုဟင်ဂျာ ကလပ် ဟုအမည်ပေးထားသည့် အကြမ်းဖက်အဖွဲ့တစ်ဖွဲ့ကို ဖွဲ့စည်းလိုက်ကြောင်း မောင်တော အခြေစိုက် ထောက်လှမ်းရေး အဖွဲ့အစည်းများက ဆိုသည်။

"နယ်စပ်ခြံစည်းရိုးကာနေတဲ့ စစ်အင်ဂျင်နီယာတပ်ရင်းကို ဝင်တိုက်ပြီး၊လူဖမ်းသွားတာတွေ၊ရခိုင်ရွာတွေကို ဝင်တိုက်တာတွေက ဒီအဖွဲ့ရဲ့ လက်ချက်လို့ သုံးသပ်ထားကြတယ်"ဟု မောင်တောအခြေစိုက် ရဲထောက်လှမ်းရေး တစ်ဦးဖြစ်သူ ကိုညွှန့်ဝင်းကဆိုသည်။

ဘူးသီးတောင်၊မောင်တောဒေသ အတွင်းမှာရှိတဲ့ စုစုပေါင်း လူဦးရေရဲ့ ၉၅ ရာခိုင်နှုန်းပတ်ဝန်းကျင်ဟာ ဘင်္ဂါလီမှုစလင်တွေ ဖြစ်သည့်အတွက် ရခိုင်၊ဗမာ၊မြို၊သက်၊ဒိုင်းနက်စတဲ့ တိုင်းရင်းသား ကျေးရွာတွေ အခြေချနေထိုင်ကြသော မောင်တောဒေသမြောက်ပိုင်းသည် မိုးတွင်းကာလတွင် အုပ်ချုပ်၊ထောက်ပံ့မှု အခက်အခဲများစွာ ရှိခြင်းကြောင့် အဆိုပါ အဖွဲ့အစည်းရဲ့ တိုက်ခိုက်မှုများသည် မိုးတွင်းကာလတွင် ပိုမိုဖြစ်ပွားလာနိုင်ကြောင်း ကိုညွှန့်ဝင်းက ဆက်လက် ပြောကြားသည်။

စစ်တွေမြို့တွင် ၁၁ ခု၊မင်းပြားမြို့နယ်တွင် ၂ ခု၊မြေပုံမြို့တွင် ၃ ခု၊ပေါက်တောမြို့တွင် ၄ မြောက်ဦးမြို့နယ်တွင် ၃ ခုစသည်ဖြင့် ဘင်္ဂါလီဒုက္ခသည်စခန်း ၂၀ ကျော်ရှိသည့် ရခိုင်ပြည်နယ်တွင် ယင်းတို့အတွက် နိုင်ငံသားဖြစ်မှုဆိုင်ရာ စိစစ်ရေး၊ထောက်ပံ့ရေးနှင့်ပြန်လည်နေရာချထားရေး စသည့် ကိစ္စရပ်များမှာ သက်တမ်းနှစ်နှစ်ကျော်သာရှိသေးသည့် ဒီမိုကရေစီ အစိုးရအတွက် စိန်ခေါ်ရပ်များ ဖြစ်ပေသည်။

မကြာခင်က ထုတ်ပြန်လိုက်သည့် ရခိုင်ပြည်နယ် ပဋိပက္ခလေ့လာဆန်းစစ် သုံးသပ်ရေးကော်မရှင်၏ အကြံပြုချက် များတွင် ရခိုင်ပြည်နယ်အတွင်းရှိသည့် တပ်မတော်၊ရဲ၊လဝကနှင့်နစက တပ်ဖွဲ့များကို ခေတ်မှီလက်နက် တပ်ဆင်ရန် လိုကြောင်း၊တရားဥပဒေစိုးမိုးရေးကို အထူးအလေးပေးရန် လိုကြောင်း ဖော်ပြထားသည်ကို တွေ့ရသော်လည်း ယင်းကိစ္စရပ်များကို ပြည်ထောင်စု အစိုးရက အောင်မြင်စွာ အကောင်အထည်ဖော်နိုင်ခြင်း ရှိ/မရှိကိုလည်း စောင့်ကြည့်ရန်လိုအပ်ပေသည်။

မည်သို့ပင်ဆိုစေကာမှု မြန်မာနိုင်ငံ၏ အနောက်တံခါး ရခိုင်ပြည်နယ်မှာ မမြင်ရသေးသည့် အမှောင်ရိပ်များစွာ ဖုန်းနေသည်ကို မြင်ရပေသည်။စစ်တွေမြို့ပတ်ဝန်းကျင်က ဘင်္ဂါလီဒုက္ခသည်စခန်းများတွင်းသို့ သွားရောက် သတင်းထောက်လှမ်းရသည့် ကိုဖိုးလုံးက "ကျွန်တော်တို့ အတွက် စိန်ခေါ်မှုက ဟောဒီ ပင်လယ်ပြင်ကြီးပဲ"ဟု ဘင်္ဂလားဒေရှ့်တွင် တိုက်ခတ်နေသည့် မဟာစင် မုန်တိုင်းကြောင့် စစ်တွေကမ်းရိုးတန်းပေါ်က တိမ်တိုက်ကြီးကို ကြည့်ရင်းဆိုလိုက်သည်။

yangon chronicle

အမေရိကန်နိုင်ငံရောက်မြန်မာများအမိမြေပြန်လည်ရန်နိုင်ငံတော်သမ္မတဦးသိန်းစိန် ဖိတ်ခေါ်

6:39 AM Htut Htut No comments

photo..Voa
မေလ ၁၇ ရက်နေ့ညပိုင်းမှ စတင်၍ အမေရိကန်နိုင်ငံသို့ အလုပ်သဘောခရီးသွားရောက်လည်ပတ်ခဲ့သည့် နိုင်ငံတော်သမ္မတ ဦးသိန်းစိန်မှ အမေရိကရောက် မြန်မာလူမျိုးများအနေဖြင့် အမိမြေကိုပြန်လာ၍ နိုင်ငံတည်ဆောက်ရေးတွင် တစ်အားတပ်အား ပါဝင်ဆောင်ရွက်ရန် မေလ ၁၈ ရက်နေ့တွင်ဖိတ်ခေါ်ခဲ့ကြောင်း သိရသည်။

ထို့ပြင် နိုင်ငံတော်သမ္မတ ဦးသိန်းစိန်သည် မေလ ၁၇ ရက်နေ့ညပိုင်း၌ ဝါရှင်တန်ဒီစီမြို့တော်၊ အနောက်မြောက်ရပ်ကွက်ရှိ မြန်မာသံရုံး၌ မိန့်ခွန်းပြောကြားရာတွင်လည်း အာရှိတိုက်၏ ထိပ်တန်းနိုင်ငံဖြစ်ခဲ့သည့် မြန်မာနိုင်ငံမှာ လက်ရှိအချိန်တွင် နိုင်ငံတကာနှင့်နှိုင်းယှဉ်ပါက နောက်ကျကျန်နေပြီဖြစ်သည့်အတွက် အမေရိကန်ရောက် မြန်မာလူမျိုးများအနေဖြင့် အမိမြန်မာနိုင်ငံသို့ပြန်လာ၍ ဝိုင်းဝန်းကြိုးပမ်းကြရန်နှင့် အမြဲတမ်းနေထိုင်ခွင့်ဥပဒေကို ပြဋ္ဌာန်းနိုင်ခြင်းမရှိသေးသော်လည်း လတ်တလောပြန်လာလိုသူများကို နေထိုင်ခွင့်စီစဉ်ပေးသွားမည်ဖြစ်ကြောင်း ပြောကြားခဲ့သည်။

ထို့ပြင်နိုင်ငံတော်သမ္မတဦးသိန်းစိန်၏ အမေရိကန်နိုင်ငံခရီးစဉ်အတွင်း မေလ ၁၈ ရက်နေ့ ညနေတွင် အမေရိကရောက် မြန်မာနိုင်ငံသားအချို့က မြန်မာနိုင်ငံအတွင်း ပြုပြင်ပြောင်းလဲရေးများကို ထိရောက်စွာလုပ်ကိုင်ရန်၊ နိုင်ငံတကာအား လိမ်ညာခြင်းများကိုရပ်ဆိုင်းရန်နှင့်စစ်တပ်မတော်မှ နိုင်ငံဆင်းရဲစေရန် ပြည်သူ့ဆန္ဒနှင့် ပြည်သူ့အခွင့်အရေးပိတ်ဆို့ထားမှုများအတွက် မြန်မာသံရုံးရှေ့တွင် ဆန္ဒပြမှုများပြုလုပ်ခဲ့ကြောင်း သိရသည်။

ထို့ပြင် မေလ ၁၉ ရက်နေ့နှင့် ၂၀ ရက်နေ့တွင်လည်း နိုင်ငံတော်သမ္မတဦးသိန်းစိန်အား လူ့အခွင့်အရေးချိုးဖောက်မှု၊ အကြမ်းဖက်မှုနှင့် စုံစမ်းစစ်ဆေးမှုလက်မခံသည့် ကိစ္စရပ်များနှင့်ပတ်သက်၍ အမေရိကန်အခြေစိုက် US Campaign for Burma အဖွဲ့က ဦးဆောင်ကာ ရုံး၊ သမ္မတအိမ်ဖြူတော်၊ ဂျွန်ပောာ့ပ်စကင်းတက္ကသိုလ်နှင့် အမေရိကန်ကုန်သည်ကြီးများ ရုံးရှေ့တို့တွင် ဆန္ဒပြမှုများ ဆက်လက်လုပ်ဆောင်သွားမည်ဖြစ်ကြောင်း သိရသည်။

အမေရိကန်ပြည်ထောင်စု သမ္မတအိုဘားမား၏ ဖိတ်ကြားချက်အရ နိုင်ငံတော်သမ္မတဦးသိန်းစိန်သည် အမေရိကန်နိုင်ငံသို့ မေလ ၁၇ ရက်နေ့ညပိုင်းတွင် သမိုင်းဝင်ခရီးစဉ်အဖြစ်ထွက်ခွာသွားပြီး ၎င်းနှင့်အတူ ကာကွယ်ရေး၊ နိုင်ငံခြားရေး၊ ပြည်ထဲရေးနှင့် စွမ်းအင်ဝန်ကြီးဌာနတို့မှ တာဝန်ရှိသူများလည်း လိုက်ပါသွားကြောင်း သိရသည်။

နိုင်ငံတော်သမ္မတ၏ အမေရိကန်နိုင်ငံခရီးစဉ်အတွင်း မေလ ၂၀ ရက်နေ့တွင် အိမ်ဖြူတော်၌ သမ္မတအိုဘားမားနှင့် တွေ့ဆုံကာ အမေရိကန်-မြန်မာ နှစ်နိုင်ငံ၏ ကုန်သွယ်မှုနှင့် ရင်းနှီးမြှုပ်နှံမှုဆိုင်ရာ စာချုပ်နှစ်ခုကို လက်မှတ်ရေးထိုးသွားနိုင်ဖွယ်ရှိပြီး နိုင်ငံတော်သမ္မတ ဦးသိန်းစိန်အား အမေရိကန်နိုင်ငံ၏ ပင်တဂွန်စစ်ဌာနချုပ်သို့ သွားရောက်လေ့လာရန် အိုဘားမားအနေဖြင့်ဖိတ်ခေါ်သင့်ကြောင်း ဝါရှင်တန် အခြေစိုက် အမေရိကန် နိုင်ငံခြားရေးနှင့် ကာကွယ်ရေးမူဝါဒများ လေ့လာသုံးသပ်ရာတွင် သြဇာရှိအဖွဲ့ အစည်းတစ်ခု ဖြစ်သည့်CSIS အဖွဲ့က တိုက်တွန်းထားကြောင်း သိရသည်။

yangon chronicle

ဝါရှင်တန်ဒီစီရောက် ဗိုလ်သိန်းစိန်ကို အမေရိကားရောက် မြန်မာတွေဆန္ဒပြ

5:42 AM Htut Htut 1 comment

"သိန်းစိန် သိန်းစိန် လူလိမ် လူလိမ်" "သိန်းစိန် သိန်းစိန် လူလိမ် လူလိမ်" "သိန်းစိန် သိန်းစိန် လူလိမ် လူလိမ်" "အမျိုးသား သစ္စာဖောက်တွေ အလိုမရှိ အလိုမရှိ" "အမျိုးသား သစ္စာဖောက်တွေ အလိုမရှိ အလိုမရှိ" "ဖောက်ပြန်တဲ့ လူတန်းစားတွေ အလိုမရှိ အလိုမရှိ" "ဖောက်ပြန်တဲ့ လူတန်းစားတွေ အလိုမရှိ အလိုမရှိ" ဆိုတဲ့ အမေရိကားရောက် မြန်မာတွေဆန္ဒပြ ကြွေးကြော်သံဟာ ဗိုလ်သိန်းစိန် ရဲ့ နားထဲ စူးနစ်ဝင်ရောက်သွားမှာ သေချာပါတယ်။

အမေရိကန်ပြည်ထောင်စု ၀ါရှင်တန်ဒီစီမြို့တော်မှာ တရားဝင်ခရီးစဉ် နဲ့ ရောက်ရှိနေတဲ့ ဗိုလ်သိန်းစိန်ဟာဝါရှင်တန်ဒီစီမြို့တော် မြန်မာသံရုံးမှာ မြန်မာမိသားစုတွေနဲ့ တွေ့ဆုံနေစဉ်မှာ မြန်မာနိုင်ငံမှာ စစ်မှန်တဲ့ ပြုပြင်ပြောင်းလဲမှုတွေ တကယ်လုပ်ဖို့၊ နိုင်ငံတကာကို လိမ်ညာနေတာတွေကို ရပ်တန့်ဖို့၊ တိုင်းပြည်ဆင်းရဲနေတာ စစ်အုပ်စုရဲ့ တိုင်းပြည်လူထုဆန္ဒတွေကို ပိတ်ဆို့ထားတာမို့ ဖြစ်နေရတာဖြစ်ကြောင်း အမေရိကားရောက် မြန်မာတွေက စုပေါင်း ဆန္ဒပြကြခြင်းဖြစ်ပါတယ်။

"စစ်မှန်တဲ့ ပြုပြင်ပြောင်းလဲရေးတွေ အမြန်ဆုံးလုပ်ပါ" "လိမ်ညာမှုတွေ ရပ်တန်းကရပ်ပါ"

ဗိုလ်သိန်းစိန် က အမေရိကန်ပြည်ထောင်စု ရဲ့ စီးပွါးရေးပိတ်ဆို့မှုတွေ ဖြေလျှော့ပေးဖို့ အဓိက အနေနဲ့ အရေးယူပိတ်ဆို့မှုတွေအားလုံးကို ဖယ်ရှားပေးဖို့ကိစ္စမှာ သူကိုယ်တိုင် လာပြီးတော့၊ တွေ့ဆုံပြီးတော့ ပြောသွားတယ်လို့သိရှိရပါတယ်။ ဒီခရီးစဉ်မှာ ဗိုလ်သိန်းစိန် နဲ့အတူ ၀န်ကြီး ၄ ယောက် ဒုတိယ ၀န်ကြီးများ လိုက်ပါလာပါတယ်။ ဒါတင်မက ပြည်တွင်းက ရုပ်မြင်သံကြားဌာနတွေ၊ သတင်းဌာနတွေလည်း ဗိုလ်သိန်းစိန် နဲ့အတူ လိုက်ပါလာတာမြင်ရပါတယ်။

ဗိုလ်ချုပ်တွေရဲ့ လူထုကို ပိတ်ဆို့ထာတာတွေကိုသာ အမြန်ဆုံးရပ်ပစ်လိုက်ပါ။ လိမ်ညာမှုတွေ အားလုံးကို ရပ်တန်းကရပ်စေချင်ပါတယ်။

လွတ်လပ်မှု တရားမျှတမှု နဲ့ ဒီမိုကရေစီ ရရှိရေး

ဆန္ဒပြသူတွေဟာ မြန်မာပြည်မှာ လူ့အခွင့်အရေးထွန်းကားတဲ့ စစ်မှန်တဲ့ ဒီမိုကရေစီ အုပ်ချုပ်ရေးစနစ် ပေါ်ထွန်းရေး၊ တိုင်းပြည်ငြိမ်းချမ်းရေးရရှိရေး၊ တိုင်းရင်းသားတွေကို စစ်ပြုနေတာတွေ ရပ်တံ့ရေး၊ နိုင်ငံရေးအကျဉ်းသားတွေအားလုံးကို ချွင်းချက်မရှိလွှတ်ပေးရေး၊ လူထုတွေကို အကာအကွယ်ပြုထားတဲ့ တရားစီရင်ရေးစနစ် အုပ်ချုပ်ရေးစနစ်တွေကောင်းမွန်လာစေရန် စတာတွေကို တောင်းဆိုကြပါတယ်။ နိုင်ငံရဲ့ နိုင်ငံရေး စီးပွါးရေး ပညာရေး ဘာသာရေး လူမှုရေး တွေ ကောင်းမွန်လာဖို့ ကောင်းမွန်တဲ့ အုပ်ချုပ်ရေးစနစ်တစ်ခု ပေါ်ပေါက်လာရန် ရည်ရွယ်ဆန္ဒပြဖော်ထုတ်ကြတာလည်းဖြစ်ပါတယ်။

လူထုဆင်းရဲနေရတာ ဗိုလ်ချုပ်တွေရဲ့ ပိတ်ဆို့မှု sanctions ကြောင့်သာဖြစ်

ဗိုလ်သိန်းစိန် အစိုးရဟာ နိုင်ငံတကာ ရဲ့ စီးပွါးရေးပိတ်ဆို့မှုတွေကြောင့် လူထုနစ်နာရတယ် ပြောဆိုနေပေမယ့် ဗိုလ်ချုပ်တွေရဲ့ လူထု နဲ့ တိုင်းပြည်ကို ပိတ်ဆို့ထားတာတွေ ကို ဖုန်းကွယ်ထားပါတယ်။ ဗိုလ်သိန်းစိန် အစိုးရဟာ လယ်သမား အလုပ်သမား ကျောင်းသားတွေ အခွင့်အရေးတွေကို ဗြောင်ကျကျ ချိုးဖောက် လူ့အခွင့်အရေးတွေကို ပိတ်ဆို့ထားပါတယ်။ လူထုခေါင်းကို တက်နင်းထားတဲ့ ၂၀၀၈ အခြေခံဥပဒေ နဲ့ ဒီမိုကရေစီ နဲ့ လူ့အခွင့်အရေးတွေကို စနစ်တကျ ပိတ်ဆို့ထားပါတယ်။ ဗိုလ်သိန်းစိန် ရဲ့ လွှတ်တော်မှာ စစ်တပ်က လေးပုံတစ်ပုံ ယူထားယုံမက ကာလုံက လွှတ်တော်အထက်မှာရှိနေတာ ကာလုံမှာ စစ်တပ်က အပေါ်စီးကရှိနေတာ ကာချုပ်က ကာလုံ ဥက္ကဌဖြစ်နေတာ တွေ၊ ကာကွယ်ရေး ပြည်ထဲရေး နယ်စပ်လုံခြုံရေး တွေလို အရေးပါတဲ့ နေရာစုံမှာ စစ်တပ်က အရာရှိတွေ နေရာယူထားတာတွေ၊ စစ်တပ်က လိုအပ်ရင် အချိန်မရွေး အာဏာသိမ်းဖို့ ခွင့်ပြုထားတာတွေ ဟာ ဒီမိုကရေစီ အစိုးရအဖြစ် ဘယ်သူကမှ မသတ်မှတ်နိုင်သေးတာဖြစ်ပါတယ်။

မတရားဥပဒေတွေရေးဆွဲကန့်သတ်ထားတာတွေဟာလည်း နိုင်ငံတိုးတက်ရေး နိုင်ငံလွတ်လပ်ရေး နိုင်ငံဖွံ့ဖြိုးရေးစတာတွေမှာ အရေးပါအဓိကကျတဲ့ ကြီးမားတဲ့ အဟန့်အတားတွေဖြစ်ပါတယ်။ ။ လူထု အခြေခံ လိုအပ်ချက်တွေဖြစ်တဲ့ လွတ်လပ်စွာ စုရုံးနိုင်ခွင့် လွတ်လပ်စွာ ပြောဆိုနိုင်ခွင့် လွတ်လပ်စွာ ရေးသားဖော်ထုတ်နိုင်ခွင့် တွေကို တရားဥပဒေ နဲ့ အသေအချာ ကာကွယ်ပေးရန်လည်း အလွန်လိုအပ်လှပါတယ်။

- ဗိုလ်သိန်းစိန် အစိုးရ ဟာ မြန်မာပြည် စီးပွါးရေးတိုးတက်ဖို့ တကယ် ဖော်ဆောင်ခြင်ရင် တရားမျှတတဲ့ လွတ်လပ်တဲ့ဈေးကွက်ရရှိအောင် နိုင်ငံတကာက စီးပွါးရေးရင်းနှီးမြှုတ်နှံမှူတွေ တကယ်ရရှိလာအောင် ဦးပိုင် နဲ့ စစ်တပ် စစ်ခရိုနီတွေ ရဲ့ မတရားပြုမှူအထွေထွေ ကို အမြန်အရေးယူဆောင်ရွက်ရမှာဖြစ်ပါတယ်။

- ဗိုလ်သိန်းစိန် အစိုးရ ဟာ ပြည်တွင်းစစ် တကယ်ချုပ်ငြိမ်းစေချင်တယ်ဆိုရင် စစ်မှန်တဲ့ နိုင်ငံရေးဆွေးနွေးပွဲတွေလုပ်မှသာ တကယ့် ငြိမ်းချမ်းရေးကို ဆွတ်ခူးရရှိနိုင်မှာဖြစ်ပါတယ်။

- ဗိုလ်သိန်းစိန် အစိုးရ ဟာ စစ်မှန်တဲ့ ဒီမိုကရေစီ ကို ဖော်ဆောင်စေချင်တယ်ဆိုရင် စစ်တပ်ကို အာဏာရှင်တွေ နောက်ကွယ်က ချုပ်ကိုင်ထားတာ မလုပ်ဘဲ တပ်မတော်ကို နိုင်ငံရေး နဲ့ ခွဲခြားပစ်ရမှာဖြစ်ပြီး တပ်မတော်ကို နိုင်ငံကာကွယ်ရေးတာဝန် ကိုသာ မြင့်မြတ်စွာထမ်းဆောင်စေရမှာဖြစ်ပါတယ်။

ဗိုလ်သိန်းစိန် ရဲ့ အမေရိကားခရီးစဉ် မှာ အိုဘားမား နဲ့ ပျားရည်ဆန်းခရီး သာ မဖြစ်စေဘဲ အစိုးရထိပ်ပိုင်းချင်း အဆင်ပြေရေးသာ မဖြစ်စေဘဲ ဆင်းရဲသား မြန်မာလူထုတစ်ရပ်လုံး အကျိုးအတွက် ကောင်းနိုးရာရာတွေ ရည်ရွယ်လုပ်ဆောင်နိုင်ရမှာဖြစ်ပါကြောင်း ဗိုလ်သိန်းစိန် အစိုးရအဖွဲ့ တစ်ဖွဲ့လုံးကို အမေရိကားရောက် မြန်မာတွေက ဒီသတင်းစကားတွေအားလုံးကို ဖေ့စ်ဘွက်ကတစ်ဆင့် ပါးလိုက်ချင်ပါတယ်ခင်ဗျာ။

သတင်းဓာတ်ပုံ...ကိုဇော်ဝင်း

“ တောင်ကိုရီးယားနိုင်ငံ၊ The May 18 Memorial Foundation ကြီးက ချီးမြှင့်သော “ဂွမ်ဂျူးလူ့အခွင့်အရေးဆု”ရရှိခဲ့သူ မြန်မာနိုင်ငံသား ၂- ဦး။ ”

6:52 PM Htut Htut No comments

၂၀၀၄ ခုနှစ်တွင် -
- ဒေါ်အောင်ဆန်းစုကြည် ( အမျိုးသားဒီမိုကရေစီအဖွဲ့ချုပ် )
၂၀၀၉ ခုနှစ်တွင် -
- ကိုမင်းကိုနိုင် ( ၈၈-မျိုးဆက် ငြိမ်းချမ်းရေးနှင့်ပွင့်လင်း
လူ့အဖွဲ့အစည်း)။

အခြားနိုင်ငံများမှ ဆုရရှိသူများ၏ စာရင်းကိုလည်း ဤပုံတွင်
ကြည့်နိုင်ပါသည်။ ”

“ ဂွမ်ဂျူးလူ့အခွင့်အရေးဆု(သမိုင်းအကျဉ်း) ”
-----------------------------------------------

- ဤဆုကို ၂၀၀၀ခုနှစ်မှစ၍ တောင်ကိုရီးယားနိုင်ငံ၊The May 18 MemorialFoundation (Gwangju, Republic of Korea)မှ ကိုရီးယားနိုင်ငံတွင်းသာမက၊ကမ္ဘာအရပ်ရပ်မှလူ့အခွင့်အရေးနှင့်ဒီမိုကရေစီရေးတက်ကြွလှုပ်ရှားသူများအတွက် နှစ်စဉ်ဂုဏ်ပြုချီးမြှင့်လေ့ရှိသော ဆုတစ်ခုဖြစ်သည်။

- ၁၉၈၀ ခုနှစ် မေ ၁၈ရက်နေ့တွင်၊ တောင်ကိုရီးယားနိုင်ငံ၊ ဂွမ်ဂျူး၌ဒီမိုကရေစီရေးနှင့်လူ့အခွင့်အရေးအတွက်တောင်းဆိုဆန္ဒပြသူများက
စစ်အာဏာရှင်စနစ်အား ခုခံတော်လှန်ဖယ်ရှားခဲ့ရာတွင် ပြည်သူများအသက်များစွာပေးဆပ်စတေးခဲ့ရခြင်းနှင့် ဒီမိုကရေစီရေးလှုပ်ရှားမှုကြီး
အောင်မြင်ခဲ့သည့်အထိမ်းအမှတ်အဖြစ် သမိုင်းဝင်နေ့အဖြစ်သတ်မှတ်ခဲ့သည့်အပြင်၊ ဤဂွမ်းဂျူးလူ့အခွင့်အရေးဆုကြီးကိုပါ ပေးအပ်ရန်
The May 18 Memorial Foundation အဖွဲ့ကြီးကဆောင်ရွက်ခဲ့သည်။

- ဂွမ်ဂျူးလူထု၏ ဒီမိုကရေစီရေးစိတ်ဓာတ် ပြန့်ပွား၍၊သတိတရရှိစေရန်ရည်ရွယ်ပြီး The May 18 Memorial Foundationအဖွဲ့ကြီးအား ၁၉၉၄ခုနှစ်တွင် စတင်ဖွဲစည်းခဲ့သည်။ ဂွမ်ဂျူးပြည်သူတို့ စစ်အာဏာရှင်တို့ကြောင့်ဒီမိုကရေစီဆိတ်သုဉ်းပြီး လူ့အခွင့်အရေးနည်းပါးစွာဖြင့် အထီးကျန်ခဲ့ရမှုကိုမေ-၁၈ ဂွမ်ဂျူးလူထု၏ ကြိုးပမ်းရုန်းထွက်မှုက တရားမျှတမှုသို့ရောက်အောင်ဆောင်ချဉ်းနိုင်ခဲ့သည်။ ထို့အတူ ကမ္ဘာ့ပြည်သူအားလုံး၏ တရားမျှတမှု၊လူ့အခွင့်အရေးတို့အတွက်လည်း ထောက်ပံ့ကူညီပေးနိုင်ရန် ရည်ရွယ်၍
The May 18 Memorial Foundation အဖွဲ့ကြီးက ဤဆုကို ကမ္ဘာ့နိုင်ငံများမှဒီမိုကရေစီရေးနှင့်လူ့အခွင့်အရေးအတွက် တိုက်ပွဲဝင်နေသူတစ်ဦးချင်းစီကိုဖြစ်စေ၊ အဖွဲ့အစည်းအားဖြစ်စေ ရွေးချယ်ချီးမြှင့်ပေးအပ်ခဲ့သည်။

၂၀၀၀ ခုနှစ်မှ စတင်၍ ပေးအပ်ချီးမြှင့်ခဲ့ရာ ယခု ၂၀၀၁၃ ခုနှစ်ထိဆိုလျှင်“ ဂွမ်းဂျူးလူ့အခွင့်အရေးဆု ရွေးချယ်ချီးမြှင့်ခံရသူ ” ၁၆ ဦးရှိပြီး။ ပူးတွဲဆုရသူ ၂၀၀၆ ခုနှစ်၊ ၂၀၀၇ ခုနှစ်တွင် နှစ်ဦးစီရှိသည်။ ၂၀၁၁ ခုနှစ်တွင်“ ဂွမ်းဂျူးလူ့အခွင့်အရေး အထူးဆု( Special Award )ကို ချီးမြှင့်ခဲ့သေးသည်။

ထိုဆုချီးမြှင့်ခံရသည့်သူများတွင် -ထူးထူးခြားခြား ကျွန်ုပ်တို့ မြန်မာနိုင်ငံမှ ၂-ဦးပါဝင်နေသည်။
၎င်းတို့မှာ
- လက်ရှိအမျိုးသမီးဒီမိုကရေစီအဖွဲ့ချုပ်ဥက္ကဋ္ဌ ဒေါ်အောင်ဆန်းစုကြည်၊
- ၈၈မျိုးဆက်(ငြိမ်းချမ်းရေးနှင့်ပွင့်လင်းလူ့အဖွဲ့အစည်း)မှ
ကိုမင်းကိုနိုင်တို့ဖြစ်သည်။

ကိုမင်းကိုနိုင်မှာ ဆုအား ယခု ၂၀၁၃ခုနှစ်၊ မေလ ၁၈ နေ့တွင်မှကိုရီးယား- အမေရိကန်ခရီးစဉ်အတွင်း ကိုယ်တိုင်သွားရောက်
လက်ခံယူမည်ဖြစ်သည်။

ဆုနှင့် ဆုကြေး - Gold Medal & USS-10000 or Gold Medal +
ကိုရီးယား ယွမ်( သန်း ၅၀ )။

- လူထုဆက်ဆံရေးဋ္ဌာန -
( ၈၈-မျိုးဆက်-ငြိမ်းချမ်းရေးနှင့်ပွင့်လင်းလူ့အဖွဲ့အစည်း )
Email : pr@the88generation.org
www.facebook.com/the88gen.pr
ဖုန်း - ၀၁ - ၅၆၅၉၁၉ ၊ ၀၉-၇၃၀-၈၁၇၀၁

အသေးစိတ်ဖတ်ရှုလိုပါလျှင် -
( http://eng.518.org/ease/board.es?mid=a50501000000&bid=0028&list_no=804&act=view )
ဖတ်ရှုနိုင်ပါသည်။ )
Source : The May 18 Memorial Foundation

ဦးသိန်းစိန်အမေရိကခရီးစဉ်မှာဆွေးနွေးဖွယ်ရာရှိတဲ့ ထင်မြင်ယူဆချက်

10:19 AM Htut Htut No comments

photo..AP
ဦးသိန်းစိန် အမေရိကသွားတာ ရန်ကုန်လေဆိပ်ကို အဆင့်မြှင့်ဖို့နဲ့ operate လုပ်ဖို့ ဒေါ်လာသန်းတစ်ထောင်တန်ဖိုးရှိမယ့် နှစ်သုံးဆယ်စာခ contract အတွက် ညှိနှိုင်းဖို့လည်းပါတယ်လို့ The Financial Timesအရ သိရတယ်။ လေဆိပ်ကို လောလောဆယ်တော့Asia World Group နဲ့ပူးပေါင်းထားတဲ့ Pioneer Aerodrome Service က operate လုပ်နေတယ်ဆိုပဲ။ ဒေါ်လာသန်းတစ်ထောင်တန် နှစ်သုံးဆယ်စာ အဆင့်မြှင့်ဖို့နဲ့ operate လုပ်ဖို့ လေလံပစ်ရာမှာconsortium အများအပြား အပြိုင်အဆိုင် လေလံဆွဲကြပြီး အမေရိကန်၊ တရုတ်၊ စင်္ကာပူ၊ ဂျပန်၊ တောင်ကိုရီးယား အစရှိတဲ့နိုင်ငံများမှ ပါဝင်ကြောင်းသိရပါတယ်။
U.S consortium မှာ Boeing, McKinsey အစရှိသည်တို့နဲ့ Kurt Campbell ဦးဆောင်တဲ့ The Asia Group တို့ပါဝင်ကြောင်း သိရပါတယ်။ ဒီလေလံပွဲမှာ U.S consortiumအနေနဲ့ လုပ်ချင်တယ်ဆိုရင် targeted sanction မှာစာရင်းပါတဲ့ မြန်မာစစ်ဗိုလ်ဟောင်းအချို့နဲ့ တစ်ချိန်က ဟီးရိုးအင်းဘုရင်ဖြစ်ခဲ့တဲ့ လော်စစ်ဟန်ဖွဲ့စည်းခဲ့ပြီး လောလောဆယ်မှာ သူ့သားဖြစ်သူ Steven Law ဦးဆောင်နေတဲ့ Asia World ကုမ္ပဏီတို့နဲ့ မဖြစ်မနေပူးပေါင်းလုပ်ရမယ့် အခြေအနေမှာ ရှိနေဟန်တူပါတယ်။ ဒါကြောင့် ဦးသိန်းစိန်အနေနဲ့ ဒီကိစ္စတွေညှိနှိုင်းဖို့ အမေရိကကိုသွားတာ ဖြစ်ကောင်းဖြစ်နိုင်ပါတယ်။

Asia Worldအနေနဲ့ လက်ရှိ Pioneer နဲ့ China Harbour Engineering တို့ကိုပစ်ပယ်ပြီး U.S နဲ့ပူးပေါင်းဖို့စဉ်းစားတာဟာ စိတ်ဝင်စားဖို့ကောင်းပါတယ်။ ကြည့်ရတာ ယခင်မြစ်ဆုံဆည်ကိစ္စမှာ သင်ခန်းစာရသွားဟန်တူပါတယ်။ စစ်ဗိုလ်ဟောင်းတစ်ချို့လို့ အသံထွက်လာတာကို ကြည့်ခြင်းအားဖြင့် ဒီလေလံပွဲမှာ MEC တို့၊ UMEHLတို့နဲ့ တစ်နည်းမဟုတ်တစ်နည်း ဆက်စပ်မှုရှိပုံရမယ်လို့ ယူဆရပါတယ်။

ဦးသိန်းစိန်ရဲ့ အမေရိကခရီးစဉ်နဲ့ပတ်သက်ပြီး သမ္မတရုံးညွှန်ကြားရေးမှူး ဦးဇော်ဌေးက Arab Springနဲ့နှိုင်းပြီး Myanmar Spring ဖြစ်မယ်ဆိုပဲ။ ဒီလိုအသုံးအနှုံးမျိုးကို ဒေါ်အောင်ဆန်းစုကြည်ကလည်း ယခင်က သုံးခဲ့ဖူးပါတယ်။ သို့ပေမယ့် Tunisia အရေးနဲ့ ၁၉၈၈ အရေးအခင်းကို နှိုင်းယှဉ်ပြီးပြောတာပါ။ တူတဲ့အချက်က အောက်ခြေကစပြီး တစ်နိုင်ငံလုံးအတိုင်းအတာ ပျံ့နှံ့သွားတာဖြစ်ပြီး မတူတာကတော့ တူနီးစီးယားစစ်တပ်က လူတွေကိုမပစ်ဘဲ၊ မြန်မာစစ်တပ်က လက်နက်နဲ့ အကြမ်းဖက်ဖြိုခွင်းခဲ့တာပါ။

အခုဦးသိန်းစိန်အစိုးရရဲ့ ပြောင်းလဲမှုတွေကတော့ bottom-up မဟုတ်ဘဲ top-down ပုံစံဖြစ်နေလို့ Arab Spring နဲ့သိပ်မတူဘူးလို့ Prof. Steinberg တစ်ခါက ပြောခဲ့ဖူးပါတယ်။ သို့ပေမယ့် Arab Spring ရဲ့ရိုက်ခတ်မှုရှိပြီး ဒီဖြစ်စဉ်ကိုကြောက်လို့ အကျမနာအောင် ဖြည်းဖြည်းချင်းမျှင်းပေးနေတာလို့ ဆိုပါတယ်။ သူ့စာအရ ဒီမိုကရေစီ စစ်စစ်မရပေမယ့် ပြည်သူတို့မှာ စားဝတ်နေရေး ချောင်လည်မယ်ဆိုရင် လက်ခံနိုင်လိမယ့်မယ်လို့ ဆိုလိုချင်ပုံရပါတယ်။ လက်ရှိအခြေအနေအရ စစ်တပ်အနေနဲ့ စီးပွားရေးနဲ့လူမှုရေးကဏ္ဍအချို့ကို လွတ်လပ်ခွင့်အနည်းငယ်ပေးပြီး ပြည်သူအများစု ချောင်လည်လာအောင်လုပ်ပေးမယ်၊ သို့ပေမယ့် ဒေါ်အောင်ဆန်းစုကြည် သမ္မဖြစ်လာသည်ဖြစ်စေ၊ မဖြစ်သည်ဖြစ်စေ လုပ်ပိုင်ခွင့်အချို့ကိုတော့ ဆက်လက်ချုပ်ကိုင်ထားဦးမယ်လို့ ယူဆမှုတွေရှိနေပါတယ်။ NLD အနေနဲ့လည်း ပါတီတွင်းဦးဆောင်မှုနဲ့ အုပ်ချုပ်မှုကဏ္ဍတွေမှာ အားနည်းချက်တွေရှိနေသေးကြောင်း သိရပါတယ်။

ဘာပဲဖြစ်ဖြစ် ဘယ်သူတွေ ဘယ်အချိုးချိုးကြမလဲဆိုတာ ဒီ ၂ နှစ်တော့ စောင့်ကြည့်ဖို့လိုပါသေးတယ်။ လောလောဆယ်တော့ အမေရိကန်ကုန်သည်တစ်ဦး ခန့်မှန်းထားသလို ဦးသိန်းစိန်အမေရိကသွားလို့ duty-free access ရလာခဲ့ရင် နှစ်ဦးနှစ်ဘက် အကျိုးများနိုင်လိမ့်မယ်လို့ ယူဆရပါကြောင်း ...။

ခင်မင်စွာဖြင့်

မောင်သစ်စိမ်း
MMCP

“ ဖွ ”-- ကျော်သူ

8:20 AM Htut Htut No comments

“ ဖွ ”

အဆောက်အဦးတစ်ခု တည်ဆောက်မည်ဆိုပါက အခြေခံအောက်ခြေအုတ်မြစ် ခိုင်မာမှုရှိရန် အရေးကြီး လှသည်။ ကျန်းမာသန်စွမ်းမှုဖြစ်ရန် သန့်ရှင်းမှုသည် အဓိကကြသည်။ တိုင်းပြည်၏ ဖွံ့ဖြိုးတိုးတက်မှုသည် ထိုတိုင်း ပြည်၏ အစိုးရနှင့် ပြည်သူလူထုတို့၏ ပူးပေါင်းစွမ်းဆောင်မှုသည် အရေးပါလှသည်။ ဒီမိုကရေစီ နိုင်ငံထူထောင်မှု သည် ကျွန်တော်တို့ ပြည်သူလူထုတို့၏ စောင့်ထိန်းရမည့် စည်းကမ်းများသည် အဓိကဖြစ်တော့သည်။

ထို့ကြောင့် ကျွန်တော်တို့ မြန်မာနိုင်ငံတော်ကြီးသည် ကမ္ဘာ့အလယ်တွင် နာမည်ကောင်းဖြင့်ထင်ရှား၊ ကျော် ကြား၊ စံနမှုနာဖြစ်စေမည့် ခေတ်မှီတိုးတက် ဖွံ့ဖြိုးသန့်ရှင်းသော ဒီမိုကရေစီနိုင်ငံတော်သစ်ဆီသို့ အင်တိုက်အားတိုက် အားမာန်ပြည့်ဝစွာဖြင့် စတင်ချီတက်မှုကို ပြုလုပ်နေချိန်တွင် ပြည်သူလူထုတို့၏အားထားရာ၊ ပြည်သူလူထုတို့တင် မြှောက်ထားသော သန့်ရှင်းသော အစိုးရအဖွဲ့အစည်း (Clean Governance) နှင့် ပြောင်းလဲမှု (Change)ကို ပြုလုပ် လိုသော နိုင်ငံတော်သမ္မတကြီးမှလည်း ယင်းကဲ့သို့ တိုင်းပြည်တိုးတက်ရာ တိုးတက်ကြောင်းတို့အား ပုံဖော်မှုပြုရာ တွင် အရပ်ဘက်လူ့အဖွဲ့အစည်းများ (လူမှုရေးအသင်းအဖွဲ့များ၊ အစိုးရမဟုတ်သောအဖွဲ့အစည်းများ) နှင့်အတူ လက်တွဲပုံဖော်ရန် အရေးကြီးကြောင်း တရားဝင်အများပြည်သူလူထုတို့အား ရေဒီယိုမှ၎င်း၊ နိုင်ငံတော်ထုတ် သတင်းစာများမှ၎င်း၊ ဂျာနယ်၊ စာစောင်များတွင်၎င်း မိန့်ခွန်းပြောကြားခဲ့မှုများ ပါဝင်ခဲ့သည်။ ထို့အပြင် ယခုအချိန် ကာလတွင် နိုင်ငံတော်သမ္မတကြီး ဦးသိန်းစိန်သည် ကမ္ဘာ့ဒီမိုကရေစီနိုင်ငံတော်ကြီးဖြစ်သော အမေရိကန်နိုင်ငံသို့ သွားရောက်၍ အမေရိကန်နိုင်ငံသမ္မတ ဘာရက် အိုဘားမားနှင့်လည်း တွေ့ဆုံကာ အရပ်ဘက်လူ့အဖွဲ့အစည်းများ သည် ဒီမိုကရေစီနိုင်ငံထူထောင်ရာတွင် အဓိကကျသည့်အကြောင်း အချက်အလက်များအား ဆွေးနွေးကြမည်ဟု လည်းသိရှိရသည်။ ထို့အပြင် အမျိုးသားဒီမိုကရေစီအဖွဲ့ချုပ်ခေါင်းဆောင်၊ လူထုခေါင်းဆောင် ဒေါ်အောင်ဆန်းစု ကြည်သည်လည်း ယခုနှစ်မဟာသင်္ကြန်မကျရောက်မှီ တစ်ရက်အလိုတွင် ပြည်သူလူထုတို့အတွက် ကျွန်တော်တို့ နာရေးကူညီမှုအသင်း(ရန်ကုန်)မှ ဖွဲ့စည်းတည်ထောင်ထားသော “ပေးဆပ်သူများ” မဟာသင်္ကြန်သံချပ်အဖွဲ့မှ ဒေါ်အောင်ဆန်းစုကြည်နေအိမ်သို့ သွားရောက်ဖျော်ဖြေမှုပြုလုပ်ခဲ့ရာတွင် ဖျော်ဖြေပွဲအပြီးတွင် ဂုဏ်ပြုဆုငွေပေးအပ် ခဲ့စဉ် “တိုင်းပြည်ထူထောင်ရာတွင် သားတို့ရဲ့ လူမှုရေးအသင်းအဖွဲ့တွေရဲ့ အင်အားတွေ အများကြီးလိုအပ်တယ်၊ အခုလိုတက်တက်ကြွကြွ အများပြည်သူလူထုအတွက် လုပ်ဆောင်ပေးမှုများအပေါ် အမေ အရမ်းကျေနပ်ဝမ်းသာ တယ်၊ အခုလိုပေးဆပ်မှုများအပေါ် ကျေးဇူးလည်းအထူးတင်တယ်” ဟူ၍ ပြောကြားခဲ့သည်။

ကျွန်တော်တို့ နာရေးကူညီမှုအသင်း(ရန်ကုန်)အနေဖြင့် ရန်ကုန်တိုင်းအတွင်း (အခမဲ့) နာရေးကူညီပံ့ပိုး ပေးမှုများကို ပြုလုပ်ပေးခဲ့သည်hအပြင် မြန်မာပြည်တွင်းရှိ တိုင်း/ မြို့နယ်/ ရပ်ကွက်များရှိ ကိုယ်ထူကိုယ်ထ နာရေးကူညီမှုအဖွဲ့များအတွက် လိုအပ်သော နိဗ္ဗာန်မော်တော်ယာဉ်၊ နိဗ္ဗာန်ရေယာဉ်၊ နိဗ္ဗာန်ယာဉ် ထော်လာဂျီ၊ နိဗ္ဗာန်လက်ဆွဲလှည်းယာဉ်၊ စတီးဗန်း၊ အလူမီနီယံအခေါင်းအဖုံး၊ မီးသင်္ဂြိုလ်စက် စသည့်နာရေးလုပ်ငန်းနှင့် ပတ်သက်သော နိဗ္ဗာန်အသုံးအဆောင်ပစ္စည်းများအားလည်း လှူဒါန်းမှုတို့ကို ပြုလုပ်ပေးကာ နှစ်လတစ်ကြိမ်ခန့် မြန်မာတစ်ပြည်လုံးရှိ မြို့နယ်/တိုင်းဒေသများတွင် ဖွဲ့စည်းထူထောင်ထားသော လူမှုရေးအသင်းအဖွဲ့များအား လူမှုရေးစွမ်းရည်မြှင့်သင်တန်းများအားလည်း မြောက်ဒဂုံမြို့နယ်ရှိ နာရေးကူညီမှုအသင်း(ရန်ကုန်) ရုံးချုပ်တွင် (Camp) စခန်းသွင်း၍ သင်ကြားပေးလျှက်ရှိသည်။ ကျန်းမာရေးကူညီစောင့်ရှောက်ကုသပေးမှုအဖြစ်လည်း ရန်ကန်မြို့ မြောက်ဒဂုံမြို့နယ်တွင် သုခကုသိုလ်ဖြစ်ဆေးခန်း ဟူ၍ မျက်စိခွဲစိတ်ကုသပေးမှု၊ အရိုးအကြော၊ အရိုး အဆစ်၊ ကိုယ်အင်္ဂါပြန်လည်သန်စွမ်းရေး (Physiothraphy)၊ ကလေး၊ အရေပြား၊ နား၊ နှာခေါင်း၊ လည်ချောင်း၊ ခွဲစိတ်(အသေးစား)၊ OG(ကိုယ်ဝန်ဆောင်မိခင်)၊ သွား၊ အထွေထွေ ရောဂါဝေဒနာရှင်များအား (အခမဲ့) နေ့စဉ်လ ကုန် နောက်ဆုံးရက်မှအပ ကုသပေးလျှက်ရှိပြီး နယ်ဒေသများသို့လည်း နယ်လှည့်ဆေးကုသပေးမှုလုပ်ငန်းအား ပရဟိတဆရာဝန်ကြီးများ၊ ပရဟိတလူငယ်လူရွယ်များနှင့် လက်တွဲကာ သွားရောက်ကုသပေးလျှက်ရှိသည်။ ၄င်း အပြင် ပြည်မြို့၊ ကြို့ပင်ကောက်မြို့၊ ပဲခူးမြို့များတွင်လည်း သုခကုသိုလ်ဖြစ်ဆေးခန်း အခွဲများဖွင့်လှစ်ပေးခဲ့ပြီး ဒေသခံပရဟိတလူငယ်များ ပရဟိတဆရာဝန်များနှင့် ပူးပေါင်း၍ ကုသိုလ်ဖြစ် အများပြည်သူအကျိုးအတွက် တစ်ဖက်တစ်လမ်း ကူညီမှုများကို ပေးဆပ်ကာ အစိုးရဆေးရုံကြီးများတွင် လိုအပ်လျှက်ရှိသော ခွဲစိတ်ခန်းသုံး ကုတင်၊ ဆေးကုသမှု အသုံးအဆောင်ပစ္စည်းများနှင့် ကိုယ်ထူကိုယ်ထ နယ်ဆေးခန်းများအတွက်လည်း လစဉ် ဆေးဝါးထောက်ပံ့မှုများအားလည်း ပြုလုပ်ပေးလျှက်ရှိသည်။ ပညာရေးကိစ္စရပ်များနှင့် ပတ်သက်၍ သုခအလင်း ပညာဒါန ဟူ၍ အမည်တပ်ကာ ဘုန်းတော်ကြီးပညာသင်ကျောင်းများမှအစ အမေ့အိမ်ပညာရေးကျောင်းများ၊ ကိုယ်ထူကိုယ်ထ စာသင်ကျောင်းများ၊ တက္ကသိုလ်ဝင်တန်းပညာရေး၊ ဆေးကျောင်းတက်ရောက်နေသော ဆရာဝန် လောင်းလျာများအတွက် ဆရာဝန်ဖြစ်သည်အထိ ဂုဏ်ပြုချီးမြှင့်ငွေများပေးဆပ်မှု၊ ဘွဲ့ရကျောင်းသား၊ ကျောင်းသူများ အား အလုပ်အကိုင်ရှာဖွေရေးဖြစ်သော LCCI စာရင်းအင်းပညာသင်တန်းများ၊ ဟိုတယ်ဝန်ဆောင်မှု အတတ်ပညာ (Hospitality) သင်တန်း၊ ကွန်ပြူတာသင်တန်း၊ အင်္ဂလိပ်စာ 4Skills သင်တန်း၊ ပန်းချီသင်တန်းများနှင့် ကလေး သူငယ်များအတွက် အနာဂတ်တွင်အလိုအပ်ဆုံးသော ယဉ်ကျေးလိမ္မာသင်တန်းများအား (အခမဲ့) သင်ကြားပို့ချ ပေးကာ အနယ်နယ်အရပ်ရပ်ရှိ ဆရာ/ဆရာမများအတွက်လည်း (TOT) သင်တန်းများအားလည်း (Camp)စခန်း သွင်း၍ သင်ကြားပေးလျက်ရှိသည်။ နယ်ဒေသများရှိ ကိုယ်ထူကိုယ်ထစာကြည့်တိုက်များအတွက်လည်း စာအုပ် စာပေများအား စဉ်ဆက်မပြတ်လှူဒါန်းမှုများကို ပြုလုပ်ပေးလျှက်ရှိကာ နယ်လှည့်ပညာ သင်ကြားမှုများအားလည်း ပရဟိတဆရာ/မများနှင့် လက်တွဲ၍ နယ်ဒေသများသို့ သွားရောက်ပညာဒါနပြုလုပ်ပေးကာ အချို့သော ဒေသများ တွင် ပျက်စီးယိုယွင်းနေသော အစိုးရစာသင်ကျောင်းများအားလည်း ပြန်လည်ဆောက်လုပ်လှူဒါန်းပေးလျှက်ရှိသည်။ ထို့အပြင် သဘာဝဘေးဒါဏ်မျာဖြစ်သော ရေဘေး၊ မီးဘေး၊ လေဘေးသင့်ဒေသများသို့လည်း အချိန်နှင့် တပြေးညီ ပရဟိတလူငယ်များနှင့် ပူးပေါင်း၍ သွားရောက်လှူဒါန်းကူညီ ဖေးမမှုများကိုလည်း စဉ်ဆက်မပြတ်ပြုလုပ်ပေးခဲ့သည့် အပြင် စစ်ဘေးသင့်ဒေသများရှိ စစ်ဘေးဒါဏ်ခံ တိုင်းရင်းသားမိဘပြည်သူအပေါင်းတို့အား၎င်း၊ လူမျိုးရေး ပဋိပက္ခ ကြောင့် အိုးမဲ့အိမ်မဲ့ ဖြစ်သွားကြရရှာသော ပြည်သူပြည်သား အပေါင်းတို့ထံသို့၎င်း၊ လှူဒါန်းကူညီဖေးမအားပေး စကားများကို ပြောကြားကူညီခဲ့ကြသည်။ ၄င်းအပြင် မြန်မာပြည်တွင်း နွေရာသီကာလများတွင် သောက်/သုံးရေ ရှားပါး၊ နည်းပါး၊ လုံးဝမရှိသော အရပ်ဒေသများသို့လည်း ကွင်းဆင်းလေ့လာမှုများပြုလုပ်ခဲ့ကာ ရေတွင်းရေကန်များ၊ အဝီစိတွင်းများ တူးဖော်ပေးခြင်းများ၊ ရေပိုက်လိုင်းများ သွယ်တန်းပေးခြင်းများ၊ ရေသိုလှောင်ရန် အုတ်ကန်များ တည်ဆောက်ပေးမှုများ၊ ရေစုပ်စက်များ တပ်ဆင်ပေးမှုများအားလည်းပြုလုပ်ပေးကာ သောက်/သုံးရေရှားပါးသော လက်လှမ်းမှီရာ အရပ်ဒေသများဖြစ်ကြသော ဒေါပုံ၊ ဒလ၊ ပဲခူး၊ မှော်ဘီ၊ ခရမ်း၊ သင်္ဃန်းကျွန်းမြို့နယ်နှင့် မြောက်ဒဂုံ အရပ်ဒေသများသို့ နာရေးကူညီမှုအသင်း(ရန်ကုန်)မှ ဝယ်ယူထားသော ရေဂါလံ (၃၆ဝဝ) ဆံ့ မော်တော်ယာဉ်ဖြင့် သွားရောက်ကာ ရေကုသိုလ်လုပ်ငန်းအား ပေးဆပ်လျှက်ရှိသည်။

ယခုဆိုလျှင် ကမ္ဘာ့ရာသီဥတုဖောက်ပြန်မှု၊ အိုဇုန်းလွှာပျက်စီးမှုအား ကာကွယ်မှုပြုရန်အတွက် သဘာဝ ပတ်ဝန်းကျုင် စိမ်းလန်းစိုပြေရေးအတွက်လိုက်လံ၍ လမ်းဘေးတွင် စည်ပင်သာယာအဖွဲ့မှ စိုက်ပျိုးထားပေးသော အရိပ်ရသစ်ပင်များအားလည်း ရှင်သန်ကြီးထွားလာရန်အတွက် ရေလောင်းပေးခြင်းလုပ်ငန်းရပ်အား “အစိမ်းရောင် စစ်ဆင်ရေး” ဟူ၍ ပထမခြေလှမ်းအဖြစ် မြောက်ဒဂုံမြို့နယ်ရှိ ဗိုလ်မှူးဗထူးလမ်းတစ်လျှောက် လုပ်ဆောင်ပေးနေပြီ ဖြစ်သည်။ ထပ်မံ၍ နာရေးကူညီမှုအသင်း(ရန်ကုန်) ရုံးချုပ်တည်ဆောက်ရန်အတွက် နိုင်ငံတော်အစိုးရမှ ချမှတ် ပေးလိုက်သော အမှတ် ၁၃/က၊ ဗိုလ်မှူးဗထူးလမ်း၊ မြောက်ဒဂုံမြို့နယ်တွင် အဆောက်အဦးများတည်ဆောက်မှုတွင် ကြုံတွေ့ခဲ့ရသောအမှိုက်များ၊ စွန့်ပစ်ပစ္စည်းများ၊ ကြွပ်ကြွပ်အိတ် ပလပ်စတစ်များ၊ ကော်ဗူးများ၊ သံတိုသံစများနှင့် ပြည့်နှက်ဖုံးလွှမ်းနေသော (၂) ဧကကျော်မြေကွက်အား ပြုပြင်ပြောင်းလဲခဲ့ရသော အတွေ့အကြုံဆိုးများ၏ ဒဏ်ရာ ဒဏ်ချက်များကြောင့်၎င်း၊ ခေတ်မှီဖွံ့ဖြိုးတိုးတက်သော ဒီမိုကရေစီနိုင်ငံတော်ကြီး တည်ဆောက်ရာတွင် အဓိက အခြေခံအုတ်မြစ်ဖြစ်သော လူ့စည်းကမ်း၊ ပြည်သူလူထုတို့ စောင့်ထိန်းရမည့်ကျင့်ဝတ်များထဲတွင် ပါဝင်သော စည်းမဲ့ ကမ်းမဲ့ အမိူက်ပစ်မှုများအား ပညာပေးလှုံ့ဆော်မှုအဖြစ်၎င်း၊ မြေသြဇာဖြစ်စေမည့်အမှိုက်နှင့် ပြန်လည်၍ အသုံးပြု နိုင်သည့်အမှိုက် (စက္ကူ၊ သစ်ရွက်၊ အဝတ်စုတ်နှင့် ရေသန့်ဗူးခွံ၊ သံဗူး၊ ပုလင်း၊ မီးချောင်း … ) စသည့် စွန့်ပစ် အမှိုက် များအား စနစ်တကျခွဲခြား၍ စွန့်ပစ်ကြရန် သင်္ခန်းစာပေးလိုသည့်ဆန္ဒအရလည်းကောင်း၊ အမှိုက်ကအစ ပြဿဒ် မီးလောင်မှုမဖြစ်စေရန် ကာကွယ်ထိန်းသိမ်းမှုကို ပြုလုပ်ကြရန်အတွက်၎င်း၊ လူဦးရေ (၅.၆) သန်းကျော်ရှိသော ရန်ကုန်မြို့နှင့် ရန်ကုန်မြို့စည်ပင်သာယာသန့်ရှင်းရေး လုပ်သားဦးရေ (၅ဝဝဝ) ကျော်ဟူသော အချိုးအစားအရ၄င်း၊ ကျွန်တော်တို့ နာရေးကူညီမှုအသင်း(ရန်ကုန်) လူမှုရေးအသင်းအဖွဲ့အနေဖြင့် လူသားချင်းစာနာထောက်ထားမှု၊ မြတ်စွာဘုရား၏ ဗြဟ္မစိုရ်တရားလေးပါးအား လက်ကိုင်ပြုပြီး နိုင်ငံထူထောင်မှုအချိန်ကာလတွင် တစ်ဖက်တစ်လမ်း ပံ့ပိုးကူညီပေးမှုအဖြစ် ၁၁.၅.၂ဝ၁၃ စနေနေ့တွင် ပန်းဆိုးတန်းဆိပ်ကမ်းဧရိယာအတွင်းရှိ ခရီးသည်နားနေဆောင်နှင့် ဆိပ်ခံဗောတံတားနှင့် အနီးပတ်ဝန်းကျင်များ၊ မြောက်ဥက္ကလာပမြို့နယ် လူစည်ကားသည့် မြောက်ဥက္ကလာပအဝိုင်း ကားမှတ်တိုင်အနီး ပတ်ဝန်းကျင်များတွင် စည်းမဲ့ကမ်းမဲ့ စွန့်ပစ်ထားသောအမှိုက်များတို့အား ကောက်ယူသိမ်းဆည်း ခြင်းများကိုလိုက်လံ၍ လူမှုရေးသမားများနှင့် အတူတကွလက်တွဲ လုပ်ဆောင်ပေးခဲ့ကြသည်။ မြို့နယ်ဒေသခံ မိဘပြည်သူများမှာလည်း ဝမ်းသာကြည်နူးစွာဖြင့်အတူလက်တွဲ ကူညီပေးခဲ့ကြသည်။ ကျွန်တော်တို့ ကောက်ယူခဲ့ သောအမှိုက်များအားလည်း မြောက်ဒဂုံမြို့နယ်ရှိ ထားဝယ်ချောင်သုဿန်အနီးရှိ အမှိုက်ပုံသို့ စနစ်တကျစည်းကမ်း ရှိစွာသွားရောက် စွန့်ပစ်ခဲ့ကြသည်။ ယခုထပ်မံ၍ ၁၈.၅.၂ဝ၁၃ စနေနေ့ ညနေ (၃းဝဝ) နာရီအချိန်တွင်လည်း ရန်ကုန်မြို့ ကျောက်တံတားမြို့နယ်ရှိ လူသွားလူလာ ရုံးတက်/ရုံးဆင်း ထူထပ်များပြားလှသော မဟာဗန္ဓုလပန်းခြံ တစ်လျှောက် လူမှုရေးသမားများ၊ ဂီတပညာရှင်များ၊ စာပေနှင့် စာနယ်ဇင်းပညာရှင်များနှင့် လက်တွဲကာ အင်တိုက် အားတိုက်သန့်ရှင်းမှုအား ပြုလုပ်ကြမည်ဖြစ်တော့သည်။ ယခုတစ်ကြိမ်တွင် ဂီတပညာရှင်များ၊ စာပေပညာရှင်များ ပါဝင်လာရခြင်းမှာ ပြည်သူပြည်သားများအား အသိပညာပေးမှုတွင်ထိရောက်သည့် လက်နက်ဖြစ်သော အနုပညာ စွမ်းအားများကို တာဝန်သိသိ၊ တာဝန်ရှိရှိနှင့် တာဝန်ယူကြကာ အများပြည်သူအတွက် ပေးဆပ်ကြမှုတစ်ခုပင် ဖြစ်သည်။ ကျွန်တော်တို့၏ အနာဂတ်ကာလအတွက် စိတ်ကူးအိမ်မက်များသည် မြို့နယ်တစ်ခုချင်း၊ ရပ်ကွက်တစ်ခု ချင်း၊ မြို့တစ်မြို့နှင့်တစ်မြို့ချင်း၊ ပြည်နယ်နှင့်တိုင်းတစ်ခုချင်း၊ သန့်ရှင်းစိုပြေလှပမှုများကို အပြိုင်အဆိုင်အနိုင် လုပ် ဆောင်ကြမည်ဆိုပါက နိုင်ငံတော်တာဝန်ရှိသူတစ်ဦး ပြောကြားခဲ့သလို “(၄) လအတွင်း စင်္ကာပူနိုင်ငံကဲ့သို့ ဖြစ်စေ ရမယ်” ဟူသောစကားမှာ မှန်ကောင်းမှန်ပေလိမ့်မည်။

သို့သော် ယနေ့ ၁၈.၅.၂ဝ၁၃ စနေနေ့ နံနက် (၉းဝဝ) နာရီခန့်အချိန်တွင် ကျွန်တော့်ထံသို့ တယ်လီဖုန်း ဝင်လာသည်။ “ဦးကျော်သူတို့ အမှိုက်ကောက်မည့်အစီအစဉ်အား ရပ်ဆိုင်းပေးပါရန်” ဟူ၍ ရန်ကုန်မြို့ စည်ပင် သာယာရေးနှင့် ပတ်ဝန်းကျင်ထိန်းသိမ်းရေးဌာန အရာရှိကြီးတစ်ဦးမှ ဆက်သွယ်ပြောကြားလာခဲ့သည်။ ထို့ကြောင့် ကျွန်တော်တို့ ပတ်ဝန်းကျင်သန့်ရှင်းရေးအတွက် လုပ်ဆောင်ပေးဆပ်ကြရန် စုရပ်ဖြစ်သော ဗိုလ်အောင်ကျော်လမ်း ထိပ်ရှိ “ရွှေလင်ဗန်း” လ္ဘက်ရည်ဆိုင်သို့သွားရောက်ကာ အစီအစဉ်ဖျက်သိမ်းကြောင်း ဂီတ၊ စာပေလူမှုရေးသမား များ၊ ရပ်မိရပ်ဖပြည်သူလူထုများနှင့် လူမှုရေးလုပ်ငန်းအားစိတ်ဝင်စား၍ လာရောက်ကြသော မူလတန်းအရွယ် ကလေးငယ်များကို ဦးဆောင်၍ခေါ်ယူလာသော BG အဖွဲ့သားများအား ဝမ်းနည်းစွာဖြင့် အကြောင်းကြားခဲ့ရတော့ သည်။ အပြန်လမ်းတစ်လျှောက် ကျွန်တော်တွေးတောမိတော့သည်။ ကျွန်တော်တို့ လူမှုရေးသမားများသည် နိုင်ငံတော်အား နှောက်ယှက်ဖျက်ဆီးကြမည့်သူများမဟုတ်၊ နိုင်ငံတော်အား ဆူပူမှုဖြစ်အောင်လုပ်မည့်သူများ မဟုတ်၊ တည်ငြိမ်အေးချမ်းသော ရေပြင်အား ဂယက်ထဆူပွက်စေမည့် သူများမဟုတ်၊ ငြိမ်းချမ်းမှုကိုသာ လိုလား ကြသည့်၊ စည်းကမ်းရှိမှုကိုသာလိုလားကြသည့် ခေတ်မှီဖွံ့ဖြိုးတိုးတက်သော ရုပ်/စိတ်တို့ကိုသာ လိုလားကြသည်။ စိမ်းလန်းသာယာမှုကို လိုလားကြသည်။ ကျန်းမာသန်စွမ်းပြီး ပညာရေးတိုးတက်မှုတို့ကိုသာ လိုလားကြသည်။ အဘယ့်ကြောင့် ယခုကဲ့သို့ ပတ်ဝန်းကျင်သန့်ရှင်းမှုလုပ်ငန်းအား ဝိုင်းဝန်းပံ့ပိုးပေးမှုကို တားမြစ်ရသနည်း … ? ပိတ်ဆို့ရသနည်း … ? ဟန့်တားရသနည်း … ? ဤကဲ့သို့သော အသေးငယ်ဆုံး ပါမွှားလုပ်ငန်းလေးတစ်ခုကိုပင် တား မြစ်ခံရခြင်းအတွက် ကျွန်တော့်အတွက် အဖြေရှာမရ။ ထို့ကြောင့် အများပြည်သူအပေါင်းတို့အား တရားဝင်ကြေငြာ ထားသော အမှိုက်ကောက်မည့်အစီအစဉ်အား ဖျက်သိမ်းရခြင်းအကြောင်းကို အများပြည်သူတို့ထံသို့ တရားဝင် ပြန်လည်ပြောကြားရမည့် တာဝန်တစ်ရပ်ဖြစ်ပေါ်လာရသည်။ တစ်နည်းအားဖြင့် အများပြည်သူလူထုအား သတင်း ပါးခြင်း၊ သတင်းပွားခြင်း၊ သတင်းဖွခြင်းပင် ဖြစ်တော့သည်။

(အမှိုက်မကောက်ရ၍ အမှိုက်ဖွရန်မဟုတ် ! ။ အမှိုက်မကောက်ရ၍ သတင်းပါးခြင်း၊ သတင်းပွားခြင်း၊ သတင်းဖွခြင်း သက်သက်မျှသာဖြစ်သည် . . . )

ကျော်သူ

Aung San Suu Kyi on Burma's education system (မြန်မာစာတမ်းထိုးရုပ်/သံ)

11:45 PM Htut Htut No comments

တက္ကသိုလ်ပရိဝုဏ်ထဲမှာ ကျောင်းသားတွေစုနေရင်အန္တရာယ်ရှိတယ်လို့ စစ်အစိုးရက သက်မှတ်ခဲ့တယ် ။

အစိုးရဟာ ကျောင်းသားတွေကို ဆန္ဒပြလာမယ့်သူတွေအစိုးရပြုတ်ကျသွားအောင် တောင်းဆိုမယ့်
ပြဿနာလူငယ်တွေလို့ မြင်ခဲ့ကြတယ် ။

တကယ်လည်း... လူငယ်တွေဟာသူတို့ရဲ့အမြင်တွေကို ထုတ်ပြောချင်တယ်..အစိုးရတွေဟာ လုပ်သင့်တာတွေကိုမလုပ်ဘူးလို့ထင်ရင် အဲဒီအစိုးရတွေကို ဆန့်ကျင်လိုတယ် ။

ကျောင်းသားတွေကို ငြိမ်သက်သွားအောင်Campus Life တွေကိုဖျက်ဆီးလိုက်တာဟာ
တိုင်းပြည်ရဲ့ အနာဂတ်ကို ဖျက်ဆီးလိုက်တာပဲဖြစ်တယ် ။

မြန်မာနိုင်ငံမှာ ကျောင်းအိပ်၊ကျောင်းစားတက္ကသိုလ် မရှိပါဘူး ။နောက်ထပ်ပြောရမယ်ဆိုရင် တက္ကသိုလ်အနီးအနားမှာ
အဆောင်တွေကို ဆောက်ခွင့်မပြုပါဘူး ။ဒါတွေဟာ ရည်ရွယ်ချက်ရှိရှိနဲ့လုပ်ဆောင်ခဲ့တာပါ ။

ကျောင်းသားတွေ အချင်းချင်းစုစည်းမိပြီး..အပြောင်းအလဲလုပ်ဖို့ အင်အားတွေဖြစ်မလာရအောင်အစိုးရနေနဲ့ သူတို့ကို ခွဲပြစ်လိုက်တာပဲဖြစ်တယ် ။

လူငယ်တွေဟာ အပြောင်းအလဲအတွက် အင်အားဖြစ်ဖို့လိုတယ် ။

Extract from Keynote Address by Aung San Suu Kyi on the UK's role in higher education reform in Burma.

မျှဝေသော Open Mindsett အားဒေါင်းမာန်ဟုန်မှကျေးဇူးတင်ရှိပါတယ်..

အစိုးရနှင့်လွှတ်တော်

11:18 PM Htut Htut No comments

နိုင်ငံရေးစနစ်ဆိုတာလူထုကို အခြေခံပါတယ်။ ဒီမိုကရေစီဆိုတာလူထုကပဲ အကောင်အထည်ဖေါ်ကြရတဲ့စနစ်ဖြစ်သလိုရေရှည်တည်တံ့အောင် လည်း လူထုကပဲ ထိန်းသိမ်းကြရတာဖြစ်ပါတယ်။ အစိုးရနဲ့လွှတ်တော်ဆိုတာက လူထု အလိုဆန္ဒတွေကို လူထုအလိုကျအကောင်အထည်ဖေါ်ပေးကြရတာသာဖြစ်ပါတယ်။

ဒီဆောင်းပါးကိုသာမန်အရပ်သူအရပ်သား နိုင်ငံရေးကိုအကျွမ်းတဝင်မရှိလှတဲ့အခြေခံလူတန်းစားအတွက်သာရည်ရွယ်ရေးသားတာ ဖြစ်ပါတယ်။ နိုင်ငံရေးကို နားလည်တတ်ကျွမ်းသူများနဲ့ပညာရှင် ပညာတတ်များ အတွက်အသုံးဝင်ချင်မှ ဝင်ပါလိမ့်မယ်။သာမန်လူထု
နိုင်ငံရေးနဲ့ရင်းနှီးကျွမ်းဝင်ရှိဖို့အရေးတကြီးလိုအပ်နေတဲ့အချိန်လို့ယူဆတာကြောင့် ရေးရခြင်းဖြစ်ပါတယ်။

နိုင်ငံရေးခေတ်(ဒီမိုကရေစီခေတ်)နဲ့ ဝေးကွာနေခဲ့ရတဲ့ကျွန်တော်တို့လူထုဟာ အစိုးရနဲ့လွှတ်တော် အကြောင်းရှင်းရှင်းလင်းလင်း နားလည်သဘောပေါက်ထားဖို့လိုအပ်နေပြီလို့ယူဆမိပါတယ်။အခြေခံဥပဒေခုံရုံးကိစ္စဖြစ်ပြီးတဲ့နောက်ပိုင်းမှာအစိုးရနဲ့ လွှတ်တော်( ဦးသိန်းစိန်နဲ့ ဦးရွှေမန်း)ကြားထဲမှာ ပဋိပက္ခတွေပြသနာတွေ ပေါ်ပေါက်နေသယောင် ကောလဟာလတွေကပေါ်ပေါက်လာခဲ့ပြီး အချို့သော မီဒီယာသမားတွေက အဲဒီလိုပုံဖေါ်ဖို့ကြိုးစားကြတာလည်းအားလုံးအသိပါ။

အစိုးရနဲ့ လွှတ်တော်ကြားမှာ သဘောကွဲလွဲမှု ၊သဘောတူညီမှုဆိုတာရှိတတ်စမြဲဖြစ်ပြီး အကြောင်းအရာတစ်ခုအပေါ်မှာ သဘောတူညီမှုမရလို့ငြင်းကြခုံကြညှိနှိုင်းကြရတယ်ဆိုရင်ဒါကိုဒီမိုကရေစီစတင်အသက်ဝင်လာမှုဆိုတာ နားလည် သဘောပေါက်ကြဖို့လိုအပ်ပါတယ်။

သဘောမတူမှုများကိုလက်ခံခြင်း(agree to disagree)ရှိမှသာဒီမိုကရေစီထွန်းကားပါတယ်။ငါနဲ့မတူငါ့ရန်သူ၊ ရန်သူနဲ့အယူအဆ တူရင်လည်း ရန်သူဆို တဲ့ အတွေးအခေါ်တွေမစွန့်လွှတ်နိုင်သရွေ့တော့ ဒီမိုကရေစီဆိုတာ စဉ်းစားမနေပါနဲ့။ လုံးဝမဖြစ်နိုင်ပါဘူး။
ကိုယ်နဲ့မတူတဲ့ ဆန့်ကျင်ဖက် အယူအဆတွေကို အလေးအနက် လက်ခံစဉ်းစားတတ်ကြပြီဆိုမှ ဒီမိုကရေစီကိုမျှော်လင့်ကြပါလို့ ဆိုပါရစေ။

အစိုးရနဲ့လွှတ်တော်(ပါလီမန်)ဆိုတာက ပါဝါကိုယ်စီရှိတဲ့ institutionတွေဖြစ်ပြီး ဒီမိုကရေစီစနစ်မှာ မတူညီနဲ့ နယ်ပယ်နှစ်ခုကို တာဝန်ခံကြရပါတယ်။တာဝန်ယူကြရပါတယ်။အလွယ်ဆုံးပြောရရင် အစိုးရဆိုတာ အုပ်ချုပ်ရေးတာဝန်ယူရပြီး လွတ်တော်ကတော့
ဥပဒေပြုရေးတာဝန်ကိုယူရပါတယ်။ သာမန်လူထုက ဒီအချက်ကိုသိသလိုလိုနဲ့ဇဝေဇဝါ ဖြစ်နေတတ်ပါတယ်။ များသောအားဖြင့် လွတ်တော်ဆိုတာလည်းအစိုးရပဲလို့ထင်မြင်ယူဆနေတာတွေ့ရပါတယ်။ မြန်မာနိုင်ငံရဲ့လက်ရှိဖွဲ့စည်းပုံအခြေခံဥပဒေအရ
အစိုးရဆိုတာ လွှတ်တော်ကနေပေါက်ဖွားလာပြီး သမ္မတဆိုတာနိုင်ငံတော်ရဲ့အထွတ်အထိပ်ဖြစ်ပါတယ်။ ဒါပေမယ့် သမ္မတက အရေးကြီးတဲ့အလုပ်တွေကိုလွှတ်တော်ရဲ့သဘောတူညီချက်နဲ့ လုပ်ရကိုင်ရပါတယ်။

အစိုးရက တိုင်းရေးပြည်ရာတွေကိုစီမံခန့်ခွဲရပါတယ်။ ကောက်ခံရရှိတဲ့အခွန်ငွေတွေကို စီမံခန့်ခွဲရပါတယ်။ ဝန်ကြီးဌာနတွေသတ်မှတ်ပြီး စီးပွားရေး၊ ပညာရေး၊ကျန်းမာရေး၊သယ်ယူပို့ဆောင်ရေး စတာတွေ တိုးတက်ကောင်းမွန်အောင် ဆောင်ရွက်ရတာဟာ
အစိုးရရဲ့ တာဝန်ဖြစ်ပါတယ်။လွှတ်တော်ဆိုတာကတော့ အဲဒီတိုင်းရေးပြည်ရာစီမံခန့်ခွဲမှုတွေမှာပါဝင်ဖို့ တာဝန်မရှိပါဘူး။ဒါပေမယ့် အစိုးရက အုပ်ချုပ်ရေး ကိစ္စတွေကိုအဆင်ပြေချောမွေ့အောင် လုပ်ကိုင်နိုင်ဖို့ တိုင်းပြည်နဲ့ လူထုအမှန်တစ်ကယ်အကျိုးဖြစ်ထွန်းဖို့ အတွက်
လိုအပ်တဲ့ ဥပဒေတွေကို ရေးဆွဲခြင်း၊ပြင်ဆင်ခြင်း စတာတွေ လုပ်ရပါတယ်။လွှတ်တော်ရဲ့ အရေးကြီးတဲ့ တာဝန်နောက်တစ်ခုကတော့ အစိုးရရဲ့လုပ်ငန်းဆောင်တာတွေကို စောင့်ကြည့်ရပါတယ်။ဘဏ္ဍာငွေခွဲဝေသုံးစွဲတဲ့နေရာမှာ ထိရောက်မှုရှိမရှိ၊ လေလွင့်မှုရှိ မရှိ စောင့်ကြည့် ရပါတယ်။

လွှတ်တော်က ဥပဒေနဲ့ပတ်သက်လို့ ဖြစ်စေ ၊အစိုးရရဲ့လုပ်ငန်းဆောင်တာတွေကိုအဆင်ချောမွေ့အောင် ထောက်ပံ့ကူညီဖို့ ကိစ္စတွေ အတွက်ဖြစ်စေ ထိထိရောက်ရောက်မြန်မြန်ဆန်ဆန် လုပ်ကိုင်လို့ရအောင်ကော်မတီတွေ ဖွဲ့စည်း ဆောင်ရွက်ရပါတယ်။ အစိုးရအဖွဲဝင် ဝန်ကြီးတွေဟာအခါအားလျော်စွာ လွှတ်တော်အစည်းအဝေးများသို့ လာရောက်ပြီးလွှတ်တော်ရေးရာကော်မတီများ ၊လွှတ်တော်ကိုယ်စားလှယ်များကအုပ်ချုပ်ရေး၊စီမံခန့်ခွဲရေးနဲ့သက်ဆိုင်လို့ (လူထုကိုယ်စား) မေးသမျှကို
ဖြေကြားကြရပါတယ်။ ဒီလိုလွှတ်တော်နဲ့ အစိုးရကြား အာဏာချိန်ခွင်လျှာညီမျှအောင်ဆောင်ရွက်ရခြင်းကို check and balance လို့ခေါ်ပါတယ်။

အစိုးရနဲ့ လွှတ်တော်ဆိုတာ တိုင်းရေးပြည်ရာတွေကို နီးနီးကပ်ကပ်အတူတကွဆောင်ရွက်ကြရတာဖြစ်လေတော့ သာမန်လူထုအနေနဲ့ သူတို့ရဲ့တာဝန်ဝတ္တရားတွေကို ရောရောထွေးထွေး ရှုမြင်မိကြတာမဆန်းပါဘူး။အုပ်ချုပ်ရေးအရ အမြင့်ဆုံးအာဏာက အစိုးရမှာရှိပြီး အစိုးရကို theExecutive လိ်ု့ခေါ်ပါတယ်။ ဥပဒေပြုရေးနဲ့ပတ်ကက်ရင်အမြင့်ဆုံးအာဏာရှိတဲ့လွှတ်တော်ကိုတော့the Legislature လို့ခေါ်ပါတယ်။

အုပ်ချုပ်ရေးတာဝန်တွေကို ထမ်းဆောင်ရတဲ့အစိုးရကလွှတ်တော်ရဲ့သဘောတူညီချက်ကိုယူရတာဖြစ်လေတော့
လွှတ်တော်ကိုယ်စားလှယ်အများစုရဲ့ယုံကြည်မှု confidence of a majority ကိုရရှိထားဖို့လိုအပ်ပါတယ်။
အမေရိကန်လို ဒီမိုကရေစီ ရင့်သန်ပြီးသားနိုင်ငံမှာတောင်မှ တစ်ခါတစ်ရံလွှတ်တော်နဲ့သမ္မတအကြား အကြီးအကျယ်သဘောထား ကွဲလွဲမှုရှိတတ်တာတွေ့ရပါတယ်။အဲဒီလိုအခြေအနေမျိုးမှာ သမ္မတဖြစ်သူကလွှတ်တော်အမတ်များကို တစ်ယောက်ချင်းလိုက်လံတွေ့ဆုံပြီး
သဘောတူညီမှုရအောင်အပြင်းအထန်ညှိနှိုင်းဆွေးနွေးရတာမျိုးတွေရှိပါတယ်။သဘောထားမတူညီတာဟာ ပြသနာမဟုတ်ပါဘူး။ တိုင်းပြည်အကျိုးကိုအမှန်တစ်ကယ် ဦးထိပ်ပန်ဆင်ထားကြရိုးမှန်ရင်နောက်ဆုံးမှာအစိုးရနဲ့လွှတ်တော်ဆိုတာ ညှိနှိုင်းလို့ရကြတာချည်းပါပဲ။

ကျွန်တော်တို့ နိုင်ငံကဒီမိုကရေစီကိုတည်ဆောက်ဆဲကာလပဲရှိပါသေးတယ်။ အစိုးရဆိုတာလည်းအုပ်ချုပ်ရင်းလေ့ကျင့် လေ့ကျင့်ရင်း
အုပ်ချုပ်ဆိုတဲ့အတွေ့အကြုံယူဆဲကာလလို့ပြောရင်မှားမယ်မထင်ပါဘူး။လွှတ်တော်တွေဆိုတာလည်းထိုနည်းလည်းကောင်းပါပဲ။ အခုအခါမှာပြည်သူ့လွှတ်တော်ဥက္ကဌဖြစ်သူကလည်း တတ်စွမ်းသလောက် ကြိုးပမ်းနေတာသိသာပါတယ်။

သမ္မတကတော့ အထူးပြောနေစရာမလိုပါဘူး။လူထုထောက်ခံမှုကိုကောင်းကောင်းရပြီးသားပါ။လူထုဆိုတာလည်း
အစိုးရ၊လွှတ်တော် တို့နည်းတူဒီမိုကရေစီနိုင်ငံသားများအဖြစ် နဲ့ စံနှုန်းပြည့်ကိုက်ညီဖို့ လေ့ကျင့်ပြင်ဆင်ကြဖို့လိုတယ်ဆိုတာ မမေ့သင့်ပါဘူး။ အစိုးရတို့လွှတ်တော်တို့မှာသူ့တာဝန်နဲ့သူရှိကြသလို လူထုမှာလည်း လူထုတာဝန်ရှိတယ်ဆိုတာ
လူထုမှာ ခေတ်စနစ်ဆိုးရဲ့ဒဏ်ရာဒဏ်ချက်တွေနဲ့အတူ လွတ်လပ်တဲ့လူ့အဖွဲ့အစည်းနဲ့လိုက်လျောညီထွေ ကျင့်ကြံနေထိုင်တတ်တဲ့ တန်ဖိုးတွေပါလျော့ပါးပျက်စီးခဲ့ရပါတယ်။ အစိုးရနဲ့လွှတ်တော်တွေက ဘယ်လောက်ပဲဟန်ချက်ညီညီနဲ့ ကြိုးစားပါစေ၊ လူထုက အင်တိုက်အားတိုက်ပါဝင်မှုမရှိခဲ့ရင်၊ဒိမိုကရေစီလူ့ဘောင်နဲ့ကိုက်ညီတဲ့ အမူအကျင့်တွေကို လေ့ကျင့်မွေးမြူကြဖို့ ပျက်ကွက်နေရင် ဒါမှမဟုတ်နှေးကွေးနေရင် ဒီမိုကရေစီပန်းတိုင်ကိုလည်းတော်တော်နဲ့ ရောက်နိုင်မယ်မဟုတ်ပါဘူး။

လွတ်လပ်ရေးဖခင်ကြီးပြောခဲ့သလိုပါပဲ။ကျွန်တော်တို့က သူများနောက်ကိုအများကြီးရောက်နေတဲ့ ခုလိုအခြေအနေမျိုးမှာ
ကုန်းလုပ်နိုင်မှကြုံးလုပ်နိုင်မှ ၊သူများခြေတစ်လှမ်းလှမ်းရင် ကိုယ်ကလေးငါးဆယ်လှမ်းလှမ်းနိုင်မှ တော်ရုံကျပါလိမ့်မယ်။
လူထုမပါတဲ့ နိုင်ငံရေးစနစ်ဆိုတာ ဘယ်တော့မှမအောင်မြင်ပါဘူး။

အနောက်နိုင်ငံတွေမှာဒီမိုကရေစနစ်အောင်မြင်တယ်ဖြစ်ထွန်းတယ်ဆိုတာလူထုကိုယ်တိုင်က နိုင်ငံရေးကိုသိအောင်နားလည်အောင်
ကြိုးစားကြလို့၊အစိုးရတွေ၊လွှတ်တော်တွေက လူထုသဘောထားတွေ လိုလားမှုတွေကို မျက်ကွယ်ပြုလို့မရလောက်အောင် လူထုရဲ့
နိုင်ငံရေးအသိတွေနဲ့ နိုင်ငံရေးမှာ လူထုပါဝင်ထမ်းဆောင်ရမယ့်တာဝန်တွေကိုပြည့်ပြည့်ဝဝ ပါဝင်ထမ်းဆောင်ကြတဲ့ လူထုတွေ ရှိကြလို့သာအောင်မြင်ရခြင်းဖြစ်ပါတယ်။

အချုပ်အားဖြင့်ပြောရရင် နိုင်ငံရေးစနစ်ဆိုတာလူထုကိုအခြေခံပါတယ်။ဒီမိုကရေစီဆိုတာလူထုကပဲအကောင်အထည်ဖေါ်ကြရတဲ့စနစ်ဖြစ်သလိုရေရှည်တည်တံ့အောင်လည်း လူထုကပဲ ထိန်းသိမ်းကြရတာဖြစ်ပါတယ်။ အစိုးရနဲ့လွှတ်တော်ဆိုတာက လူထု အလိုဆန္ဒ
တွေကို လူထုအလိုကျအကောင်အထည်ဖေါ်ပေးကြရတာသာဖြစ်ပါတယ်။ လက်ရှိအစိုးရမှာဖြစ်စေ လွှတ်တော်မှာဖြစ်စေ အားနည်းချက်တစ်စုံတစ်ရာရှိခဲ့ရင်လည်းလူထုကနားလည်ပေးဖို့စိတ်ရှည်လက်ရှည်နဲ့တတ်စွမ်းသမျှပူးပေါင်းကူညီဆောင်ရွက်ကြဖို့
လိုအပ်ပါတယ်။

အစိုးရနဲ့လွှတ်တော်အကြားသဘောမတူညီမှုများရှိခဲ့ရင်လည်းဒီမိုကရေစီရဲ့သရုပ်သကန်ဆိုတာသိကြရပါမယ်။အချို့သောမီဒီယာသမားများပုံဖေါ်တတ်သလို ဒီမိုကရေစီဆုတ်ယုတ်မယ့်ပြသနာမဟုတ်ဘူး တိုးတက်တဲ့လက္ခဏာပဲဆိုတာ ကိုယ့် ဆင်ခြင်ဥာဏ်နဲ့သိနိုင်အောင် လူထုကကြိုးစားကြပါလို့တိုက်တွန်းပါရစေ။ လူထုရဲ့နိုင်ငံရေးအသိတရားရင့်ကျက်သလောက် လူထုရဲ့ပူးပေါင်းပါဝင်မှု အားကောင်းသလောက်သာ အစိုးရနဲ့လွှတ်တော်များလည်းရင့်ကျက်လာနိုင်မယ် အားကောင်းလာနိုင်မယ်၊ ဒီမိုကရေစီလည်း
ရင့်ကျက်အားကောင်းလာနိုင်မယ်ဖြစ်ပါတယ်။ ။

ပိုက်တင်

ပြည်သူ့ခေတ်ဂျာနယ်မှတဆင့် ကူးယူဖော်ပြလိုက်ပါတယ်..

Subscribe to: Posts ( Atom )

Tuesday, May 21, 2013

ဥပဒေကဲ့သို့အာဏာတည်သောအမိန့်နှင့်ပတ်သတ်၍ဒေါ်အောင်ဆန်းစုကြည်မှ လွှတ်တော်တွင် ဆွေးနွေးပြောကြား(အသံဖိုင်)

Monday, May 20, 2013

အိမ်ဖြူတော်ရှေ့ ဆန္ဒပြပွဲ (မေ ၂၀ ၂၀၁၃) -ဓာတ်ပုံ

မြန်မာနိုင်ငံအပေါ်အမေရိကန် မူဝါဒကို တိုင်းတာခြင်း

၈၈၈၈မျိုးဆက်သစ်ကျောင်းသားခေါင်းဆောင်ဦးမင်းကိုနိုင် ဦးကိုကိုကြီးတို့ အမေရိကသို့ ချောမောစွာရောက်ရှိ

VOA ရောက် ရုပ်သေးသမ္မတ ဦးသိန်းစိန်နှင့် တွေ့ဆုံပွဲ (ရုပ်သံ)

Sunday, May 19, 2013

ဗိုလ်ချုပ်အောင်ဆန်း Graffiti ပုံကိုဆွဲတဲ့အသက်၂၀သာရှိသေးသည့် အာကာကျော်.

အိမ်နီးချင်း

ဘင်္ဂါလီဒုက္ခသည်ဦးရေ ပမာဏတိုးလာမှု အမျိုးသားလုံခြုံရေးကို ထိခိုက်လာနိုင်

အမေရိကန်နိုင်ငံရောက်မြန်မာများအမိမြေပြန်လည်ရန်နိုင်ငံတော်သမ္မတဦးသိန်းစိန် ဖိတ်ခေါ်

ဝါရှင်တန်ဒီစီရောက် ဗိုလ်သိန်းစိန်ကို အမေရိကားရောက် မြန်မာတွေဆန္ဒပြ

Saturday, May 18, 2013

ဦးသိန်းစိန်အမေရိကခရီးစဉ်မှာဆွေးနွေးဖွယ်ရာရှိတဲ့ ထင်မြင်ယူဆချက်

“ ဖွ ”-- ကျော်သူ

Friday, May 17, 2013

Aung San Suu Kyi on Burma's education system (မြန်မာစာတမ်းထိုးရုပ်/သံ)

အစိုးရနှင့်လွှတ်တော်

Blog Archive

Labels

Followers

Popular Posts

Contact me

Recent Comments

Recent Post